人左大, 自自然然成日諗番以前, 小時候臉上掛著的笑容, 已經難以找到了......查實係今晚個朋友仔帶左我去一間好特別既cafe而有所感觸0者, 作為九龍城地膽, 近年來多左不同類型的食店, 但以cafe形式既, 屈指一算, 可能一隻手數得曬, 本身口水多過茶既我, 最buy個環境可以靜靜地食下野, 吹下水, 朋友仔深知我心, 嘻嘻, 帶我去今晚開餐既地方-Cafe Ursus一入去, 地點唔算話好大, 似係小本經營, 在現今社會是件很困難的事呢入面佈置好特別, 有好多懷舊擺設, 電視機, 風扇, 收音機仔等等, 亦有唔少小小兵, lego玩具, 頓時覺得好似番左去細個果時咁, 請容許我再想當年一次!!!!老闆娘把手繪印似的餐牌放到桌前, 大概沙津前菜, 意粉/飯, 主菜, 各有一頁既選擇, 飲品選擇相對較多, 有咖啡, 花茶, 特飲及酒精類飲品, 縱使選擇不多下, 也可以選得出心水食物 頭盤小吃係炸珍寶蘑菇配黑松露他他醬, 原本頭痛緊叫咩小食個陣, 老闆娘有如神仙打救左我, 提議左呢個小食, 因為佢話自己都鍾意食咁話, 朋友仔本來對菇類不太感興趣, 佢食完之後都讚不絕口外面炸得乾身, 層粉唔厚, keep到酥脆, 呢個仲未算, 重點係珍寶蘑菇內面仲好多汁, juicy, 一般炸物都會炸到乾淨淨架! 朋友仔話佢既菇味唔會好勁, 睇來呢個炸珍寶蘑菇令佢對菇類改觀, 旁邊既黑松露他他醬, 入口個陣會覺得似食跳漢堡包入面既d醬, 他他醬入面有酸瓜, 酸酸地, 都幾開胃雜菌意大利飯mixed mushroom risotto, 正宗risotto口味會偏濃, 所以份量會少, ursus將味道調節過, 味道冇咁濃郁, 喜歡重口味既你, 可能會有D失望, 不過咁, 正因為佢個味淡, 份量就會多番D, 如果2~3個人share就岩岩好啦! 入面d雜菌份量都幾多下架, 百元貨仔來講合理吧最後主菜叫左慢煮有骨豬鞍配自家製蘋果醬, 賣相唔錯, 除左有骨豬鞍, 旁邊還有薯條伴碟, 當相機食先之後, 那塊看似"丁屎"既有骨豬鞍, 就原份拎去廚房切件再上~切之前來個close up豬鞍上曬上香草, 慢煮至內面既油滲出, 講真都考功夫切件後, 睇到肉質粉嫩, 咬下去, 肉有點實, 但又未至於鞋口, 仍有進步的空間, 特別一提自家製蘋果醬淡淡的蘋果醬, 有梨味的清甜, 又帶點蘋果的剩韻, 剛好把肉的油膩感減卻, 來一個平衡, 實在是細心的配搭再者, 望到室內那部黃色小車, 再跟朋友仔想當年, 再苦的生活也要苦中作樂, 再難約的朋友也要抽空出來見見, 忙碌的香港人, 還記得你們童年的回憶嗎? 那些舊玩意舊朋友, 是埋藏在心內的某一角落......

