小妹男友平日好少過海，咁岩有晚去開銅記, 正當發愁去邊到開餐之際，經過百得新街，偶然發現了一間特色漢堡包店，見內𥚃人頭湧湧，食物賣相又吸引，今晚就拍版係呢到啦!打開餐牌一看，burger種類已令人讃嘆，除了一般大路的款式(牛肉, 雞肉, 海鮮類等等)，竟然有龍蝦，軟殼蟹和鵝肝! 呢到仲照顧到素食既朋友仔, 真係好貼心考慮到各類顧客既需要! 正係心大心細, 樣樣都想試既情況，我地點左軟殼蟹漢堡同鵝肝牛肉漢堡，更order埋芝士旋風薯條同桃味果汁, burgeRoom呢到係去cashier買飛, 食物會由店員稍後送上桌的~因為係即叫即整, 等左大約15分鐘，軟殼蟹漢堡先來，用料有原隻軟殻蟹，份量絕不欺埸由於新鮮炸起，所以十分香脆，配上新鮮蕃茄，生菜，還有酸酸甜甜的沙律醬，十分醒胃，岩曬鐘意食"熱氣野"既男友接著是鵝肝牛肉漢堡，店員為左賣相更吸引，特意將麵包分開放，實在體貼一眾相機食先的姊妹鵝肝煎得香口，仍然保持十分juicy口感, 入口即溶，牛肉足足有3cm咁厚, 充滿陣陣牛香，兩者再加埋芝士，層次相當rich, 食完令人相當滿足 PP（值得留意，在場沒有人可以一啖咬曬成個包，有D姊妹直頭當扒据！手細既朋友, 一手拎起個包, 會顯得手忙腳亂喔)最後是芝士旋風薯條，，首先薯條夠脆囗可惜不夠熱，芝士好快便凝固了，呢個比較令人失望總括來講, BurgeRoom既包包都值得再試, 只怪我這個Bread怪天生太愛麵包類的一切, 等我丫~會再挑戰巨型漢堡的! 

星期六總是懶洋洋的, 訓到日上三竿先起身, 又想行街又想食野, 第一時間就諗起旺角, 雖然人流確實多, 相對餐廳數量也多了選擇, 唔想食到咁飽, 一盎兩件就岩我心水, 行去近火車站旁邊見到間點心個名叫做「老點」, 幾得意播, 就二話不說入去開餐啦 睇下個餐牌, 發覺佢地既點心都幾多選擇, 即叫即蒸, 每日仲有進擊的星期燉湯, 天天不同架平日2-6PM更有優惠價點心提供, 餐牌中呢個白汁芝士蘑菇批好吸引! 中式材料, 西式製法, 認得特別, 一於就叫呢個啦!先叫左鮮上肉響鈴腸, 響鈴唔知係咪因腸粉皮的溫度而變軟呢? 咬下去卻不是想像之中咁脆口, 但味道也是不錯的; 吾係老點芥末小漢堡, 餡料內的炸蝦炸得剛剛好, 唯獨芥末味有點攻鼻; 千島蝦春卷, 炸得香脆, 如果SIZE再大D會更加好呢~食點心, 又點少得燒賣, 咸香墨魚子燒賣同師傳冬荀鮮蝦餃, 一客有兩件, 好有份量, 蝦餃皮薄餡靚, 燒賣同樣有份量, 但咸香味道似乎淡左D
清酒雲吞雞, 湯底充滿陣陣酒味, 除左酒味之外隱約帶有點雞味添; 另外一款高湯魚翅灌湯餃, 真係有魚翅架! 食點心咁富貴都係第一次, 味道就普普通通 芝心脆炸蝦丸, 熱辣辣之餘, 入面既芝士流心得來, 蝦丸炸完之後唔會乾憎憎或者油淋淋, 必點之選!
斑蘭馬孻糕, 小小地一件做飯後點品, 唔知係咪俾左邊邊既位置, 好似零舍細件, btw以前阿媽同我講, 食馬孻糕要揀邊位食, 話好食D咁話wo, 好香斑蘭味, 而且好鬆軟架, 唔錯唔錯最後上桌就是期待已久既白汁芝士蘑菇批, 表面的芝士焗得過熟, 曲奇蛋搭皮也有點黑黑的, 相信是火力太猛所致, 中合西壁呢個意念我是挺欣賞的, 對食客多個選擇, 又可以嘗試更多不同的味道, 希望佢地可以再改善多點, 始終要係旺角區生存, 也不是一件易事!
