早前見咁多人派隊，加上係媒體見過，好似覺幾好食咁，於是今日趁有機會，買左兩個試下

外形就好吸引，味道我就覺一般，只係大碗吉士咁.... 咁佢D吉士都好滑，香味就一般般，食一個就好飽肚，如果本身食量不多，咁$15當午餐都可以的 (但佢要4點才出爐，下午茶又好似太飽)，但可能之前期望太高，所以食落又唔係覺好好好好味，要排咁長隊就有點誇，個麵包有少少硬，咁個包同吉士紫薯就唔太甜，甜度剛剛好

只是如果係鬆餅或撻皮可能會更好食.... 可以一試，但就唔好抱太大期望，只可以說OK啦，不過不失，但如果排大隊，專登走去，日曬雨淋咁等去買就唔值了，剛巧路過，又有點肚餓，就可以買過來試既，始終都$15一個，夠車錢坐巴士返新界了。

今日難得去開深水埗太子，有機會來依間集眾菜館，都無失望而回

小食是一碟花生，非常香口，停不了口，但小心食得太多會生痱滋，喉痛或出暗瘡。 (少食多滋味)

首先講下隻雞都算有雞味，口感幾好，連埋內藏比人睇得出是新鮮雞，價錢雖然有點貴，半隻成$238，都唔係唔值既。

值得一試，同埋佢份量都OK架，2-3個人食就剛剛好。

同晚仲試左小炒王，份量十足，佢D蝦乾好香口好好食呀，芋頭又炸得非常之脆和香口，真係食到有點停不了口，唯一唔好是多油膩左D，同有少少味精，但用來送飯就真係幾好，就算食哂成碗飯，都仲有好多剩，加上家中唔會煮小炒王依D 香炒炸食品，所以抵食程度算好高。

最後仲試了一道咕嚕拔絲蝦球，蝦球非常香口彈牙，個漿入面仲好熱辣辣，個漿唔會太厚，太乾，仲帶點脆，但小心第一口咬落去非常熱氣，雖然係好香口好食，而拔絲又不會令食客食得好論盡，剛剛送到去碗就斷絲，唔會斬絲不斷，絲帶絲又痴筷子，再痴碗，入到口都唔會成口絲，加上拔絲甜要適中，唔會甜到喉「確」，伴菜的菠蘿片都好甜，唔酸的，所以依道菜都是可以一試。 (我見同場的食客就試拔絲咕嚕肉多。)

整體來講是感覺幾好，有機會晚上去開深水埗或太子會再試的。

因為肺炎疫情關係，原有自助餐改為畫紙仔 (類似放題......)落單，

雖然沒有了自行離開座位，選擇餐盆上的食物樂趣(除了飲料及甜品)，但用料及味道方面都不俗，至少食完不用覺好口渴，不用要狂飲水，

加上費用$250全包(已包加一)，都算係抵食的 (晚餐就$388連加一，多餐紙上*的食物)，理論上感覺午餐比晚餐抵食(晚餐每人要多付$138)。

餐單中，本人覺最好食是馬來叻沙 (不辣，味濃，看似油膩及辣，但其實不是，食了兩碗，都能夠食很多其他的食物)。

中式炖湯好飲，美味得來，又吃了後都不口渴。

反而肉眼就比較難嚼，加上無咩味，

而刺身拼盆就要叫多幾件才可連冰奉上，味道就一般，不過不失，只是款式少D。

用餐時間亦相當充裕，官方說90分鐘用膳，但12:00食到2:15都沒有叫走，及付款，收碟又收得快，用膳食得舒服。

煎炆釀豆腐

炸豆腐夠滑,沒有油膩的味道, 內裡釀了豬肉,冬菇粒, 但豬肉味道不算很突出.

口感很好, 蠔油汁的味道與豆腐, 豬肉的本身味道, 沒有那一方掩蓋其中一方的味道....

伴著的白菜吃得出爽口的菜味道 及沒有爛葉, 沙粒.......

梅菜扣肉

採用半肥瘦的扣肉, 以瘦既肉為多, 非常入味, 內裡的扣肉汁雖則偏鹹, 但如果用來送飯吃,就剛好中和

但肉的本身略嫌乾身, 如果瘦得來帶軟身, 會增加口感

花膠海參煲

花膠,海參非常彈牙及軟身! 同埋夠大塊, 上菜時非常熱, 若不歎涼一點才吃, 有點熱氣的感覺.

