又到情人節！
早左一日預訂呢度同一班姊妹慶祝
我都係用Tablemap book 我之前一直都覺得好方便、但近幾次用發現有樣好大既問題：就係唔知道有咩招牌菜要預訂左先有得食！ 正因為甘、我今次就錯過左呢度既啤酒雞、好飲恨啊！

大家記得下次去食既話、如果想食啤酒雞、要至少提早一日預訂啊

我們四個女仔一共叫左三樣野、諗番起食唔到啤酒雞都唔算大損失！因為如果食左、真係咩都唔洗食
呢度既野份量好大、好適合大夥兒黎食

呢度既餐牌圖文並茂、正！

1. 雜錦海鮮鍋
齋睇個名唔知有咩料嫁、不過見好多其他食評好多都有、未試下囉！真係好大鍋！好多粉絲
竟然連午餐肉同腸仔都有！真係好雜錦2. 芝士玉子燒
正！唔係情迷玉子既我賣花讚花香…一定要試下！咬落去d芝士流晒出黎……係未好想試？？！係未係未？可惜一共只有五舊…定六舊？總之我食得一舊！好念念不忘啊！諗起都流口水(尤其呢個收工時刻)3. 海鮮芝士年糕
哇！個份量真係好勁呀！好值個價錢！一睇個賣相已經好吸引、成層芝士係上面、有蝦同青口
不過真係有點辣！飲品方面、我叫左Rice Punch 其實完全唔知咩黎嫁、我都係試下咋！但係唔好飲職員托野要小心點啊！最後臨食完時、聽到巨響、一個侍應將個銅(有湯既)倒晒落地、仲搞到同事成身都係
成個鍋熱辣辣、倒完落地仲不斷冒煙！本來佢倒瀉果個位有個食客坐係度、後來佢搬左去裡面坐、佢都大叫好彩、如果唔係兜頭淋晒落佢度……

未食完已經好期待下一次光顧  一定要試到啤酒雞啊！ 真係要拉大隊黎食、先可以試多點唔同野！情人節六百幾蚊埋單真係抵到爛！

一直想黎呢間餐廳好奈好奈好奈、一直由上年夏天望住佢既西瓜汁、到秋天蟹麵、然後到左冬天
今次平日星期二都幾容易訂到位、只係要晏點八半先有位、同埋講明黎到可能都要等多陣、最後等左廿分鐘左右

可能我之前既期望真係過高、令我食完之後覺得主菜真係非常非常普通、當然我唔知係未我叫果些無乜特別、其他可能有更好味既、但我都係接受唔到俾二三百蚊一個主菜會撞正一個甘普通、普通到我求其入間西餐廳我俾百幾蚊都可能食到既

我真係得罪點都要講、以後是否要留意下openrice d 笑面係未主要來自試食活動？？？如果係既、係未叫返佢地試食既野會保險點？？？

拿！坦白講 甜品係驚喜！唔係成間餐廳無野好味既、所以overall 我都係俾"okay"餐廳一開始俾濕毛巾我們抹手、佢一放落黎個陣、我驟眼睇、都睇唔出係乜、哈哈！大家可以參詳寸個餐牌、但唔好叫我那個pizza、除非你們想試下有幾普通1. 女皇簿餅
超普通！ 完全無乜特別2. 燴和牛面夾肉配野菌黑松露飯
我覺得呢個都okay 加上我本身都鐘意risotto
賣相幾得意、像係心心眼、加一個笑容
面朱dum幾嫩、非常淋
可惜飯黑松露味唔夠、我比較重口味
但勝在米粒較硬、我鐘意！！甜品方面：

1. 雲呢拿雪糕配果仁、朱古力、香滑濃縮咖啡
咖啡醬幾苦、但一吉爛舊被果仁包到實一實既雪糕、連埋一齊食、就甜番晒2. 肉桂脆配粟子蓉和朱古力汁3. 暖心橙蛋糕配雲呢拿忌廉及濃縮鮮橙汁
呢個好開胃、我都幾鐘意
總括黎講：甜品我幾鐘意既、賣相精緻、又有特色、令我覺得接受唔到甘貴但又平平無奇既一餐飯、增添左少少色彩和歡欣…
本來我一向唔好甜食、但我都推薦呢度既甜品、大家真係不妨一試！但埋單成九百幾蚊既一餐飯、淨係覺得個甜品正！我始終都係覺得唔化算囉！

