位於堅尼地城嘅海邊 夜晚黎建議可坐上層 飽覽夜海景 非常浪漫有情調 前菜四款分別有 雞肝豬肉批 法式香草焗田螺 法式煎田雞腿 香煎魷魚仔配西班牙肉腸 樣樣都精緻味美 特別鐘意田雞 肉質彈牙 惹味非常 和薯蓉嘅細滑好夾 而且可以中和番油膩感 是日餐湯 南瓜湯 好香甜又Creamy 幾款前菜都偏重口味 飲完湯可以好好令味蕾準備好品嚐主菜 是日精選新鮮魚 今次係比目魚 份量足夠兩至三人分享 配料非常豐富 有花甲 海蝦 青豆玉米 洋蔥 魚肉雪白鮮嫩 吸收哂湯汁精華 最畫龍點睛係塊魚皮 超級香脆 冇誇張切落去係有聲 真正外脆內軟 可見廚師功力 法式烤乳豬 外皮一樣香脆無比 肥瘦適中 配柚子醬 酸酸甜甜更開胃 甜品Opera cake 超級香濃幻滑朱古力 非常有層次 唔係死甜 配上朱古力雪糕 今餐完美作結

想來十八夢好耐 終於book到檯 每晚 7 點半開始 會有不同主題的表演項目 今晚係自彈自唱結他表演 配合後面超大螢光幕 非常有氣氛又浪漫 好快就到情人節 推介個好節目比大家 由詹瑞文監製及主演嘅舞台劇 由02月14日開始公演的5D沉浸式歌舞劇表演 舞蹈員及演員都會在遊走在觀眾席之間表演 萬勿錯過 除左環境配套出色 食物都非常吸引 海膽帶子他他 加左蒜蓉 蔥花 山葵 魚子醬 令帶子鮮味更突出 以紫菜脆脆包住一啖食落口 同時享受軟硬兩種口感 香煎帕馬火腿鱈魚卷伴明太子忌廉汁 好有創意嘅菜式 鱈魚鮮味嫩滑 配鹹香帕馬火腿係非常之夾 加埋微辣嘅醬汁 海鮮鯷魚意粉伴香草欖油醬 整道菜嘅靈魂係Anchovy 鹹鮮與魚香兼備 意粉偏濃郁惹味 配白酒可減油膩 甜品摩天輪 會旋轉加閃閃發亮 超級吸睛！ 像放題一樣 應有盡有 有齊芝士蛋糕 焦糖燉蛋 冬甩 朱古力 朱古力慕士 綠茶蕨餅 每樣都精緻 唔太甜

今晚朋友生日想去中環慶祝生日 發掘左間新開嘅酒吧 地方闊落舒適 私隱度高 充滿迷幻嘅燈光 特定時間仲有DJ打碟 好有氣氛 除咗環境吸引 好欣賞店員超級貼心 會詢問每位顧客嘅口味 從而調製出唔同風味嘅雞尾酒 自由選擇 花香 水果香 甜度 調酒師非常專業 我地一行四人 每人都有唔同要求 全晚試左近十杯唔同款式嘅Cocktails 每一杯由材料配搭，顏色層次 概念創意都非常用心 賣相一絲不苟 非常適合女仔打卡 整體黎講 地理位置方便 室內設計型格 服務親切 飲品高質素 一定會再同朋友黎

牛肉盛合(二人份量) 今日有牛舌，美國封門柳，牛小排等等 每次都必叫的廚師發辦組合 一次過試哂唔同部位 非常滿足 醬料都好講究 分別有三款 芝麻燒汁點紅肉 柚子胡椒點海鮮 酸汁點內臟 日式蒜蓉大虎蝦 廚師會幫客人燒好 非常貼心 蝦頭膏多味濃 肉多肥美 爽口彈牙 一夜干喜之次 超高水準之作 肉質細嫩 膠原蛋白豐富 非常鮮美 不愧為日本最珍貴的魚類之一 除左食物高質素 仲有個90分鐘任飲清酒放題 只需$198 可以任試多達18款Sake 仲有水果茶 菊花蜜 每次黎都飲飽食醉 非常滿足

餐廳環境偏昏暗有氣氛 原來設計理念引用左 神秘學，魔藥學，咒語，塔羅 塑造成為獨一無二的概念店 水牛城雞翼配藍芝士醬 單骨雞翼 容易食用 外皮炸得香脆入味 雞肉保持到濕潤嫩滑 辛辣味道同醬汁嘅鹹香原來非常夾 岩哂鐘意食濃味嘅朋友 龍蝦汁鮮帶子長意粉 醬汁濃郁 帶子新鮮彈牙 麵條盡吸收龍蝦汁嘅精華 軟硬度適中 冇多餘味精 食完唔會感到口乾 全日早餐 非常足料豐富 有煙三文魚，薯餅，窩夫，煙肉，沙律菜，牛油果，炒蛋 即叫即製 賣相吸引 份量足夠兩至三人分享