冬菇非常入味, 一口咬進去, 會感到內裡的蠔油鮮汁滲出來

皇牌煎蛋焗意粉

一上餐雖覺份量比較細小, 但其實內裡包含了很多食料.

(煎蛋,香腸,牛扒,雜菜,雞)

採用即棄錫紙器皿, 但可令到意粉更透熱熱乎的, 送到食客面前,

一般餐廳都採用碟上, 但送到食客時已涼了....

一翻開芝士層, 意粉內裡的煙已洶湧而出 (未翻開前還以為這盒意粉, 半熱半涼)

香腸鹹味適中及有兩條, 雞肉煎得夠香帶略鹹, 雖則乾身了一點.

牛扒容易用口撕開, 帶有一點點的黑椒味, 及帶一點肉汁

雜菜沒有採用冰鮮的, 而新鮮得來, 沒有灼得過時, 焗出來時仍口感脅爽

難得的是所有伴菜都沒有帶有雪味.

反則,我較喜歡芝士味不是很濃(偏淡), 但就好多, 所以吃完都會覺一定程度的飽.

無骨海南雞飯 (HKD45+ 加二服務費 = HKD54)

無骨海南雞飯在餐廳標為招牌, 姑且試一試有多好味, 但好失望囉

首先一上餐便覺份量好少,

當時餐廳又沒有什麼客人, 用不著那麼慳吧? 給顧客好小家的感覺

海南雞飯沒有什麼海南雞飯的香味, 一個出色的海南雞飯是應該看上去色澤鮮明, 透出陣陣香而不濃海南雞香飯味

加上此飯上餐時不夠熱....偏涼, 大大遜色去突出海南雞飯應有的口感

雞肉肉身很乾, 不滑, 難嚼且沒有雞味,

餐上有一,兩塊雞皮好厚, 全是肥脂, 根本吃不落

飯亦沒有海南雞飯該有的特色和香味, 只是白飯而已,總括而言什麼都沒有好味道似的, 除了伴菜帶好濃原的青菜味.....

適逢當日是年初一, 故收取加二服務費, 但這樣的味道, 加上服務趴惡巴巴的態度.

只可說完全不合格!

鮑魚瑤柱福袋盆菜

蠔油鮑魚, 瑤柱,福袋, 中蝦, 蠔豉, 花菇, 豉油雞 ,燒鴨 ,蓮藕, 炆南仔, 炸魚蛋, 豬皮, 魷魚, 鴨掌, 栗子, 枝竹, 芋頭, 蘿蔔, 西蘭花

蠔油鮑魚, 一口鮑, 炆得合時, 不硬不乾, 容易咀嚼, 口感好.....

瑤柱- 有黏牙的感覺, 食得出有少少那種海味香味的感覺, 一般在街外吃的瑤柱圃絕無這種感覺

中蝦- 伴著茄汁有酸甜香口的感覺, 蝦的肉質亦是彈牙乾爽的

花菇, 豬皮, 枝竹- 軟身得來, 非常入味, 充份吸收了盆菜底部的香汁

豉油雞- 有點涼, 不夠熱, 雞肉雖滑, 但不太有雞味

燒鴨- 香口, 但份量較少, 及骨多, 不太油,

炆南仔- 用南乳炆的, 半肥瘦, 送飯一流, 不太油, 不太乾, 炆得好軟身, 切件亦適中, 一至兩口一舊

魷魚- 用沙嗲汁醃制, 彈牙爽口, 沒有層咬不開的衣

西蘭花- 非常青綠 , 口感夠爽, 有新鮮的蔬菜味

鴨掌- 夠大隻, 可以一邊送飯, 一邊慢慢咀嚼, 非常入味及軟身.

福袋- - 用豆泡內附釀魚肉而成, 非常有心思地紮成一個個福袋的樣子......外層香口, 內裡充滿鯪魚肉味

雖然盆菜中有 蠔油, 茄汁, 沙嗲汁, 南乳各種不同汁, 但它們的味各自成一角, 絕不圈染其他食物的味道, 這是值得一讚的, 所以大家可以清晰地食得出每一種美食的味道

牛脾,牛丸,魚餃車仔麵

偶然路過, 發現此店裝修得幾靚, 於是今天和同事一起來吃了......