「有朋自遠方來」, 當我回港感受更多.....今晚是朋友仔為我準備的洗塵飯, 話慶祝我番到家(鄉)咁話wor, 在澳洲短短幾個月, 深明tuesday係食pizza或者炸雞既好日子(皆因逢星期二就係特價xd), 但呢d熱氣到爆既野食暫且放下就好了, 原來今晚主角係羅勒印度餐廳, 腦海浮起早前係西環那間餐廳也是它的分店呢! 幸好在地鐵上蓋行1~2分鐘便到, 要不然又要靠谷哥幫手入到餐廳, 格局有點似西餐廳, 店員安排了旁邊的卡位及遞上餐牌drink list沒想到他們也愛酒, 睇罷drink list, 今晚就來個白酒吧! 在澳期間也品嘗了不少美酒, 就決定試下別國的酒此乃西班牙的Rioja, 沒有一般白酒的甜, 因發酵在木桶內, 口感是柔滑帶白花香金銀花味, 反而我幾like唔太甜既白酒, 呷一口過後, 有點回甘似的, 不錯的說, 朋友仔更說白酒要雪過先好飲 先來一個頭盤小吃, 香炸薑魚, 第一眼我認我係俾個"薑"字吸引而叫, 但咬一口完全feel唔到任何薑味既存在, 有點失望呢.....幸好魚經油炸過後, 並沒有油淋淋及走樣, 保持地原有的酥脆, 魚肉更是嫩滑可口, 旁邊的香草醬料味道比炸魚更為搶鏡嘩......鐵板上的香燒雞, 經醃過的橙紅色雞肉, 吃得出香料的味道, 一份有四件(雞腿, 雞胸各兩件), 當中雞腿較為嫩口, 其餘部份就普普通通而已咖哩雞, 小小的一碗, 入面有不少既材料, 香草, 洋蔥絲, 蘿蔔絲, 雞肉等等, 辣度算是輕微, 濃杰的咖哩汁當然要有indian bread (烤餅)夾埋一齊食先至係perfect match~素聞黑松露口味係大熱之選, 今次反而想試下甜味既烤餅係什麼一回事, 就係餐牌上揀選了乾果椰子烤餅, 烤餅皮明顯有烘烤過的烙印, 中間夾著既橙色物體, 驟眼睇似蘿蔔蓉, 實則是椰子, 乾果及果仁打成的椰蓉, 說到底是陣陣椰香, 卻沒有粒粒椰絲的口感 (害怕食完會攝於牙縫之間> <尷尬死的露齒相)食完烤餅, 肚腩準備出來say個hi, 呢個時候唔食番個甜品, 點對得住我個「甜品胃」呢印度雪糕Kulfi, 吃貨咁耐, 確實係第一次食, 傳統印度餐廳應該都會有, 面頭個d紅色醬係saffron, 個雪糕係冰感較重, 有奶味同椰味, 仲有打碎左既杏仁粒, 唔經唔覺我一個人KO哂個Kulfi yoho~好滿足
朋友仔捱住病都陪我出來, 聽我在他鄉的辛酸史, 計我話呢.....人生有個真正朋友的確飲勝!!!

自從遠走到澳洲多個月之後, 食慣左所謂澳洲食物, 什麼牛奶, 芝士, 漢堡, 牛肉......等等, 但一回到港的我, 最懷念香港既美食, 特別係作為九龍城地膽, 泰國野真係闊別多時, 朋友有見及此, 特意安排今晚呢餐welcome dinner俾我, 老老實實九龍城泰國野最出名既黃珍珍, 小曼谷同街市, 前兩者性價相對較低, 街市係抵食既, 可惜係太嘈地方冇咁乾淨咁囉 朋友仔發掘呢間泰象館, 一進去, 地方唔係好大, 勝在光猛乾淨, 又有電視睇 XDDD打開餐牌, 有選擇恐懼症既你, 不妨可以考慮下佢地既套餐, 但嘴饞的朋友仔話要自己發版咁話 先來一個生蝦刺身, 一碟有六件, 肉眼睇好大隻下, 食落去未夠爽口, 好彩個辣酱汁夠哂惹味啦~再來一個柚子沙津, 柚子微酸帶甜, 加上蔥花蝦米仔洋蔥絲等配料, 雖則是平淡沒驚喜, 亦不失為一道開胃小吃 食泰國野又點少得冬蔭公呢!!! 唔好睇佢咁細細碗呀, 入面有齊大蝦, 菇, 車里茄, 香草, 足料之餘, 仲唔會好辣, 朋友仔話個湯酸酸地, 佢好buy酸dd既冬蔭公, 如果可以辣多dd, 咁就perfect啦脆肉炒榔菜苗, 難得出街食菜炒得咁"靚仔", keep到d菜苗幾嫩口, 脆肉咸咸地, 我個人喜歡食菜清清地, 所以D脆肉留番俾我朋友仔包底最後一味係南瓜咖哩軟殼蟹, 臨近萬聖節, 南瓜大熱喔(賣相攞足分先), 沒想到南瓜同咖哩竟然咁夾, 咖哩香濃得來冇肥膩感, 內裡南瓜肉令整體口感增加, 而且on top既椰汁, 令咖哩更添椰香, 正!!! 旁邊炸起軟殼蟹建議要盡快食, 因放涼以致味道有差, 整體屬水準之上
細心留意下旁邊那桌有人生日來慶生, 氣氛很好的說, 特別一提....是整個場坐滿人, 意外地一點吵耳感都沒有, 可以跟老朋友傾傾聊聊, 正所謂開心時間過得特別快, 說好的gathering, 朋友們快找我出來開飯吧!

