旦王花 - 泰越鍾情 (元朗)

人少少既媽媽生日飯 不想食中餐/西餐
就揀左人人都岩食既泰菜
地點比較偏遠 較適合駕車人士
由元朗出發都要4個字架
就貪距人少少 可以靜靜地欣賞一餐生日飯
之前已經同朋友食過覺得不錯
今次encore!!!!!!!!!!

沙嗲串燒 雞/牛肉 /半打
燒得剛剛好 肉質嫩滑不太韌 都算香口
不過沙嗲汁可以再比多啲

炸蝦餅
炸到香脆可口 入面仲有粒粒蝦肉
點埋距甜甜地既醬 好滋味

蠔仔蛋
鐵板上既蠔餅熱辣辣
啲蛋質地鬆軟 蠔仔大大粒 正呀
因為席上4個有3個人都吳食葱所以已經走左葱
所以成舊都食得！岩唒我！
蠔餅下面系芽菜 又多又夠爽甜

椰汁咖哩牛腩
重椰汁味既咖哩 媽媽都讚好
落單前已經交低落啲牛腩想腍啲
侍應就話好腍架啦 無問題(因為問10個人10個人都會咁答返您)
出到黎既效果真系好腍 侍應果然無呃我
好味道呀

牛油烤餅
有咖哩又點會無薄餅
距有印度油鬆餅既味道 再脆啲
略嫌油左啲 令立立！
但系點埋啲咖哩真系好撘

冬陰公明爐烏頭魚
相比起其他 呢個就有啲失色
距另外仲有一小碗冬陰公湯比您倒落條魚到加湯
而放系上面既菜比較硬身 嗯 距可以用啲會容易腍少少既菜會好啲 (純粹個人感覺)
魚肉就普普通通
不過爸爸就話距夠酸辣辣地好開胃！
(個湯系最遲上 哈哈哈)

hoegaarden大杯
有件事亦要分享下 爸爸點左杯hoegaarden
飲左幾啖既時候 有侍應行過黎話杯酒既顏色同平時有啲吳同 重新換個杯比我！
-------------
價錢都不算太貴 合理既
十分推介比駕車既朋友!!!!!!!!!!!
餐廳旁邊都有足夠既停車位

Flamingo Bloom (赤柱)

初次見面 是有著pink pink既感覺
有別於中環2間鋪
一間開業時場面虛憾人人都忙於打卡
而另一間只系take away shop.
而比我發現赤柱呢度有第三間分店
可能份屬閒日 所以人流不多
店員都為我介紹左一下

wow終於可以打卡

靚靚牆身拍照一流！嘿

店內是不提供飲管的,嚮應環保！
如果您需要,也有自助corner. 讚

最後點了
小鳳梨茉莉沙冰 ($39)左
店員都有問我需吳需要少甜
我話可以呀 之後距再加左句 其實我地呢度都不太甜的
見距真系用左新鮮菠蘿打落啲茶到 足料喔
飲落系好fresh, 不太甜
因為用生果沖,飲落有埋果肉,口感不錯
鮮奶茉莉綠茶 ($29)右
簡單直接啲講 即系奶綠茶 嘿
真系不太甜 好香茉莉茶味 友人仲好喜歡添
平時既距飲吳哂既機會都好大
今次竟然飲得哂


真系好pink喔

個水泡仔用黎打卡真系一流嘿

座位方面有普通矮枱(圖上)
同埋高凳(圖下)

買野飲既時候差少少夠80蚊
店員話夠80蚊可抽獎一次
只後就買左圖下泰昌馬仔($32)
話說呢間鋪系
<泰昌 X Flamingo Bloom >
所以有蛋撻馬仔買, 仲可以堂食添

最後抽中左$30現金卷yeah!!!!!!

臨走既時候見到商場既樓梯賣緊大大既廣告
果然系新過下呀下

羅東肉焿番 (元朗)

經過呢間鋪就多,好多時去yoho mall都會經過,之但系食又真系未食過既
見社交網絡有距既新聞:原來呢排做緊甜品放題
喜歡食甜點既我又點會放棄呢個機會先
早早已經同男友約定去食

任食甜品放題資料:
星期一至五下午兩點至五點九
($48@/45分鐘)大小同價
加$20可追加小食一款

去到既時候三點鐘 等左45分鐘後入座
正值夏天,其實都等得幾辛苦
真系大汗滴小汗架
吳知系咪因爲有左呢個放題所以連平日都要等
(理申:其實以前真系吳覺有咁多人食)
(生意認真多左呢!!)