好奈好奈之前朋友介紹了、終於有得試！但真係等得太奈太奈、等左成個鐘甘制、仲要成堆人迫係個電梯門口
算啦！我好少等位等好奈好奈食飯、多數都搵好、訂好去！我覺得出到街再諗、再行、再等…簡直係嚴重浪費時間
不過今日同朋友講好左食就算啦！
呢度每人限食個半鐘……飲品食物款色眾多、中西式款都有、我們兩個人都唔可以叫甘多、最後只叫左兩樣野、同每人點左杯野飲

1. 台灣牛肉麵 
可選辣或不辣、我就當然食唔辣啦！
牛肉非常非常嫩滑、都有好多舊嫁、五大舊 (隔離枱兩人點解可以一人一碗麵、再加大大舊既雪糕吐司、好羨慕！)
好好味！食完即刻諗住下次再黎食2.奶油芝士培根雞蛋手作麵
哇! 呢個一看名字就知道它的內涵  甘長甘詳細既名
個麵幾結  不是很水甘  好適合我
可惜唔係好濃味、我唔係要求熱到冒煙、但係冷冰冰甘唔係幾好囉！飲品方面：
哇！真係選擇眾多、好難擇呀！
三心兩意既我選擇了珍珠奶茶  好普通？？無計啦！我太愛奶茶了！！！！！！！！
加上食台灣食品、飲番杯珍珠奶茶/奶茶當然唔少得
果然珍珠大大粒、奶茶味香濃、包唔係好像飲水甘
正！！鐘意飲奶茶既朋友不妨一試朋友擇左Oreo朱古力咖啡
都好好味  朱古力味十級濃郁、只係飲完有少少罪惡感、所以我都係試左少少而已服務方面：以一間已紅透半邊天既餐廳黎講、算係甘！服務質素接受到、夠鐘會有人趕你扯、但態度ok

我已期待下一次食牛肉麵同飲紅豆奶茶、但係真係唔想等囉！可否快點開多間有番一樣水準既分店啊？？！

臨時約左好友食飯、竟然完全諗唔到食乜！最差係連食咩菜都諗唔到
最後諗起朋友介紹過京笹、我就向朋友提議了呢間和海港城某西餐廳
朋友就擇左未試過既京笹

餐廳門口已有餐牌、等你可以望下0岩唔0岩食先！無人會出黎煩住你、可以睇幾奈都得…讚！當然好飢渴既我都係甘易望兩眼、確實唔係天價食物就標左入去

一入到去、有個好熱心既侍應 (其實可能係老勢！)招待我們、帶到我們一個二人位、呢度既枱与枱之間較窄！基本上完全聽到隔離講乜  見到裡面有些細房、應該係俾訂左位、同埋多人既！幾正甘喎！環觀四周有兩三枱食客以及一兩個侍應都係日本人

呢度既侍應服務態度幾好、但有個問題就係佢地分工有點過份仔細……拿！第一次就當我問錯人、我問左個有少少像南亞裔人士野、我想問佢隔離個枱食緊既係乜 "  賣相好吸引甘、甘佢話唔知啦！搵人黎答我
之後既每一次落單、同問野(我們做左問題少女、因為太多菜式名字唔知係乜) 都不可以第一次就搵到人幫、佢地都會叫你等陣、再去搵人！可以落單問野既人又經常不在附近

