要係觀塘搵一間可以飲咖啡, 又有甜品食, 除左連鎖coffee shop之外, 呢到會係其中一個選擇 ~ Coffee Art, 顧明思義即係咖啡藝術, 猜猜便想到是咖啡拉花, 就在上星期六, 跟朋友仔去左東廣場內的coffee art, 一來近mtr地方亦算易找, 二來從網上得悉佢地既新出品甜品超人氣, 所以特意過來試試喔真的沒想到星期六的下午人很多, 等位需時15分鐘左右, 因為舖頭內座位不算多, 大約10個左右, 其他位都係坐係商場地方, 幸好今次被安排坐在舖頭內佢地將所有咖啡都寫在黑板上, 唔飲奶既人亦有選擇平均一杯咖啡三十元左右, 定位合理, 唔講唔知呀, 佢地d咖啡仲有3D立體拉花既, 當然要視乎番叫咩咖啡飲啦店內裝修簡潔精巧, 只在咖啡機前放置了"的骰"飾物, 其他的沒太大華麗裝修午餐餐牌有不少選擇, 有素食, all day breakfast, 款式都幾廣泛當然仲有甜品啦, 所有都係即叫即製, 加上制作需時, 要耐心等候喔跟朋友仔點了溫泉蛋肉醬意粉, 配綠茶多士, 店主叫我地先食綠茶多士, 出乎意料之外, 烤得香脆, 而且食得出啖啖綠茶味, 可惜係得半份, 兩個人share唔夠分再講下隻溫泉蛋, 一刺穿就流哂D蛋黃, 再將流心蛋黃攪均落意粉, 將肉醬添幾分蛋香, 倍加滋味 接著, 是rose latte, 咖啡師拉左個心心, latte更帶有玫瑰香味, on top的玫瑰花卉令整杯latte點綴作用最後是今日的重點呢! 鐵板焦糖香蕉雪糕班尼, 店主會將鐵板整熱, 香蕉面上更有焦糖呀!
記得要將旁邊的朱古力醬, 一定趁熱倒下去, 鐵板更會發出"炸炸"聲, 完全滿足視覺同聽覺的甜品個班尼係雪凍左, 上面有雲呢拿雪糕, 每啖要由熱焦糖香蕉, 連班尼及雪糕一齊食, 個種一冷一熱既感覺係口中慢慢溶化, 好滿足丫! 難怪那麼多人也來一試, 如果能在非繁忙時間享受就更加好了, 希望下次可以試下佢地既3D拉花咖啡吧!

相比老銅, 我更愛附近"旺中帶靜"的大坑, 起碼不是人頭湧湧, 而是氣氛寧靜寫意, 車子廢氣都少D啦, 幸好時間尚早, 也只是六點多, 就給那鮮艷的芥辣黃色吸引著, 位置在轉角位亦很容易見到喔入面地方不算大, 位子只有十多個, 有近bar枱, 高身枱及2~3張等, 內面播放著英文歌(不是rock n roll那種吵耳的), 感覺有點似外國的小店, 男友就說"這間吧! 反而也吃厭了外面連鎖店的東西"店主招呼了我們坐上高身桌, 然後就介紹佢地店內凡食物, 這裡沒有特定的餐牌, 所有提供的食物統統手寫在高黑板上貼心地分類別寫上, 有snack, from the sea (海鮮類)from the land (豬牛雞羊等)更有chief special (廚師推介), 見到咁多"雞腸"字, 都唔駛驚既, 店主會親自過來逐一介紹的, 其實唔提供餐牌, 除左因為廚師會不時轉換菜式, 令食客有新鮮感, 此外店主亦想跟食客有多一點互動及溝通, 了解食客需要/喜好等, 務求大家食得開心又放心雖然係open kitchen (開放式廚房), 但沒有半點油煙味喔, 當然鐘情睇住廚師煮野食既話, bar桌就非選不可啦! 說得上cafe and bar, 有野食之餘, 美酒又點可以少得呢? 