幾年來開始注意身體, 所以間唔時會睇下中醫治療下, 今日睇完之後, 咁岩約左人又未夠鐘, 行行下見到間幾有趣既cafe - 中世紀武器咖啡屋, 好奇心驅使下, 就入左去......一入到去, 嘩.....真係好多兵器, 有頭盔, 劍, 箭, 更連護甲都有, 呢一刻, 腦海回憶到以前中學時代打AOE既瘋狂行為, 流連網吧等等, 其次就係戰狼300既剛陽味道, 雖然小妹對舞刀弄劍不感興趣, 但親身見到也很興奮, 貪新鮮既我, 也把刀劍拎上手影相呃like一番呢~原來呢到係以中世紀既兵器做主題既cafe, 除左有咖啡, 仲有果汁, 奶昔, all day breakfast同cake食, 是一般大路款式店內有四張小圖檯, 環境優閒, 同連鎮咖啡店相比, 好岩2~3個人圍埋傾下計, hea下, 同埋天氣咁鬼熱, 係街企多一陣都會熱到溶都似, 呢個時候一杯及時咖啡就送到面前咖啡size有分標準, 忍者杯同騎士杯共三款, 我見個騎士杯就忍不住order試下拎上手飲係咩感覺, 拿拿拿, 唔講得笑!! 有D重 (但放心....冇石頭咁heavy既~) 這刻霸氣盡現, 霸氣呢味野, 我真係識條鐵咩, 總知一個字 - 型! 飲呀! latte有拉花, 由於個騎士杯既質地同平時d杯身料有唔同, 所以保溫能力會較好, 咖啡一般要保持在七十幾度左右, 太熱會令咖啡入面既奶變質, 唔夠熱又會失去咖啡本身既香味, 以latte來講, 奶味是夠的, 甜度較淡, 亦有咖啡本身的苦澀, 屬合格之選, 如果本身係咖啡迷, 呢到仲有貓屎咖啡可選的~眼利既我, 仲發現有刀劍及盾牌造型既小cookies, 等我買番塊俾男朋友, 滿下足佢先

不記得從何時開始, 晚餐過後總要吃點甜才算上畫句號! 旺角的黑布街果真熱鬧, 短短一街已經有數間甜品店, 今晚又來呢到找找甜吃, 繼上回試過另店, 今次要試下新野, 皆因每次行過總會遺忘這間Joyful Dessert House, 一於做下先頭部隊探探路啦幸好不用等位, 入面裝修佈置是走簡潔為主, 牆上掛有的掛圖, 以及中央有盞白雲燈最為特別手機食先的年代, 面書打卡更有優惠, 如果有的話, 也是個不錯的bouns~這裡賣的多數是西式甜品, 芭菲, cheese cake, 窩夫, 心太軟, 拿破侖等等, 正所謂「有圖有真相」, 餐牌中大部份有附有圖片, 岩哂心大心細, 又十五十六既朋友, 你知啦......甜品的賣相也是十分重要的呢~先上檯是士多啤梨三重奏Trio of strawberry, 冰感士多啤梨雪糕配以底部幼滑霧絲, 唔太甜, 可惜旁邊的乳酪先入口甜, 後似藥水味.....幸好士多啤梨肉沒有酸酸的, 粉紅色賣相私心加哂分添, 無法啦! 