今日好開心有朋友陪我癲，同我去左文武廟。本來想之後去灣仔嘆個午餐，但又費事再坐車去。看一看my to-eat list，想起了上環這間餐廳。
找了很久才找到文武廟。咦！原來餐廳就在文武廟附近，行了很多級樓梯終於到。最後走的時候，發現原來由蘇豪走過去餐廳都好近，由士丹頓街一直走到盡頭就到。所以走完一輪，我都系唔記得點有上環走過去，下次會選擇由中環蘇豪過去，不用行樓梯。
星期天很多人來，差不多9成是外國人士，就算見到像亞洲人，他們都以英語溝通。餐廳比想像中大好多好多，但都滿了。我們一點半到，幸好只等了4個子左右。
朋友叫了egg benedict with salmon and spinach 我就叫了big breakfast ，很夠分量。蛋我選了poached eggs, all day breakfast一般都不會失準吧！
有菇，有薯仔，香腸，煙肉，蛋，茄汁豆，包。。。。至於飲品，我叫了iced cappuccino 我發現他們都會用啤酒杯裝咖啡和其他飲料，太多人唔夠時間洗杯？我們吃了兩個鐘，非常寫意悠閑，已經很期待下次再來。

九點半時段、即日訂位、窗口位！吃放題都不用特別解紹食物味道啦! 反正大家都是任叫任食， 我告訴大家有什麼特別食物， 吸引一下大家來吃就算

有好幾款應該有既野要加錢、例如：羊架、蟹粥、北寄貝等、有點失望！但見佢有甘多其他新款式就算啦！
呢度有很多在其他地方吃不到的野，例如: 
1. 刺身方面: 白玉拖羅刺身，很少機會可以吃到
2. 火鍋配料: 有些吃放題地方也有火鍋可以吃， 不過就沒有那麼多配料可以選吧! 還有湯底可以選呢， 例如血池地獄湯， 聽到個名已覺得很辣
3. 前菜方面: 秘製三文魚卷沙律一定要試
4. 天婦羅方面: 有自家製的紫蘇雞天婦羅， 我沒有試過， 只保守吃了虎蝦天婦羅， 很脆像剛炸出來
5. 拉麵方面: 連四川麻辣粉也有， 厲害!!
6. 甜品方面: 有炸香蕉朱古力， 但我們最後叫果陣， 已經賣曬
7. 飲品方面: 除了氣水， 仲有清酒， 梅酒， 成壺甘拿給你
8. 湯: 有人嵾雞湯給你補一補， 正!

服務"好得制"， 我覺得那個侍應殷勤得制， 我們的甜品無晒， 就拎做n個 羅米磁給我們，當然， 過於殷勤的服務總比服務差好， 旺角放題來說， 這裡overall 算不錯 一定會再來

N年無黎過九龍城、今日幾驚落錯車、好在我們都有點方向感、同埋識睇地圖
朋友介紹既呢間泰農、都容易搵
中午時段都叫做多人、但餐廳佈置有點像茶餐廳
好彩食物質素唔像茶餐廳咋
我們兩個女仔叫左兩樣野

1. 菠蘿炒飯
朋友想食、其實本來我麻麻
印象中無一次特別好味、點知呢度既出品唔錯下！
我覺得係炒得唔乾、食完後我發現呢點好重要
一唔乾就唔會硬崩崩、無乜味！

2. 豬頸肉生菜包
我不嬲都鐘意食豬頸肉、加上黎食泰國野、就更加鐘意叫、因為可以試泰式醬食豬頸肉
呢度既豬頸肉果然無令我失望、酸酸甜甜既醬非常開胃、加上一大塊既生菜包住食、感覺更清新

