如果聖誕節唔想食西餐 推介大家黎食燒肉！ 今日食左個好滿足嘅聖誕二人餐 桂花小黃瓜 醃成酸瓜 爽脆開胃 可以有效中和番燒肉嘅油膩感 牛小排(鹽味) 肉類已經調好味 建議客人可享受原味 烤肉醬松阪豬 平時唔鐘意食豬肉嘅我都覺得好好食 一片片厚薄均勻 非常彈牙 而且唔會覺得滯 會越食越想食 伊比利黑毛豬肋條 肉質非常軟腍多汁 帶少少油脂 也帶少少筋膜 口感豐富 香濃肉香 A5涮涮紐約客(鹿兒島) 食哂其他肉類後 店員會幫客人燒好再上碟 油脂非常豐富 一放上爐就變大火 所以火喉時間要控制得好好 先食一片原味 另一種食法係加日本蛋槳 會更嫩滑有層次 甲羅燒 蟹蓋裡滿滿的蟹膏 在烤爐上一路加熱 香氣不斷湧出 鮮味濃郁 極鹹香 超級好味

雞油渣炒枝豆 平時枝豆只係普通前菜 欣賞餐廳將平凡變得更有層次 雞油渣炒得鹹香 好惹味 食唔停口 雞全翼 燒得剛剛好 外皮脆身焦香 肉質細緻 保持到嫩滑多汁 微微炭香味 連雞翼尖都入哂味 免治雞肉棒 有兩種食法 可先品嚐原汁原味 雞肉口感軟綿 入口肉汁濃郁 另可蘸點日本蛋汁來吃 加倍好味道 鵪鶉腿肉 火喉控制得好好 係我全晚最鐘意嘅串燒 肉質嫩得來有口感 好食到不得了 西班牙黑毛豬肋肉條 有7-8 件 每件細細份 好適合一啖過咬落去 感受油脂肉汁係口腔爆發 厚揚豆腐 面層少許木魚碎 沒有多餘調味 品嚐豆香嘅原味加嫩滑 食完濃味串燒黎 可降低油膩感

如果聖誕唔想食西餐 或者未諗到有咩好食 私心推介 #和牛燒肉一郎 超滿足嘅燒肉宴！ 有幾款套餐 今次選擇左D餐~ 日本產黑毛和牛放題 加九款海鮮 + 極上花盛合 是日寶箱 係當日新鮮即切 今日係和牛西冷 肉質有彈性 肉味濃郁 賣相好吸睛 上檯時噴著白色煙 仲加左金箔 感覺更高貴 極上和牛夏多布里昂 位於菲力中央最厚的位置 是價值偏高的部位 極為柔嫩 帶有少許的油花 因此能品嘗到油脂的鮮甜和肉質的香氣 極上厚切牛舌 牛舌係全晚最受歡迎嘅部位 厚薄適中 鮮嫩彈牙又多汁 每個朋友都讚口不絕 極上花盛合 包括和牛牛肋肉 里脊肉 西冷 牛肋條 豐富嘅油脂經過高溫燒烤 柔軟而多汁嘅肉質在口中瞬間融化 另有蔬菜 南瓜 冬菇 青瓜 可以中和番肉類嘅油膩感

有個非常抵食嘅一人套餐 $121 有 麵+小食+飲品 辛辣濃香豚骨魚介沾麵 可以選擇 大中小嘅麵量 體貼比較細食嘅朋友 唔使浪費食物👍🏻 沾麵嘅湯底比拉麵更濃郁 鹹香帶辣 好惹味 但唔會口渴 麵質偏硬 有口感 非常彈牙 薄叉燒 肉質嫩滑 因為來回加麵入湯底再進食 湯嘅温度會降得好快 會嚴重影響口感加味道 建議大家趁熱享用最佳 炸雞翼 - 黑胡椒口味 (另有唐辛子) 小食選擇左 自家製人氣雞翼 炸嘅火喉得剛好 外皮香脆 雞肉嫩滑 而且唔油膩 加左黑胡椒 好惹味

日之雪花 日本生蠔 來自九州生蠔 鮮甜帶榛子味 蠔身飽滿 裙邊爽身 口感中度creamy 食生蠔最好配搭白酒 將蠔味提昇 更佳享受 今日簡左 智利 2011 嘅Chardonny 好易入口 男女都岩飲 法式蘑菇焗田螺 一客四件 田螺彈牙 薯蓉香滑細嫩 建議趁熱食用 保持最好風味 摩洛哥燴羊膝 北非風味的菜式 運用多種香料 羊膝燉至腍身 香嫩有咬口 沒有羶味 啤酒脆炸軟殼蟹拼薯條 有一整隻軟殼蟹 薯條炸得好出色 條條香口脆身 唔油膩 整體黎講 地點方便 環境舒適有情調

