有幸來到鼎爺私房菜, 真的是一件既興奮又緊張的事。早早已經預訂, 期待了很多很多天。原來現在平日訂位無之前這麼的難BOOK, 但星期五,六,日及假期就肯定要預早好多好多啦。
「鼎爺私房菜」座落於登龍街V Point 21樓, V Point 可以說是一幢非常新的大廈, 就在時代廣場前一個街口。
樓下常常都會有健身教練派傳單, 因為由 V Point 一上扶手電梯, 左手邊就是一間健身中心!
再上多一個扶手電梯, 就到大堂了。有職員駐守及幫忙按電梯。
上到21樓, 全層就是「鼎爺私房菜」, 因為每一張檯都必須要訂位, 沒有訂座是不可能WALK IN的。
所以在對待客人方面, 都是很到位。我們一上去, 說BOOK 了幾點及姓名, 職員已經很快知道, 亦安排好了。
我們的房間有一牆大大的玻璃窗, 能夠望到對面的PLAZA 2000, 環境很舒服, 視野也很好。
聽店員說如果鼎爺在香港的話, 他會在場即席煮餸。可惜他最近在內地拍阿爺廚房第三季, 暫時不在港, 未能見一見阿爺。
要是播出第三季, 訂位可能又要半年前預約了吧?! 哈哈!
連桌上的碟也有分不同的, 一共有3款梅花間竹。每一個我都很喜歡, 我個人最喜歡的就是藍色款。
鼎爺精選前菜
左上角是阿爺叉燒, 聽說是用本地黑毛豬肉, 我的那三塊有點肥, 吃下去口感好軟稔。
右上角的是蚵仔卷, 真係好好味, 好脆口, 咬下去連對面都聽得到! 除了有新鮮蚵仔, 再加了西芹及潤腸, 味道出奇地夾! 真係好好味! 不過好可惜一人得一粒~~!
右下角是秘製醉鮑魚, 很香玫瑰露的味道! 鮑魚很稔, 好易咬。
左下角是椰皇酸薑皮蛋, 又是一樣好特別的食法。普普通通的皮蛋, 加了椰皇竟然有了一種很高級的感覺。
椰皇的清甜, 加上子薑的微辣, 跟皮蛋一等一的夾。
鮮茄花蟹粉絲煲
一上桌就聞到, 好香好香的蕃茄味, 很清新的蔬果香。一個煲有成三隻大花蟹, 用料十足。
花蟹本來就有肉, 這裡用的很大隻就更多肉, 肉質彈牙又鮮甜。而且蟹都是先處理過, 不用自己落手食, 很貼心。
我們女士就可以食得好有儀態, 哈哈!粉絲有好香既蕃茄味, 清清地! 因為阿爺是堅持不用味精, 所有食材都是原汁原味。沒有落味精, 真是食出啖啖健康。
悟能懷鳳胎
有看過阿爺廚房的都應該知道有這一道湯品。名字覺得超有趣的, 悟能是二師兄豬八戒, 而他有了一個雞胎, 就是豬肚包雞。
這是一道好足料的湯。用原隻去骨的雞塞入豬肚內, 真係少啲功夫都吾得! 肚內除了雞, 還有好多好多料, 有花膠, 鮑魚, 瑤柱, 冬菇...就是只食湯渣都值回票價。料用得這麼的足, 湯卻是很清。而且, 有很重的胡椒味, 很暖胃, 好好飲。不過怕辣的朋友可能會接受不了, 因為都幾辣喉的。不過我就很喜歡了, 因為秋冬天喝, 真的好暖胃!
雙椒蒸東星
平常就好喜歡吃魚, 這次來到阿爺這裡, 有一大條的東星斑, 見到都心花怒放!
蒸法很特別, 是企身蒸! 這樣就很均勻地受熱! 魚肉很結實, 就好像這魚做了很多健身運動一樣。
鼓油是偏清淡, 相信是為了更突顯白胡椒及黑椒的香味。魚食落是帶有一點點的辣味, 好香。
古法鹽焗雞
鹽是用海鹽, 而且焗之前是要先炒鹽, 這樣才焗得香。由生雞焗到熟, 師傅說要用兩小時, 真的又是一道功夫菜。
雞是用本地活雞, 難怪肉質很鮮嫩, 而且又有彈性, 一般冰鮮雞同佢係無得比。
就連雞皮都好好味, 是爽滑的, 我平常都不吃雞皮, 但這個雞皮完全不油膩! 仲好彈牙又好香!
臘味煲仔飯
天氣開始涼了, 食臘味就是時候了!
一般我都好少食臘味, 除非新年或是過時過節。出面食到的臘味都好鹹, 我很少話會主動提議食。
今天竟然有這一道, 本想著一般般吧。但原來我太睇少阿爺的功夫菜。
臘味中的潤腸, 是甜甜地的! 甜得來又帶點甘香, 用來餸飯一流! 真係好惹味。
每碗都有飯焦, 好脆, 好味!
這一晚真是很有口福的一個晚上。
特別特別喜歡那一個用足料的老火靚湯, 下次再去鼎會館試試菜!
最後聽職員說鼎爺首次推出優惠, 如果一檯12位, 兩位 65歲以上老人家可以免費。這個優惠好像只去到十一月!