稱得上色香味俱全 非常滿足的一餐！ 季節精品先付三品 甘露煮蕃薯 煙三文魚配哈密瓜 蟹膏豆腐 季節刺身三點 北海道帆立貝 牡丹蝦 大拖羅 新鮮不在話下 最驚喜係有條嘅魚仔係碗內 游下游下 賞心悅目 火炙 和牛刺身配意大利香草汁 加少許岩鹽 達至提鮮效果 鮑魚凍餅 伴碟有鮑魚肝醬 米飯採用北海道夢美人 米粒光澤晶亮雪白 配鮑魚高湯啫喱 紫蘇二重燒牛肉卷 岩手縣嘅威士忌和牛 非常珍貴 油脂帶有特別濃郁的香味 配紫蘇葉將味道提昇 更有層次又可減膩 炭熏牛舌 廚師會放舊炭喺面令煙燻味更香濃 加埋芥末蛋黃醬 惹味可口 日本玉子塩漬精選和牛柳粒 伴碟嘅鮮橙色粉末其實係玉子鹽漬 和牛粒燒得外皮焦香 同時保持肉汁 月見吉列和牛他他飯堡 面層加左吉列脆脆 配上軟綿嘅和牛肉質 一軟一硬 口感非常豐富

西班牙紅蝦薄切 十分出色嘅前菜 薄切西班牙紅蝦 配欖油魚子同黑醋魚子 酸酸地 好開胃 頂級牛柳仔扒 有9oz 足夠兩人分享 位於肩胛位裏面 肉汁豐富而且軟腍 比起一般牛柳更加細緻 五成熟 賣相非常吸引 中心位保持粉紅色鮮嫩多汁 可以加阿根廷香草汁 中和肉嘅油膩感 配菜 選擇松露薯條 香口脆身 松露味香又濃 火炙長臂蝦海膽醬櫻花蝦意大利飯 長臂蝦採用澳洲出產的 肉質彈牙鮮甜 意大利飯軟硬度恰到好處 海膽醬濃郁 加埋櫻花蝦夠鹹香脆身 食落滿口鮮味 層次豐富

佐敦開左間廚師發辦嘅鐵板燒 性價比高 每樣用料都高質 今晚選擇入門版套餐 每人可選擇兩款海鮮 一款肉類 東星班 肉質嫩滑無比 唔需要多餘調味已經好鮮味 亦可以配搭伴碟嘅柚子黑醋 燒白鱔 睇樣都感受非常美味 外皮煎到焦香脆身 鱔肉極彈牙 豐富口感 碟邊 紅黑色嘅分別係 七味粉 竹炭鹽 點少少可加添鮮味 必食推介！ 鮑魚配蒜蓉醬 伴碟嘅泡泡唔止係點綴 其實係有海鹽成份 鐘意濃味嘅客人 可以將加少少海鹽泡泡同食 豬扒配菠蘿辣菜汁 蒜蓉牛油汁 前者酸酸辣辣好開胃又惹味 後者令肉質更濕潤嫩口 每一款調味都細心配搭 令味道提昇 除左海鮮出色 肉類都屬高質素 好似粒蘑菇嘅伴碟 其實係櫻桃蘿蔔 酸酸地好岩解油膩

海鮮火鍋套餐$268 清湯底升級去鴛鴦湯底 份量剛剛好 夠飽之餘又唔會食唔哂 海鮮拼盤 有五款包括 脆鯇片 花枝片 海蝦 鮑魚 蠔肉 賣相吸引 樣樣都新鮮 最欣賞蠔肉飽滿肥美 鮑魚有口感又唔會過韌 蝦亦鮮甜 日本雞頸肉 雞隻柔軟多汁 肥瘦適中 肉質有嚼勁 自家製手打牛丸墨丸菜餃 丸類彈牙爽口 菜餃材料係木耳加蝦肉 用料十足 紐西蘭羊肉片 羊肉鮮嫩 羊騷味唔算好濃 油花分布均勻 口感絕佳 響鈴+田園雜菜盤 一客四件 做到即叫即炸 香脆可口 蔬菜配搭豐富 有皇帝菜 娃娃菜 唐生菜 粟米 新鮮翠綠

超級推介 燒生蠔系列 有多達九款唔同配料 滿足唔同朋友嘅口味 今日試左 泰式辣汁燒日本廣島蠔 一客三隻 蠔肉肥美 醬汁酸酸辣辣 好惹味 味道留係口腔悠久不散 汁燒豬仔脾(兩隻) 肉質彈牙 有口感得黎唔會過硬 少許外脆內嫩的感覺 連骨位都十分惹味 蒜蓉燒原條茄子 一上檯已香氣撲鼻 茄子肉趁熱騰騰即食最好 入味得黎又唔會過份濃味 日式汁燒冬菇串 冬菇保持到水份 唔會燒得過乾過硬 汁燒墨魚咀 大大粒 香脆爽口 是很好的佐酒小食 最夾係配埋串酒里嘅特色手工啤酒 今次試左隻有當歸成份嘅啤酒 飲落有微苦 回甘 慢慢細品會滲出唔同層次嘅苦澀味 估唔到同串燒同食係幾夾