有別於一般韓國餐廳嘅小食 有西蘭花配香腸 酸甜汁青椒 微甜嘅蓮藕 個人最鐘意都係泡菜 非常夠辛辣 又爽又多汁 食完好開胃 醬油蟹 配紫菜飯 一隻$220 非常抵食 蟹膏滿瀉 晶瑩剔透嘅蟹肉 建議先食蟹膏 感受原始鮮甜味 之後用蟹蓋 盛少許白飯 撈埋醬汁食 味蕾最佳享受 人間美味 真心覺得要頒個獎比發明醬油蟹嘅人 人參雞湯 份量好多 用料講究 每客夠2-3人分享 一上檯就香氣撲鼻 雞肉保持到嫩滑 唔會因為煲耐左變硬 雞腹入面釀左多種食材 例如糯米、人蔘、紅棗 燉煮之後 糯米盡吸左雞湯和人蔘的精華 同時嚐到紅棗和栗子的清甜 香而軟糯 好滋補又美味 岩哂宜家咁凍嘅天氣

鐘意食牛嘅朋友有福了！
銅鑼灣有一間主打食牛肉嘅放題
今日我地享用 薩摩牛饗宴套餐

「薩摩和牛」係鹿兒島名物
薩摩牛咁享負盛名係
因為飼養方法及生活環境十分講究


肉類可選擇嘅部位好齊全
仲有唔同調味可簡：蔥鹽，蒜香，激辛
落完單 食物好快就會經特急列車送到

薩摩牛和牛五花燒肉
肉質鮮紅 脂肪分佈均勻

薩摩牛和牛里肌肉燒肉
牛肉的嫩度
香氣都非常明顯
油花豐富

薩摩牛和牛壽喜燒燒肉
獨特口感 食多幾片都唔會覺得膩


薩摩牛精選部位盛合
包括
內裙肉，腹脅肉，腰脊芯，
特上牛五花
食嘅 次序 由內裙肉開始，最後先食牛五花
由淡味食到油脂最香最濃的
一咬油香即滲出
肉質鬆化 入口即溶！

除左牛肉
豚,雞,羊系列都有好多選擇
壽司 甜品亦係有水準的
綠茶蕨餅唔太甜  香蕉蛋糕鬆軟

每檯都有個 專屬食物架 可以將串燒放在上面 一串串排好 保持最佳温度 非常貼心 今次所有串燒都叫左BB辣 個人覺得剛剛好夠濃 同時唔會搶左食物嘅原鮮味 🔅金菇肥牛串 非常多汁 又唔會過鹹 金菇或牛如果燒得唔好會過韌 今次牛肉嘅厚薄剛好 金菇份量亦足夠 🔅清爽 五花腩片露筍串 露筍同豬肉從來都係絕配 露筍嘅爽脆平衡 豬肉嘅油香 🔅原條燒茄子 一上檯已經香味撲鼻 燒得香軟 非常惹味 建議一定要趁熱食 🔅燒大啡菇 細心地切成一片片 燒得香軟同時保持到濕潤 我本身唔鐘意食菇類 都忍唔住食哂！ 🔅羊腩粒 羊肉串 燒得外皮焦香 肉質保持都香嫩細緻

小麥啤酒煮藍青口配酸種麵包 加左茉莉香片小麥啤 烹調 可帶出甲殼類海鮮嘅鮮味 賣相非常吸引 排得好整齊 散發淡淡酒香 青口大隻肥美 酸種麵包口感偏硬 十分香脆 建議沾上藍青口嘅汁一齊食 洋蔥碎吸收哂醬汁精華 蟹肉煙三文魚牛油果他他 十分健康嘅前菜 清淡有益 蟹肉足料 三文魚新鮮 同牛油果無論味道或口感都好夾 煙花女扁意粉 主材料有鯷魚 鮮蕃茄 橄欖 推介比重口味朋友 鹹香又辛辣 味道非常有層次 意粉彈牙 越食越惹味 除左食物出色 手工啤酒都好多選擇 有香港酒廠製造的 #如來佛棗 主材料係紅棗 麥芽 店員會因應唔同菜式 好細心為客人推介適合的口味 平時週末 會有駐場魔術師為大家表演 鐘意Magic嘅朋友唔好錯過

鹽燒牛舌 雖然只係小食 但份量好叫足料 一碟有五件厚切 $98 真心好抵 鹹香彈牙 惹味 白酒香蒜辣椒煮青口 青口大隻又新鮮 非常入味 連伴碟的薯條都唔馬虎 炸得外脆內軟 唔油膩 主菜 油封鴨脾配蔬菜蓉 秘製醬汁 賣相滿分 鴨肉處理得恰到好處 肉質非常嫩滑 輕輕一切已經離骨 除左食物出色外 雞尾酒都好有創意 今次試左 Santa Monica 主材料有Rum酒 熱情果 偏酸甜 可以中和番濃味嘅菜式 整體黎講 環境有情調 服務有效率 食物飲品都十分高質素 一定會再黎試埋其他款式