今天我叫左個八爪魚圓+炒麵set都係大約30元,
個麵炒得幾香,不過麵分量比較少,另外個八爪魚圓除左大粒之外,內面竟然少少八爪魚肉也沒有
不過2樣野食晒都算飽,同埋唔算貴

今日見唔太肚餓所以選擇左食米線,呢間野我差不多日日行過,見佢都幾多人費時同人"壁"
見今日行過無乜人所以買左個外賣試試,今日我叫左個酸辣肥牛米線試,
我等左太約5分鐘就有啦,番到屋企大約用左5分鐘,個米線都唔會話變到太淋,個米線開盒都幾香
不過呢個米線食落都幾咸同埋無乜酸辣味,d牛肉太厚唔太好食,所以我只覺得一般

星期4夜收工比較夜,成10點先收,返到大圍立即去搵下野食,
因為太夜關系都無乜撰擇連茶記都全部關門了所以就選擇了這間君滬鍋貼大王
我點了一個排骨菜飯+鍋貼,外買大約等左10分鐘就有算快手,
返到屋企立即開飯!首先我先食個鍋貼味道算唔錯我用左5分鐘返到屋企
鍋貼仲熱辣辣,裡面d汁仲有係度,算係唔錯
之後輪到食個菜飯,呢個菜飯,認真麻麻地,首先個豬排太硬,無乜味道個飯一樣
硬到就算好肚餓的我都唔太想食,之後食食下先發覺大鑊,竟然食到有條毛....
真係超級唔開心+無晒食欲,我立即唔食個飯,講真真係有點浪費,我之後唔會話唔去
呢間野度食野,因為佢個鍋貼係真幾好食,希望下一次去個時佢改改個衛生環境

今日約左屋企人去金鐘我們有成10個人,結果選擇左去中式食肆,因為要就一就老人家中式食肆最好
上到去都唔洗點等坐大約夜晚7時正,我們撰擇叫送食飯方式,我叫叫左幾樣送包括有蒸魚,炸子雞先,湯,尹麵.....
等左一陣先黎左個花膠瘦肉湯,個湯煲得耐好香,喝一啖就己經有好重花膠味,每一啖都唔會話太咸太淡味道識中,
我本人又鍾意呢d花膠湯
蒸魚水準同其他酒一樣無乜特別,個炸子雞就唔錯啦非常入味,d雞又新鮮,我食左好幾件都覺得好好味,
最後我們叫左個尹麵呢個麵,全晚應該最差係佢味道就真係無乜味好淡,同埋最緊要份量嚴重太少了!
希望餐廳要注意這點!!下一次我們都會一家人在去呢度食野因為呢度環境服務都唔差

今天收工比較早6:00所以立即"查"車去觀塘我其中一間最喜愛的食肆中食野,呢間就係-壹番屋 -
呢間野我起碼食過20次以上基本上我一想食咖哩就會先記得呢間野,壹番屋我食過咁多次裡面,每一次
佢都保持到水準,永遠都一樣無變質,呢d質數唔係每一間食肆都可以keep住的,今日我照舊叫左個忌廉雞肉奄列咖哩飯
呢個飯黎到唔會好似其它食品一樣好香,但當你一啖食落就會覺得佢非常之好味!,佢上面d忌廉汁+埋d咖哩汁,撈係一齊
真係一種完美配搭!仲有d雞肉非常之滑,連呢d咁細致ka野都做到無話失水準good!
另外壹番屋有另加雪羔甜品同湯都好好味的,首先佢個洋蔥湯,個湯煲左好耐d洋蔥好"容"好好味
個雪羔有小小生果肉係度,真係好細心!!

今日去友人屋企玩wii,玩左成幾個鐘見有d肚餓,"林"住落街食野,但友人話太累不如叫外賣
之後一至認同食外賣pizza,上網睇見佢phd係紅磡開左間新分店,近近地咪叫左佢地試試,
我地叫左個千島海鮮pizza,同雞翼加意粉
而送貨時間等左大約30分鐘就到非常之快!
個pizza到左開盒發覺上面d芝士仲非常之熱拉出來仲有絲,而且d八抓魚肉
同波蘿肉又唔會熟得太過火個pizza加埋d配料一啖咬落真係非常之完美好食
另外個雞翼我地選了辣味的,佢地用焗的方法整,焗完上面d辣油係度,真係非常之野味!
食完之後我發覺以後都費時去pizza hut門口排隊食pizza,
因為外賣同堂食一樣新鮮,所以洗鬼去排餐死咩......
仲有佢地叫滿$160仲有蒜蓉包送,真係仲低過去pizza hut堂食

星期5收左工又趕住番屋企執屋過中秋節,因為第二日屋企人來探我,所以求其買個外賣食,
平時久唔久我都會食佢地個下午茶-----鮑魚蛋麵,都算一個唔差的公仔麵配搭,今次我比較肚餓,所以要選擇食飯,
想左好耐選擇左食好耐都無食過又有益的蕃茄炒蛋飯,通常茶記食一個飯盒d飯都比較硬同埋唔太新鮮,但呢間大利
都算係咁,飯絕對好食有屋企feel,d蕃茄佢地應該有挑選過,非常之新鮮,雞蛋炒得岩岩好唔過火,絕對算係一個有90分的
飯,這亦是我最愛的的蕃茄炒蛋飯

大圍上年有成5,6間甜品鋪,今年又得番幾間,連一間連鎖式發x都做唔住,可以想到黎大圍開甜品鋪真係要有番
咁上下先可以競爭,傅師傅係大圍咁耐我都起碼食過100次以上,覺得佢係大圍甜品鋪中有番咁上下,
今日趕住返屋企所以外賣左鮮果千層酥$38 ,同埋蕉糖焗蛋$25,鮮果千層酥裡面真係好足料好多生果,
真係非常之適合好似我呢d工作好忙無乜時間食生果ka人,而個蕉糖焗蛋亦都非常心香d蛋又滑,真係非常之好味!

之前聽朋友講呢間野d拉麵非常好食所以專登黎到呢度試試,黎到見有少少人龍所以排左一陣就到,
魂呢間野唔算大,但係都算舒適,坐底見個menu幾有心機用手寫的,不過d字就....
我見個menu有個麵叫火魂,有個火字通常都係辣野,我本人又鍾意食辣野所以立即點左呢個,
大約等左8分鐘就有得食啦,一上黎到就己經聞到香味啦
個麵本身都算幼又硬身算唔錯,但係個湯就一d都唔辣同埋無乜味,跟麵個d叉燒又好似無乜"葉"過
無乜味,所以我只覺得一般無乜特別,可能路經都會來食多一次,但突登就唔會啦

今日陪女友去太子買衫行到有d累加肚餓,想坐低食d野,又想食刺身,忽然記得和民,我都有成幾年無黎過,
因為之前我最愛的蒜香海鮮炒飯無左轉左低能難食石頭飯之後一火之下無黎幾年,今日我大約6:00去到
所以唔洗等立即有位,去到睇下個menu先,發覺多左好多野,先黎個牛油帶子例牌先,之後叫左個和民拉麵,
個麵跟左有叉燒有蛋同埋個麵幾硬個湯又好飲算唔錯,之後再點左個三色刺身(有4隻甜蝦,4三文魚,4隻帶子)
係呢套食都係...$68,真係超低仲要好好食添,仲有我發現menu上話download 個dbs app....仲送杯野飲真係相當
之低食一餐