呢度招呼唔錯、兩個人食唔晒仲打左包添！

落左成個星期既雨！今日算係得少少毛毛雨
決定出外走動下
老實說、呢間野既食物我就麻麻既、但市區要坐戶外食下野、最近最方便就只有海皮呢度

雖然係戶外、但上面都有個突出黎遮到少少、只係落毛毛雨的話、不會好濕好多水、所以座位okay 

Nacho 無乜特別、芝士唔夠多、純粹想送下酒、叫碟小食

可能中午時段加上下完毛毛雨無乜人、成條路上無乜人、餐廳坐戶外既都係外藉人士、侍應好少出黎睇下我們有咩需要、都係我走入去叫佢出黎落單以及埋單

好奈之前黎過、印象中記得食物無乜特別！點解有甘多人排隊
今日帶阿媽黎試下 感覺竟然係：咦！都唔錯下喎！

我們叫左三樣野
1. 韓式壽司
堅係唔錯！裡面既餡料包得好均勻、好結實唔會一夾就………
成碟都有好多舊！好多韓國食店都無賣韓式壽司、真係要食多兩舊

2. 韓式年糕
辣辣辣！但比起出面我食開既特別之處係有隻蛋！呢碟無乜特別

3. 韓式煎餃子
掛住食、無影相添！呢隻餃子煎到勁爆脆、非常硬、味道okay

我覺得成餐飯都係韓式壽司最吸引！不難想像點解呢度甘多人等位既！話晒尖沙咀區、兩個人食甘多野可以一百蚊左右埋單喎！仲有呀、呢間韓國快餐廳其實等位都好快下、大家食完都會好識趣甘走人…所以大家有時間的話、都不妨一等！

每次黎呢度、主打都係egg Benedict、每人叫一份就好滿足
今次有個朋友麻麻地egg Benedict、但想黎試下呢度既其他野食，所有就早一日訂左呢度一齊傾下少女心事
本來其實都唔想再黎食、上次覺得個egg Benedict唔再驚喜了！但好在再黎食多次因為今次另外兩款食物都不錯我們三個人叫左三樣野：
1. Egg Benedict Ham
 Egg Benedict 都係唔少得既！始於都係主腳…係未先？？！
今次食左ham egg Benedict 我個人就覺得好一般囉！下次食番三文魚會好點！

2. New Zealand Lamb Burger
強烈推介！非常Juicy
羊肉好淋、配上芝士、好好好好味
好多謝我果兩位朋友…多謝佢地係食羊、因為好多朋友都唔食
哈哈！nonono 最重要係多謝佢地時日就我叫羊食3. Mushroom Olive Oil Linguine
呢隻麵係randomly擇既、覺得口感不錯、比較硬身
成隻麵都唔係好濃味、嫌淡！我覺得okay

想食自助餐唔想食夜晚甘貴、又驚午市自助餐太頹？？！
可以試下馬可孛羅酒店既自助餐
呢度午市已經有長腳蟹食嫁喇！係未好抵食呢？？！

長腳蟹唔係淨係得腳囉、好多拑、全部好多肉阿媽係尾聲都出去拎多輪 (中途曾經無再添長腳蟹)、 阿媽話最後一次拎既長腳蟹有點老  之前果些都無問題

呢度西餐、中菜、火鍋、印度菜應有盡有

西餐方面： 西冷牛排應要求下、只會切一片俾你 當然！如果你要既、果位師傅都好好人會切多一塊甘多俾你
牛排唔錯、好嫩唔老！
但羊就得了！無乜味！淨係知自己咬緊舊肉
廚師即場煮既牛肉粒幾好味！非常juicy

印度菜一直係我至愛之一 今日難得可以俾我任點醬、我當然有殺錯無放過
簿餅選擇都多、某幾種係出面都少見   印籍廚師好好人甘用中文提醒我某隻綠色醬超辣、介紹隻醬俾我話好甜、可以適合我多點    我就同佢講話無見過呢隻綠色醬…等我試下
！點知真係唔係普通既辣！我即刻走番去加點佢介紹既甜醬、點知係唔係普通既甜！ 爆甜！
呢d甘獨特既咖哩醬睇黎都唔係好適合我！！我都係點番一般既醬

三文魚當然唔少得！我食得最多就係三文魚
呢度既三文魚塊塊厚切！最後當然唔少得甜品啦！我黎野都唔食就影左相先
費事整間蛋糕俾人切晒、影得唔靚

呢度既蛋糕都好精美！海港城而家出面有個超大既蜘蛛俠、呢度都響應整左蜘蛛俠蛋糕   好精緻吸引！雪糕唔知係咩牌子呢？好好味！尤其士多啤利味！

唯一唔好既係心太軟出得太遲、又出得少喎！被個廚師串拎得多、大佬呀！我們有六個人、唔係我食晒！

午市自助餐有各人有飲品一杯送、但杯野飲等左成半粒鐘

今次已經係第二次黎、覺得呢度食物質素唔錯、又坐得幾舒服
今次被帶到餐廳下一層…哇！真係唔知原來呢度有三層、仲有一層天台！
地牢地方都好大、本來意外發現此地都有點驚喜
可惜這份驚喜唔夠十分鐘煙燒雲散！因為隔離張大枱坐左八九個人、都算！可能地牢關係、更應聲！嘈到我聽唔到對面個朋友講乜！
唔通叫隔離枱收聲咩？我們之後轉左位！好好多

