乜原來今日係光棍節咩？ 甘就係光棍節同媽咪撐下枱腳 
次次同阿媽食飯、都有個好大既疑難： 食咩？
因為佢勁多野唔食、仲要話自己食野無乜所謂果下先搞笑！！
又要平又要靚又要正！

呢間店對媽咪黎算係可以接受、早幾年常黎、但呢兩年俾佢發現左第二間更平既店、我們就無黎了！佢點都唔明、我們唔係淨係想填飽個肚、亦都唔係間間壽司都係一樣囉！！！！

相比起其他壽司店、呢間確實平點、且有多款熟食選擇…鍋物同飯都有、見到兩邊隔離枱都叫左蟹籽沙律、堆到好高好滿、份量唔錯下喎！

我倆叫左六碟壽司咋！
軍艦壽司和其他壽司款色不是很多、都是市面一般我們會吃到既
味道都不過不失、水準okay

服務態度還可以！其他食客男女老少都有、都適合大夥兒黎食飯！

十月有兩個額外既假期、真開心！
國慶日當然要即時出動下  食下好野啦！

本來想去划船、但第二日返工驚累到打唔到字、最後決定去愉景灣行下算了
愉景灣係一個好多外籍人士、好多好多有錢人住既地方
週末紅日經常迫爆多人
我們先搭地鐵工去到欣澳、再搭架接駁巴士到愉景灣、甘搭法比起去中環搭船入愉景灣平好多
如果在假日係愉景灣食午餐既、可以回程搭免費船去中環、抵啊！！唔知而家仲有無呢個優惠、大家可以上網查查

今次都係我第二次黎愉景灣、上次食飽先黎、所以無試過呢度既餐廳
擇左zaks完全只因見到多人食又有位
入左餐廳被帶上樓、正喎！上層得兩三張枱有人、又有冷氣、又有海景…爽Y Y!

睇完個menu 發現所謂既lunch set其實係同散叫無分別
因為係就甘一個main無包任何野

我們就叫左一個starter一個main

Starter 係焗薯皮
佢有兩種醬、一種係cream 另一隻係
我覺得個薯皮焗到有點硬、唔夠林
作為一個starter佢既份量都幾多至於個主菜、我就建議試下呢度既crepe
我試過去專門食crepe既餐廳、但就未試過係一般西餐廳
度吃過、試下先！！我們叫左雞肉crepe、點知無幾奈黎左個海鮮味既
個服務員好有禮貌甘問我們介唔介意食海鮮味、我都好想幫佢、費事佢煮完浪費左、但可惜我朋友唔食得海鮮、皮膚敏感個crepe同我之前試既好唔同、以前食既個底幾簿下、比較脆、但呢間出品既較厚、較林、好軟綿綿甘
其實有少少像吃簿餅嫁、但凍左點、同埋汁比較流質點囉！都幾好味！

朋友點了strawberry milkshake, 而我點左strawberry smoothie ,外表睇落一樣、我果杯沙冰黎講味道幾濃、唔會淨係飲水甘

事隔幾個月、再次光顧、一來懷念呢度既羊、二來係欠呢度一篇食評、想寫番俾佢
但覺得今次既水準無甘好了！！

Lunch Set Menu都無乜點變！我想食既羊、同埋上次已經睇中既豬柳都仲係度
我擇左羊、朋友擇左豬柳

我覺得我個羊無乜味、淡某某淨係知自己食緊肉、佢會俾芥末同簿荷汁我、唯有不停點黎令舊肉有味點

我本來爭紮叫羊定叫豬柳好
好彩無叫豬！！  因為仲差！ 真係就甘一塊燒熟豬扒甘、無乜特別！

甜品芝士餅都一般般！無味、無味…同無味
不過芝士餅上次都係甘、所以唔係好驚訝！
最失望都係個羊

有儲印花、儲了四個印花、一餐午餐儲一個印花、儲齊十個有免費一個午餐或下午茶
但而家甘一般、相信都唔會再黎、儲唔到了！！

一次開心回憶加一次失望、拉平為"ok" 啦！

事隔整整一年、終於可以再來吃我一直念念不忘既egg benedict
當然唔計轉個彎大點既果間、我比較鐘意呢間多d
第一篇既食評都係俾左呢間！呢度既egg benedict成功motivate到我呢個懶蟲寫野

話說果日其實我喉嚨痛、一早約左朋友食飯、我好少送飛機俾人
所以依舊赴約、平時我會諗好食乜、果日無心情諗
見到朋友、佢仲諗有咩粥粉麵食、點知我心血來潮爆左句benedict、朋友就話：下？！我以為你想清淡喎！
我就話：已經好清淡了！egg benedict咋嘛！ 食食食！！！
係預計要等位既情況下、走到那店！！！嘻嘻！有吉位喎！！