鬼叫自己係女仔咩@ @沖繩黑糖Oreo芭菲 Parfait with Oreo & Okinawa black sugar, 數數下真係有十層之高, 士多啤梨肉, oreo雪糕, oreo餅碎, 忌廉, 黑糖果凍粒, 紅豆就放在最底層, 甜得來又唔會死實實果種假甜, 忌廉夠creamy, oreo口味更是友人的至愛, 原本我估是灑上黑糖漿, 用上果凍粒反而增加口感, 煙煙韌韌, 底部的紅豆微甜, 算是不錯的甜品呢最後一款朱古力香蕉拿破侖, 三層之高, 我仲搵左把刀去度下佢, 成把刀鋒咁高, 面頭鋪有香蕉, 一層酥皮, 一層忌廉, 不過睇落去似好易散開咁, 可能是酥皮比較脹, 平時食開個D拿破侖比較冇咁堅實 朋友們提議打平放才切開, 如果一刀直切, 恐怕會酥皮四散, 一切開, 好鬆脆, 仲有點微溫, 味道是咸度適中, 完全無預期之下, 十分驚喜之作下次再來的話, 拿破侖相信會是必叫之選, 而且店員也頻頻換碟, 服務態度值得一讚喔!!! 總括而言, 有機會來旺角, 還是會再來的~因為甜品真的令人快樂些

 
都有一陣子沒有來過大角咀, 愛吃甜品店搬了, 玩開的樓上道場也不知從何時關了, 變化也挺大......難得有吃貨朋友提議到此處開餐, 還說一定令我好滿足呢~皆因朋友們也知道我對麵包類的東西有種莫明奇妙的情意結, 原來今晚主角是Burger!!!! (高呼拍手)繼上次去過老銅食過另家的巨型漢堡後, 至今仍念念不忘, 今晚來到呢間小店burgerman, 形式是外帶方式, 店內座位唔多, 數落只有十多個位, 恐怕繁忙時間也未必有位, 佢地呢到係去cashier點菜, 之後食物由店員拿過來的呢到主打係burger, 當然也有burger的好拍檔, 薯條或薯格可選, 而且另外還有小食可order, 例如沙津, 雞翼及果汁飲品估佢唔到舖頭細細, 也有free wifi提供, 依家手機食先既年代, 你懂的.........由於是即叫即整, 等了一會兒, 先來燒雞青蘋果沙津, 份量果真是多, 青蘋果切成片, 入口清甜, 燒雞有點乾, 幸好惹味的醬汁幫了一把, 剛好平衡了, 加上有很多青瓜, 蔬菜類, 吃下去沒有飽漏感, 不失為一個不
錯的頭盤沙津水牛城雞翼, 有辣或不辣可選, 呢款唔辣的, 先說雞翼size, 細左丁丁, 經炸過後落上酸酸的醬汁, 肉質仍保持到, 唔鞋身, 食完都幾胃, 不過要留番d quota食我至愛burger首先是菠蘿雞柳漢堡, 我跟朋友一人一半, 漢堡包有烘過的, 一層菠蘿, 一層炸雞柳,一層芝士, 一層蕃茄連生菜, 真的有手掌咁高大, 漢堡包皮最好食, 因為微微烘過, 少脆得來, 又會挺身D, 影相都靚仔D!!! 菠蘿清甜多汁同香脆雞柳, 異常地match, 菠蘿仲令整個飽食完冇咁膩, 冇預期之下既雞柳漢堡, 味道卻令我深深深愛上, 因為食完冇咁大罪惡感, hehe必叫之選 - 鵝肝漢堡, 同樣地漢堡包皮有微微烘過, 外脆內香軟, 仲會暖暖地, 鵝肝入口即溶, 之後就係牛肉, 芝士, 蕃茄, 生菜, 絕對是五重享受, 識食burger一定要落手大啖咬落去先叫王道 (p.s.:店內有膠手套提供, 咁就唔怕整dirty隻手仔啦), 總括burgerman還是會再來的, 屬性價較高的burger小店 雖然呢到坐得會迫左D, 但同吃貨們邊聊邊食的感覺, 是食物的添加劑, 再好的食物也要找朋友一同分甘同味, 那份味道將會存在回憶之中, 讓我慢慢回味, 想起......吃貨們你們也跟我一樣嗎?

