Fatguy31 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-05-25
相信每個人都有屬於自己記憶中的味道,存在於兒時,縈繞於心。 豆腐店就是其中一種這樣的味道。六十年歷史的德興隆更是溫存於很多人回憶中的味道。 繁忙的馬寶路,德興隆便隱於這個大眾生活的角落。 無錯,因為這裡是屬於懷念的地方,是一種在社會進展當中逐漸被排擠的一片樂園。這裡的出品未必是最好,但卻是很多人心中最好的“味道”。 正如很多回憶,只可懷念,不如不見。
評分: 味道 2 環境 2 服務 3 衛生 2 抵食 4
2014-05-20
天氣不似預期,最好的去處就係一個悠閒,安靜的角落。 於是選擇來到茶木。嚟得較早(中午12點),毋需等位直接入座。呢度同咖啡弄一樣,都係台式清新style。店內提供各式飲品,小食,小菜and甜品。選擇頗豐盛。因為諗住當食lunch,order咗三杯雞,綜合水果茶。三杯雞全翼上,最貼心係有個爐跟埋可以一路keep住熱度,不過味道就不過不失。水果茶賣相不錯,飲落就覺得一般,咖啡弄的好飲好多。好後悔自己叫咗個飯跟三杯雞,因為食完已經飽肚食唔落蜜糖磚塊了。但嚟茶木,豈能不試蜜糖磚?最終都係order咗個士多啤梨味嘅磚,齋個賣相就好好👍 食落亦不令人失望。麵包好脆,就住rich嘅cream同jam,真係好享受!即刻將陰天心情一掃而光!膽固醇之類嘅嘢,都係食完先諗啦! 推介美食: 蜜糖磚塊
評分: 味道 4 環境 4 服務 4 衛生 4 抵食 3
2014-05-17
是日出中環,諗住順便上嚟勝香園嘆個茄牛通早餐,結果就食到一肚氣。 先係被「勒令」坐一個好逼嘅位(不過呢度環境本身就好逼夾,算,唔怪你),跟住個姐姐就黑口黑面咁同你落單,我講咗一次「鮮茄鮮牛肉蛋」,佢無反應,再講,佢竟然好唔耐煩好大聲咁同我講「我知呀!要乜嘢先得㗎?!」我答「通」,佢仲要再鬧「通你就要講個通字嘛!你唔講個通字我點知你要通㗎?!」算,我都忍,心諗快快脆脆食完走! 碗通粉上到檯,一向的杰塔塔,無乜唔妥,亦無咩特別。心情真係好影響胃口。好在有杯酸甜凍檸茶撐住下。
評分: 味道 3 環境 2 服務 1 衛生 2 抵食 3
2013-03-23
一向都鍾意去阿麥食西餐,今日中午同事升職,又撿選呢度作宴請招待。 阿麥嘅西餐出品一向不錯,價格合理,最鍾意食呢度嘅意粉,好creamy。不過我至愛嘅三文魚意粉呢期無被包喺set lunch, 於是order咗辣茄醬雞肉意粉。喺香港食嘅辣嘢,通常都無乜辣味。但呢個辣茄醬雞肉意粉,真系辣嘅!佢應該系落咗辣椒仔,喜辣嘅朋友就應該會覺得好過癮。 其他同事order咗牛扒,非常之大份。我試咗一舊,亦有牛味。不過如果以口感嚟講就唔算出色。 BTW,呢度提供wifi,喺hk食店嚟講,真系比較少有。 如果你喺銅鑼灣想食d感覺親切d嘅西餐,不妨嚟呢度坐下。 推介美食: 三文魚意粉
評分: 味道 4 環境 4 服務 4 衛生 4 抵食 4
2013-03-23
是日整完頭髮,突然想食日本嘢,走去秀殿又話full jor, 喺open rice度search咗一下,最終撿jor伊呂波。 一場嚟到,梗系要試下和牛。Order咗個和牛拼盤,有牛腹肉,牛腹腩同牛肋肉。肉類都頗新鮮,都系入口即溶。師傅推薦牛肋肉,我就覺得牛腹腩比較好味。牛肋肉都好食,不過可能由於太厚身,燒起身唔系太方便,結果燒得耐影響咗口感。 In general, 呢度嘅食物出品唔差,不過亦唔覺得好驚豔。參詳咗下其他食評,可能嚟呢度食lunch會抵好多。 都系等下次去試下和宴。 推介美食: 和牛拼盤
評分: 味道 4 環境 4 服務 4 衛生 4 抵食 3
|