繼續世界阻止唔到Hello Kitty入侵系列，

Hello Kitty已經撘埋船過大海喺Hello Kitty Obrigado做咗葡國少女？

今次嚟到位在香港人實識去嘅澳門議事亭前地(新馬路噴水池)，就喺麥當勞旁邊嘅巷仔轉入去半條街就到了．
Hello Kitty Obrigado當中「Obrigado」其實葡文「Thank you！」

店內裝潢澳葡風十足，英倫少女都換咗葡萄牙民族背心裙，牆上面仲有葡國特色手繪磁磚畫，你睇吓隻葡國公雞就知～唔係葡國雞呀！

就連澳門嘅景點指示牌都一模一樣，加埋周圍都係Hello Kitty同招牌蝴蝶結，一到澳門就去咗潮聖啦！

店內有一系列澳門手信，款款都有Hello Kitty嘅造型架～
最夠特色當然係葡撻同杏仁餅，仲有Hello Kitty造型豬肉乾，一睇就知佢叫阿豬貓！XD

隔離仲有好多款馬卡龍，有綠茶、焦糖、檸檬、伯爵茶等等．
特點係上面印咗唔同嘅澳門特色圖案，好似係賽車、賭場 仲有大三巴、觀音像、媽閣廟景緻真優美架！

除咗手信之外 呢度仲有冷熱飲品同乳酪雪糕，價格都無因為隻Hello Kitty而貴咗，我就買咗杯朱古力曲奇乳酪雪糕，不過店家係無座位嘅 所以我到門口嘅石凳坐，只要無落雨 其實感覺一樣．

鋪面雖然唔大 幫襯嘅人都keep住有，不過最多人會過嚟影相架！
所以都要守秩序 等等啦～

我相信營地街市5點之後開始收市 我地5點半後先到街市 去到強記都已經收咗爐
本身諗住要杯瓦煲咖啡奶茶 食個炭燒豬扒包
不過我望入去都唔見炭爐同瓦煲 可能已經收埋咗

問咗仲有無先知已經收晒爐
最後叫咗一杯凍鴛鴦(雪櫃取出)同熱奶茶(仲未放入雪櫃)
飲落去又好似係滑d 不過唔係即製即飲 所以唔覺香

嚟澳門當然要食水蟹粥
由於澳門位於珠江口咸淡水交界所以水蟹會肥d同鮮味d
不過價錢當然就係遊客價 服務就好地道
加埋d評語...睇嚟......應該.........

酥炸墨魚丸 皮脆彈牙 都幾鮮味
不過我覺得配返蜆介先啱味

馳名水蟹粥 "聽聞"用咗三種不同蟹煲成
不過睇d粥嘅顏色 已經唔覺得有幾好食
估唔到真係無咩蟹味 d粥好稀 蟹膏碎都有d嘅
鮮就無咩 甜都有d嘅......
呢個係細嘅大概4碗都要$98 我就覺得都幾
至於衛生就麻麻 大排檔feel 叫做專登嚟見識過就夠
至於包2蚊Tempo 最後我學大陸人咁原封不動俾返佢又真係無扣嗰$2

我相信營地街市5點之後開始收市 我地5點半後先到街市 去到強記都已經收咗爐
本身諗住要杯瓦煲咖啡奶茶 食個炭燒豬扒包
不過我望入去都唔見炭爐同瓦煲 可能已經收埋咗

問咗仲有無先知已經收晒爐
最後叫咗一杯凍鴛鴦(雪櫃取出)同熱奶茶(仲未放入雪櫃)
飲落去又好似係滑d 不過唔係即製即飲 所以唔覺香

果然俾阿蘇介紹完都係靠害
除咗會加價之後 可能多咗人買做唔停手 問佢地一磅幾錢都係得到黑面回應
但係問埋人價錢唔買咪仲倒米 咪少少地買一袋$10試吓 (一磅$58)
都好彩買咁少 因為減餅即係減去蛋白齋用蛋黃整餅 所以蛋味會濃郁d 不過我覺得甜都減埋
始終手製無機製壓得咁薄 所以唔覺得脆

其實潘榮記伯伯同婆婆都好好人 潘榮記伯伯每日用炭爐手製d餅食真係要支持吓
不過可惜就係潘榮記太子女阿嬋太無禮貌 我唔會再幫襯

本季周中廚房菜色:
鮑粒焗釀響螺
一嚟就釀螺 好正呀!!
仲好足料 釀到最入都仲有
用咗塊生菜做隊尾 食到見到生菜嘅時候只要拉塊生菜出嚟就可以食晒入面d料
不過都好考叉功架
萬壽果燉金山勾翅
原來呢隻圓圓地嘅叫夏威夷黃肉木瓜 連平時唔食木瓜嘅朋友都接受到 好清甜
嘩~幾大梳 yumyum~
XO醬金銀蘆荀蝦球
基本上放喺碟上面嘅嘢都食得!
完全無諗過! 真係好少可去高級地方食嘢...
我以為拌碟嚟架乍 嘩哈哈哈哈~
應該唔係咸味麵條咁簡單卦
黑松露海斑蒸蛋白
比較清淡 我就OK 未必人人喜歡
桂花烏龍茶時菜
烏龍茶? 非也!!! 菜來的耶~~ 沖落去嗰d先係烏龍茶
燒汁蒜片茴香爆奧瑪哈牛柳粒
崧子瑤柱海皇炒野米飯
金殿精美甜點
我最鍾意食中間嘅自家薑味雪糕 正~
左面係仿合桃 裏面真係有粒合桃架 鬆脆! 仲暖的!!!
右面係綠茶macaroon 中間用咗杏仁味 oh no~我的唔愛...都食咗半件試味架
環球鮮果碟

流晒口水呢 呵呵呵~
聽講最好味係d點心bo 約埋一圍枱fd去食一人都係百零蚊 就有5星級的享受
間唔中豪一次都OK