Cosmos Restaurant & Bar (尖沙咀)

一行五人訂左呢間餐廳慶生，個幾星期黎之前睇open rice 見到雖然係新餐廳（有new restaurant 個logo ），但已經有廿個like，好似不錯甘，但食完後，完全唔明點解佢值得「係兩星期內暴升多接近三十個讚」現在已經四十幾個！好啦！就當每人口味不一，都係講翻自己既親身經歷先！

星期六繁忙時間去到，七半坐到十點，都不滿座，約只有五成客！完全不用訂位。聽到侍應生講，十點半後可以飲野，可能d like係飲野客俾啦？

但餐廳格局完全無bar feel ，只有一小行對住街既位 ，有高凳，唔講我不會知呢度可以齋飲野。其他完全好平價西餐廳格局

重點！味道一般！令到我成年無動筆寫食評，都要評論一下！

講翻食物！叫左兩個套餐，小吃一口牛，一個豬肋骨配薯條

套餐有一個牛油果三文魚焗飯
一個龍蝦意粉
跟湯和沙律

睇到之前既食評，有個話焗飯值100分，我食完，r爆頭都唔明點解值100，完全就似普通三四十元新森林個d焗飯only

龍蝦意粉叫做ok d， 真係有啖啖肉！

一口芝士都不錯，作為小食份量ok，味道不錯既，一口牛，配蛋，係凍左d囉！

到左我最想講既豬肋骨，盛惠二百幾元，價錢合理既（如果係正常水準既話），見到第一眼覺得正囉！
味道方面，無一個朋友話好味！勁多肥膏！好好好「鞋」！下面既薯條少得黎，淋晒！

套餐配藍莓芝士蛋糕，
真係好「的色」囉！感覺係一個正常size 既cheese cake 切左一半上碟甘！（見圖）

要再加三十八元，才轉到心太軟，哇！望下個樣！令我想起⋯⋯⋯⋯點解可以整得甘樣衰？！

成餐飯唯一好既係d服務不錯下囉！

成餐飯九百左右，人均消費百幾蚊確實唔貴，
但我深信各位吃貨情願俾多少少，食好味d

BLT Burger (銅鑼灣)

食過幾次尖咀既BLT Burger, 今次行開銅鑼灣，朋友話想食漢堡，就黎銅鑼灣時代樓下呢間BLT





叫左兩個combo, 一個係BLT, 另一個係Australian steak
個餐會包薯條同埋一杯野飲，如果加$28,  可轉奶昔。於是我就點左Berry Me , 確實不錯下！大大舊雪糕係裡面，足料莓味，無淡某某





但係最期待既漢堡唔得呢
點唔得？簡單黎講，我覺得兩隻漢堡既味係完全一樣………甘已經好足夠解釋點解話唔好味。仲有就係話明要Medium 嫁嘛！點解全熟嫁？？！
個餐轉左薯格，不用加錢！





仲有點好就係服務囉！除左一開始不停催人落單，其後都ok , 不停幫人加水。晏啲無人既關係，坐左好奈，都人理，仲會繼續加水！不錯！！

下次想再食漢堡，都會試其他小店，不會再到BLT

稻香 (尖沙咀)

經常黎呢度食飯、唔係因為野食好味、只係貪個方便
呢度一向已經款式奇少、服務頗差、如果唔係費事阿媽辛苦煮飯、又就腳、真係唔會黎

今晚姐夫好晏由廣州到香港、九點半去到稻香食個飯
去到多吉枱、呢間地方幾大嫁、以前係間夜總會黎、而家轉手成為一間酒樓

一坐底就點菜、個阿姐不停hard sell個湯、企係度唔走、平日又唔見你甘殷勤企係度等點菜喎！ 我話唔要啦！仲sell！ 你愈sell我愈唔想飲囉！好飲多人飲既你唔洗sell啦！

點左鱼香茄子煲、鱼雲煲、古魯肉、燒鵝無晒改左沙薑雞
沙薑雞好快上、隨即送上三碗白飯
沙薑雞係幾好味、最鐘意隻醬、甘呢味好難失手啦！切俾我嫁遮！

點知就係、食完呢尾後、隔左廿分鐘、都未有另外三道菜上
飯都凍晒！
期間我吹左三次、請想像我吹既呢三次、仲要係幾難先成功揮手引起到d阿姐注意
喂！！個場唔full嫁喎！你們俾翻多點注意力得唔得？
仲聽到隔離枱食客都吹佢地個雞煲、仲聽到個阿姐解釋：雞煲係要奈點、因為要唔知點點點
hea答左枱食客！
但都好丫！起碼有解釋、我吹d阿姐、個個無反應囉！

