大大鑊 (尖沙咀)

我呢D「無飯人仕」, 每逢星期五實係group吹哨組團開飯去, 今個星期都唔例外, 地點揀左係老尖, 就番其他團友收工可以飛快趕出來(嘻嘻), 不過今次發版食野地方係群組其中一名攪事份子, 佢話想搞搞新意思咁話, 我地一行四人就約左係H8樓下等, H8係厚福街一座滿佈食店的大廈, 貴人出門招風雨, 當晚落住毛毛雨, 於樓下排隊搵食既人可以話幾多下, 我同(佢自稱)男神團友先上去好彩一早book定位, 店員安排我地一張四人桌, 桌上有一個比面大兩倍既煎pan!!! 怪唔之得, 佢地個店名直接就叫大大鑊, 簡單直接易記 (一出lift都見到招牌大鑊掛係門口, 可以話係鎮店之寶吧!)先睇餐牌, 大路有豬牛雞肉, 另外可以配套餐(有沙津), 套餐為二人份量, 左揀右揀之下先叫一個芝士風味雞配嫩雞沙津, 另外後加一個韓式炒牛肉配烤牛肉沙津由於我地四仔友仔得一個大鑊, 每次只可以炒一款食物, 所以先食芝士風味雞, 當然七點多已經座無虛席, 我們點了食物, 都等了一陣子, 由OPPA男店員, 親自係我地面前露番兩手, 先開火將大鑊煮熱, 佢拎左個溫度計既物體度下個鑊夠唔夠熱, 如果未夠熱會直至適當溫度就落油準備炒, 大鄉里既我初頭唔知做緊咩野, OPPA佢好細心解釋之餘仲同我地開玩笑, 將個溫度計作狀一下對住男神團友個額頭扮哂幫佢度夠唔夠熱, 真係未食已經開心左, 暖男這回事, 香港男生要學野喇!之後落左油, 就會將蔬菜跟雞肉一次過落鑊炒, 炒到一半左右, 誰不知有趣OPPA就係呢個時候落左D酒, 渣一聲著哂火, 真係估佢唔到咁惹火丫~相機已經ready影低呢個歷史性一刻, 等冇左火之後, 就蓋上鑊蓋3分鐘, 開蓋再炒加埋芝士就大功告成啦個芝士真係拉到絲, 雞肉炒完唔鞋身, 連埋D蔬菜一齊食, yummy!! 唯一係份量略為少左D, 可能我去完外國食大左個胃 (omg, 好大食的我> <) 當我地纖滅左呢份芝士風味雞, 馬上追加多份韓式烤牛肉, 說事遲那時快, OPPA又要露兩手, 炒呀炒呀~芝士實在太好味, 所以牛肉都加埋芝士, 利申我唔食牛既…...據為食團友報告, 薄切牛肉經炒過後, 卻沒有失去肉本來的彈性, 以導致鞋口, 特製醬汁更將此道烤牛肉更添
惹味 當晚我地又食又傾, 不知不覺過左兩粒鐘, (應該係)老闆娘走過跟我們說外面好多人, 我地都好體諒出去食飯要等位既苦況, 所以呢轉場食dessert再繼續happy Friday! 定價非貴味道也屬中上, 四位團友一致認為可列入飯團開餐之一 睇來好快有機會再來過喇

川燒 (佐敦)