我們兩個人、食左都好多野、叫左四樣野
如果個餐牌可以多點圖會好點、因為睇落好多名都唔知係乜、同埋個餐牌好像茶餐廳果d甘、過完膠就算

每枱都會有碟炸雞皮、無以為唔洗錢呀！係要廿蚊碟嫁！
我朋友仲要淨係食左一舊、我就成碟食晒！生住飛滋都要食
炸雞皮幾脆 、好香口、不過真係好熱氣！下次唔知可否淨係留一碟呢1.  雜錦烏冬
隻烏冬唔錯、係扁身既  我朋友話勁鐘意
呢煲裡面有一隻大大天婦羅、一塊蟹柳、兩三塊豬肉
熱辣辣甘好正
成煲可以分到四碗、三四個人食都得
最鐘意就係隻半生熟蛋、一黎就搞搞搞、整熟佢先！！2. 三文魚茶泡飯
自從去完名古屋、就愛上左食茶泡飯
茶泡飯其實係日本勁普通勁普通既食物、但我真係一試難忘！於是今次一見到、都即刻叫左同埋好期待
但期望過大、失望更更更大！！
因為茶泡飯味道非常淡  落左芥末落去、好俾飲緊落左芥末既水、好失望啊！三文魚都無乜味甘！不推介大家食3.  三文魚刺身
正！！非常肥美！有五大塊4.  炸露筍
呢碟係我們隔離枱再問個服務員叫既
遠望有點像蟹籽壽司
初時仲以為係個服務員唔知我指邊碟、講錯
爛露筍咬落去脆脆地、外形像壽司、咬落去暖粒粒、感覺好特別

總括黎講、對成餐飯都幾滿意、如果只係普通想食餐飯、價錢就幾貴下

走出左間鋪、行左幾步、有個店員對住門外大叫、係大叫幾句日文……我個人理解為：多謝光臨！下次再光顧吧
為整餐飯劃上了完美既句號！

今日約左大同、我個朋友收得晏、黎到銅鑼灣都九點、諗唔到食乜！諗起兩年前黎過既brunch club and Supper 又驚去到無位、個電話又點打都唔通
算！唯有去碰下運氣…點知好彩地有枱人埋單！正啊！

我們四個都叫左egg Benedict with salmon
飲品方面：三個朋友一開始叫Orange juice、點知間餐廳無晒橙
轉左蘋果汁、點知個南亞侍應又走返黎話蘋果都無埋
朋友們最後改Lemonade
而我一開始叫左一杯我連名都唔記得既野………個侍應係幫朋友們落完Lemonade後、又走返黎、
我就望住我朋友、以為佢地杯野飲又要改
點知今次個侍應望住我
唔好意思甘話：你杯野都要用橙汁溝、佢介紹我飲另一杯野、我同返佢講：呢杯好像都有橙！佢話：係喎！
最後要左Margaritas! 太多冰！無咩味、接近飲冰水

至於個egg Benedict
我一開頭見到塊野、覺得賣相無以前甘吸引！點知一吉落隻蛋度、d醬係甘流出黎

正！！！我係正宗蛋怪！無蛋不歡
呢個時候已把我那位廚師朋友話過 egg Benedict裡既蛋醬其實係用n隻蛋溝出黎既事拋諸腦後
我諗egg Benedict 最考功夫既就係點令隻蛋無熟和無穿！等到食客一吉、先湧出黎！
D 蛋醬查到成塊包都係、再連埋三文魚食！感覺好滿足！

但我始終都覺得兩年前好味點囉！我既期待其實更加高囉
難道而家食得太多間、感覺不再較驚喜？

記得我開完個openrice account寫左幾個食評、之後就有段好長既時間無寫過、再次寫番既第一篇食評、就係Full/ Half、 所以有時美好既一餐、滋味既食物真係可以motivate 人、再執起支筆啦！無懶啦！

早兩日訂左枱、book左七半！又黎到呢準時到達後發現餐廳無乜人
呢間餐廳一直想再次光顧、但一來一直都係度清緊心水餐廳內既其他餐廳、二來其實呢間餐廳都幾貴下、但格調又唔係咩高級餐廳！平時一般行街睇戲、都唔會黎呢度食個貴晚飯！今日朋友生日、我們一於再黎啦！