等左n分鐘、另外三道菜先逐碟逐碟上
古魯肉正常！
鱼香茄子有煮過龍、濃左！都唔知係未晨早煮完唔拎俾我 
鱼雲仲要劣！無肉、多肥膏！好難食！

好差既大集團！我接受唔到囉！！！！！！！
快點改善下！！！！！

沙嗲王 (旺角)

同朋友係旺角想食tea、諗唔到食咩
諗住食沙嗲王、諗住質素夠standard多穩陣
點知就中伏！甘既諗法係完全不要得！
去到五點九、仲有下午茶！就叫左我最愛既粉絲
平時食左沙嗲味、但朋友提議試下白咖哩、甘好啦！唔辣既就試下啦！
等等等！朋友果個白咖哩豬排上先、個樣都okay

再過一陣、我果個上喇！
哇！個樣麻麻都算！
d牛肉un到喊、咬極都咬唔爛咬唔開！
d汁完全唔講唔知係白咖哩
我想問係點先可以甘高技巧煮到甘“結”又無味？
呢個都算！
最嘔係個d粉絲。。。我都無影到。。。食食下有條超生未煮過既係裡面
再食食下、中間果d粉絲開始林baebae, 痴埋一齊一pat野甘、好像浸左好奈甘、哇！我真係詞窮唔識形容
我一邊食一邊彈
我好少浪費食物、所以都夾硬食
夜晚返到去whatsapp俾個朋友睇下面兩張相、佢話一睇都知煮過龍
我夜晚有點唔舒服、同佢講話我望到張相都想嘔

聽聞呢間沙嗲王就黎執、太好喇！
我深信其他沙嗲王水準一定唔會甘差囉！我一直間中都有食

我想講除左野食、呢度環境都特別差、求其用點爛布圍住個卡位就當好有泰國feel?
好“up dup”甘囉！

服務都唔好、追佢杯可樂都追兩次！仲要係因為兩次都等得奈、所以先追！喂！可樂咋喎！有無甘難倒俾我？

泰式食 (銅鑼灣)

今晚收左工！仲要同阿媽去銅鑼灣睇家私、因為屋企裝修！其實爆累、但無計、頂硬上！
去IKEA前打算搵餐好野食！點知都係唔太滿意既一餐！
入到餐廳。。。無乜人、好多空位、被安排到一個近窗口位置、仲好近一個自彈自唱既叔叔
佢自己一個唱、所以我覺得嚴格黎講唔算live band
仲要唱到好細聲、佢唱緊咩文既歌都唔知、不過甘都好、太嘈傾唔到計、安排佢係度都旨在營造下氣氛遮！
餐廳環境都好有泰國feel喎！燈光暗暗再加上有點泰國佛像擺設、同埋地方都好大、適合大班人幫襯！ 兩個人唔可以叫甘多野食、我們淨係擇有兩樣：
1. 軟殼蟹南瓜 （真實名稱唔記得、但道菜係得呢兩樣野）
軟殼蟹份量奇少！d南瓜原來係炸既！真係估你唔到
其實味道都還可以、加上隻辣辣地酸酸地既汁、幾香口！炸到唔係脆卜卜、而係幾林
媽鐘意脆點、我就無乜所謂、除非食薯條先鐘意脆點 2. 椰汁
呢杯野收$30真係好唔化算啊！
裡面全部都係冰之餘、仲要無味既！叫完後俾阿媽鵝左勁奈！ 3. 南瓜炒飯
呢個飯無乜味！阿媽鐘意佢個殼、因為有南瓜係裡面俾佢摑黎食！但佢話d南瓜都麻麻地、都係無乜味！
我們仲吃淨好多、最後打埋包、俾我聽日帶
 
服務方面都唔錯、頻頻加水、唔趕時間既又可以坐好奈！但食物方面真係唔係好得、仲要唔係平、兩個人加起三百、阿媽之後兩日都係度呻！有時好怕同佢食飯！