諗都無諗、即刻擇左smoked salmon benedict with spinach
上次黎無同人share 、獨食一份兩個既benedict、非常滿足！！
今次同個朋友想試下其他野、於是叫左個卡邦尼亞意粉

1. 卡邦尼亞意粉
非常普通！！！我係其他食評都講過、我情有獨鐘兩間食店既卡邦尼亞意粉、so far 都無食到有更好既
呢間既出品都係一樣、比較多汁、好希、無乜味、好淡！！其實黎度我見到個樣已經一般般！！2. 飯局重點： egg benedict with salmon and spinach
一見到碟野、對眼即刻變左心心！！好鐘意上面半生熟熟既蛋蛋
迫不及待掟左一舊俾朋友、自己就起動、食呀！
一切落去、蛋汁已經bit晒出黎
我鐘意切一舊菠菜三文鱼和包 一野點落漏哂落碟既蛋汁、正啊！！！！！！食完個碟連d蛋汁都無乜淨！！！

經常黎呢度食飯、唔係因為野食好味、只係貪個方便
呢度一向已經款式奇少、服務頗差、如果唔係費事阿媽辛苦煮飯、又就腳、真係唔會黎

今晚姐夫好晏由廣州到香港、九點半去到稻香食個飯
去到多吉枱、呢間地方幾大嫁、以前係間夜總會黎、而家轉手成為一間酒樓

一坐底就點菜、個阿姐不停hard sell個湯、企係度唔走、平日又唔見你甘殷勤企係度等點菜喎！ 我話唔要啦！仲sell！ 你愈sell我愈唔想飲囉！好飲多人飲既你唔洗sell啦！

點左鱼香茄子煲、鱼雲煲、古魯肉、燒鵝無晒改左沙薑雞
沙薑雞好快上、隨即送上三碗白飯
沙薑雞係幾好味、最鐘意隻醬、甘呢味好難失手啦！切俾我嫁遮！

點知就係、食完呢尾後、隔左廿分鐘、都未有另外三道菜上
飯都凍晒！
期間我吹左三次、請想像我吹既呢三次、仲要係幾難先成功揮手引起到d阿姐注意
喂！！個場唔full嫁喎！你們俾翻多點注意力得唔得？
仲聽到隔離枱食客都吹佢地個雞煲、仲聽到個阿姐解釋：雞煲係要奈點、因為要唔知點點點
hea答左枱食客！
但都好丫！起碼有解釋、我吹d阿姐、個個無反應囉！

等左n分鐘、另外三道菜先逐碟逐碟上
古魯肉正常！
鱼香茄子有煮過龍、濃左！都唔知係未晨早煮完唔拎俾我 
鱼雲仲要劣！無肉、多肥膏！好難食！

好差既大集團！我接受唔到囉！！！！！！！
快點改善下！！！！！

九月都無點寫過成評、數數手指應該仲有十篇
十月除左要繼續食繼寫、仲要追番九月果d

今次就要寫番九月初既呢餐
那天又是和大同既星期五聚會
相約地點係銅鑼灣、但無鎖定餐廳
於是我就介紹呢間、雖然我係認為應該full左、因為我記得係好細、我們又book位、又係星期五晚上黃金時份
算啦！碰下運氣啦！
點知真係有張吉枱

一年前黎過、但食唔到le terre neuve、即下圖有三文鱼、菠菜呢個、加上一年前黎有不快回憶、同個朋友開玩笑開大左、佢就一支箭飛走左
所以今次一定要彌補番開心回憶！！

黎到都唔洗諗叫乜、一早鎖定目標、擇酒！
另外三個朋友擇左一輪、最後都擇左一樣食物
我擇左隻玫瑰味既白酒、朋友擇左apple cider

佢地果份好快到、我叫既野一樣、但就遲左十分鐘左右
仲要無人地果份甘好啊！

我覺得我隻蛋太熟、可以睇下第三幅相、雖然黑左點！哈哈！
頭兩幅我影朋友既
同埋我果份有點焦係個餅度、煮過龍喇！！！！！！

overall,呢餐都唔錯啦！無趕人走！服務一般般
得一個人做樓面

前一個月想去樂道買珍珠奶茶飲、行行下有人派傳單俾我
平時我一定眼尾都唔望下直標去目的地、點知聽到個哥哥話：睇下丫、任食火鍋喎！
我即刻一百八十度轉身拎左張紙、兼細心研究！
哇！正呀！
同牛涮鍋一樣食法！但牛涮鍋太遠、一直想帶爸去、但佢行路唔方便、所以無機！
現在係樂道、搭地鐵係尖沙咀國際商場出口出左轉右果條街就係
一轉入樂道就見到牛一個招牌！勁易搵！

