早幾日，訂左七位，食生日飯，訂左個 雖然真係貴左啲，但係樣樣都好新鮮，蠔又肥又大， 牡丹蝦真係好好肉地， 鮑魚（我無食，怕胃痛），帶子好嫩 ，三文魚肥美。 佩埋白酒，好爽哦！ BB菠菜沙律，點解幾時食都甘好食嫁？！ 超勁量斧頭扒。A.我都好像無食到，都飽飽地嚕， 不過好快食哂。應該都唔差得去邊既。 淨係食菜都飽哂，哈哈。。。 羊架，好吃。 豬扒，對於食完牛又食羊既人，覺得無味， 但係我覺得好好味，又唔韌。 再黎一個西班牙炒飯，真係滿足到暈。 五男，兩女先岩岩食得哂咋。 之後例牌拿破崙，無得輸。 因為仲有個自家製甜品放埋一齊影所以唔方便post thanks a lot!!

今晚十三人黎到呢到興祝生日， 訂左三打生蠔，wow...好新鮮肥美既呢 開左兩支白酒，好香果味 頭盤黎啦，煙三文魚凱撒沙律，脆卜卜既包粒，滿滿既芝士，正哦！ 跟住就黎到主角們 燒魚，面頭既黑椒粒係燒到脆脆地既皮上面份外惹味 燒牛柳，燒得岩岩好，嫩滑無比，略為多左小小血水，唔係幾好睇 咸豬手，皮脆到薯片甘樣，薯條又新鮮，紫椰菜係我既最愛 燒羊架，嫩口無騷味 海龍王，好多海鮮呢，底配有意粉，吸哂啲精華，飲埋啲湯， 極級享受 估下係乜嘢？ 炸魷魚鬚 ？nono. 係菇黎嫁>v<好香菇味，又有小小食魷魚鬚既感覺，好過隱 是晚七點半食到十點幾，唔使好像大餐廳甘催你走，食得舒服又自在。 食物一樣一樣上，唔會好像快餐店甘一二三塞到張枱爆滿。傾下計慢慢食，愉快既一夜，完滿結束

晚上11點9先去到.入面還有很多人.叫左一個小辣雞煲.仲有王老吉.2個人食真係好飽!
環境尚算舒適,岩岩坐底個陣會覺得冷氣好凍,但一有野食就岩岩好!唔會食到出汗.
抽氣功能更是一流.食完唔會成身雞味.
雞煲個湯底濃厚,小小辣味令雞味提升.
雞本身更是一絕,唔會散,又唔會因為煮得耐而變成石頭.
再加罐王老吉......嘆呀!

第一次同朋友黎呢到食野…叫左四樣野！
香辣牛肉石窩湯：好香好濃既牛肉味，小小辣…十分開胃！
凱撒沙律…自選左三文魚和雞肉…普普通通…羅文菜都好新鮮！
鮮蕃茄雞肉火腿奄列飯：係落單個陣我已經問個個小姐可唔可以做到蛋包飯入面既蛋呈半熟狀態。小姐話可以我先叫！我都心知有難道！但出到黎竟然係全熟！勁失望！味道雖然唔差…但真係唔係個回事！
香辣牛柳意粉：又是一個失誤…明明叫香辣…我仲叫埋加辣！點知係一啲辣都無…真係灰到無朋友！

總括而言…因為二道菜既失誤我決定唔係到食甜品！隨左裝修可以欣賞外！我係唔會再黎第二次！！