7/10/08
7點前入座有9折
生日一星期前後有半價
媽媽8號生日所以有半價

sashimi都order左4次
希靈魚口感好特別可一試
三文魚同鱆紅魚都幾好
南瓜同蝦天婦羅正!
都幾多野食!甜品冇嘜食過
淨係食左紅豆芝麻球同埋涼粉
但整體水準叫唔錯!

反而蟹腳天婦羅唔好食
d粉特別厚d肉好難咬
炸雞翼炸多春魚果d可以唔洗試-0-

唔知係米我地成家大食
食左個半鐘倒就要last order
可能佢地怕虧本哈哈

好快收碟值得一讚
埋單仲有一張每人減10蚊既coupon送
限期1個月內
都唔唔會唔會再食-0-
食依餐食到攬住個肚走人肥死/"\

第一次去御泰坊食!因為見大家的食評都唔錯
當時係3月8號!好記得係婦女節xd
book定位!話限食2粒鐘!其實都夠時間
散叫!個名就叫御泰坊!
但係其實泰國野都唔係好多!夾雜左好多越南野!
蝦餅很好食!冬蔭功湯唔係太辣辣d會好d
咖哩雞味道不錯但係d雞好似過老
特登叫左客蒜蓉包!正!串燒也不錯=)
仲叫左菜呀啤酒類果d
依度d服務態度好好!佢可能知我地第一次黎
問我地覺得d野點之類!幾親切好難得!
埋單400幾都幾貴!因為d野都幾細碟
最後都去左食左許留山食甜品xd

第一次去TODAI度食LUNCH BUFFET!
感覺有D似FOOD COURT同酒樓
由於去食果日係20號!
好多小朋友一家大細去食
壽司果D FILL IN得好快
但係甜品一陣間就冇晒咁制
真係好彩我第一輪都有食下D甜品
如果唔係真係嘜都冇得食
生果好甜!壽司OK啦!
熱食果D都OK既!斟水都OK快既!
個人認為冇嘜特別!
不過明明BOOK左位都要排隊就唔係咁鍾意
咁BOOK黎做咩-0-

12號禮拜6一家4口去食
依間野真係出晒名服務態度差
成日口黑面黑!
落ORDER D人又唔知係真係聽唔到定扮聽唔到
成日都唔理人
食左好多次!
因為屋企人食開果度D 3文魚所以冇提議去第2間
觀塘區真係好似冇嘜好既日本料理店

前個禮拜27號去左euro go go度食dinner!
哈哈已經唔係好記得食左d咩!
但都記得係3個人食左2個意粉同1個pizza
個pizza超薄!有唔抵既感覺!
味道不錯!都沒有甚麼招呼!
但叫waitress拿水比我地佢都好客氣拿比我地!
當時得幾台客!行左陣街再經過euro go go!
都仲見到d人仲坐緊!依間野可以坐超耐xd

早前LUNCH去左依度食野!
都好耐冇食!都坐得幾迫下
叫左個魚蛋河同菜
味道OK!魚蛋魚片幾好食!
但略嫌貴左D!
服務態度普通啦!

睇大家話豆腐布甸好好食!
岩岩去開深水步!
1個人周圍搵路行去食!
都幾多人!
當然就緊係叫左豆腐布甸!
比我想像中大個!
有淡淡豆腐味!幾軟滑!但又幾實!
不過食食下有少少滯-0-
可能之前食得太多野!哈哈

叫左個雜錦剌身便當
$35連一杯蜂蜜綠茶!
而FD就叫左個吉列蠔便當!
一樣價錢!佢個蠔幾好食!
我覺得D野OK!
裝修唔掂座位都好迫
但都好多人!
食LUNCH我覺得可以黎試下!
但DINNER就唔好啦-0-

岩岩食完飯!
咁緊係去食甜品啦!
哈哈!我又食楊枝金撈布甸!
平時食甜品都係下午食!
夜晚食的話,,整出黎既都有唔同-0-
西柚變左係面-0-唔係撈埋入去
芒果雪糕佢話冇/"\變左椰子雪糕!
但芒果好食D/"\
爸媽叫左個咩椰子官燕唔知咩-0-
唔記得LU!我淨係記得依個野係星期6係特價38蚊
但都幾貴下==
妹叫左個多芒西米撈!

咁就差唔多食左成91蚊-0-

今日屋企人話想去食上海菜!一向都係去開依間上海坊!因為方便我地-0-等左一陣位!之後坐正門口位/"\愈食愈熱!原來門口個冷氣壞左!嘩!一路食一路抹汗==本人最怕熱!

炸銀絲卷:食左咁多次今次最正!真係好好食!
酸辣湯:唔係好辣!因為岩岩病緊!喉嚨痛!開頭都驚飲唔到==但結果唔係好辣-0-
上海炒年糕:好多豉油-0-OK啦不過
4隻小籠包K多汁!!!幾好食
蒸鍋貼:幾好食!
擔擔麵:我冇食!不過屋企人話唔係真係傳說中咁好味-0-因為花生醬味太重!而且咩料都冇==

服務麻麻!雖然我地食晒D野!出面又冇人等位!就好似趕客走!幫我地收碗碟!成間店D侍應都係岩岩出黎做比我感覺!但反而佢地OK!果個女負責收銀職位大D果個衰D!!

但其實今餐唔係太飽!之後去左食甜品....