米走雞 (長沙灣)

重慶雞煲你可能食得多, 但芝士雞煲又試過未呢? 講真, 我聽過大胃女神去食完之後, 飽到頂住個肚到第二朝都食唔落野, 同埋一聽到芝士都深感飽漏, 但稀客老友提議去挑戰下呢個傳說中既芝士雞煲, 實行去拜會一下佢咁話!自從轉左係荔枝角上班, 就好似由一個地獄(觀塘)去到另一個地獄荔枝角), 相信係工業區番工會好明白此時此刻心情, lunch出去搵野食, 多人到呢, 相反夜晚就水靜河飛, 呢晚我同老友係荔枝角一直行去長沙灣, 話遠唔遠, 話近唔近, 行左20分鐘就到, 一於當熱身消耗下D體力, 再同雞煲戰鬥一番未夠七點, 好彩未見有人潮, 店員安排了一張二人桌俾我地, 但我個心係到諗, 張桌咁鬼細, 放左個雞煲仲邊有位放其他野? 佢地張桌旁邊有個兩三層既架, 可以放下野食, 地方淺窄, 冇謂放到一桌都係啦~既然兩個人小小地點都要整番個招牌黃金芝士雞煲(小), 份量足夠2-3個人, 朋友仔仲話食呢個雞煲要出”超必” (其實係…唔係lunch留肚, 留qutoa夜晚食盡佢……),正所謂人出錢, 你出命既原故, 抵諗D就捨命陪FD子啦個雞煲就唔可以話好大個既, 同埋食哂D雞, 可以再加其他火鍋材料, 我地呢D大胃王, 一於決定要加D菜, 帖加D肉先夠! 個芝士雞煲要煮至滾起先食得既, 實在太邪惡啦~成PAT芝士係面, 當滾起果時, 再撈勻佢, 陣芝士香真係令人垂涎三尺, 食指大動呢XDDDD入面除左有雞之外, 仲有其他配料, 洋蔥, 芹菜, 蒜頭等等, 夠哂惹味! 芝士雖濃但不至於飽漏, 食完哂D雞, 可加入芝士雞湯繼續食!蔬菜都幾新鮮, 豆腐金菇都絕不細份, 特別一提係黑豚肉, 色澤分明, 肥瘦適中, 一點也不鞋口及韌身, 不過實在太大碟, 高估左大家既戰鬥能力, 都食剩左幾件一路食店只都會問要唔要加湯, 同埋由七點食到十點期間, 都keep住有人龍排隊, 所以話呢為食既香港人真係無處不在xdd飽都反哂艇都唔駛三舊水, 出面閒閒地食個火鍋都要兩百蚊起跳, 以呢個價錢食到有gimmick又唔錯既野, 都算值得一試啦, 當然如果有多幾個人一齊開人share就更開心喇

Chateau @ Central (中環)

中上環, 一個卧虎藏龍的地方, 好多食店紛紛搬到樓上舖, 一來租金較便宜, 二來私隱度高, 用餐環境也相對寧靜得多了!自從去完悉尼的fish market, 食過當地既生蠔, 你就會發覺香港總好像比下去似的……友人知我想念此味, 特意從芸芸餐廳中挑選呢間有生蠔食既, 又可以品嚐下美酒, 一舉兩得!當晚, 時間尚早, 環境幾優靜, 而且滿佈了聖誕的裝飾, 挺有氣氛的, 三五知己或兩小口子如果來這裡應該都有feel呀!女店員把餐牌及drink list送上, 餐牌設計帶點懷舊, 先點了一杯智利白酒, sauvignon blanc & Chardonnay, 白酒相對紅酒易入口, 但呢個白酒苦澀味重左少少, 甜度低少少, 並不是cup of my tea!Main course前, 少不了Caesar salad的出現, 有Parma ham或salmon可選, 新鮮蔬菜已經成功左一半, 加上Parma ham咸度適中, 配埋芝士粉同麵包粒, 的確是道不錯的頭盤小食進入了戲玉, oyster!! 一大盤上, 每人有三款, 兩人總有六隻, 這時候有位估計係大廚的人走過來介紹下要怎樣食生蠔, 後來得知佢原來就係Roy叔叔, 佢講解得好生動, 仲問大家ready去法國走一轉未!!! 第一款生蠔是Ostra D’Or($58), 海水味是最淡的一款, 但我覺得同平時食開個D生蠔會重口味多D, 皆因來自法國生蠔都是這樣第二款Pousse ($58), 口感屬creamy的, 蠔肉睇上去色澤飽滿，帶子裙邊位鮮甜好味，入口富海水味, 比第一款更吸引我!第三款Noirmoutier ($58), 味最濃及重, 極其重咸咸的海水味, after taste最long lasting, 難怪差不多每張桌的客人都會order生蠔呢~和風鴨肉薄餅, pizza邊烤得脆卜卜, 鴨肉剛普普通通, 上面還有木魚碎及芝士等配料, 小吃1,2件就不錯, 多吃易飽肚, 建議人多時候order會較好餐後一定有番個甜品先叫完滿, 女店員提議out of menu的蘋果芝士卷, 本身自己是每日一蘋果, 將蘋果入饌的甜品, 混合芝士, 炸至外層香脆甘酥, 幸好甜而不漏, 食左兩件好滿足~當晚旁邊有兩張桌有人慶生, 氣氛很不錯, 如果有帶相機, 店員更會主動幫忙拍照, 我地更見到好多即影即有相掛在一個小角落, 立刻有想當年中學年代潮興貼紙相, 整個餐廳環境加埋食物質素均有水準之上, 絕對值得再來!

