為慶祝姜濤誕🤭，麥當勞都推出咗姜公同名嘅 “薑汁豆奶批”同埋 “白桃乳酸味梳打”，仲推出埋 $35 Big Mac套餐，一於去試吓好唔好食先😬 ❣️巨無霸餐 $35 麥當勞定期都會推出呢個 $35優惠，巨無霸確實細咗好多，味道亦都差咗，牛肉煎得好燶，試過就好了🥸 ❣️套餐+$10 4件麥樂雞加Big Mac醬 Big Mac醬就係濃味嘅千島醬，味道就較酸，有較多青瓜粒，如果鍾意食Big Mac應該會鍾意🤪 ❣️薑汁豆奶批 $11 食住姜濤個勢，推出薑汁豆奶批，可惜冇咩薑味，反而豆味好重，質感有啲似燉奶🤪，可以一試，但唔會回購🤣 👅好味度：7.5（10分滿分） P.S 油麗分店嘅職員成日都執漏野，已經試過幾次要落番去拎番冇俾嘅野，而且職員係毫無歉意，呢一個服務態度真係唔得👎🏻，真心要改善下

同媽咪係尖沙咀做完身體檢查之後，見到呢間新派嘅點心專門店，於是就入去食個午餐先，位置好闊落，平日嘅時間冇咁多人，仲可以坐卡位🤓，茶位$12一個人，當日叫咗鐵觀音，味道正常啦😃 ❣️一龍大滿足 $68 呢籠點心包咗6款唔同嘅特色點心，最特別嘅係鹹蛋黃墨魚燒賣，裏面真係流心嘅鹹蛋醬，一咬落去爆晒出嚟🤪，真係要小心熱呀；酸菜魚鳳眼餃就比較辣；蟹粉菠菜香蝦餃上面鋪滿魚子；松露野菌晶瑩餃松露味就唔係好突出🥸；筍尖鮮蝦餃有大大隻蝦🦐；豌豆桃子裏面係豌豆蓉，味道就麻麻地😂 ❣️筍尖蝦餃皇 $40 每粒蝦餃都好飽滿，仲係新鮮蒸起，啖啖都食到爽口彈牙嘅蝦🦐，必食推介👍🏻 ❣️脆脆富貴紅米腸粉 $52 呢碟同坊間所做嘅有好大分別，坊間一般都係唔脆，餡料又少🫣，呢到嘅食落口係熱嘅，仲要係脆身😋，而且餡料有好多蝦肉，仲提供3款醬料，包括豉油、麻醬同泰式辣醬，第一次食腸粉點泰式辣醬，又幾夾喎😂 ❣️南北杏菜膽燉豬肺 $52 呢個湯就清清地，有白菜、豬肺、南北杏同豬𦟌，但略嫌份量較少，定價較貴😲 ❣️鳳爪排骨飯 $58 米飯軟硬適中，排骨同鳳爪好入味，加埋甜豉油，味道即刻昇華咗🤭 ❣️白灼蘭花苔 $48 第一次食bb西蘭花，估唔到咁鮮嫩，加入咗大量薑蓉，唔使加豉油，原味都好好食😬 🏦是次消費總額 $376.2（人均消費 $188.1）茶位$12 🍴須加一服務費 👅好味度：8（10分滿分） 呢到嘅點心行新派路線，有別於一般嘅傳統點心店，價錢都比較進取，但味道屬中上🤓，如果有時想舒舒服服嘆下點心，呢到都係唔錯嘅選擇😚

去親台灣都會去夜市食鹽水雞😎，個種味道真係食幾多都唔會厭🤣，係香港🇭🇰有時都想過下口癮，會特登去葵廣食鹽水雞，今次就近近地去食阿土伯鹽水雞，發現水準差咗，而且份量都少咗🥸 ❣️全隻雞餐 $150 +$8撈麵 今次揀左一隻雞嘅份量，發現真係少咗好多🥸，喺葵廣嗰間鹽水雞係會有2大盒嘅份量，而呢度係1大盒加1小盒，而且價錢唔平🤷🏻‍♀️，呢個餐可以揀6種配菜，今次就揀咗豬耳、玉米筍、甜不辣、百頁豆腐、鴨腎、杏鮑菇🤓，仲加錢要咗個撈麵，調味要咗原味，係有椒鹽味加少少辣味，都幾惹味😆，配料首推杏鮑菇、百頁豆腐同甜不辣，可以吸到較多味道，雞肉口感就較嚡，質素較之前差咗🫣 👅好味度：7.5（10分滿分） 無論味道定份量都比之前差咗，好懷念台灣風味嘅鹽水雞🤪 ，而且價錢較進取，葵廣另一牌子嘅鹽水雞較為食得過🤪