麻雀雖小, 五臟俱全, 不同款式的酒, 也放置近門口的酒櫃上, 清晰可見, 一目了然酒樽上寫有每款酒的價錢, 食客只要看上那一枝, 店主就會拿下來給你的由於平時唔太喜好酒類, 店主建議了一款入口甜甜既白酒 - Pieroth Blue, 產地在NaheNahe是近德國地帶(沿住River Nahe), 一個盛產美酒的地方, 果實酒, 大概是用上水果以製成, 入口帶甜, 小小一杯淺嘗就行啦, 就在享受美酒同時, 第一道就上菜, 這裡的食物是即叫即製的Chief Special的Deep-fried Camembert Cranberry Jelly, 賣相像迷你版芝士般, 是將軟身的Camembert (來自法國的cheese), 炸得金黃色, 外面加上Cranberry jelly(小紅莓醬)on top, 呢道餐前小吃要趁熱食架~chesse炸得岩岩好, 外脆內軟, cheese有奶味, 入口就在咀內慢慢溶化, 怕剩食cheese會膩, 帶有甜甜微酸的Cranberry Jelly, 起左畫龍點晴既作用, 平衡番個油膩感呢到既Signature dish - Jumbo lump crab cake, marie rose, 講得簡易D即係蟹餅, 點解會話係 Signature dish? 食話你就知~賣相討好, 已經加哂分, 呢到既蟹餅有別於外面食到既外面食到既, 多數係厚厚的炸粉, 只有油溢粉漿味, 呢到係啖啖蟹肉, yummy^^廚師更將蟹餅煎成外面微脆, 蟹肉既味道也鎖哂係蟹餅入面, 仲有少少粟米粒, 增加口感, 一碟只有兩件, 我跟男友差D想encore丫~遲來的herloon tomato, feta, basil, 呢到用上蕃茄以製既沙津, 唔係用本地蕃茄, 材料主要是來自英國的herloon tomato (佢地由外國入口的), 新解多汁, 沒有本地蕃茄的草青味, 上面加有希臘fata cheese, 一款較light既芝士, 旁邊更有黑醋, 三者一次過食, 配合得宜, 雖然材料比一般沙津單調, 但出來感覺更rich~seared scallop, cauliflower, quinao, 是日本進口帶子, 大廚火喉控制得宜, 帶子七成熟, 呈0者喱狀, 入口軟滑, 帶子配埋cauliflower(椰菜花)既sauce, on top係quinao(藜麥), 增添帶子的鮮味最後主角上場, french whole spring chicken, truffle, thyme, 打開蓋, 當apple wood的煙霧散開後, 原隻迷你燒春雞呈現眼前, 店主撰上幾滴truffle oil, 令黑松露香味更出眾好香黑松露及百里香的香氣, 影完相之後, 廚師會拎番入去切成細件最特別係雞皮同雞肉之間釀有類似麵包糠的東東, 雞肉嫩滑配合香脆的雞皮, 一隻小小的春雞兩個人share, 就剛剛好, 食完之後, 大廚又跟我們打招呼, 像朋友一樣地聊聊今晚既佳餚, 言談間, 更得知大廚從澳洲學廚多年, mustard也是開業短短兩個月, 當晚8點半已經全院滿座, 實力不容忽視, 相信不久將來應該會大排長龍, 成為一間人氣食店

紅磡近排真是相當精彩，同道中人一定知我講咩，多間特色食肆進駐，真是逐間試都要試成個月呀!