Burger Joys (灣仔)

好耐冇見係灣仔返工既閏蜜, 今晚專登過去接佢收工之餘, 仲帶佢去佢公司附近食埋野, 就係我地行行下之際, 經過酒吧街見到呢間Burger Joys, 除左飲酒, 仲可以食burger, 岩哂閏蜜既口味, 一於拍板係呢到開餐啦!食物種類當然有burger, 沙津, 小食, all day breakfast, 飲品有咖啡, 奶昔, 茶, 特飲等等, 左揀右揀之下, 一於每人揀一個burger share來食, 揀一杯飲品, 再多個小食就應該岩岩好!我呢杯peachy, 屬mocktails類, 冇酒精飲品, 所以唔駛驚飲醉, 個味水果味(蜜桃口味), 冰感十足, 食完burger口渴飲完就perfect!閏蜜呢杯milk shakes (cookies & cream), 佢話杯奶昔好幼滑, 原塊cookies同cream cover係面, 有合格之水準, 值得一試黑松露薯條, 雖則黑松露味唔係話好重, 幼身薯條炸到金黃香脆, 令我地食唔停口, 好彩唔算好大份, 食完仲有位留肚食我地今晚既主角!! burger!!!chicken burger(左), signature double cheese burger-beef(右), 比掌心更大的份量, 雙手拎起個漢堡個種感覺, 再一啖咬下去份外暢快, 說好的要share一齊食, 問店員拎左把小刀, 將漢堡分成兩份, 由於牛肉味偏濃, 所以先食chicken burgerchicken burger中的雞肉, 肉質烤得嫩滑, 夾在雞肉中的特製醬汁, 將雞肉變得更惹味, 另外生菜減低左食肉帶來的油膩感, 配搭得宜, 特別一提係經烘烤的漢堡面包, 有外脆內軟的口感, 不得了! 不得了! 講真索價$78, 我覺得已經物超所值囉Signature double cheese burger-beef, 塊牛好鬼死厚, 啖啖似好juicy, 睇個色水似五成熟medium, 夾埋芝士同蕃茄, 一路食一路爆汁, 朋友仔超鐘意食! 幸好佢地個漢堡用上小盒盛載, 食完都唔怕整污穢隻手不過咁, 佢地都有濕紙巾提供既, 食完有需要可以問店員拎~店內播放著歐美音樂及mv, 場內有不少外國顧客, 令我想起早幾個月前在澳洲的生活, 他們也是無飽不歡的! 沒想過這裡有著外國burger的味道, 價錢在港島區來算蠻合理 以食物質素來講, 絕對係水準之上~

越南麵包 (九龍城)

眾所周知, 我愛麵包程度接近癲狂, 每次經過麵包店定必如獵犬般索下陣麵包香, 真係好病態!! 朋友有見及此, 話帶我去食D特別既麵包咁話, 我仲話有幾特別先?Came from越南的麵包, 問我見過我未? 老老實實係外國麵包真係當飯食架! 越南美食印象多是湯河粉麵類, 而且市面都唔多越南食物, 所以又熱切又期待佢地既麵包會係點既!臨近聖誕, 店內亦有不少聖誕佈置, 增添不少節日氣氛, 店內環境幾優靜, 都好岩三五知己聚餐聊天呢~店員為我們放上暖水, 之後送上讓我們慢慢選擇, 餐牌是好簡單的設計, 所有食物種類都一目了然, 好吧! 先選杯越南有名的滴漏咖啡, 咖啡平時只會飲星xx/太xx那種, 只怪自己太咀刁! 滴漏咖啡本以為是特濃咖啡, 後來才知不是無糖的, 凍飲會較熱飲味道更出眾, 其實只要等滴漏滿左之後, 加落杯有冰既玻璃杯就可以飲啦, 個咖啡味甘香, 而非死甜, 與平時茶記之咖啡實屬不同, 值得一試!朋友仔那杯青桔仔蜜, 就普普通通, 如果佢唔係怕飲完咖啡夜晚會訓唔著, 佢話都想試下個咖啡咁話係街出面食野最怕味精, 食完最怕要狂飲水, 所以當我見到佢地標榜零味精, 當堂心頭冒一絲念頭想試下, 果然沒有令我失望越式鮮蝦豬肉米線(鮮茄蝦湯底), 雖湯底不志於濃郁蝦味, 起碼沒有咸到媽媽聲, 份量兩個人share剛剛好, 仲有quota可以叫下其他野食添蜜桃蝦丸米紙卷, 我貪佢有菜, 蝦丸炸完唔油膩, 此道菜式味清淡~旁邊有泰式酸甜醬, 沾完食會比較惹味, 但如果可以包得再"的骰", 女士們咀仔細, 可以食得輕鬆一點最後, 到今晚既主角, 慢煮咖哩牛肋條麵包, 店員表示呢個麵包會D辣, 賣相一流, 份量都幾巨型, 廚師貼心先切開四份, 本身我自己好少食牛, 今次都為佢破戒, 咖哩又香又辣, 牛肋條唔韌, 再加埋洋蔥, 真係juicy得, 深得我呢個「麵包痴」既歡心, 但食得多麵包都幾飽肚, 你知啦, 澱粉質食得太多都幾滯, 一餐半餐食下又有咩所謂呢~~~朋友仔都幾鍾意呢個麵包, 仲話下次可以試下其他款式, 鍾意邊食邊傾既舒服環境, 加上令人食指大動既美食, 果然係最好都係bff知我心, 人生有個bff, 真係此生無憾