今次同個朋友黎、兩個女仔叫左三樣野

1. 厚燒饅魚玉子
誠意推介！今次試下隻饅魚玉子燒、我覺得叫番普通玉子會更好、因為饅魚有點咸、加埋玉子食一般般2. 明太子吞拿魚腩蓉壽司吞拿魚腩蓉壽司  上次黎我都有食

3. 露筍鵝肝炒飯呢個飯我覺得有點乾、而且無乜味！都係上次個饅魚飯好味點

酒品方面、叫左巨鋒提子酒同白桃酒
哇！d冰多到乜甘、飲落去勁淡味！張單個銀碼起勁！ $444

今日同個朋友慶生、一行五個人黎左食印度素食

我本身都好鐘意食印度野、重慶大廈既咖喱就當然正宗、但係衛生確實麻麻、d印度人會將放有熟左食物既盤放係地上

呢度我唔知有無啦！起碼我見唔到先啦下！
點野食花左點時間、因為實在太多選擇、菜名有中英文表示、唔洗驚唔明1. Cheese Platter
非常有驚喜！好大好大塊、本來我們驚叫左好多餅
點知呢塊野食落唔濟、脆脆底好爽口、仲真係食到有芝士味
後來睇到塊野既裡面、先見到有些芝士粒、同埋有些溶左係裡面2. 雜菜沙律
呢個唔推介、因為真係得些青瓜、蕃茄、紅蘿蔔等、咩醬都無！有點難啃3. 北印色套餐
印度飯無乜味！有七隻醬、其中一隻我們仲另外叫左！係咖喱菠菜芝士
唔知係未賣點係素食、呢度既醬味道都好淡
基本上可以就甘食添呢度有好多南亞裔幫襯！有些一個人入黎自己KO左一個北印色套餐
侍應服務唔錯

新年期間黎過一次、有點失望 (請參考上一篇食評)
今次餐廳一樣、餐牌一樣、環境都係一樣、點解感覺良好左？？

今次多左人食、同行一共有五個人、加上係食夜晚、可以叫多點野食
上次係中午、得兩個人、想叫個意粉、但得兩款選擇、有點失望！

去完迪恩湖， 來到蘇豪覓食， 大家沒有什麼意見，我就提議了這裡，只是因為想像中相比其他蘇豪食店，這裡不是太貴

我們被安排在上一層， 才發現原來同一條路走上來， Peak Cafe Bar是有兩個門面，而家先知！呢度既環境係中、西、加泰式！上次被安排坐樓下、今次坐樓上、發現有觀音相、泰式擺設！仲有個open kitchen有個南亞裔係度整餅
環境格調真好、我朋友都話好介紹！1. 八爪魚沙律
沒有吃過一隻八爪魚，食完問翻個朋友、係有八爪魚、佢食左幾片
沙律配左簿餅、有四塊、餅比較細塊、夾幾件生菜上去就跌晒落黎！生菜切成一條條、食落有點像麥香雞包裡面那些菜 、撈埋些酸酸甜甜既泰式醬、幾爽口開胃 (不過佢唔係第一道菜上、係第三道、上埋pizza後 )2. 小食拼盆 (印度篇)
小食拼盤有分兩種：西式同印度式
其實我都唔知係未印度、因為餐牌上會寫明小食拼盤內容
西式就係一般既炸薯角、薯圈、雞翼等等……
另一個較有東南亞風味既、我們就擇左呢個
都有成八塊簿餅嫁  好抵食！
我最鐘意就係食簿餅點唔同醬
一共有五隻醬、另有檸檬
醬有：Olive,  Garlic, 沙律醬、蕃茄醬、仲有隻我最鐘意既醬……但竟然食唔到係乜！
簿餅好鬆脆！3. 豬肉腸pizza
簿批黎既、批底同個簿餅好像、脆卜卜甘  豬肉腸加洋蔥、小小蕃茄、蘑菇粒幾好味！推介大家試下！4. 泰式炒金邊粉
係西式意粉得兩個選擇既情況下、擇左個泰式粉  普通！正常味！當時勁肚餓、覺得好好味
乾左點！！七點幾去到仲係HH ！飲品方面我叫左strawberry smoothie, 唔好叫！味道超淡超淡有一個侍應負責招呼我們呢個角落既四枱！所以唔洗驚我們係黑暗既燈光中、坐埋一角會被忽略
個侍應都幾親切、見到佢幫另一大枱影相都好殷勤

呢度大班人黎食又得、食物份量唔少！兩個黎撐枱腳都得、好有情調！

係部冷氣凍左點！！！

今餐晚飯挽回晒我之前對佢既印象！期待下一次