一大班朋友次次打邊爐, 真係要玩玩新花款, 一於提議食串燒啦!! 無他既, 食串燒志在慢慢食下野, 吹下水咁既0者~講到串燒, 不得不提佐敦渡船街一帶, 簡直集中哂係果到.....芸芸之中, 我地揀左川燒, 餐紙中選擇幾多下, 有分海鮮, 肉類, 蔬菜, 甜點, 飯及飲料等等先同牛牛接個吻先~~其實講緊係冰爽涼拌麻辣牛脷, 冰爽就冇乜啦, 麻辣來講就一般, 唔知點解食食下會令我唸起譚仔既?! 幸好牛脷唔韌, 小小辣幾開胃再上既燒墨魚腸(左), 燒飛魚卵子腸(右), 食落似普通香腸, sorry.....唔睇張相, 差D唔記得自己有食過添川香海蜇伴青瓜, 海蜇夠爽口, 青瓜切片與醬料混合, 辣度較濃烈, 正岩我呢個嗜辣人士, 再者餐前吃點蔬菜亦不無道理 (懶係俾個藉口話係balance diet)燒茄子, 的確係my飛忽, 將茄子分開一半, 再係中間加D肉碎, 蔥花, 拎去慢燒, 令肉汁滲哂落茄子肉入面, 難得茄子經燒過能保持嫩滑多汁, 我只好講句"店小二, 再來一客!!!"久違的白鱔, 那個鬼地方沒有新鮮食架!! 一係食魚柳, 一係三文魚, 白鱔講真好多人都好怕食佢, 皆因佢太多細骨, 所以大多數男仔都唔食魚(怕麻煩), 呢個燒鮮白鱔唔講得笑, 一來冇乜骨, 二來好入味, 魚肉又好細滑, 加上燒汁醬汁一齊燒, 忍唔住連魚皮都食埋! 罪過罪過 黃金燒大虎蝦! 不得了~有我最愛既咸蛋黃, 平時就咁燒蝦, 可能你會覺得好普通, 川燒一於加D花臣, 係上面加埋咸蛋黃, 火候真係好重要!!!燒得太耐蝦肉會鞋, 而咸蛋黃又會乾爭爭, 喜出望外, 我擔心既情況冇出現到, VERY NICE~絕對可以ENCORE食魚食魚有益, 唔好俾佢停落來, 燒海殼王, 請原諒我太醜, 其實我很溫柔, 差D代入左條魚到 DD 無疑條魚個樣唔多討好, 正所謂, 我SELL內涵既, 你識條鐵咩切開之後, 魚肉係鮮甜嫩口, 一D魚腥味都冇, 唯一係比較多骨, 魚骨屬大條, 都幾易見到既, 勁快秒速KO哂條魚, 果刻我差D以為自己係隻貓 (喵~)串燒必叫之選, 燒菠蘿, 蜂蜜味....HOW COME先~甜度一般咋, 抵讚係幾多汁, 夠哂JUICY 最後少不了的甜品, 燒芝麻湯圓, 有幾粒燒到過左龍= =, 個樣衰衰地咁款, 味道係芝麻湯圓, 沒差! 係層湯圓皮煙煙韌韌特別少少
獨樂樂不如眾樂樂, 開飯幾時都係一大班先食到開心既~

Zenon Café (中環)