近期周街開咗好多間賣麻糬波波嘅店舖🤓，呢間梅窩麻糬王就係其中一間，而且開咗好多間分店，呢日經過油麻地好景，竟然都開咗間，仲要唔使排隊🤪，咁梗係要買番兩袋啦，麻糬有原味、朱古力味、紫菜肉鬆味同雙重芝士味，除左原味$25/6粒，其他都係$35/6粒😆 ❣️朱古力味麻糬波波$35/6粒 呢間麻糬波波嘅特色就係比起其他店舖做得更加煙煙韌韌，特別推介朱古力味，味道濃郁，好似食咗成排朱古力咁🍫 ❣️雙重芝士味麻糬波波$35/6粒 芝士味香濃🧀，如果再焗返嚟食會更加好味，凍食芝士味冇咁出🤓 🏦是次消費總額 $70 👅好味度：8.5（10分滿分） 呢間麻糬王十分推介，首推朱古力味麻糬波波，其次芝士同紫菜肉鬆都好味，好景呢間梅窩麻糬王反而比較少人排隊，所以經過成日都會買到，有時新鮮出爐熱辣辣，$35仲可以揀2隻口味，推介👍🏻

去台灣都會買Kiki麵帶返香港🤭，但如果係香港門市食都係第一次🤣，咁啱去完AIA嘉年華，就一於去試下😁，餐廳位置唔多，今次被安排坐Bar枱位，就有啲迫🥸 ❣️KiKi全日套餐 $148 📍原湯紅燒牛肉麵 （微辣） 湯底尚算濃厚，紅燒牛肉夠腍夠入味😎，但略嫌麵底過腍🤨，破壞咗KiKi麵嘅口感🤷🏻‍♀️ 📍煙燻無骨鳳爪 無骨鳳爪啖啖肉，但煙熏味欠缺🤔只有普通鹹鹹地嘅味道🥸 📍凍Kiki烤茶加芝士海鹽奶蓋 +$6 茶底好濃，但略嫌芝士海鹽奶蓋唔夠濃厚，有啲唔滿足😆 ❣️KiKi全日套餐 $148 📍香蔥鵝油雞拌麵 香蔥配雞呢個組合冇得輸👍🏻，雞肉好嫩滑，但鵝油味唔突出，麵底都係有啲腍，但好過湯煮嘅🤷🏻‍♀️ 📍涼拌皮蛋豆腐 冇咩特別，一般味道🤔 📍凍Kiki烤茶加芝士海鹽奶蓋 +$6 茶底好濃，但略嫌芝士海鹽奶蓋唔夠濃厚，有啲唔滿足😆 🏦是次消費總額 $308（人均消費 $154） 👅好味度：7.5（10分滿分） 餐廳主打KiKi麵，但反而配料有驚喜😆，KiKi麵都唔夠自己煮得好食🤭，破壞咗佢個招牌🤓

壽司郎2月推出史上最多三文魚🍣祭，點可以唔去試下，今次就試咗其中幾款，三文魚控唔好錯過啦🤪🤪 ❣️三文魚腩配蘋果飛魚子 $12 呢款有三重口感，三文魚腩、蘋果加埋飛魚子，可惜生嘅三文魚腩有啲腥🥸，破壞咗成件壽司嘅味道☹️ ❣️香蔥炙燒三文魚腩 $12 三文魚腩經過炙燒之後油脂感更重，配上炸過嘅香蔥味道更濃郁，值得一試👍🏻 ❣️炙燒明太子三文魚 $12 普通嘅三文魚尚算厚身，但明太子醬味道唔太突出，似食緊普通沙律醬🤨 👅好味度：7.5（10分滿分） 今次嘅三文魚祭都叫做值得一試，質素同價錢成正比，三文魚愛好者可以去試下🙂