呢度算係小妹半個主場，咁近城隍廟，無"奶油"唔求番支好纖既！今日決定試下呢間拉麵天王，一進店內開放式的煮麵位已非常吸睛，舖內洋溢住濃濃的日本街頭風味, 店內也掛有不少日本的裝飾, 令到食客有置身於日本吃拉麵一樣~店內座位唔算話好多, 有20~30個位左右啦, 平時開舖12點, 今日未到開舖時間, 都有2,3張桌坐左人拉麵天王主打四款豬骨湯拉麵，分別是原味的白天王，黑蒜油味的黑天王，唐辛子味的赤天王與及不時會轉的限定天王小食選擇就有芝士年糕與餃子，每均放置一壼有檸檬的冰水，真的很貼心呢!今期既限定天王, 係鰹魚天王, 其實都係豬骨湯底, 但香油是用上鰹魚油, 同店主傾開, 先知鰹魚係類似魚乾, 魚油會將鮮味融入湯底今次我地揀左白天王同今期的限定鰹魚天王，還有餃子...拉麵紙上可揀口味(淡/普通), 香油(淡/普通), 叉燒(要/不要), 蔥(要/不要), 麵既軟硬度, 盡量令到食客自己可以揀選到最適合自己既拉麵先上桌是一碟有五隻的餃子, size唔係話好大隻, 男士們更可以一口一隻添, 旁邊有醬汁可選沾來食由於是即叫即煎起既關係，餃子皮脆內軟，非常有肉香，好juicy, 原本冇期待既餃子, 反而令我有驚喜! 兩位天王都陸續駕到了，先說白天王，豬骨湯好濃厚，有漿口的感覺，麵條亦軟硬適中，溏心蛋亦很入味，真要挑剔的話就是叉燒少了點，只有薄薄一片, 而是較瘦的叉燒那種呢, 怕肥肉既女仔就岩哂喇再來是鰹魚天王，豬骨湯確是滲著濃郁的鰹魚香，曬嗜魚人士，而呢款限定天王亦正正彌補了其他天王的不足，有一片厚的豚角煮, 岩哂食肉獸喇!! 表面是經火槍微微燒過, 肥瘦分明, 入口超滿足呀~每均設有自家制既微辣芽菜，芽菜伴麵吃異常地配合，亦提升了拉麵的層次食到最後, 私心推薦塘心蛋!!! 蛋黃保持在熟與未熟之間, 有流心效果睇圖都見到, 剩係呢點為天王拉麵錦上添花, 再者價錢挺超值的, 平均也是$7~80左右, 更何況不少拉麵店都賣成過百蚊一碗, 絕對值得一試架!

點解我會話百無禁忌呢, 因為要去生記, 附近有不少賣先人用品的店舖, 地點都幾隱蔽, 幸好有位像人肉google一樣的男人, 識路帶我去0者, 嘰嘰~
時間尚早, 未到七點, 仲未見人龍, 前兩次去也等了好一會兒, 見有個位子就坐下, 阿姐就跟手俾埋d碗筷我地, 生記蟹粥就出哂名, 唔少人慕名而來添, 當然我都係其中一份子, 哈哈! 印象中仍記得第一次來食過佢地既蟹粥之後, 仲誇張到去澳門搵食, 都要找蟹粥食, 就係想睇下有冇其他地方既蟹粥好食得過佢!!! 生記呢到要晚市才有蟹粥供應, 除左蟹粥之外, 當然也有幾道唔錯既小吃, 等我介紹下先, 炸墨魚丸, 以size來講, 好大粒下, 食落去都唔會好多粉, 唯一要彈是表面偏油, 如隔一隔油會更好吧!另外一款小吃, 是他們首創, 蠔仔春卷, 男友愛死這道「熱氣野」, 每次也例必叫的, 春卷炸得香脆, 內裡既蠔仔肉厚肥美, 唔係"孱弱"迷你蠔, 食完一件會停不了口再食, 可惡!!! 煎炸野始終少食多滋味接著叫左蟶子, 佢地既海鮮夜D去就會賣曬, 所以今次真係好lucky, 每隻$38, 雖然貴, 但是食過方知是值得喔蟶子好新鮮, 同埋都唔細隻, 食落去好爽口, 配合粉絲香蒜, 一隻真係唔多夠喉, 好戲在後頭, 要留肚食我期待已久的蟹粥啦!!! 我地兩個人, 叫左個例牌size, 夠2~3人份, 熱到仲滾下滾下, 睇相都見到d煙, 表面睇佢係一窩粥, 隻蟹係粥入面架!例牌size有1隻蟹, 當然大size既粥, 蟹又會多番啦, 食呢個蟹粥, 要睇熱, 小心"辣"親咀仔同條皇帝舌, 粥煮得都夠棉, 同埋有蟹味, 蟹肉鮮甜, 溫馨提示, 食之前最好攪勻, 令到粥入面既蟹膏更平均, 滋味再提升XDD
兩個人叫左4樣野食, 食完勁飽丫! 走個時, 見到第二張桌食冬蔭公蟹烏冬, 好吸引(流口水mode), 下次要叫多幾個朋友share先得~

寒天飲雪水, 點滴在心頭! 為什麼冬天總是那麼多人吃雪糕? 哈哈! 大概多數的人也是為食吧!
