SB一直keep住係“我的餐廳”，今日難得Day off，一定要去試下
一點半去到，即刻睇下有咩食先，lunch set有包蒜蓉包，salad，湯，橙茶蒜蓉包好香，遺憾唔夠脆。salad有菜之外仲有西柚，提子，哈蜜瓜，好開胃，不過西柚過分酸咬左一啖放棄左。個湯好香奶味，唔夠飲西班牙牛肉小煲飯“枝”左檸檬汁，更加突顯番茄嘅味道，仲要飯比較硬，但好creamy, 感覺好特別，份量亦足夠。陽光菠蘿漢堡包。我好欣賞佢加左一塊厚厚嘅菠蘿，有別於其他burger，而且多左份層次，令成個包食落fresh左，仲有芝士溶係厚漢堡上面真係好吸引，不過個漢堡熟左少少，如果煎短嘅時間，多份juicy，加埋菠蘿嘅汁就perfect。