大力yu 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-11-01
好耐冇寫食評,因為近年幫襯嘅舖頭大部分都味道、服務不過不失。但今晚遇到好難得嘅驚喜之店,幫襯完要即刻分享! 星期5 (halloween) 晚上7點左右黎到,舖頭大概坐左5成人,淨低有唔少俾人book 左,但都立即有位,仲要2個人可以坐4人位,舒服d. 我地叫左1份$80 吉列豬定食同埋1份$160嘅吉列蝦+忌廉蟹肉。價錢黎講豬個份真係偏平。先講個麵豉湯, 一坐低已經聞到隔離位個碗好香! 超期待咁打開,個色同個味都同平時嘅唔同!! 唔係勁加麵豉得出黎嘅濃味,但好多料“餚”出黎嘅香味! 2份吉列都炸得好鬆脆,仲要完全唔覺佢油!個蝦亦好爽口!! 雖然個豬唔係厚砌個d, 但以呢個價錢,已經好滿足! 唯一係個忌廉蟹肉可以加多小小蟹肉整。 食物係重要,但我相信態度更影響客人回頭率! 個個waitress 都有禮貌, 唯一一位男士更加會同客人講下笑,氣氛輕鬆d~ 我地食完走個陣已經有人係門口等位,但頭先從來冇人要求我地讓出2個空位之外,我埋單時多咀問佢地沖茶嘅茶葉有冇得賣(因為覺得好好飲,想買番公司沖), 佢冇嫌我煩不特止,就算佢地唔賣,都走入廚房拎個原裝出黎比我影低! 呢度d位唔會好密,坐滿人亦唔覺噪,大家冇咁焗促。 絕對會回頭嘅一間餐廳,但眼見佢冇一般嘅尖咀餐廳咁旺,希望唔好下次返黎已經捱唔住貴租88左,一定要上黎話比大家知好值得去試!! 推介美食: 吉列蝦
評分: 味道 4 環境 5 服務 5 衛生 4 抵食 3
2008-08-27
早2個星期, 同男友去左澳門玩 上黎search過有邊間葡國菜好味又去開媽閣個邊 就決定試下船屋 冇booking, 6點9去到 個waiter比左張枱我地,不過就請我地8點食完 因為得2個人,唔可以咩都叫,怕食唔哂~ 叫左3樣野: 炸馬介休球, 海鮮飯同非洲雞 3樣野都好好味, 雖然黎左頭2樣之後 等左好耐先黎非洲雞, 不過都抵 由於本身中意食意大利飯, 對更濕的葡國飯一樣喜愛~ 個waiter話非洲雞辣辣地, 本身都怕自己食唔到 因為我實在好怕辣, 但試過之後發覺 只係一入口時有d辣,之後就唔覺 仲好惹味tim~ 所以怕辣的人絕對可以一試~ 因為只有2個人, 食完之後真係好飽>< *之前係度睇過有人話船屋的waiter/waitress唔識講中文, 我一入到去就同佢講英文, 點知原來佢地大部份都識講dd, 所以唔駛好似我咁白痴,走入去同人講英文~
評分: 味道 4 環境 4 服務 3 衛生 4 抵食 3
2008-01-06
之前係友人屋企食過, 覺得好好味~咁岩去左赤柱, 買左1盒4mix, 1盒8mix, 同屋企人分享~ 一打開個蓋\,即刻聞到牛油味~今次蓋\面隻熊啤啤雖然好似就喊咁~但就好有x\'mas ge氣氛!! 今次加左價因為牛油貴左~個售貨員仲話可能下個星期再加因為麵粉貴左~不過好耐先買一次,再加上高ge quality, 價錢差唔多la~ 8mix(細):88, 6mix(細):60 而家冇得買鳳梨酥同杏仁片住~下次一定要試埋~
評分: 味道 4 環境 3 服務 4 衛生 3 抵食 3
2008-06-25
尋晚第1次去萬豚屋 雖然知道就算平日都好多人排隊 不過之前我同男友都忙 只好7點半去到,排隊 等左陣有個WAITRESS走左出黎派籌仔 派到我就同後面的人講"今晚做埋LEI個唔做LA" 心諗真好彩~ 排到8點半多D終於可以入去 都知大部份野都賣哂 就叫左大骨濃湯豚肉鍋,蟹肉SALAD同海鮮PIZZA 黎左個SALAD同PIZZA好耐見個豚肉鍋未到就催佢 發現廚房MISS左單,仲要廚房已經洗哂野 即係我地想食其他野都冇 真係O哂咀>< 無奈 去萬豚屋食唔到豚肉就走 不過食左的SALAD同PIZZA就真係幾好食~ 下次一定會勁早到, 希望食到想食GE野LA~ 由於印象差哂,真係比唔到高分佢~
評分: 味道 4 環境 4 服務 1 衛生 2 抵食 3
2010-11-18
之前食過Awfully Chocolate ge蛋糕, 覺得冇乜特別~ 個日行過堅道ge分店, 男友想食佢ge雪糕 當時鋪入面一個人都冇, staff都好得閒 我地入到去, 個staff木口木面咁望住我地 我從來都冇見過甜品店GE人係咁樣黑口黑面 我地叫左1杯雪糕, 價值$28 男友比左$30佢, 佢1句野都冇講過就找番4個5毫子比我地 雖然平時都會遇到只得毫子找GE情況, 但個staff一般都會講句唔好意思, 介唔介意毫子 佢冇講都唔緊要 男友竟然爆出一句:可唔可以找個2蚊銀比我? 個staff竟然係有2蚊銀而當初特登唔找比我地 跟住黑哂面MIU哂咀咁比個2蚊銀我地 即使個包裝再靚, 我對呢個brand印象已經好差 再加上杯雪糕又唔係特別好味, 我諗我唔會再幫趁LAW 可能大家覺得好少事JE~ 但的確食甜品係比人一種開心GE感覺 我相信awfully chocolate老闆都唔會想佢D員工係咁樣對客LA~
評分: 味道 3 環境 3 服務 1 衛生 3 抵食 2
|