呢度限食個半鐘、今晚有勁愛打邊邊既爸爸和弟弟、討厭打邊邊既阿媽參加左美食團、正！
我們三人行可以烚下烚下了
我們擇左最平既138餐！爸最怕等、一點耐性都無
好彩唔洗等咋！！！
一坐低就同阿爸標左出去夾野食、佢返到黎話無乜好擇喎
因為得素菜
佢係一等一既肉食獸！！！
基本既菜都有：菠菜、西洋菜、生菜、西蘭花
丸：牛丸、花枝丸、貢丸、仲有隻海膽丸添、幾好味喎
麵款式比較少囉！有烏冬、拉麵！

我阿爸主攻牛肉、牛肉每碟十碟左右、我爸不叫、因為牛肉係任食、食晒可以叫佢再送黎、我們三人、最多叫佢每次黎三碟！
我們保險點、怕食唔晒、所以每次兩碟、點知我諗最後一共叫左十碟牛肉！！
飽到個肚勁脹囉！脹左成晚！！！

我爆飽都吃左兩杯心愛既frozen yoghurt haha
呢個idea唔錯、係任食餐廳內加兩部frozen yoghurt機
正啊！平日都要就住就住加料、今日真係大跟大跟筆！
Service quite good!! many staff and no black face!! good good good!!

食完第二日阿爸已經話要再去！
唔係卦！自助野食唔好食甘多好！制左成晚！

好鐘意去有live band既bars
睇見其他comments好好甘、同事又話正、於是就黎左
入到去、哇！！！勁焗！！
好熱好熱！有無開冷氣

好彩有兩個位！搭下枱先啦！地方淺窄！
我朋友叫orange juice. haha
個waitress都emphasize左一次：orange juice????

我叫左杯Snow Ball
幾好飲！酒精成份不高
有好重雪碧味！如果想去聽下歌、飲野吹水又唔想飲酒既
都可以叫呢杯！！！

本來對個live band好有期望！但後來發現唔係我杯茶
唔識欣賞、唔係我年代既歌
但其他人都好hyper、有好多foreigners
但d歌真係麻麻我、都係去返諾士佛台 or 海皮果幾間好點！！！！

約左成九個月都無見既朋友、佢介紹呢間雪糕店
話上網查過其雪糕不是牛奶製品、佢唔想食奶類製品、所以想去試下
去到後、問個職員：呢度既雪糕係未唔係牛奶整嫁？
佢話：水果味既就無牛奶、其他果d就唔知用左邊種牛奶、就算對牛奶敏感既人食左都無事！！
其實我個朋友都唔係敏感、甘就試下啦！
二十八蚊一球
我朋友擇士多啤利、我都擇士多啤利
佢就話甘佢擇第二隻味試下、甘我費事迫左佢擇第二隻甘
甘我就見到冧酒提子、都係我最愛既味道、就要呢隻啦！
點知我果隻隻味勁奇怪、可能係某大牌子隻冧酒提子太好味了！好大對比
甘都係既！唔係同一隻味都好正常！始終唔係同一間店
但呢間d味唔0岩我啦！

相反朋友隻士多啤利幾好味、好後悔無擇、下次都係堅持自己既選擇！！！

呢度坐幾奈都無人理、八點黎到無乜人、晏點唔知d人食完飯食甜品會否多人
否則都係一個吹水聖地！

服務幾好丫、問佢雪糕既成份都唔算hea答！

好！食完杯雪糕後、出發去尖咀睇live band!! YEAHHHHHH  

朋友訂左位，所以唔洗等！仲早左廿分鐘到、因為收工太累、唔想行住街等、所以自己入去坐住等！weekday七半入到去都無乜人喎！我就自己睇住餐牌先！食品款式都好多！係刺身價格貴點
飲品放面都有好多選擇：燒酒、果酒、啤酒、清酒、梳打。。。。。每隻酒都有多款口味、任君選擇！

侍應姐姐主動sell下我叫我叫杯飲邊飲邊等喎！其實我本來都想叫野飲、好啦！我就先叫杯水蜜桃梳打飲住先啦！  杯野少少淡！

四個人叫左五樣野
首先講下個饅魚飯！okay無乜特別、不過不失、旨在有個飯飽肚點！ 個人覺得個吞拿鱼壽司比三文鱼壽司好味！！！    

薯皮正！！！勁多芝士！！

玉子燒
一向鐘情玉子呢度既玉子燒同monster sushi既一樣甘正點！！我覺得我可以食晒成碟
其實我食親日本野都只係吃刺身壽司、好少去居酒居食下其他野、便當定食都好少
今次體驗後、日後可以試多點

呢度service非常好、唔好食到成肚氣、早點訂個位黎試下啦！