認得果個服務態度好好既男侍應、我們一入到黎、佢就俾左個桶我們放袋、都係係呢間餐廳我先試過呢種服務、唔洗攬住個袋、又唔洗將個袋放係後面無得ai！ 真係唔錯

餐廳既環境唔錯、有精心佈置過、記得上次黎坐裡面點、對住一個個書櫃、而家餐廳為容納更多客人、改左做一張張二人枱、仲有個落地大玻璃係隔離睇到街景、下次兩個人黎可以訂定位、要求坐果種位、應該都唔錯！
餐廳既枱布唔同左、都仲係好有創意

我們點完野食後、我想去洗手間、行左出去、個侍應見到我、主動講我知洗手間係邊、真係好細心！

呢度一個set dinner, 有三個價錢： $195 $235 同埋$285
每個餐都有一個沙律、一個湯同埋一個主菜！
沙律同湯各兩款選擇、沙律可以擇蕃茄蟹肉沙律配熱情果汁或者係華都夫沙律！
餐湯可擇黑松露菌忌廉湯或是日精選餐湯我們四個人叫左三個餐、擇左兩個蟹肉沙律、一個華都夫沙律
蟹肉沙律幾正！一大團蟹肉一點都不吝嗇、上面仲有一粒蟹籽、加埋生菜一齊食！正！！
至於個華都夫沙律、真係唔係好吸引、主要都係一堆生菜！個侍應送沙律黎個陣、 主動問係邊位既、甘其實因為我們係諗住share食、甘我又費事佢一直拎住等我們可以騰空枱中間既位置俾佢擺野、所以我就廢up話：個沙律係佢既！個侍應就笑左、話：我幫你們拎多幾隻碟啦！你們諗住share呀嘛？！你好像迫你朋友食甘！  我們都笑左！

我們三個湯都叫左黑松露菌忌廉湯、完全無諗過問下個是日精選餐湯就決定左  因為上次我同朋友黎食  我們都覺得個忌廉湯好正、我朋友仲係主要為左佢而來！個湯忌廉味我可以話唔係食過最濃、但碗野真係勁多mushroom粒！每飲一淡湯都食到好多磨菇粒、正啊！黑松露味甚濃、很香好正啊！不過如果個湯可以再暖點就好了、唔係好熱啊！

我們叫左兩個$195、一個$285餐

1.  自家制蛋闊麵ｰ澳洲牛肉粒ｰ意大利芝士

個名勁複雜、又有澳洲又有意大利  我一眼就睇中佢、不過上到黎同我想像中有點出入、因為雖然菜式個名好長、但事實上就唔係好介紹到個菜式！原先我一見到個菜式名、就立即妄想病發作、妄想係忌廉汁意粉、點知完全唔係！但我都鐘意！一望隻色好濃味甘、最適合重口味既我！正！
我朋友都話牛肉粒好好味、但我覺得一般般、有點"un"、同埋無乜味！隻麵我幾鐘意食！比較硬身！唔係人人都鐘意 
整體黎講、我覺得隻意粉都幾特別、雖然唔係非常出色！2.   有機意大利意粉ｰ鮮法國藍青口

呢個係我朋友擇既、隻麵有點像我上次黎食既天使麵喎！上次果個好好味嫁！不過呢隻有機意大利意粉我覺得麻麻
成碟野無乜味甘！我反而覺得平時唔鐘意食既青口唔錯、都幾大隻又多、起碼有四舊！3.   香煎西班牙黑毛豬肉眼ｰ有機焗薯 炒菜ｰ藍啤梨汁

呢間餐廳改既名都幾得意、甘多國家名既？真的由世界各地運貨黎的嗎？呢款菜式名稱詳盡得連"炒菜"都要寫出來………隻豬我覺得唔係特別好味、唔值個價 、淨係像咬緊一舊肉甘！
而所謂既藍啤梨汁其實係藍莓汁、呢種食法又幾特別！第一次點醬係用藍莓醬4.   飲品方面、個餐包一杯野飲、我們都選了青檸梳打、另一個朋友額外叫了杯花茶！賣相都幾吸引、中間夾住包茶包、都幾大杯總括黎講、雖然食物方面無之前甘好、但一間餐廳好唔好都需要睇好多方面
本人都好討厭一些好出名、但服務差到爆既餐廳、例如：牛奶公司同埋某好多內地人力棒的曲奇餅店
呢間餐廳既服務非常好、環境唔錯坐得幾舒服、如果大時大節、有慶祝活動、黎呢度確實唔錯！

