位置非常方便 位於旺角通菜街 一抬頭就見到清晰嘅大招牌 推介燒香卜卜魚豆腐 真正外脆內軟 又唔油膩 法式鵝肝多士 一客2件 鵝肝大大片 好足料 油潤可口 燒蒙古羊肉串 我最鍾意嘅羊騷味 味道濃郁 肉質又唔會過硬 錫紙燒麻辣田雞 田雞肉好嫩 麻麻辣辣 好岩佐酒 醬燒墨魚咀 爽口彈牙 越食越惹味 醬燒豬仔脾 肉質有咬口 入味又飽肚 超美味玉子燒 蛋味香濃 極 非常嫩滑 炸鵪鶉蛋串 外皮炸得香脆 炸漿唔會過厚 整體嚟講性價比非常高 食物選擇多 上菜快 服務有效率 一定會再來

非常熱鬧嘅日本餐廳 氣氛好好 食物亦高質素 前菜 青瓜 沙葛 蘿蔔條 醬汁以多春魚沙甸魚混合而成 松葉蟹肉青蘋果蟹籽沙律 蟹肉份量好足 青蘋果 清爽香甜 帶微酸 食完非常開胃 刺身壽司盛盒 包括手握壽司三款 火炙左口魚 黑松露帶子 油甘魚 另有磯煮鮑魚 三文魚 赤蝦刺身 非常豐富 時令活魚 池魚刺身 肉質鮮嫩肥美 脂厚油香 入口魚油甘香細膩 建議蔥花蘿蔔蓉落酸汁同食更鮮美 之後魚骨可以炸成佐酒小食 原隻活龍蝦刺身 龍蝦刺身爽脆 鮮味爆燈 一蝦兩食 食完肉個殼會整做甲羅燒 櫻花蝦豆腐 上面係辣嘅蘿蔔蓉 好惹味 豆腐嫩身 櫻花蝦香脆 口感層次高 而且唔油膩 串燒三款 以櫻花木煙燻 豬肋條 帆立貝 白鱔 一打開香味撲鼻 串燒吸收左煙燻香氣 比平時食開嘅串燒更濃郁

環境非常闊落 一入門口係酒吧感覺 有吧檯 鏢機 beerpong 桌球檯 餐廳座位就係另一邊 佈置偏木系 簡約清新 今晚享用2人套餐 先來 南瓜湯 粟米忌廉湯 雖然Salad只係前菜 但偏大碟 份量非常足料 烤鐵板吞拿魚沙律 意大利黑醋配巴馬臣火腿沙律 新鮮開胃 主菜加錢升級為美國頂級肉眼扒 肉質非常嫩 鮮美多汁 口感油潤有韌勁 筋肉有致 阿根廷大蝦蜆肉蕃茄意粉 賣相吸引 意粉彈牙 品嚐完牛扒 好飽肚 配輕盈海鮮 蕃茄口味意粉 好夾 調酒師根據口味tailor made雞尾酒 非常欣賞我那一杯Cocktail 材料有芒果 龍舌蘭 墨西哥辣椒 酸酸甜甜又有辛辣口味 好有層次 真係好好飲！

發掘到旺角嘅樓上高質火鍋 乾淨光猛企理 舒適又好味道 至尊海鮮套餐B 東瀛刺身拼盤(四款) 本地龍蝦海鮮盤(共十款) 本地龍蝦(半隻) 鮮活鮑魚(一隻) 蟶子王(一隻) 大元貝(一隻) 另六款廚師發辦海鮮 每位 $338 韓江沙爹湯底 微微辛辣又唔會搶左海產鮮味 刺身包括三文魚 油甘魚 八爪魚 希靈魚 厚切 加上非常鮮甜 鮑魚同海蝦極新鮮 上檯時仲好生猛係咁郁 廚師發辦海鮮都非常對口味 鱔片 鮮魷 台山桶蠔 沙白 貴妃 北寄貝 真正樣樣大隻多肉又新鮮 飲品都係自家製 養生之選 推介紅棗杞子桂圓茶 新材實料 打卡就特大熊仔檸檬茶 冰整成熊仔形狀 好可愛 最細心係以檸檬茶製成 溶冰都唔會令飲品變淡 差唔多1L好抵飲

花雕醉雞刀削麵 醉雞入味 有濃郁酒香 滑嫩的雞肉 盡吸收花雕酒精華 刀削麵 粗幼適中 煙韌彈牙 口感無得頂 浸得耐都唔會變淋 麻辣雙拼 滋味小食非常多選擇 今次試左豬脷 豬耳 份量非常多 我地3個人都食唔哂 豬脷吃起來肉質堅實 無骨有嚼勁 口感鮮嫩 豬耳爽口脆身 配埋麻辣醬 更惹味 豬軟骨配刀削拌麵 湯底變為橙色擔擔醬 微辣又唔會過鹹 豬軟骨好軟熟 入口即溶的感覺 店鋪位置方便 雖然面積唔大 但乾淨光猛企理 見到廚師拎住個麵糰即場削刀削麵 整體黎講 性價比極高 好味道亦非常抵食