近日有個好hit既apps, 好多人都上載自己既相, 當中不少美魔女年齡真的會可以keep到20年不變, 我發覺有茹素的人, 外貌有如吃防腐劑般, 唔理天生定後天的原故, 多菜少肉是balance diet的不變定律, 今日周未我就跟朋友仔來到素食一家, 實行幫身體排下毒店員安排我們坐了較入面的卡位, 當日接近lunch時間, 人流都幾旺下翻過餐牌後, 才得悉素食一家2001年開業至今, 已經有十數載, 其實以前係旺角番工果時, 都周不時經過呢到, 終於有機會入來嚐一嚐吧! 彩色列印的餐牌上, 印有不少食物的相片, 份外吸引先來一個冷盤小食, 涼拌海蜇手撕雞, 小小的一碟, 面頭托灑有芝麻, 更有青瓜海蜇, 手撕雞, 蘿蔔絲等等, 微辣的, 海蜇爽口有嚼感, 芝麻再令口感更豐富, 手撕雞差點以為真雞肉, 像真度還挺高的, 不失為一個開胃的小吃日式野菜秋葵燒餅, 這個日式燒餅比我想像之中更好, 入面餡料有秋葵, 蘿蔔, 更有不少的蔬菜類, 重點係醬料份量岩岩好, 太多反而會偏咸, 外面煎得香脆, 餡料仍然keep到新鮮juicy, 教人一試難忘, 曾試過其他素店的日式燒餅, 醬多味濃, 多吃只感到膩, 這裡的日式燒餅味道掌握到很不錯, 而且不會有油膩感的喔椰汁芋香牛蒡煲, 上檯時已聞得陣陣椰子香氣, 老實說以前真係唔知牛蒡係咩傢伙, 仲以為係牛既邊部份, 後來才知道是種植物, 有助排毒及刺激消化系統之效, 牛蒡沖茶會帶甘, 現將其入饌又唔知會係點? 等我食下先, 師傅特意將牛蒡切得幼細, 令其較軟身及入味, 太厚既就會硬, 可見其心思, 芋頭炆得夠稔身, 唔會太咸太甜, 而內面更有不少芹菜的, 新鮮爽口的, 極其美味^^我提議個汁可以撈少許白飯, 咁就唔會side左D汁, 而又可以食哂所有餸最後我還叫薑茶菊花, 就真的是被那美美的相片牽動了心, 上檯時一朵茶中菊花呈現眼前, 真不忍心來個催花殺手呢> <, 還是嚐一口薑茶底, 是微辣的, 薑味夠, 菊花原來是豆腐切成的, 刀功認真犀利, 豆腐幼滑輕甜, 令原來平平無奇的豆腐變成藝術品, 如果食素俾你既印象係老套, 老人家先食既話, 從此可能你要改變一下, 呢到既食物用料新鮮之外, 仲加入了不同的烹飪方式, 想必會令你改觀的, 更何況食素百利而冇一害,  來開旺角不妨來試下新派素食啦~

「唔怕生壞名, 最怕改錯名」- Next Station Dessert深明此道理, 店名令人印象難忘, 一早係甜品達人既fb睇到佢地既相, 今日終於約齊朋友一同向下一站甜品出發!!! 揀左weekend既下午時間去, 大約三點多, 正值high tea鐘數, 嘻嘻, 三個女人一個墟既我地, 一於就行入去, 可能岩岩開舖冇耐, 入面唔算好多人, 有高身檯(似酒吧式果d) 同普通既檯, 我呢個哈比人還是揀回普通那種好了, 起碼算是坐得舒服一點吧! 這裡裝修簡單舒適, 女生聊聊天最好不過呢~店員遞上餐牌及水, 而我們要求想轉熱水, 他們亦樂意幫我們轉, 睇罷餐牌後, 果真心大心細, 類別是西式為主, 款式選舉挺多的, 有泡沫, 吉士, 心太軟, 窩夫等等........幸好餐牌內每款也附上圖片及文字, 有圖有真相麻~ 既然係咁, 為左滿足我地既「甜品胃」, 決定左每人叫一款啦, 再叫多杯drink, 到我地order緊, 店員提議我地都試下佢地綠茶系列的甜品, 窩夫驚太飽食唔哂> <, 最後轉左綠茶泡沫遲來先上岸.....