今日約左一班大學同學！本來我提議食韓燒、暖粒粒嘛！我們係無訂位既情況下、去到新羅寶、個度水靜鵝飛、職員話得個半鐘食、仲有個朋友未到喎！仲要慢慢燒、黎唔切喎！朋友提議去二樓既麵屋一平安

我們立刻可以進去，也是限時吃個半小時，不過吃呢度不同韓燒嘛，唔洗慢慢燒、時間可以快很多！
我第一次黎食！十二月二十六日、店內都不是很多人！可能店舖位置唔起眼、唔係特登黎食的話、無乜人發現
一行六人坐長枱、坐得都鬆動

菜式方面、點講呢………種類比較多、但每種食物既選擇比較少、有些甚至得一款

1. 玉子燒

六舊剛剛好一人一舊！味道正常、無乜特別！作為玉子迷既我唔會話唔正、可以頂癮2. 燒餅

放心啦！隻餅得一款！我唔記得個名你們都會知我講緊邊款
隻餅同和民果隻簡直如出一轍！3. 蛋包飯

蛋包飯都係得呢隻嫁喇
不過又幾好味喎！份量十足！4. XX 拉麵

拿！拉麵就不只一種! 我是現在在寫食評看照片才發現 我不知道他們叫了什麼拉麵  加上不是我負責分拉麵  我沒有見過那兩塊肉是什麼樣   我一選就選了有蛋蛋的那碗  之後就不問世事地食食食5. 雜錦串燒拼盆

串燒是可以散叫   我們叫了一個全部種類都有的雜錦拼盆  
我淨係試左菇同雞肉  都幾正！由於我們覺得唔係好飽肚、於是另外叫左

6.  牛肉鍋

牛肉都有三四塊既、牛肉鍋底部有粉絲、正啊！ 另外仲有豆腐同菇again!

7. 牛油炒蜆

完全無牛油味！

之前聽一個蘇格蘭朋友講話灣仔有間食蘇格蘭菜好正宗好好味
呢排我又鐘意係灣仔搵飯食、係openrice搵搵下就搵左呢間食評幾好餐廳！後來先知原來就係朋友講果間！

我約左個朋友食飯、就建議黎左呢度
餐廳位於華美粵海酒店裡面！你要入左間酒店先、之後先見到大堂最裡面有條樓梯落去餐廳餐廳地方都幾大、七點半入到餐廳都只係小貓三四隻、始終呢間都算係bar、可能都要晏點先多人
如果全場爆滿、呢個焗束既地庫都應該幾嘈下！

我和朋友兩個女仔叫左三樣野
1. Cascer Salad
份量十足！一般凱薩沙律都好難失手既2. Lamb Stovies
我倆都是非常愛吃羊、平時都要就其他唔鐘意食羊既朋友、今日正好大快朵頣！
其實睇個名呢 唔係好知係乜
淨係知食羊
後來發現成碟野好像咖哩羊甘、心諗：點算？叫飯一定食唔晒！ 最後食落發現：正！無叫錯！羊肉好嫩滑、我諗stovie指隻汁？
外表像咖哩汁既醬汁咸咸地、配上羊肉和薯仔非常入味！一點都唔辣！就算我們無叫飯食、一點都無問題
當然啦！如果多幾個人黎、我都建議叫碟飯撈下汁、一定好好味 3. 蜜桃批
食完兩樣野其實都飽飽地！但好像都意豫未盡、於是擇甜品！
本來想擇最愛既蘋果批、但朋友想食蜜桃、我又諗諗下、試下新野啦！於是就叫左
熱辣辣既批加上雪糕…好味呀！ 服務都唔錯！其他既食客全是外籍人士！一兩個甘係度飲野
好享受呢個寧靜既晚上、一定要快點再光顧！