前菜 青瓜 沙葛 蘿蔔條 醬汁以多春魚沙甸魚混合而成 用蠟燭加熱同食 更添惹味 原隻龍蝦+赤鯥魚刺身 全晚最令人期待環節 原隻龍蝦上碟前 先給客人過足 非常生猛 手舞足蹈 龍蝦刺身晶瑩剔透 鮮甜彈牙 加埋飛魚子一齊食 口感更佳 食完嘅殼會整成甲羅燒 物盡其用 赤鯥屬於深海魚 蘊藏著豐厚的脂肪 入口即溶 廚師刀工一流 每片厚薄均勻 賣相非常吸引精緻 魚骨唔浪費 可以請餐廳加工 炸成佐酒小食 或者煲魚湯(需另收費) 壽司拼盤 + 海膽豆腐 有赤蝦 油甘魚 左口魚 三文魚 帶子 鮑魚 樣樣新鮮厚切 海膽豆腐 熱辣辣 香軟滑溜 甜品 日式卷蛋 由日本直送 香蕉朱古力 巨峰提子 兩種口味都香而不膩

櫻花蝦炸豆腐 豆腐外脆內軟 盡吸收醬汁精華 櫻花蝦鹹香脆 與豆腐口感成對比 更有層次 為此菜式畫龍點睛 櫻花蝦餃子 大大隻好飽滿 真正皮薄餡靚 熱辣辣肉汁一咬 就香氣四溢 蘋果木煙燻松露和牛他他 用透明樽盛載 一打開有冒煙效果 將蘋果絲 蔥蒜 日本雞蛋放入攪拌 口感綿密 鮮味爆燈 全天然豚肉五花腩 一客八片 厚切油脂潤澤 肉味香濃 建議用生菜夾住同食 減輕油膩感 澳洲和牛牛板腱 大理石紋油花出眾 肉質非常嫩 鮮美多汁 口感油潤有韌勁 香蔥薄切牛舌 店員好細心 教我地每種肉類應該點樣燒 正反面 時間幾多秒 爐嘅温度 位置 都好講究 用岩方法燒嘅牛舌唔會過硬 仲好香口彈牙 松露肉碎炒飯 用石窩保持温度 最正係飯焦 食唔停口

發掘到一間濃厚日本氣氛嘅餐廳
環境色彩繽紛好歡樂
服務亦好有效率

推介酒匠 Omakase
$438/位 性價比極高

前菜
鮟鱇魚肝 漬物二點 酒盗芝士 和牛他他
建議由中間比較淡味嘅牛蒡先食起
鮟鱇魚肝比其他一切魚肝的脂肪含量高
口感綿密滑順 油脂柔嫩香醇
特選醇酒：榮光富士 純米大吟釀
無濾過生原酒
米味重 少許酸酸甜甜
剛好中和番濃味感


刺身
空運活魚薄切：金鯛
帆立貝 油甘魚片
配酒匠特選爽酒一款
清涼清爽 突顯魚生嘅鮮甜

揚物
鰻魚野菜天婦羅 南蠻乳酪炸鷄
配鍋島特別純米清酒
酒體 清新雅緻 帶有微量碳酸口感
可減輕炸物油膩感

燒物煮物
鹽燒和牛舌 明太子免治鷄肉棒子
汁煮冲繩五花腩
配搭日本 江戶開城 清酒
柔和香氣 非常易入口
與串燒同食好夾

雞卷 擺盤砌到好似幅畫咁靚 精緻又味美 以雞肉加黑松露打成mousse狀 夾住一片黑松露 外加皺皮椰菜包住 伴碟嘅羊肚菌都好軟淋好入味 想更濃味可以沾上大啡菇打成嘅醬汁 再加少少黑醋調味 油甘魚生魚片 伴以白昆布醬汁 提昇鮮味 意大利芫茜散發芳香 魚肉嫩滑 配上脆脆加添口感 配三文魚子同食 更鹹香 西班牙伊比利亞黑毛豬 慢煮24小時 油脂潤滑 多汁 椰菜用欖油煎香 薯仔一層一層口感特別 上等腰肉牛排 300G 乾式熟成30日 牛肉的風味更飽滿和集中 由於飼料主要係水果 肉味食落會更香甜 外酥裡嫩的口感 一試難忘 薯蓉採用來自澳洲 美國 法國嘅薯仔 甜品提拉米蘇 配朱古力磚 焦糖開心果碎 杏仁碎 微微流心 唔太甜 味道份量都剛剛好

廚師發辦套餐 性價比好高 一次食齊牛肉 雞肉 野菜 海鮮 🔅泡菜三點盛 除左泡菜仲有青瓜 白蘿蔔 酸酸辣辣 非常開胃 🔅鹽味牛舌 可包住京蔥絲一齊食 更香更有口感 🔅雞肉 以鹽加蔥調味 建議可配燒汁同食 辛辣燒汁令雞肉惹味 越食越想食 🔅黑毛和牛裏腹小排 🔅黑毛和牛腹柳小排 油脂香濃 霜降分佈均勻 肉質有彈力 口感有咬勁 每一口都擁有濃郁的牛肉香氣 🔅大判燒 黑毛和牛西冷 由於火喉及時間要掌握得好精準 會有店員幫客人燒好上碟 連同流心日本雞蛋同食更添美味 分佈均勻 肉質細緻雪嫩 入口即溶 🔅冷麵 非常驚喜 配料豐富 麵條彈牙又索哂湯底精華 高水準👍🏻 🔅甜品 杏仁豆腐 滑如絲 杏仁味出眾 豆腐雪米糍 好岩食完燒肉後享受 冰涼解渴 淡淡香甜味