今晚去左放牛, 此牛不同彼牛, 原來係位於TST的放牛牛, 都怪我近來愛上IG, 太多食物相片, 令人垂涎三尺喔~嘩.....為食既人, 又點止得我一個! 未夠9點, 都有成十多人啦放牛牛主打有地牛牛(粟米味), 水牛牛(海鹽味), 火牛牛(朱古力味), 風牛牛(薰衣草味)原來仲係試業期間, 怪不次得人那麼多啦~是先付款, 後叫號的, order後, 店員會立即把裝飾物放上雪糕上更有窩夫, 糖膠弄成的花花, 店員也夠忙特別一提, 內面仲有部棉花糖機, 不斷整棉花糖, 是關火牛牛的面頭就是棉花糖呢!朱古力雪糕普通得不能再普通, 當食緊棉花糖的時候, 雪糕同時也在溶!!! 天呀! 叫我怎樣吃> <
唯一可取是那個脆口的雪糕筒, 朋友說他的水牛牛(海鹽味)太咸了, 應該只為相機而置的牛牛嗎?

 

近來IG朋友, 都給巨型蜜瓜雪糕洗版了, 趁今晚過開老銅, 一於去朝聖下, 跟朋友一行四人行去, 點知晚餐食得太飽了, 也吃不下巨型蜜瓜雪糕, 唯有分開叫了兩杯雪糕當晚未夠九點, 人也挺多, 猜想很多人也給網上的相片吸引來的, 在門口外有個大大牌, 一目了然睇哂有咩雪糕, 唔駛迫入店入面睇, 加上店內只有2~3張桌(企位), 多數買了雪糕也在門口旁邊食, 款式也蠻多的排隊買了飛, 等左10分鐘左右, 會叫號碼的, 叫了柚子抺茶餡蜜芭菲, 一杯$56, 以銅記來講, 都算唔貴雪糕賣相還可以, 可惜是雪糕溶得太快吧! 只拍了兩張相, 已經開始溶咁(驚~), 唯有馬上開動吃, 雪糕偏水, 味道是不錯的, 但男友說chx chx的綠茶味更香濃, 仲有例邊既mochi煙煙韌韌, 最好味反而係入面有d rice chrisp, 脆卜卜, 同雪糕幾match bo!以呢個價錢, 同區地方不難找到其他代替, 要令食客回頭, 相信佢地要改良下d雪糕快溶既問題啦!