的綠茶泡沫, 顏色好colorful, 好eye catching!! 先嚐on top綠茶打成的泡沫, 微甜中帶有回甘, 好輕軟的口感, 跟鳥結脆糖形成對比, 再吃下去便是綠茶雪糕, 同樣是微甜味, 配以底層的草莓jelly, 成個感覺都好清新, 同埋食完都唔覺得膩, 加上悶悶熱熱既天氣下食左佢就岩曬, 值得一試架說是遲那時快, 杯Hot Chocolate就馬上來了, 採用了54% 比利時朱古力, 甜度算不上高, 嗜甜既朋友可能會覺得淡, 幸好拉花圖案挽回一些分數, 以$32來算, 不妨試下其他飲品心太軟想必很多人都食過, 黑胡椒味?? 敢於試新野的我, 一於無有怕, 外觀同一般朱古力無異, 唯獨流心餡是黑胡椒味而已流心效果不太明顯, 朱古力蛋糕是鬆軟, 輪到主角黑胡椒餡, 辣辣地, 食左一啖, 我有點覺得似鐵板餐果D黑椒汁咁, 配搭上的大膽創意我倒是欣賞的, 起碼能令款式更多元化, 受惠的是食客們最後一道甜品, 栗香紫薯山, 瞬間秒殺不少菲林, 是栗子蓉,紫薯蓉, 雲呢拿雪糕組合成的一座山, 近期紫薯大熱, 不少的甜品都添加了紫薯元素, 繼粉紅色, 紫色亦是不少女生很喜歡的顏色, 有見到嗎? 上面不就是插了一塊粉紅色的糖片.....完全俘虜女生們的心, 味道是淡淡的香甜, 口感是soft一點, 為之前食過既甜品來一個緩衝, 結局不一定要轟轟烈烈, 淡淡然未嚐唔係一件壞事

唔知幾時開始香港人對於made in japan既野特別鍾情, 日本美食除左壽司之外, 當然日式燒肉啦~加上食壽司坐得唔耐, 就在九龍區找來一間地點較方便的日式燒肉店, 旺角反而我不太喜歡, 人太多......佐敦相對旺中帶靜, 當晚一行四人就走進這間小店 - 和匠門面裝修以木為主, 很有和風, 店內都以簡潔佈置見稱, 眼見有十張桌左右, 當晚八點多已經座滿人了, 相信有訂位會好一點, 起碼不用等位吧!店員安排了我們坐了四人桌, 中間是有個爐, 用網隔著的, 從店員口中得知佢地係用陶瓷爐, 所以不會痴底, 而過程亦不需要加油去燒 (此點跟韓式燒烤會有分別的喔), 就在介紹的同時, 我們也翻閱餐牌, 看看有什麼要order0麻每個位上放有三款醬料, 左起是日式芝麻醬 (用來點豬肉食比較好), 中間燒肉醬, 右是柚子醋 (用來點牛食就最good fit)先來一個溫室青瓜蟹籽沙津, 比起一般青瓜, 是切卡上, 而不是切絲, 會爽口, 整體味道是普通的, 因為沒有特別的味道期待已久的燒肉到了, 牛小排(前)的雪花紋好清楚, 黑豚肉(後)亦是厚切呢到既店員見我地手忙腳亂, 也幫手及指導下我地要點燒, 牛肉就不要燒得太熟, 會韌, 豬肉就一定要全熟, 內臟類(例: 牛舌)就要燒得微焦, 這樣就會有chew口, 真係唔講唔知原來燒肉有咁多技巧, btw真係唔會痴住個網架!! 另外還order了豬腩肉及牛舌, 以上四款以牛小排最正, 入口嫩滑, 豚肉肉汁也挺多, 唯一是牛舌質質感太薄, 如果是厚切的話, 想必彈牙口感會更明顯深海老虎大蝦, 手掌咁大隻, 份量相當之足秤, 盛惠$148兩大隻, 呢個蝦比較易燒, 當轉為橙色就反轉再燒, 相信唔係煮食能手都輕易成功燒到經燒過的大蝦, 鮮味足, 肉質是爽口, 好滿意丫~~~一隻我唔夠喉呀!!! 海膽冷稻庭手打烏冬, 烏冬確實不俗, 可惜是海膽唔夠新鮮, 有點失望.....最後, 我心思思叫了一客牛油燒有機甜粟米, 燒完唔乾身, 好juucy!!! 牛油味反而沒多覺, 真心想話, 粟米真係好甜, 超讚呢! 當晚環境好岩邊傾邊燒邊食, 氣氛十分好, 而店員也頻頻加水及換碟, 服務亦見貼心