下回有機會要試試佢地既竹筒飯, 始終是招牌菜0麻!

女人永遠有第二個胃-「甜品胃」, 雖然食得多對身體唔係咁好, 但隔唔時食一次半次, 滿足自己又可以令個心開心D, 食左先算 XDDD同埋食野會令為食鬼聚埋一齊, 上星期五就約左一大班鐘意周圍食既朋友去睇下台灣人氣既諾亞半熟蛋糕, 我呢個搵食初哥, 真係好期待, 佢地揀左九龍城作為第一間香港分店, 唔講唔知呀~老闆話全港人均消費最高係跑馬地同九龍城, 怪唔之得好多甜品店出選址九龍城, 住得好近既我, 有口福lu~當晚老闆為我地準備左四款半熟蛋糕, 所有食材嚴選日本麵粉,有機鮮雞蛋,日本海澡糖,法國/比利時朱古力粉, 日本北海道牛乳等等, 帶來簡單又滿足的滋味, 諾亞半熟蛋糕在台灣紅起來是有原因的, 皆因在台灣只接受網購, 還要下單後等兩星期後才有貨, 想食好野的確要點耐性喔先試是比利時融心乳酪蛋糕, 呢個融心乳酪蛋糕, 表屠用上比利時朱古力, 而且採用了日本海澡糖, 比一般糖更加健康, 冇咁肥架!切開開, 中間果層係流心芝士, 店主更說在台灣是更加流心的, 都怕香港人接受不了, 所以今次先弄成7~8成熟, 芝士是creamy的, 滑身而不鞋口, 旁邊是比較賁身的芝士, 芝士部份更加入了海鹽, 配以每一啖三層不同的口感, 喜愛芝士的你, 絕對是你杯茶呢~接著就是朱古力蜂蜜蛋糕, 流心效果有點像心太軟, 但這蛋糕我告訴你是凍吃的, 除了朱古力的味道, 還有淡淡的蜂蜜味, 原來他們用上了清甜的龍眼蜜, 不會給朱古力味蓋過了, 要將兩者取到個平衡, 真的要考起整餅師的手藝, 這口味是我覺得最好味的當然要試番個原味蜂蜜蛋糕, 超爆流心, 蜂蜜味比朱古力更清甜, 而且是很軟滑, 難怪會成為signature cake! 喜愛清甜的朋友, 這個真的要試呀!這個綠茶口味的半熟蛋糕(忌廉哥特別版)是香港獨有的, 但未見好流心的效果, 尚需時間去調整, 說真的綠茶味也是挺不錯, 起碼不是淡而無味或是苦澀的綠茶味, 是屬較fresh的一類呢~除左蛋糕之外, 佢地仲有泡芙出售, 暫時有Oreo,檸檬,吉士,朱古力等味道, 最盞鬼係要食家自己把cream吱到泡芙內, 需外帶的話, 店內更提供盒子以保持食物既新鮮, 而蛋糕也要有乾冰附帶, 保証1~2hrs唔會溶哂, 想食哂以上咁多款?  ACTION啦~

 有時食飯都係為左想同D朋友傾下計食下野, 就係上星期四, 朋友仔搵左係TST上樓的放題餐廳, 印象中放題多數坐到好鬼死迫, 又嘈, 雖則食物味道固然重要, 同時環境亦係一個好影響既因素, 當晚八點半準時上到去, 見有十數人正在排隊入座, 原來晚市有分第一場(6~8:15PM)及第二場(8:30~10:45PM)入座時間, 每節用餐時間也有兩小時十五分, 足夠有餘呀! 店員帶到近窗邊既位子, 位於十五樓的位置, 可以望出去睇到夜景, 加上坐得舒服, 環顧周圍, 見到佢地仲有幾間房仔, 可以另外booking用作生日gathering, 如果有朋友生日, 不妨都可以試下wo~等到八點半先食飯, 個肚打哂鼓丫~先order兩款餐前沙津頂下肚, 有豆腐沙津同牛油果野菜沙津, 豆腐沙津個麻醬好味, 牛油果份量也太少吧! 幸好菜也新鮮再來是刺身及壽司, 刺身以劍魚腩同油甘魚最正! 