Big John (尖沙咀)

朋友睇過我分享既相，見到格仔餅好吸引！(2年前既事)
終於我就的起心肝帯佢黎試下傳說中既『好味格仔餅』！

地方就唔太大既，『麻雀雖小，五臟俱全』
店內亦擺放左好多狗仔相，可見店主係愛狗之人。
朋友驚說：『唔會食食下有隻狗仔經過掛.?!』(因為朋友係怕狗之人)
哈哈，我當然話無啦！我食過咁多次都未見過

去到既時候原本無位，咁岩有食客走，時間岩岩好！

點既食物格仔餅唔少得，就係為左佢先去。食格仔餅，熱辣辣真係最好味！
花生醬練奶唔少得，分量岩岩好！
朋友都讚好！

今餐既選擇權比左朋友。所以第2樣都係交左比佢拍板
就點左西多士腿心。呢個係我第1次食西多士唔洗落糖槳，因為佢已經好夠味！
而腿心既西多士已經唔係度度都有等食，可遇不可求呀！
不過朋友就話略嫌油左少少，btw都係唔錯既！

呢張相就係引起左我朋友興趣既西多士！2年前既食物相比起而家都係保持到水準！
值得去試呀！！

Movenpick (尖沙咀)

食完個下午茶，再食多個desserts，咁就係perfect
係尖沙咀遊下遊下，就遊左去LCX.
咁就當然係去我既至愛brand - movenpick啦！
得果度先有，真係可遇不可求

我就當然點了my favourite favour：stracciatella意式碎朱古力，
而朋友就點了her favourite favour：swiss chocolate瑞士朱古力！我倆都點了cone！皆因都係喜愛食個餅
個cone做得好脆，唔錯！
雪糕好味好滑，鐘意佢似乳酪味，yummy！與盒裝無異，有一貫水平！
最愛有朱古力粒，加埋食落就有2種口感

題外話：可能個鋪位細，得1個員工，我去到既時候咁岩係冇人，都等左2個字先有人返黎！
雖然係非繁忙時間，不過始終有2個員工會好d，咁都有員工去toilet可以互補下！

一風堂 (銅鑼灣)

已知道夜晚食拉麵係一定要排隊，排既時間仲要唔短，
所以今次帯媽味試一風堂都係襯佢係下午茶時間，咁就應該無咁多人！
一搭lift上去，哈真係唔洗等就有位。時間應該係3點到

坐低，每木台客都會預備一壺水，細心位！媽媽點了味噌豚骨！媽媽order了軟麵，不過她說我的硬麵比她的還要軟。
(事實當然是我的硬麵比較有咬口)
她對湯底亦讚不絕口
而我就點了赤丸新味加溫泉蛋！白丸係尖沙咀食過，今次我試赤丸！
就係比白丸多了些辣味。
點了硬麵既我就係喜愛有咬口，好味！
不過順帯一提：落單既時候，明明說好辣汁分開上，最後還是一齊上左！
唔整都整左，我亦都算了。還好佢唔係太辣！

之後媽媽見分量唔多夠，就多點了客一風堂餃子！雖然好似的的骰骰咁，但係餃子入面亦有唔少肉汁，算係juicy

食就係好食既，不過佢既分量就真係細左d！！！
哈哈！不過媽媽都讚好

明朝人氣甜品店 (元朗)

呢間糖水鋪係元朗應該都算新吧。
咁當然佢開正老字號隔離，食客難免會有比較既！(雖然我覺得個間事實係麻麻既!)
不過地方黎講，佢真係好細間，坐等都幾逼下。
而我係呢間鋪頭堂食過都有3次嚕！

每次食都會order招牌菜，無敵西瓜盅！so far佢第1次比我既印象係幾好，生果夠凍夠甜，杯西瓜汁亦都夠凍！而雪糕佢亦有問我要咩味！
感覺係唔錯！
不過，之後2次佢既西瓜盅同杯西瓜汁分開上，要咩味雪糕都冇問，隨機比我，我就有d微言。
食完個西瓜盅杯西瓜汁先到，不太好啦！
始終都係一個set,一齊上既感覺好d。希望佢呢個可以改善下！
可能第1次食既時候人冇咁多，後2次都比較多人，所以服務態度亦可有改善空間！

每次食都會order佢既班戟!!呢個[[[[香蕉班戟]]]]真係好好味!!!!!!佢個隻cream真係好好味!!好似係用個隻anchor!!
真係好滑!!我本人係喜好cream的

亦order過法式焦糖燉蛋！呢個就普普通通吧，一試無妨！就係比其他會多左生果咁。

有一次亦都order左香蕉船！食左呢個又係超級飽。3個雪糕球，一個人食真係多左d！
btw係好食既！又係因為人多，雪糕口味又隨機左！！

而因為時間關係我就外賣過1次香蕉班戟！雖然食個陣已經係返到屋企，但係都仲係咁好食！！
必食推介！唔喜好香蕉既朋友，佢亦有芒果同榴槤！

薩莉亞意式餐廳 (天水圍)

因為第1次食既感覺良好，first impression真係好重要架！
所以今次係我第2次食呢間餐廳啦！
幸好2次食都係唔使等，呵呵上次係屯門而今次就係天水圍！
(因為之前係咁聽人講間野成日都大排長龍!)
可能係分店越來越多的關係吧！
哈哈不過其實d分量都比之前細份左好似！

環境方面，呢度既地方都算大，又宽敞，都算舒服。
點菜採用禁制，都幾方便，不過變相有時都幾嘈下

終於有野食啦：喜好芝士既我，係好味既，略嫌焗得唔夠耐，d汁水左少少！落埋芝士粉食會好少少！其實呢個就比想像中差左少少既，不過始終唔係扒房，都算係咁啦！
都讚下個甜栗酸酸地，係幾醒胃！好夠汁，加上用左珍珠米，好有咬口！落埋芝士粉又係一流
不過都幾飽下 hah..

最後當然唔小得任飲吧啦選擇真係幾多，讚呀！！！雖然係任飲，不過其實一個人真係飲唔得好多！
$12佢的確係有賺呀。

題外話：本身都鐘意食日本野，所以見到有日本螺肉同海草都order左！hah..前菜黎講就無驚喜既，不過不失吧

overall 係幾抵食既！