朋友的慶生飯, 世上最懊惱的事, 想必是「今夜去邊到食呀?」, 呢個難題相信好多人都有同感, 為左就番壽旦佬工作地方, 就鐵定在老銅, 首先縮窄範圍, 再搵下食D咩, 幾位朋友都prefer western food! 就在網上尋尋覓覓當中揀左Babbo Trattoria, 意大利菜印象中都係意大利飯, 意粉, pizza等等~早幾日已book了位, 店員也有confirm booking的, 當晚店員安排左我地坐高身檯, 即係腳離地個D場內的另一邊隱約聽見有公司好似包場搞聚餐, 托賴佢地唔算話好嘈, 環境尚算是不俗, 有時食飯只不過是大家gathering的掩飾而已其實大家都餓, 先order一份凱撒沙津, 上檯時差D以為上錯野食, 跟一般用盤盛載不同, 而且沙津上面的芝士是一片片, 呢D芝士原來有名堂, 屬高等Grana Padano芝士, 香而不膩店員貼心地把沙津分成幾份, 方便大家share來食, 除左有生菜係底, , 麵包粒外, 仲有少少橄欖油調下味, 雖然話食得多芝士會好漏, 但呢份沙津又好似冇呢個感覺, 怪唔之得餐牌上也見到推介logo再來多一道冷盤 - 意式火腿拼盤, 有三款火腿及上面有少許橄欖油, 火腿中有最易認的parma ham, 咸咸地最岩配蜜瓜bb, 另外兩款味道相比冇咁咸, 肉香會重D, 火腿切得薄薄一塊, 每款食過後, 還是鍾情於我的至愛parma ham呢~為左要滿足我餐前食菜菜既要求, 特意點了這個「低調」的米蘭式燒烤綜合蔬菜, 除左有三色椒, 洋蔥, 青瓜, 全部都有微微烤過的, 仲有蕃茄肉醬, juicy又yummy! 好岩成日都冇菜落肚之人, 今次冇藉口唔食菜啦係時候到意粉上檯啦, 羅勒蘑菇扁平意粉, 羅勒原來有好多別稱, 台灣人叫「九層塔」, 泰國人叫「金不換」, 多數用在烹調中的香草, 不過今次用係意大利菜會整成青醬, 沒有青澀味的, 賣相青BB, 確實有趣, 除左有蘑菇, 薯仔, 仲有葵花子, 脆卜卜, 意粉彈牙有口感, 比預期之中好食wor~話說今晚坐既位置係超近整pizza師傅的, 基本是一塊玻璃之隔, 見到師傅不斷地整, 終於我地order既pizza也整好了, 因為是即叫即製的, 所以需等待一陣子, 呢個pizza叫主廚綜合capricciosa, 個餅底薄身, 批邊好脆, parma ham同火箭菜兩樣食材都好match番個pizza, 而且pizza中芝士唔算好勁, 中間有半熟雞蛋, 令到個pizza唔會乾巴巴似干蘇餅, 果真不俗......最後一道是香烤雞, 雞皮灑上香草微微烤到有點焦, 未食已經聞到陣陣香氣, 雞肉尚好沒有過度烤焗, 肉質未至於鞋身, 幾個女人仔食完咁多野之後都飽飽地, 但今晚係慶生飯, 所以點少得影番張相, 哈哈, 整pizza師傅也客串跟我們一齊影埋一份添, 真的愉快的一夜