所以決定再encore^^ 三文魚雖然肉厚, 但少了點鮮味而已, 帆立貝則是普通啦; 特長三文魚壽司同樣也少了鮮味, 反而火灸後的三文魚, 更加可取呢; 海膽軍艦不錯的, 其他兩款(蟹肉鮮蟹膏及辣味鮪魚腩)相比下失色了第二round既劍魚腩同油甘魚刺身, 更肥美鮮甜, 絕對值得encore!!食完d生冷野, 要食番d熱食, 牛舌普普通通, 牛油粟米就冇乜牛油味, 鹽燒海老就好得多, 燒完隻蝦唔會乾淨淨, 如調味可以再入味D就更加好啦~燒菠蘿估佢唔到咁甜, 又係可以再encore之選, 鹽燒青魚亦都好好味, d魚肉不粗身, 注意食用時小心有骨雞軟骨串, 上桌唔係串上既?! 味道尚可以吧~呢個餃子雞翼真係令我有d失望啦....賣相唔錯, 但咬落去偏咸, 看來不是我杯茶了姍姍來遲既鐵板野菌芝士燒, 挽回不少分數呀, 芝士雖然唔係話好多, 野菌熱辣辣上桌, 幾惹味架五目炒野菜, 入口有點似黑椒味, 同埋有苦味, 可能會炒得過熟啦, 食左幾口就停下來最後當然少不了甜品, 呢到甜品比起其他放題店選擇多好多, 竹炭色就係炭火燒芝麻雪糕, 比起普通芝麻雪糕更好味, 旁邊係柚子雪糕, 清新得來好特別, 因為口感似雪芭, 內裡有柚子果肉, 亦是多款口味中最fresh; 豆腐味就怪怪的似, 不像豆味, 綠茶味是傾向奶味多過茶味那一種; 牛乳奶凍夠滑, 奶味再濃一點就更好, 木糠布甸則是軟身的一類, 不是好甜, 也不錯; 豆腐芝士杯, 只食到豆腐味沒有芝士味中; 最後一款是tiramisu, 小小的只有一口, 個樣認真麻麻地, 食落又覺得OK唔錯wo當晚店員好貼心咁換碟同加水, 剩係服務呢點都加分喇, 加上唔係好嘈, 我同朋友仔一路傾一路食, 唔經唔覺就十點幾要走, 佢地會係last order10:15pm前15min提一提既, 咁就唔驚miss左冇order甜品啦, 睇來有朋友生日要gathering, 呢個會係on list之上

北角, 一個令我懷念既地方; 仲記得以前番第一份就係北角番工, 以渣華道同和富道最多野食, 隔左咁多年再去北角, 發覺D舖頸都唔同哂, 就係上星期成班朋友約去北角開餐, 二話不說就應承左, 原來今晚開餐既地點係開張無耐既潮州打冷-”潮樂園”, 因為唔食內臟原故, 老實說打冷野可以揀既選擇少左一部份當晚落住大雨, 7點半左右入座, 一坐底店員已遞上熱茶及餐牌, 正在苦無頭緒既時候, 老闆親自招呼我地, 一傾之下, 得悉佢地既魚丸係由人手每日新鮮打出來, 好啦! 就叫左手打魚丸, 墨魚丸試下, 同埋食潮州野, 又點少得我至愛「蠔仔粥」, 老闆見到我地成班女仔, 推介我地試下韮菜餃; 仲話佢地既韮菜餃出面比會特別D!下雨夜天氣特別凍, 熱騰騰既四碗食物就上桌喇! 佢地既手打魚丸, 墨魚丸確實係彈牙, 而且比坊間既魚丸冇咁多粉, 可見真材實料,  蠔仔粥真係俾個讚呀! 個湯係用魚湯淆成的, 更加沒落味道, 可以話係好鮮甜, 再者D蠔仔一D都唔細隻架, 肉厚肥美, 食左一碗連一碗 ;  咬下韮菜餃, 才發覺係菜多肉少, 好岩我口味, 食定D菜打定個底先~ D 加上在魚丸同韮菜餃碗內, 附有生菜同蘿蔔, 可以平衡番食肉既飽肚感再來一個蠔餅, 上桌時份量都挺多的, 有成兩大塊, 一食之下, 啖啖蠔, 炸到金黃色卜卜脆, 一睇價錢之下, 只需$45, 以港島區來計絕對超值! 