本店鋪內告示聲稱沒有落味精, 那要試一試真的沒有落味精了?

此店是先付錢,後上菜, 點了牛脾,貢丸,魚餃車仔麵 都要HKD34 (算貴了)

上菜時見個碗 好得意呀....一個大湯匙 ^^"

喝一口湯先, 比街外的車仔麵既湯淡很多..... 不鹹的 (較清的味道如接近水中帶一點味), 對食開清淡的人仕或會喜歡.

牛丸的體積卻比街外的大.....但不多彈牙, 肉味不重, 沒有雪味, 食在可更飽肚

牛腩卻以瘦身的多......對一般不太好肥高脂肪食物的我, 尤為喜歡, 但牛腩略嫌乾身及不夠厚身, 否則口感會好一些, 至於入呆方面都幾好, 入味得來不太鹹...

車仔麵中, 附送一條青菜較為欣賞, 給食客感覺有嘗試/簡接帶出營養均衡的提示.

但整碗麵來說,味道就真是一般了....不是很突出, 不過不失,

在構思及店鋪創意上, 真的給客人一個注意力, 可是價錢卻較昂貴,味道一般

能否持續顧客光顧是未知數......

回公司後一直都沒有太口渴的感覺....我看真是沒有下味精了/味精的份量較少...

早餐- 鮑魚火腿通粉+炒蛋多士+凍奶茶 (HKD$26)

總括而言, 味道一般, 侍應服務不好

鮑魚火腿通粉

雞湯味濃, "鮑魚片塊"亦好有"鮑魚"味 (雖然該不是真鮑魚), 份量都ok, 通粉夠軟身,

火腿的味道卻偏鹹.....但食了之後, 亦不太有口喝的感覺.....我估味精不多....這是值得一讚,

另外, 湯通粉中伴著一些青菜, 本人絕對欣賞, 菜雖不是很綠 (帶黃), 卻可簡接/嘗試做到營養均衡.....
至於味道上不是很突出, 跟街外的茶餐廳沒有分別

炒蛋多士

蛋薄, 沒有蛋味, 及太多油, 多士卻太乾身, 效在蛋旁會吸去蛋漏出來的油份......

凍奶茶

OK! 幾好飲, 苦中得來帶點甘,但太多冰, 那會沖淡原有奶茶的味道的

侍應服務不多好....坐了5分鐘亦有好很多侍應對客人落單視而不見似的......

上菜時卻一手大力地放在檯上...唉, 真不要得

彩雲軒曾幾何時是在鰂魚涌的一間高級食府.....

昔日價錢昂貴, 高格調, 優質服務, 食物美味, 現在.....

只是一間早茶抵吃, 吃得過的酒樓

早餐點了兩份孖竇套餐,

煎堆仔的味道又幾好, 不太油, 外層雖則不太熱, 但內裡卻是熱呼呼的....

瘦肉粥是暖的, 但粥是綿身的, 略鹹的瘦肉為白粥之寡味帶來口感, 亦猜有下火的作用....

炒米粉雖則不太油, 但料卻是少了一點...... 味道就ok....

除了早晨孖竇, 還點了一些點心...

燒賣口感幾好, 不太實, 又不是只有一舊肥豬肉, 雖然吃得出有落味精, 但以HKD$12價錢來說, 真的是不錯了....

牛肉腸皮薄, 牛肉亦鋪排平均, 味道幾好....但不夠熱......

其實總捨來說, 早茶點心味道幾好, 又抵食, 雖則不夠熱, 但以相對所收價錢來講算是不俗了.....

但定要一提的是, 服務質素真的跟以前差很多了, 門口安排座位的那位小姐, 總是不耐煩的樣子, 給人別煩她的感覺...倘若未有座位可安排入座時, 她會對顧客說" #位? 無位呀! 等下/等陣啦!!!"

內裡的侍應9成多是說半鹹不正的廣東話居多,常是在竊竊私語, 亙相對罵的多, 大家總喜歡指其他同事做事, 唉.....

大家去試這間店前, 必先預了以上情形, 純以所收價錢去體會食物的味道, 那相信必定會吃得滿足多了