第一次點每人可以系紅色橙色紫色格仔三格入面任選一款 其實咁都已經好多
之後就可以再按自己喜好加單
可惜當日沒有冬瓜茶而轉左豆漿
而男友就覺得有啲怪味
而我都覺有少少怪既
不過見其他人就無咩問題咁照飲
可能同我地飲開既豆漿有吳同 我地飲吳慣掛
同埋覺得夏天配冬瓜茶成件事會開心啲

黑糖珍珠吐司
呢個簡直系我既至愛
滿滿既珍珠已經令我流哂口水
多到要用匙羮筆黎食
因為有黑糖汁既關係掛左系個包令到個包都好好食
黑白珍珠都有夠Q彈煙煙韌韌的
好評系比呢個吐司的

燒麻糬
有四隻味朱古力芝麻花生紫薯
味道都還可以既
就我地而言距比較偏淋身
我同男友都好鐘意食麻糬所以對距地既要求會高啲
麻糬都系煙韌先好食

椰香奶香吐司
相比黑糖珍珠吐司
呢個吐司就失左色
味道不算特出 少少香咁

仙草芋圓2號
白色小丸子無黑白珍珠煮得咁熟
比較硬身 本人偏好黑白珍珠多點
芋圓就煮得岩岩好 煙煙韌韌
仙草就中規中矩吧
糖水方面就覺得無咩甜味 又失色左

仙草芋圓3號
覺得爆珠吳應該放埋入去
嘿 純粹系個人喜好
啲珍珠又系清哂

黑糖甜湯
本身因爲嫌2個仙草糖水吳夠甜所以就點呢個
哈 再發覺呢個都吳系好夠甜
糖水方面都系有待改進
因為本人不太好紅豆所以走左
距轉左黑珍珠比我
當然又再一次清哂啲黑白珍珠

最後10分鐘既時候會同您講last order.
當日因為實在對黑白珍珠情有獨鍾
所以enchore左黑糖珍珠吐司

同場加影之後個日咁岩系周末
無做甜品放題 食返普通既午餐
人潮都系有的 都等左4個字到

魯肉飯+綜合丸湯
魯肉飯肥瘦適中 媽媽都讚好
我都覺得吳錯！！
綜合丸既2款丸都吳錯

墨魚丸仲有驚喜添
今日終於試到冬瓜茶(放題又無既)
仲要加左檸檬酸酸地 都幾refresh既 吳錯啦

鹽酥拼盤
有四季豆墨魚丸甜不辣同蝦餅
四季豆炸得有點過火 有啲渣!無左口感
如果甜不辣可以切得厚一點應該會更可口！



真系好大粒墨魚粒系入面架

南香雞飯 (元朗)

行到攰一攰 又拎住一袋二袋
東南亞野食就岩哂 夠惹味
已經吳系第一次食
希望距有保持水準

內部裝潢有點懷舊feel 圓枱圓凳 位置不大
鋪頭外面都有小量座位 真系得幾個

正值我地去到既時候已經過左5點
所以已經無左套餐嚕唯有散叫
未到晚市 人流都吳多 一入去就有張吉枱


我點了一客海南雞飯配薏米水($63+$5)加咖咉斑蘭多士

海南雞飯, 雞已去骨又腍身,好好味
油飯又夠香 keep到水準喎
不過海南雞差左一碗湯 哈哈哈

薏米水有足夠既料比我
食到啲薏米

咖咉多士很香
一上碟既時候牛油仲掛系包入面
隔左陣食既時候已經溶緊
食到有啲"呢hea"哈哈哈
不過呢就嫌距烘得太脆 脆口得濟
塊多士好似脆到餅乾咁乾左少少
麵包有時煙煙韌韌有少少脆就可以了
(純綷個人口味)

價錢就略嫌有啲貴既 不過就菜式方面系屬於少數既 所以想食有時都無得計 嘿
海南雞飯足以留住我個胃了

滔滔甜品 (元朗)

剛學業既時候已經去過這糖水鋪一次
記得當既食後感系麻麻的
友人不太喜歡 人又不太多
嗯 今次 其實都系抱著嘗試既心態
近近地食晚餐既地方
友人說無所謂 所以又再試一次

裝潢上系無變既 鋪仔細細
都系懷舊feel
今次又系無咩人 不過走既時候就坐爆哂

雖說清心丸系我會嗌既野 因為食到既地方吳多
但系憑餐牌上既相片
我一眼就已經知道我會點“叁元豆花”($35) 夜晚8點前仲平啲($33) 嘿
裡面有豆腐花 芋圓 地瓜圓 黑糖珍珠 紫薯西米
全部都系我鐘意食既野
仲有一個四選一既選擇：香草雪糕 紅豆 愛玉 芒果
其實雪糕平時都系我既首選
不過驚太飽所以叫左少有我會嗌既愛玉
出黎既配撘又可以喎 幾新鮮
豆腐花滑溜 芋圓地瓜圓黑糖珍珠有Q彈感
而西米都煮透淋身
而友人今次點了冰烤紫薯雪糕系列既"紫草園"($38)
有芋圓 地瓜圓 仙草 紫薯雪糕 黑糖水晶 紅豆
友人對黑糖水晶讚口不絕
事緣平時友人系對甜點無咩好感
而家竟然有comment, 哈哈

圖左: 叁元豆花
圖右: 紫草園

今次絕對系有驚喜既
下次會再試埋清心丸 希望會再有驚喜!!!!!!!!!