打冷野, 一定會有鹵水拼盤, 除左拼盤, 鹵水鵝亦同樣吸引呢, 拼盤中以豬頸肉, 鴨舌, 豬大腸最好食, 內臟都是朋友食完話我知好唔好味, 鹵水鵝好入味, 卻少了一般鹵水咸味, 鵝片肉唔粗身, 同埋佢地用天然香料浸製, 絕對不含味精, 食完都唔會勁飲水, 最後叫左清湯煮蘿蔔, 佢地既蘿蔔係一舊舊上, 而唔係刀切開既, 因為會破壞左蘿蔔本身既纖維, 影響口感, 經清湯淆製後的蘿蔔, 清甜無渣, 為呢一餐畫上完美既句號臨走個時, 仲見到佢地仲有魚同凍蟹, 睇來又要計劃再encore食多次啦~

話說HeSheEat係旺角個時, 已經光顧過幾次, 早排知道佢地係老銅開左新分店, 食物種類更由甜食擴至咸食, 已經急不及待想去, 地點超方便, 就在近地鐵出口的地銅鑼灣地帶, 約左兩位朋友仔八點, 嘩...原來都好多人排隊, 幸好朋友仔早左少少到, 等左一陣就可以入座, 呢到係open area, 好啦, 接過餐牌後, 就諗下食D咩野好~相比旺角店(一本印有圖片的meun), 餐牌只有兩面, 一版係食物, 另外係drink list, 飲品選擇也挺多的~結果我地三個女仔, 都想飲熱野, 揀左熱茶(有幾款既), 我係toxic tea(排毒茶), 味道有少許甘甘地, 但放左一陣就唔熱啦, 如果可以係茶壺下放一個小型助熱器(有candle個d呢~~)就可以keep到d茶唔會凍0麻餐前小吃叫左炸雞翼, 比起平時出面叫個d大隻得多, 咬下去仲啖啖肉, 加上炸粉又唔係算好厚, 個雞翼帶有點韓式辣, 是開胃的那種辣, 並不搶喉的, 沾埋個酸甜醬汁一齊食, 真係想多個隻 既然有咸食, 揀左HeSheEat Burger, 相機話想食D, 切開後層層分明, 伴碟既薯條超好味. 因為佢係連埋薯皮個種, 我地三個人女仔share, 個麵包經烤烘後香脆可口, 但burger中的牛肉卻有點失色, 肉質有點偏乾, 夾在肉下面的洋蔥就出奇好味, 帶甜甜的醬汁mix埋洋蔥條, 為呢個burger挽回不少分數一個burger又點夠呢! 潮流興夜晚先食all day breakfast, 我都要湊湊熱鬧, 叫左full set既(有9款食物)
當中以炒蛋同粟米餅最正! 蛋夠滑又不會過熟, 粟米餅炸得剛好, 沒有厚厚的炸粉呢點最best buy! 最後一款咸點就係黑猛猛既海鮮墨魚麵, 食完個咀會變「烏卒卒」(哈哈....想keep住個靚樣, 真係要好小心咁食), 呢個麵質有Q感, 味道蠻不錯的喔 HeSheEat又點少得甜品呀! 之前係旺角分店食過芝士蛋糕泡沫, 呢個我私心推介必試, 日式芝士蛋糕好軟棉棉, 幼滑泡沫配以芝士蛋糕, perfect match~
草莓櫻花奶凍, 酸酸甜甜, 朋友仔愈食愈開胃, 所以幾時都話女人有個"甜品胃"
綠茶心太軟令我最有驚喜~切開後, 澎澎聲流出來呀, 手機要急不及待食左先, 個味偏茶澀, 食埋旁邊既豆腐雪糕, balance番哂, 可以再改良下就更加好喇! 當晚吃吃聊聊, 時間過得特別快, 食到十點幾左右, 仲見條人龍排緊隊, 9點左右多數客人主玫甜品, 特別一提, 新店坐得比較舒服, 但位子不多, 想食甜品既你, 要早點排隊嚕~