呢個weekend, 我呢個二四孝女朋友係中環等男朋友收工, 佢呢D番工收工唔定時既人, 食飯時間癩倒....有鑑依家時間只係五點多, 食Tea又唔係, 食Dinner又未到, 就係我好煩惱既時候, 行行下俾我見到間Zenon Cafe, 佢地有All Day Breakfast食, 而且格局裝修走輕鬆酒吧cafe風格, 最特別樓上原來係salon 敢於嘗試既我, 就入去食我呢餐霸氣all day breakfast!入面播著輕快而不吵耳的音樂, 燈光柔和, 蠻有氣氛的, 我們坐在最入面的二人位, 貪佢靜靜地可以傾下計0麻當然餐牌是少不了, 一早鎮定all day breakfast, 還有其他選擇既, 例如salad, 三文治etc, all day breakfast有waffle, 肉, 蛋可揀, 跟餐會有coffee, 唔好coffee既男人, 由staff提議下叫左佢地最新既果汁 (其實來貨源頭是由對面的果汁店)有三款咁多, 全部都係100% organic果汁, 點指兵兵點著誰人做大兵, 揀左中間既purple haze成份有蘿蔔, 梨, 紅菜頭, 檸檬, 同薑, 紫色果汁, 飲落有微辣薑味, 幾有趣丫~btw有機既野代表健康D, 都市人成日食埋食埋咁多junk food, 飲左呢個juice就當健康左lol我杯Latte都來左, 飲落奶味唔重, 反而多左重咖啡既回甘, 實在係意料之外, 細問之下原來佢地既咖啡屬精品咖啡, 咖啡豆絕非與連鎖店相提並論, 單點$48, 抵飲吧! 當然跟餐叫就更加抵啦先來一份all day breakfast, 雞肉腸, 煙肉, 雞胸肉, 沙津同炒蛋配以藍莓waffle, 雖則話腸仔係一級致癌物, 但食all day breakfast點可以冇腸仔先, 條雞肉腸入面有芝士架! 同埋食落去唔會有好多肥肉, 煙肉就肥瘦適中, 雞胸肉幸好唔係乾憎憎唔鞋口, 沙津有個檸檬汁, 都幾fresh! 最like佢係佢地炒蛋, 夠哂滑又唔會油淋淋~可能係慢慢食哂d永咸點先食藍莓waffle, 個waffle變淋, 另外d忌廉分開放會減慢個waffle變淋既速度另外一份all day breakfast, 係男人order的, 無蛋不歡的他, 深深愛上蛋奄列, 平昤食開奄列入面九成九係火腿絲, 當然佢收得$120一份餐, 斷估唔會俾番茶餐廳質數我! 呢個係芝士奄列, 一切開, 非同少可, 車打芝士緩緩流出, 而奄列蛋煮得剛剛好, 兩隻配合起上來, 只係令佢一口接一口密密食, 不過趁熱食會就更加perfect啦就係一邊聽著音樂, 一邊嘆住呢份全日早餐既同時, 由天光食到天黑, 食完之後佢地都冇趕客咁催我地走, 在場更有不少來happy hour的外國人飲佢地既手工啤酒, 無他既! 環境絕對會令一頓飯加分, 係走個時, 先發覺佢地仲有all day desserts, 岩哂一眾愛甜女士

洗手間置於上層salon, 想去toilet既, 就要行多幾步喇!

Next Station Dessert (旺角)

近日公佈左一個街頭小食推介, 甜品只有一間上榜(就係黑布街一帶), 當晚我同甜品達人一於反其道, 正所謂識食一定唔會跟「車胎人」搵食, 去左旁邊果間Next Station時間尚早, 未夠八點, 唔駛等位直入, 侍應妹妹妹將水同餐牌俾我地, 旁邊黑板畫有佢地招牌同新出品印象中餐牌好似update左,  甜品達人話食過test tube 1.0, 見個出左個升級版2.0, 二話不說就拍扳叫呢個, 另外上次食過既綠茶泡沫好正, 所以決定再encore多次泡沫, 拿.....私心like粉紅色, so草莓泡沫成為order list中之一, 最後我地望望個時間(before 8pm), 原來仲可以叫到佢地homemade半熟芝士撻, 岩岩番到香港, 先知潮流興食芝士撻, 請恕我跟唔上個trend, 你唔係唔叫個試下呀0麻? 食過就知龍與鳳!wow~~超吸睛的粉紅色!!! 塊心心脆餅冇乜特別, 有丁點兒酸甜味, 之後就係草莓味既泡沫, 口感好幼滑, 淡淡既士多啤梨味, 微甜, 再者在旁既草莓味乳酪雪糕, 夠哂冰涼, 會酸酸甜甜, 重點係有果肉, 唔似藥水味, 入面仲有成粒士多啤梨tim(連埋果醬), 雖然有咁多士多啤梨既組合, 但層次感唔同, 幾過癮, 食到底部原來是有tequlia成份既rose panna cotta, 達人表示佢好欣賞呢部份, 原因個酒味唔會話好搶, 但又同個士多啤梨出奇地夾, 真係估佢唔到咁話wor, 一個字-「正」!升級版test tube 2.0, 老老實實利申我就冇食過1.0, 但谷歌一下見到D相, 青BB就唔多吸引到我~不如講下2.0, 唔講唔知食法有次序, 先食(中間)Oasis, 上層係菠蘿慕絲, 下層係椰子奶凍, 果D一粒粒既椰子果凍同一塊檸檬片, 達人好風趣咁話: 你唔係打算請我食檸檬掛??當堂我地兩個笑左出來, 講番個菠蘿慕絲, 菠蘿味係淡既, 食落慕絲算係綿滑, 椰子奶凍一定一定一定要同菠蘿慕絲一齊食! 點解我要咁強調? 咪就係我地兩條友仔分開左來食, 浪費左呢個咁夾既組合; 之後要食既係(右面)伯爵紅茶奶凍, 未食已經聞到茶香, 個伯爵紅茶味也太濃吧! 加上奶凍質感略帶鞋口, 算係三款味道中比較失色的.....最後係(左面)特濃朱古力慕絲, 憑著達人條"皇帝舌", 佢食得出係72%朱古力, 利害~朱古力無得輪, 達人結論係1.0比較岩夏天食(清新), 2.0就有味道上層次變化會岩秋冬大熱cheese tart終於上桌, 中間烤焗得脹卜卜, 外層是曲奇皮邊, size唔係好大, 等我來個切餅儀式達人搖哂頭, 我仲好奇咩事之際, 佢就道出cheese tart既精髓, 事綠佢為左食甜品係可以去到好盡, 比較出名sogo那間, 中間cheese部份是半固體狀, 唔會好似心太軟咁巴巴聲流哂出來, 半熟並不等於流心, 先撇開流唔流心, cheese味唔夠, 反而蛋味仲勁過芝士味?! 相信坊間仲有唔同版本既芝士撻, next station仍然仲有改進空間, 新屎坑有三日香, 說到底食物質數才是食客光顧的最大原因 計我話齋呢...有白麝自然香, 確實此香不同彼香呢! 你懂的

