老老77住左天耀24年，亦期待左24年條村有間茶記，今年終於有啦。。。。。。 呢間係連鎖茶記，所以本身都冇咩期望，仲要成50蚊食個公仔麵餐連凍飲，不過個特餐b 同 旦撻 我真係想讚下！ 個櫻花豬扒公仔麵，講真我第一次食到呢個味同口感既豬扒(可能我見識小啦), 個公仔麵個湯竟然用早餐食通粉果隻味咁既湯底，而唔係滾水溝麵湯粉，所以我覺得好正！ 跟餐個奶油豬竟然係脆既！ 不過多啲牛油就再好啲啦！ 我額外加左個旦撻，講真夜媽媽9點鐘，你都唔會遇佢新鮮出爐啦，不過想食無計。 佢個撻係蘇皮，所以無得同對面車記新鮮脆皮比，不過比起同一時段我係灣仔壇乜食就真係好食好多啦，唔好話脆啦，無淋到都真係算係咁，5蚊個仲想點！ 最後杯凍奶茶真係好難飲，麻煩改改個溝茶葉配方 同埋 換過隻奶丫！

今晚唔係好肚餓，有少少無聊就同女朋友去左新北江行，我住左天水圍都真係十幾年係度大，見証住新北江既變遷，近年愈黎愈多米線鋪開左係果度，呢間仲由一開就開始就勁多人排，由於一直都好多人排，所以次次都冇揀佢食，由於今日得閒，加上周圍既人都係咁話好食，所以就決定等下佢黎食，點知真係好失望

女朋友點了紅腸雞翼麻辣米線 少辣 不過不失

我點了 豬潤 貢丸 雞肉 酸辣米線 少辣 ，豬潤 真係好un ，貢丸無咩野，雞肉 又鞋又硬 ， 個湯無辣味 成碗醋咁

最攪笑係叫可樂有冰底，但zero無，佢話可樂唔凍所以有喎，但我罐zero黎到係暖既都係冇冰底

環境好熱，即使佢加左風扇但都好熱

下次我一定唔會再去！