以前總係覺得飲茶係老人家先會鍾意, 依家就唔同啦, 唔一定去酒樓先飲到茶, 加上依家D食店都開得夜, 岩哂我呢個夜鬼出動 九龍城出哂名多野食, 食點心既話, 會即刻諗起譚點既"精緻"點心, 所以約齊幾個人飯腳就去食番餐喔先叫左個酥皮焗叉燒包, 同埋個蘿蔔絲脆腸粉, 先講下個叉燒包, 酥皮焗得好香脆, 入面既叉燒料唔算話好多, 甜甜地又夠熱辣辣, 唔錯唔錯, 蘿蔔絲脆腸粉,  入面好多蘿蔔絲, 岩哂素食人士之後叫左佢地既推介點心, 一口芥辣小漢堡, 黑松露素粉果, 同甘荀咸水角; 小漢堡賣相討人歡喜, 帶微辣, 中間的餡係炸蝦, 個漢堡包烘到脆口, 整體也是水準之上; 黑松露素粉果, 造型成個小錢袋似的, on top係黑松露, 入面係素菇, 咸度適中; 甘荀咸水角, 入面餡料少左DD, 相對下較遜色了輪到黑魚子花菇蒸燒賣, 流沙煎堆仔, 沙津香芒盞, 同蝦蛟王, 燒賣好大粒, 二粒足2兩半 等於平時出面4粒既份量, 入面D蝦好爽口, yummy!! 流沙煎堆仔, 流沙解內面係奶黃餡, 一口一粒, 岩岩好; 至於個沙津, 個汁係芒果汁, 由於本身自己唔好芒果, 朋友話都幾fresh, 幾開胃; 蝦蛟王皮薄, 蝦同樣地足料, 依家d時勢真係好多野都減料縮水架! 呢個係我今晚最喜歡, 係譚點海皇大湯包, 店員更會提供飲管, 可以飲下湯, 湯包充滿濃郁既蟹肉同蟹膏, 好有鮮味, 飲完d湯仲可以食埋個湯包皮, 食食下, 都飽左7~8成啦估唔到中式點品亦令我有驚喜! 先有芒果布甸, 一口脆糖蛋, 親親小白兔, 以上三款朋友仔都話唔錯, 好戲在後頭, 今期時令甜點係紅酒桂花燴雪梨, 一上桌傳來陣陣酒香
 原來入口反而唔係好勁酒味, 食完都唔會醉, 特別一提, d雪上肉好"林", 仲有淡淡既桂花味道, 真係可以再encore!!聽點心師傳呢個紅酒燴雪梨要花上幾小時去準備的, 所以要食既話都要預訂的, 花心思同功夫既食物真係令人好滿足呢~

是日小妹同男友去到荃灣愉景新城內新開既韓服店shopping, 那麽就順利成章地在荃灣開餐吧！
要數多選擇下, 還是番去千色店附近搵食，忽然發現一間頗為別緻的西餐廳Vision8，心想就這間喇~由於時間尚早，店内只有三，四枱客，環境尚算舒適，不會有侷促感; 由於一開始坐近門口的風口位，店員主動提議我們換位，貼心既安排不得不讚呀接過餐牌, 點了香煎帶子配波菜忌廉汁意粉和蜜汁燒德國咸豬手(我地見到枱枱都有點佢，咁一定係招牌菜喎)，加左$38轉餐，有竹炭麵包及是日餐湯（忌廉南瓜湯）連飲品先來的是麵包與南瓜湯，麵包熱熱的，南爪湯好creamy,質感相當幼滑(冇渣架)，好香南瓜味再來是意粉，隻帶子都幾大隻下, 而且肉剛熟透，很是彈牙; 波菜仲keep到嫩口，可是忌廉汁比較淡及意粉硬了少許(自己偏好軟身一點的口感喔)，下次可以試下其他款式既意粉/飯最後上枱的是豬手，單睇賣相已非常吸引，店員仲好nice咁話影完相後, 可以叫他幫手切開豬手豬手皮因用蜜汁燒過，所以甜甜地，豬手肉很是軟滑，配上有酒香的醬汁，完全不覺油膩，一改我對豬手的印象(總是油淋淋似的), 旁邊既配菜薯仔都唔錯, 個sauce好似sour cream; 一份豬手兩個人食都飽左8~9成, 3~4個人share會比較好說時遲那時快，轉眼間，店子已經坐滿哂人，多數是情侶添！我們仲發現到差唔多3枱客就有2枱order豬手，可能真是這裡的招牌菜。順帶一提，這裡竟然不收加一服務費，店員的服務相當抵讚!!