呢間由Mirror嘅Lokman、Alton同Error嘅阿Dee開嘅泰國餐廳，一直都想去試，呢日夜晚去到，果然好多Fans捧場🤣🤣，個個都拎住個公仔合照🤷🏻‍♀️，但我就想食野多啲😁 ❣️秋葵生菜包 $88 味道唔夠辣🌶️同酸，味道偏向港式，最特別之處係加左炸嘅秋葵，食落會有脆脆嘅口感🤓 ❣️海南雞飯配春卷 $79 海南雞同春卷係正常味道，有得揀配椰絲飯，咁就梗係試吓啦，但係就冇咩特別，食到椰絲嘅飯咁😂😂 ❣️香茅豬扒撈檬配魚餅 $79 香茅豬扒都係正常味道，份量都幾多🙂 ❣️薄餅2件 $38 真係唔似普通餐廳食嘅薄餅😂，呢塊有啲乾，乾到似塊乾酥餅咁🤨 ❣️沙爹雞/牛串各3串 $92 串燒普通，冇咩肉汁，size都較為細串🥸 ❣️馬拉盞通菜 $72 呢個真係完全食唔出馬拉盞嘅味道，似普通炒通菜🥸 ❣️椰汁西米糕/千層糕 $15@2件 冇咩特別，見套餐有得加配就試吓🤪 ❣️椰青 $48 ❣️荔枝梳打/青檸梳打 $38 飲品都係普普通通，味道偏淡🥸 🏦是次消費總額 $640.2（人均消費 $160） 🍴須加一服務費 👅好味度：7.5（10分滿分） 真係偏向港式嘅泰國菜，唔係話難食，但又唔係特別好食同驚艷🤪，可能真係明星效應😂😂

🍵🍦OREO曲奇宇治抹茶新地 $9 🙂🙂日日都見到麥當勞嘅雪糕站都大排長龍，原來推出咗新味道嘅雪糕新地🍦，由於唔係咁中意食綠茶🍵嘅產品，所以就搵左友人嚟一齊試下個味道🤣，呢個雪糕🍦都會好似朱古力新地咁有朱古力醬🍫同花生🥜，仲有一塊mini oreo ，食第一啖都有少少綠茶🍵苦澀味，之後開始就冇乜味道，甚至俾甜味蓋過咗，似食緊普通雲呢拿新地嘅味😆 推介指數：⭐️⭐️⭐️（5⭐️為滿分）

新嘅一年㊗️大家身體健康 ❤️想事成，放假最好做咩，梗係打邊爐啦🤓，今次再去幫襯但馬屋，餐廳提供唔同款式嘅牛為主打，今次就揀咗午市90分鐘嘅放題😃 ❣️日本產黑毛和牛放題套餐 $319加一 📍湯底 有5款湯底俾大家揀，今次就揀左甘露鍋，即係甜豉油湯底，味道甜過壽喜燒，初初食還可以，但會越食越甜😅 📍肉類 今次揀咗食貴少少嘅餐🤪，咁就可以試埋平過呢個餐嘅肉，呢個餐除左可以食日本🇯🇵黑毛和牛之外，仲可以食埋澳洲長期穀飼牛、嚴選牛肉同埋丹麥皇冠豚肉😎，特別要提每一次嚟到嘅牛質素都唔係好一樣，真係睇彩數🤣，日本黑毛和牛睇落去油脂分佈好平均，但食落反而牛味唔太重🤷🏻‍♀️，而澳洲榖飼牛嘅牛味反而好濃，豚肉都正常發揮，所以下次可以揀番個平餐食好啦🤪 📍自助Bar 有醬料、丸、菜、野飲、生果同雪糕任食，雪糕係Häagen-Dazs任你𢳂🤣，火鍋配料最特別係有紫蘿蔔、新鮮羽衣甘藍同埋花生芽🤓 🏦是次消費總額 $1403.6（人均消費 $350.9） 🍴須加一服務費 👅好味度：8（10分滿分） 牛肉質素唔差，不過每一次真係睇彩數，除非真係好想食日本🇯🇵牛，唔係嘅話揀番$219澳洲長期穀飼牛餐仲抵食啲😆

每次去長洲除咗掃街，諗唔到食咩都會揀呢間紅色格仔枱布嘅海鮮餐廳嚟食飯，今次揀咗食海鮮大餐🤓 ❣️三款自選小菜 $278 📍豉椒炒蜆 味道有啲鹹，份量算多，但唔可以話好新鮮🤣🤣，但食得過囉🤪 📍蒜蓉粉絲蒸蟶子 蟶子有沙，味道都係有啲偏鹹，呢個唔推介🥸 📍蒜蒸蝦 蝦肉新鮮，尚算彈牙，調味還好，算係今餐最好嘅一道海鮮😛 📍椒絲腐乳炒通菜 腐乳落得太多，所以食落口好鹹🥸 🏦是次消費總額 $278（人均消費 $139） 👅好味度：7（10分滿分） 海鮮嘅調味有啲過鹹，雖然價錢平，但下次都係食返椒鹽鮮魷同其他小菜🤣