提起擔擔麵
我相信大家都會諗起
有好多花生醬呀麻醬呀
會有麻辣既感覺果D
但依度既擔擔麵味道好唔同-0-
北京風味??
麵就幾多!但冇嘜特別!面頭既肉碎同D唔知嘜野超碎
碎到一攪勻就淨係似食齋麵 冇料
總之味道有D奇奇怪
淨係感覺到係有辣椒油既味道
但坐我對面果2個CONSUMERS係成日黎食
仲講到好好味........可能我岩岩揀中左依間店最唔好食既野-0-
淨係食個麵咁就23蚊.................
即使第日黎食 一定唔會揀依個黎食-0-

行去巴士站想搵D野咬下
就去左買雞蛋仔啦
雞蛋仔岩岩整緊熱辣辣
佢冇吹凍!整好就即刻入袋比左我
雖然個袋有D洞洞可以抖下氣
但係個雞蛋仔仍然咁熱
D雞蛋仔係實肉唔係空心
蛋味都夠!個人認為個味同食蛋糕冇嘜分別
最衰就係食落去冇外脆內軟既感覺
淨係覺得似食緊舊熱蛋糕
唔脆既雞蛋仔唔好食

想填下個肚
見秀吉擺出黎D相幾吸引我
見佢又唔叫貴!
就決定食個燒餅套餐B
如果係食燒餅套餐A
即係燒餅+炒麵 就$22 不同之處就係果隻蛋!
燒餅 + 奄列炒麵 $24
嘩同張真係唔係好同............
包得好核突........亂黎!
D麵飛晒出黎!影響食慾-0-
個奄列果個蛋皮薄到呢.......又唔滑喎!
完全對個炒麵起唔到D咩作用
依2蚊我比得唔甘心-0-
個炒麵佢一路炒就加左D甜豉油果D
反而我覺得可以接受個麵!
到燒餅啦!個燒餅好多粉-0-
攪到我愈食愈滯!好在有番D椰菜粒係入面先好少少
面頭個SAUCE咸左少少!
D木魚絲好硬!唔識郁既........

1點黎到都幾多人
哈哈我而家先發覺原來上面仲有層
唔太肚餓!同媽淨係叫左2樣野
白咖哩豬排飯 $36
水準都係咁好!
避風塘脆豆腐 $28
得4舊!好明顯係一盒百福豆腐切問四舊
好在夠熱!而且外脆內軟
但真係唔值!最好唔食-0-
加埋一70蚊
用左12蚊coupon! 58蚊!

而家一出街
就一定係OPENRICE搵定附近有咩好野食
見到依間北京拉麵店有不少好評價錢又不是太貴
所以夜晚就黎左依度同媽、妹食飯
雖然依度細細地同埋D台係窄D
但係都可以接受!而且仲有D中國傳統面譜
同埋一個幾有特色既廚房

酸辣湯(大) $40
問問waitress大細有咩分別!
雖然得3個人!但見大抵咁多
佢話細既酸辣湯得3-4個細碗
咁緊係叫大啦
我地好鍾意個酸辣湯!!!
真係酸同辣既比例都好好
又足料並不欺場

蒜泥白肉 $32
第一次食!
一黎到依一味(食送)
我就諗佢係米改錯名==
唔覺有蒜泥既-0-
白肉好普通
唔撈個汁真係冇味可言
反觀粉皮好爽滑
撈埋個汁食都唔錯既
妹仲埋怨粉皮滑到好難夾
其實我係完全唔知蒜泥白肉有粉皮既出現
好彩冇叫雞絲粉皮姐-0-

銀芽炒鱔糊菜飯 $36
睇番個menu先知原來依度係下午食依個餐好抵
34蚊又有菜又有湯果d 雖然要加一
銀芽炒鱔糊正呀!
我開頭以為佢實會縮骨比得果丁丁鱔而銀芽就多
但又唔係喎!個份量ok喎!
個味道又唔差又有d鑊氣咁喎

小籠包 $20/4件
我見佢話自己係招牌菜
所以就後加左小籠包
個皮幾薄唔錯
反觀舊肉個味有d奇怪
唔似平時食開果d味
可能北京小籠包個味唔同上海小籠包個味掛-0-
所以我唔buy依味.......

加埋一 $140.8
都唔錯啦!係個小籠包自己唔太鍾意!
服務都唔錯!好快收碟!
點菜又有人理你!d野又黎得幾快

行街行到依頭
同媽都有d肚餓
妹又話口乾想飲下野
見到阿升麵線
好多人-0-懶得排xd
之後就係度買左雞蛋仔格仔餅
仲買左杯珍珠奶茶
而家d雞蛋仔呀格仔餅呀真係幾貴下
都要10蚊底!
格仔餅都實肉!唔係空心!
都冇欺場!蛋味都夠!
格仔餅佢落好少花生醬/___________\
已經叫佢落多d落多d==
我最愛既花生醬/"\
我寧願少糖少牛油
都唔可以少花生醬架嘛
珍珠奶茶妹話可以
係d珍珠少左d

又出紅磡lu
做完件事之後呢!
同朋友s就去時新
好多人!不論係門口同埋入面
第一次真係去時新叫野食==
攪到我有d徬徨
係個開放式廚房前面有個阿姨專門落單收錢同pack up
我地叫左漢堡蛋飽同埋雙層漢堡芝士飽
等左7分鐘倒
woo~熱辣辣香噴噴真係差d唔記得影相
事關太肚餓xd
漢堡蛋包 $11
蛋好juicy唔老!
漢堡真係唔同平時m記果d硬kelkel
麵飽鬆軟!加埋真係好好味!好match
好味呀
個價錢又唔係太貴
唔洗一陣就食晒!食完好滿足
我終於食到啦

話說去左紅磡攪d野
之後諗住去出晒名既時新食個下午茶
騰左好耐先搵到
但係因為新年未開/_________\
好啦咁之後過太子諗住去食個大記攦粉
唉又係新年未開/___________\
想食既野冇得食真係好慘
之後算啦
就過左去大記攦粉隔離果間大家樂
食左個西多士+可樂 $14
雖然新年已經食左好多好肥膩既野
但果刻真係好想食西多士

西多士微暖
夠花生醬!正!加埋糖漿同牛油真係好好味
好耐冇食過
不過真係間中食下好啦==

本來諗住去食亞牛哥
結果冇位好多人-0-
去左大快活
台式肉燥牛腩飯 + 細紅豆冰
學生價錢為24蚊!
第一次食肉燥!原來係咁既味道
OK啦!冇其他店比較!我唔知依個味係米正宗
牛腩得果幾粒仔冇嘜味
紅豆冰紅豆淋

每逢到麥當勞
我都會一定叫魚柳包餐
但今次都唔知有咩驅使到我
走左去買豬柳蛋漢堡餐
哈哈哈!其實都有半年冇去過麥當勞
麥當勞始終唔係我既選擇
但事關淘大好多地方都好多人
所以先去食麥當勞
好!講番正題
第一次食豬柳蛋漢堡
原來個包係咁韌
個蛋好JUICY好味
豬柳都OK喎!
攪到我開始想放棄魚柳包XD

冇去麥當勞半年
個包係咁縮水-0-