元朗, 自從有左西鐵之後, 對九龍人如我, 方便得多, 一場來到, 又點少得醫飽「甜品胃」, 唔講唔知, 呢到真係多左好多野食, 甜品也榜上有名, 有朋友帶路下, 終於來到一間小店, 門外暫時未見有人龍, 一坐下, 年輕女店員給我們遞上餐牌, 最喜歡有圖片的餐牌, 正所謂,「有圖有真相」0麻!款式多數是西式甜品, 連特飲亦有提供的喔~我同朋友們的眼睛同時停在上圖的甜品, 好靚呀! 賣相拎滿分, 唔知味道係咪一樣呢? 一於就叫呢兩個啦 除左餐牌上, 內面掛有一個牌仔, 上面寫有佢地皇牌甜品, 數量有限, 真係遲半步都分分鐘售罄, 識我既朋友, 都知我鍾情於waffle, 比利時朱古力醬窩夫, 正是我杯茶, 最後也order埋呢個~ 先上桌是比利時朱古力醬窩夫配雪糕, 比利時朱古力醬就好似咖啡拉花咁佈滿係窩夫上面, 幸好窩夫不是薄身那一類, 自己偏好厚身一點, 朱古力味香, 也不至於食完要馬上飲水這般"漏", 窩夫則普普通通, 如果可以更外脆就very good啦, 反而個雲呢拿雪糕唔錯, 唔易溶之餘, 同平時食開雪糕更幼滑添另外上桌就是美得似藝術品一樣的法式焦糖杏仁拔菲, 另外旁邊的朱古力醬像幅圖畫, 教人怎捨得食呢, 最吸晴是中間那塊似「武林聖火令」的脆脆, 相機也大呼好味!!! 輪到我食啦, 焦糖不太甜, 拔菲內充滿朱古力脆脆, 令口感更豐富呢~最後一個是等了半小時的Honey Secret, 呢個甜品用了舖頭名字作招徠, 因為是即叫即製的, 要耐心等待呢~那個金光閃閃的水晶球, 原來是用甜膠拉花而成, 入面還有酥皮粒呀! 唔單只睇得, 仲食得架打開蓋後, 把鬆脆的酥皮粒稍微移開後, 才知內有乾坤呀!是濃香的朱古力汁, 別忘了旁邊也有那球幼滑的雲呢拿雪糕, 可以一邊把酥皮粒沾朱古力汁來吃, 又可以把酥皮粒沾雪糕來吃, 絕對是雙重滋味! 開心的時候過得特別快, 見門外開始有人等位, 食完也快讓出位子給人吧! 有麝自然香, 好的東西就是有人會欣賞的, 加油丫!

當晚等了一會兒, 不過可能是因為節日, 夜晚十一點多, 人流keep住冇停過, 不過買外賣會快d
安排左坐係近門口位, 其實食完都會好快走, 今晚係衝住佢地個皇牌焦糖布甸椰皇子來的!!我超喜愛椰味的食物喔~餐牌上更有不少椰皇的甜品, 我就鐵定要焦糖布甸椰皇子, 朋友說想試下其他椰皇, 就叫左好似樣既小矮人分子椰皇子, 另外釀雪梨賣光了, 天氣凍, 個個想食d滋潤甜品, 所以想食, 也要趁早去吧!等左一陣, 焦糖布甸椰皇子就上桌, 我揀係暖暖地, 另外有凍食, 個椰汁好清甜, 再試下個焦糖布甸, yummy呀!!!! 好幼滑, 一啖布甸mix椰汁, 嘩~~不得了, 停不了, 椰皇內更有椰肉可吃的, 超滿足喔 XD朋友那個小矮人分子椰皇子, 跟我那個相似度有90%, 只差入面那些是jelly粒的, 朋友說是煙煙韌韌, 她很喜歡呢~還說下次可以試下其他款添

上個月尾朋友生日的晚餐也差點忘了要寫下來, 雖然她不是素食者, 但她胃口欠佳, 便提議食素吧!
希望吃點菜, 會令她能食到多點野啦, 當日先打電話去book, 店員話booking都幾full, 叫我早少少去
當晚七點多到達時, 也挺多人等位呢, 印象記得好多年在旺角分店也不用等位的
等了大約15分鐘左右, 店員安排了近門口的二人位, 但我們是三個人! 她表示可加多椅, 如果要等位恐怕也要再等, 唯有照坐, 我也不想壽生女等得太久吧!三個人, 叫了一個2人餐, 另加一個菜, 湯我們要了竹笨雞絲翅, 都幾大盅, 入面仲有d金菇等, 食完都未止口乾, 算合格啦! 呢個餐前小食, 燒汁翡翠卷, 類似豆乾那類的東東, 味道普通而已主菜是黑椒翠玉瓜炒牛柳粒, 吃下去有點微辣, 翠玉瓜炒後仍保持多汁, 相對地牛柳粒就失色了菜粒松子蛋白炒飯, 菜粒真係少得可憐, 幸好松子跟炒飯也蠻配合, 飯炒得不算太乾, 夾在炒飯中松子有增加口感之效最後我們還叫了士多啤梨骨, 呢個係全晚最好食, 個汁酸酸甜甜, 而且是沒有骨的, 吃下去真的把我們都騙了,  超似肉的味道, 如果幪起眼睛去食, 真的不會知道是素食呢~他們更送了紅豆沙做甜品添, 肚子超滿足喔

九龍人又入元朗搵食? 哈哈, 只怪朋友都住在新界區, 今晚就入去佢地既地頭搵食吧! 