火鍋頭 (九龍城)

這個冬天確實黎得遲左少少, 十一月仍沒有半點寒意, 可惜香港人實在無邊爐不歡, 大熱天時都可以開行個冷氣打邊邊, 今晚團友臨時拉夫叫我去, 仲話咁近你屋企, 無奶油唔來丫! 開餐地點係九龍城, 地贍今次真係俾人考起, 原來係新開無耐的火鍋店 - 火鍋頭, 難怪我沒有聽過而已一行八人, 老闆好好人, 特意安排左VIP房俾我地, 有電視睇之餘, 又唔駛怕嘈到其他食客, 唔知關唔關新舖事呢, 個冷氣都幾猛呀~我呢D選擇恐懼症既人, 點野食既重任都係交俾其他朋友話事啦~order紙上有齊湯底, 火鍋配料, 小食, 飲品火鍋湯底未到之前, 我就準備「混醬」, 火鍋湯底固然重要, 醬汁亦不可缺少, 道理有如寶劍配英雄, 鮮花配佳人, 佢地既醬料有蔥, 蒜呀, 總知有辣有唔辣, 包你混到一款岩自己既醬汁呢到碗筷用上日式的瓷具, 比起一般火鍋店精緻得多了餓到打哂鼓, 終於上左個湯底, 由於人太多, 叫一個鍋share又怕唔夠, 一於就叫夠兩個, 唔駛爭崩頭又可以試多款, 首先上桌係招牌花腸冬瓜濃雞湯, 的的確確原隻雞, 無花無假, 當然影完相會拎番入去俾廚房切件拎來去餚湯, 而且下面有成個冬瓜, 我先飲左啖湯, 味清帶甜, 店員俾左個溫馨提示我地, 個湯底加入魚肉, 海鮮等之後仲會更加正, 一陣等我食埋再講番佢啦咁鍾情重口味既男人一樣照顧周到, 呢個泰式海鮮冬陰功, 份量好足料, 有花甲, 海蝦, 菇等等, 有朋友同我講海鮮唔新鮮會梅, 又鞋口, 起碼海蝦沒有呢問題, 再者唔好睇個冬陰功好似好辣, 微香帶小小辣, 唔會一味死辣令你味蕾麻痺到什麼也感受唔到, 飲幾啖湯個已經feel到暖粒粒, 呢個湯底比較岩牛肉等紅肉類食材, 因為味較濃郁蟶子皇(時價), 好鮮甜呀! 肉質爽滑彈牙, 正~可惜食得太多, 荷包會乾硬化 = =四川手拍青瓜, 只要青瓜係新鮮, 就已經好好味, 少少辣都幾醒胃~打邊爐點少得牛肉呢? 火鍋頭極上牛肉拼盤, 樣樣都有, 有手切肥牛, 安格斯肥牛, 牛立方, 牛骨髓, 當中以牛立方最好味, 唔韌得來好有牛味, 其他牛既comment係源自嗜牛人士, 一分錢一分貨, 質素比任食火鍋好得多.......花雕海中蝦, 超級新鮮!!! 張相完全冇ps過, 蝦只需稍稍滾下就熟, 蝦肉嫩滑, 我想叫多一份來食呀~鮮甜花蟹, 雖然唔係膏蟹, 但原來都幾多肉, 貼心既老闆, 預先將蟹鉗整碎, 等食個時唔駛咁輪盡~招牌手打墨魚丸. 牛丸, 一碟有八粒, 丸類唔會成舊粉漿, 彈牙好味! 頓時令我想起食神的莫文慰.....食完一大堆肉類, 要食番個滑滑豆腐清一清下個腸胃, 豆腐去到最後盡得湯底的精髓, 而果個濃雞鍋已經好鮮甜, 夾雜住海鮮同肉類的剩韻, 令人再三回味, 飲多幾啖, 食飽成個人唔會再凍冰冰, 冇情人都可以一大班人去滾, 一樣咁開心暢快!!

醬油$18位, 另加一服務費