好多年前同朋友來過呢到食, 自此之後都未搵到機會再試, 始終野食都幾大份下, 多d人share可以叫多幾款野食0麻, 適逢平安夜公司早放, 一於就去慶祝一番啦! Amaroni's Little Italy好有christmas氣氛, 店員都穿著聖誕服飾, 好吧! 一行五人, 樣樣想試, 所以決定就叫左頭盤, pizza, 雞, 甜品
 頭盤小食, 係pama ham連蜜瓜, pama ham夠入味, 一口連蜜瓜, 小小地夠開胃之後係Caesar Salad, 菜都幾新鮮, 有d麵包粒同芝士粉, 餐前食D蔬菜, 對腸胃會好Dclassic pizza, 好大份, 有成12份, 邊位夠脆, 但食左兩件已經飽飽地lu~意粉反而好普通啦rosemary chicken, 今次好suprise, 雞肉嫩滑, 而且香草味好good! 但一份都幾多件, 五個人都食剩2件, 唔講得少~人多先好叫喇!食完主菜, 就到甜品, chocolate mousse, 濃郁既朱古力味, 不過唔係甜既, 似係dark chocolate既味, 鍾意朱古力既, 不妨可以試下最後梗係意大利甜品tiramisu, 呢個真係唔可以唔叫, 帶有淡淡的酒味, 而且入面既cake好soft, 忌廉配芝士配以on top既可可粉, 好match!
結果食到飽飽, 都係二百蚊左右, 價錢都尚算可以吧! 人多gathering就可以去食意大利野 

29號晚的天氣十分寒冷(只得12度), 經過山林道, 想和男友食D暖笠笠的熱食，但又不想吃得太heavy, 於是便走進這間隱世的串燒店說真的，這家店真的很隱敝，要走進一條巷子才到，但柳暗花明，舖面裝飾形格，更設户外區，實在適合三五知己暢敍。但我和男友當然選擇室內啦，店員親切有禮的態度當然為這餐加添了不少分數，但始終食物才是主角呢！我們叫了多款皇牌食品, 先來的是脆燒鳗魚和雞脾菇煙肉卷，鰻魚經過燒烤後肉香皮脆相當可口，反而煙肉卷普普通通再來是扎幌芝麻燒餃子雞翼和鹽燒厚切牛舌，雞翼釀了滿滿的明太子，啖啖肉，很適合嗜辣人士。牛舌就比較靭，需費勁去嘴嚼男友是食肉獸，在我苦苦堅持下，終叫了全晚唯一一道蔬菜(魚香燒原條茄子)，此菜賣相十分討好，食後連男友都話正，茄子上鋪滿了肉碎同魚香醬，有少許辣，十分惹味，yummy再來是煙肉芝士焗廣島蠔及扇貝，因為男友喜歡食蠔, 而我喜歡扇貝, 所以兩様都叫。淡淡的芝士味沒有掩蓋廣島蠔和扇貝的鮮味，蠔更是多汁肉厚, so juicy, 兩者實在是好match的組合最後是全晚最貴的皇牌汁燒黑豚鞍，我們亦寄予厚望，上枱時，份量已不負眾望，是全晩最大碟，而且味道亦相當不錯，黑豚鞍肥瘦適中，肉質軟滑，而且調味香濃，我們都相當滿意最後我們再encore左燒鰻魚，焗蠔和茄子(第二輪的茄子更好味, 好多汁)呢此店消費實在不算便宜，但食物質素與款式都在水準之上，值得一試，人生有時係要豪一次的