佢地揀左食意大利野, 我心諗意大利野出名d份量大, 食落都幾heavy下, 但今次完全令我改觀了!
間餐廳名字同樣留人深刻印象呢~Good Morning早辰, 幸好我不是早上去食早餐喔
位置離叮叮站有一段路, 我話個「路盲」也是朋友帶路來去到, 否則又迷路啦 小小的一間餐廳, 入面唔算好大, 只有十張桌左右, 當晚星期六booking挺多的, 跟朋友九點多才入座, 肚子也餓扁了, 安排了近卡位的位子, 翻翻餐牌後, 便下單先有是意大利雜菜湯, 點呢個湯個時, 就已經問問係咪類似羅宋湯, 因為小妹不飲羅宋湯, 而佢地更表示意大利雜菜湯是沒有肉類淆製以成, 絕對岩哂素食朋友, 再者湯料中的雜菜都幾足料, d雜菜又冇煮到爛哂, 個味道都清甜架再來一個頭盤小吃, 牛油果鮮蕃茄蝦沙津, 食物講求色香味, 色呢方面真係拎滿分, 賞心閱目, 香味有牛油果香, 再配以旁邊的黑醋汁, 新鮮蕃茄多汁, 蝦亦爽口, 不愧為一個開胃頭盤的好選擇唔講唔知, 呢到既pasta全部由主廚親手homemade製, 單憑呢點已經盡顯早辰的心思及功夫, 先是手捲義粉, 請恕我見識少, d義粉有點似細細個食個d蟲蟲糖, 由於是手製, 所以每條粗幼都不一樣, 帶有黑松露的香味, 而羊奶羊士同忌廉既味道浸入煙肉, 青豆, 濃郁但唔會好膩, d義粉仲好彈牙添好食既野唔好俾佢停下來, 是自家制蛋闊麵, 是茄汁配以鴨肉同雞肉而煮成, 肉已經混成醬似的, 蛋闊麵富口感的, 煙煙un un, 我比較喜歡羨粉呢~西餐又點少得扒類, 燒羊扒, 要求五成熟, 伴碟有黑醋汁, 焗過既洋蔥, 連薯皮的薯條, 切開的羊扒仍見紅, 幸好沒有血水, 食下去也不覺得羊蘇味, 肉厚多汁, 三個人share二件羊扒經已飽了八九成 意大利甜點的tiramisu是超有名, 即使已經飽, 但天使與魔鬼下的爭論, 還是魔鬼戰勝一場!!! 師傳更出來為這個賣相特別的tiramisu介紹一番, 平時上桌多是一小件或一小磚, 今次是小碗上桌, 有homemade的親切感, on top更佈滿雜莓及脆酥皮, 吃下去還有淡淡的酒味, 這種外脆(酥皮)內軟(餡餅下的芝士), 相當特別及有趣呢最後一道甜品, 是師傳極力推薦的, 蜜糖芭菲, 樣子是蠻像超市賣的芝士, 食一啖卻知原來不是芝士, 入面有不少松子仁, on top的是開心果仁,  芭菲是由煮熱砂糖, 焦糖及蛋白打成, 夠幼滑又唔太甜, 配上雜莓汁, 真的超好味!  師傳娓娓道來與我們聊聊餐牌上意大利的食物, 當晚不只單單食東西, 也對意大利的食品多一份了解及認識, 很期待下次再來一嘗其他意式美食