泰象館 (九龍城)

自從遠走到澳洲多個月之後, 食慣左所謂澳洲食物, 什麼牛奶, 芝士, 漢堡, 牛肉......等等, 但一回到港的我, 最懷念香港既美食, 特別係作為九龍城地膽, 泰國野真係闊別多時, 朋友有見及此, 特意安排今晚呢餐welcome dinner俾我, 老老實實九龍城泰國野最出名既黃珍珍, 小曼谷同街市, 前兩者性價相對較低, 街市係抵食既, 可惜係太嘈地方冇咁乾淨咁囉 朋友仔發掘呢間泰象館, 一進去, 地方唔係好大, 勝在光猛乾淨, 又有電視睇 XDDD打開餐牌, 有選擇恐懼症既你, 不妨可以考慮下佢地既套餐, 但嘴饞的朋友仔話要自己發版咁話 先來一個生蝦刺身, 一碟有六件, 肉眼睇好大隻下, 食落去未夠爽口, 好彩個辣酱汁夠哂惹味啦~再來一個柚子沙津, 柚子微酸帶甜, 加上蔥花蝦米仔洋蔥絲等配料, 雖則是平淡沒驚喜, 亦不失為一道開胃小吃 食泰國野又點少得冬蔭公呢!!! 唔好睇佢咁細細碗呀, 入面有齊大蝦, 菇, 車里茄, 香草, 足料之餘, 仲唔會好辣, 朋友仔話個湯酸酸地, 佢好buy酸dd既冬蔭公, 如果可以辣多dd, 咁就perfect啦脆肉炒榔菜苗, 難得出街食菜炒得咁"靚仔", keep到d菜苗幾嫩口, 脆肉咸咸地, 我個人喜歡食菜清清地, 所以D脆肉留番俾我朋友仔包底最後一味係南瓜咖哩軟殼蟹, 臨近萬聖節, 南瓜大熱喔(賣相攞足分先), 沒想到南瓜同咖哩竟然咁夾, 咖哩香濃得來冇肥膩感, 內裡南瓜肉令整體口感增加, 而且on top既椰汁, 令咖哩更添椰香, 正!!! 旁邊炸起軟殼蟹建議要盡快食, 因放涼以致味道有差, 整體屬水準之上
細心留意下旁邊那桌有人生日來慶生, 氣氛很好的說, 特別一提....是整個場坐滿人, 意外地一點吵耳感都沒有, 可以跟老朋友傾傾聊聊, 正所謂開心時間過得特別快, 說好的gathering, 朋友們快找我出來開飯吧!

店員態度很nice, 去了外國才知香港人口面太黑了, 笑多D啦