近黎有點渾沌、weekdays收工多數一支箭飛回家既我、都忍唔住搵知心好友出來聚一聚！呢間餐廳一直想黎、估唔到我生活在尖沙咀二十多個年頭、一直都無機會黎

坐位不太舒服！無得"埃"！要成晚攬住個袋食野！

餐廳果晚無播放音樂頗適合傾計

我地兩個女仔、叫兩碟野食！
一個係nachos、  配以三隻醬料俾你點
我覺得麻麻、因為nachos一般都係以粟米片上既配料和淋係上面既芝士醬取勝！呢度既配料並不豐富、芝士味不足！不過、用黎送酒始終都不錯既！另外我們叫了菠菜意大利雲吞
正啊！無睇少呢碟野、因為芝士味甚濃、都幾溜下、食完都好制！芝士、菠菜、淡淡肉
口感一流! 黎呢度、當然唔少得酒、我Kilkenny，呢隻啤對我黎講都唔係好濃味、幾易入口
朋友叫果杯係職員介紹既、無以為我們飲到一半先影相呀、一黎到就得一半喇！好像飲奶甘！唔適合我！ 
值得一提、呢度竟然無服務費、bar and restaurant黎講真係好罕見！甘樣叫多杯野飲都好丫！
環觀四周以外國人光顧居多、相信隨著呢間野既知名度愈黎愈響、已經多左好多香港人一大班一大班甘黎聚會！

平日夜晚呢度都唔係好多人喎！服務方面都唔錯、加上食物okay,都會期待下一次再試！

家姐話萬歲請食飯、仲話要去酒店食！  費事食左你隻車啦！你仲要今日先同我講、又係星期六…點訂酒店枱呀？？？
為左你荷包著想、擇食放題啦！今日星期六、所以貴點、收$238 + 1
哇！呢個價錢我可以食放題之最ｰ大喜屋！
算啦！唔洗諗住即日book到大喜屋喇！

我中午訂位都訂到六半時段喎！準時到達、坐位無其他放題食店甘迫、我們一行四入坐得幾舒服、但見到人地兩人位張枱都幾細
立即起動點刺身、呢度既刺身唔係冰鎮甘上黎、送到黎外觀上麻麻、不過我們都無所謂既~
勝在剌身款式都幾多喎！有幾隻魚既名我都未聽過、好孤陋寡聞啊！嘻嘻！我們四個女人、一舊壽司都無叫到、食左真係唔洗食其他野、所以唔知壽司水準點

天婦羅同炸物幾出色！尤其炸蠔…又熱辣辣………好後悔淨係食得一隻囉！媽同家姐話蕃薯和南瓜天婦羅味道不錯、但我無試！粟米天婦羅勝在夠特別、第一次遇到、家姐同佢友人就試左！

今晚唔知做乜難得的好運！店方送左一客海膽俾我們、哇！！！正啊！最鐘意海膽、但好少有機會食到！一板海膽份量都唔少喎！配以紫菜、俾我們包住海膽吃！不過唔係未因為我們呢個係全個星期最貴既時段所以先送呢？野飲係可以自己去雪櫃到拎、有各款汽水同一款啤酒！

八點鐘last order 同埋會叫你埋單、但雪糕就可以last order之後先叫、同埋每人每次限叫一個、我飽到食唔到、但阿媽竟然可以食埋我果份 勁！

要提一提呢度既服務態度、好"參痴"喎！因為負責聽電話訂位既、同埋一開始serve我們既阿叔都幾好、有耐性甘解答我們既問題、但之後有個頭髮爆長既阿嬋送野食黎、你渣唔到甘多就無夾硬黎、兩隻手拎晒野、行到埋黎眼定定！之後仲對住我家姐講： 你渣呢個 ！
O 晒咀囉！ 奉旨幫你嫁？仲要一句唔該都無
其實我好憎一些侍應行到埋黎、企係度、等我們執好晒張枱俾佢放野、係甘易郁下手都好丫、或出聲！企係度做乜？

全晚都除左呢個阿姐外、其他都幾好！