早已在openrice得知阿婆豆腐花好出名
難得去lamma island
點都係試下啦
因為係閒日既關係 去食既人唔多
咦唔係阿婆黎既@@係阿公
7個人叫左7碗凍豆腐花 每碗7蚊
d豆腐花都唔滿既/"\
冇錯d豆腐花係幾透心涼
但係 佢果種滑係一入口就溶果隻
我個人就唔鍾意啦
而且係冇豆味可言
只係食到黃糖同糖水既甜味

另外
環境就真係頗惡劣
附近有條渠
好多昆蟲
d台台凳凳好污糟咁
諗住去洗個手 結果要用洗手盆內既小盆bup水洗手......
又發現d膠匙原來會洗番......再用 好環保.......
um..........無言

話說岩岩到步
好肚餓去搵野食
門口企住一位人兄
同我地講話有學生餐
本來話要30幾蚊 話而家淨係收我地32蚊
咁我地依d學生就入左去啦...........
一睇個menu
學生餐全部都係果d腸仔餐肉雞蛋火腿
基本上同茶餐廳冇分別...............
是日餐湯係羅宋湯
一黎羅宋湯 咦.....中西合壁既碗碟
味道唔差可以接受
之後黎白汁火腿意粉
白汁個味唔同平時食開果d
佢陣忌廉味我唔知點形容
可能我自己食唔慣啦
叫左COT 凍飲加2蚊.....
就衰去lamma island之前冇上openrice/"\

早前爸媽去澳門 2日1夜遊
睇完MACAU OPENRICE
拜託佢地買2盒龍鬚糖當手信

爸媽話佢地搵左好耐先搵到
真係辛苦佢地啦
爸媽話其實都唔太衛生 近路邊整龍鬚糖
爸媽話依盒龍鬚糖都叫貴話唔知15蚊定18蚊
但係香港買12蚊都買到......

諗住澳門果D可能有D SURPRISE
但食落去 其實同香港果D冇嘜太大分別.....
咁當然佢既品質都唔差!好鬆化
同香港唔同既!係佢比較硬身同埋花生碎多少少
但都叫做一試無妨既!

同媽行街又特登去左大記買番d糕番屋企當宵夜
媽媽平時自己一個果陣
都好鍾意黎依度食攦粉=)
又平又好食!
今次媽一買就買左30蚊(9件)
佢話20蚊邊夠你地幾個大食鬼食.........

芝麻糕 一如既往 又香又滑
紅豆糕 好多紅豆 起沙 正
綠豆糕 清甜 不過我個人愛紅豆多d
南瓜糕 重奶味 我個人唔太愛 但家人愛.......
今次仲有1-2粒南瓜粒係個糕度 有野咬下哈哈

同友人行左一陣apm然後想去譚仔食
結果2間都咁多人 廢事等好肚餓-0-
就過左喜來軒食!岩岩好2點有下午茶

下午茶都唔平
照燒雞扒拉麵 + 珍珠奶茶 (珍珠奶茶另補3蚊) 28蚊
個餐本來包一杯14蚊既野飲!
珍珠奶茶17蚊!所以補3蚊
事關有朋友黎過依度食
話依度既珍珠奶茶好好飲!所以點都加3蚊轉 試下係米真係咁好

黎啦黎啦!好大杯
平生第2次飲珍珠奶茶
奶茶好奶 如果少d奶重番d茶味會好d
珍珠唔夠多我覺得
拉麵個湯幾濃味 友人話鹹左少少 各有各口味啦!
口渴都唔覺既!
入面d料都唔差!especially有好多芽菜 我鍾意
係價錢貴左丁丁

去銅鑼灣睇牙
之後經過美心mx
就好快入左去事關太肚餓-0-

日式咖哩豬扒飯 + 韓式炒粉絲(送凍檸樂)
咖哩汁太少/"\唔太夠撈飯!
甜甜地少少辣 味道ok! 豬扒都ok既!
炒粉絲個味道唔錯我開頭幾驚佢會冇嘜味
沙律冇嘜特別好多薯仔-0-
舊椰汁糕都ok既
檸樂=)有4片檸檬好耐冇試過有咁多檸檬==

整體其實都唔錯!係個價錢.........
而家快餐店價錢真係幾貴-0-

冇錯又係我!
落街買lunch廢事煮 買外賣

而家車仔麵愈黎愈貴lu
以前4蚊1個*食送* 或 麵
之後5蚊1個*食送* 或 4蚊麵
而家全部都5蚊 冇計啦 inflation......

車仔麵(辣魚蛋 + 蘿蔔 + 豬紅 + 幼麵)
辣魚蛋d汁真係好辣 攪到成碗麵都係辣
魚蛋可能煮得太耐 淋左d
蘿蔔好淋好入味好甜!我鍾意
豬紅冇嘜特別
幼麵佢煮得耐得制==
拎到番屋企果陣已經好淋-0-
可能依個阿姨新黎......之前未叫過佢
煮到咁==

學生買 送豆漿!
我以為我都冇 我冇著校服 結果都有
但係正如我之前所講
杯豆漿唔太好飲 d味道怪
冇豆味又多水咁...........

ok 係比蘿蔔

儲唔儲埋好多食評未打
趁而家得閒打左佢先

去黃大仙見可愛表弟
舅父話要帶表弟去大家樂食熱狗
皆因表弟鍾意食大家樂熱狗入面條腸
咁細個就咁咀刁...........

唔太肚餓 所以同媽咪share一個餐 $19
雞翼 + 半件花生醬多士 + 凍檸茶
是日汽水機壞左-0-
雞翼我就冇食 因為我懶.......唔想洗手
個多士超硬 好似已經整左好耐咁
切到我手都累埋!
真係挨唔住比媽切 連媽都話好硬
舊多士暖暖地........但真係幾硬
至於雞翼 媽話ok!
檸茶幾好飲喎!茶味夠!

同友人係九龍灣行街果陣
大家異口同聲話想一齊去食個2人常餐
結果德福果間裝修緊/"\
友人話前幾日都未裝修-0-
之後大家決定特登過鑽石山依間pizza hut

去到其實都3點xd可以叫做下午茶
唔入過依間pizza hut
我覺得幾舒服好大
果陣仲要冇嘜人!都幾靜
係度傾下計飲下野的確唔錯

吞拿魚蘑菇白汁意粉 + 紅湯
個汁我覺得唔夠creamy 稀左少少
紅湯唔錯呀!唔肥!都有d料

夏威夷風味迷你必勝批 + 紅湯 (友人食)
友人share左d比我!
我覺得唔錯!熱辣辣!好鍾意熱果種感覺=)
係個皮略為硬左少少

至於蒜蓉包呢!我覺得唔脆......
唔知係米整定左好耐
而且蒜蓉味唔出!得牛油味咁........

坐左個半鐘有多
service唔差!又好快收碟

訓得太晏訓到1點
搞搞下2點
岩岩好落到去食下午茶
薑蔥鮮牛肉麵 + 凍豆漿 $18
薑蔥都頗足夠
牛肉好淋 應該都有用粉la過
麵整得淋左少少!
豆漿都夠凍但豆味唔太好