三五成群星期六晚上流浮山食海鮮 大約八點左右到這家海鮮酒家，二話不說馬上入正題 第一味是豉油皇煎大蝦，味道恰到好處，不會過鹹，蝦肉新鮮而且大隻。 陳皮蒸鮑魚，掌握火候啱啱好，鮑魚不會過火變韌，刀叉品嘗最好不過。 白焯蟶子王，配上薑蔥絲同吃，鮮味更上一層樓。 龍躉兩味，西蘭花炒龍躉球，炆龍躉骨腩，喜歡吃龍躉的我，一口接一口沒停過。 蜜餞金蠔，這味不得不讚，金蠔質素很好，入口甘香，蠔味濃郁，完全冇渣。 焗奄仔蟹，膏香軟滑，水準之作。 花蛤豆腐湯，湯很鮮甜，湯渣是一度菜，花蛤很甜，即使飽到上心口，湯也可以喝幾碗。 最後單尾，豉油王炒麵，已飽到吃不下，沒吃。

工作關係到深水埗附近，晚餐未食但又有少少餓，於是幫襯一下這家的港式漢堡。 去到這家小食店，舖前都有6-7個人排隊，等大約10分鐘，叫了黑椒牛肉漢堡加可樂。 呵打完再等大約5分鐘，新鮮即製的黑椒牛肉漢堡就程現眼前，打開包裝紙，一塊頗有厚度漢堡扒配上茄汁跟秘製漢堡醬汁，吃下去很有牛味，黑椒味也突出，絕對是比某連鎖店的期間限定黑椒漢堡美味，作為晚餐前的小食是一個不錯的選擇，下次經過會再幫襯其他口味款式及小食。

一個星期六不用上班的日子，心血來潮想食點心飲杯茶，想到太太提及過在她工作附近食過一間點心店食品不錯的，於是就去試吓。 先說說環境，在屋苑內一間不算大的小店，進去安排好坐位，開壺茶！馬上填紙寫點心，上菜速度算快，不一會兒已經有蝦餃、叉燒包、上湯鮮竹卷、牛肉腸送上。 蝦餃，沒有蒸過龍剛剛好，皮薄蝦肉爽口彈牙，內有少量汁，蝦餃來講真的算是中上水平，以這價錢來講算是抵食，值得試試。 上湯鮮竹卷，先喝口濃湯，湯底絕不馬虎，有淡淡菇菌味道，比一般酒樓的蠔油鮮竹卷來得有誠意，鮮竹卷也足料，最後湯底都喝光。 牛肉腸粉，腸粉皮滑，但又不會一夾起就爛，牛肉也滑又足料，配上甜豉油，不錯不錯。 叉燒包，不用多說，是皮薄餡靚的，醬香四逸。 春卷，自己對炸物有一定要求，第一時間一定會夾起看一下吸油紙有沒有很多油，看到吸油紙沒什麼油，就會很放心放春卷入口，結果也是沒令我失望的，外皮香脆，餡料也是足料。 小籠包，可能我不太喜歡用錫紙兜盛的類型，感覺就是不正宗，皮也是薄的，內裡湯汁滿足，味道也是可以的，但錫紙兜很扣分。 煎蘿蔔糕，吃到這時候已經飽了九成九，但習慣飲茶，總要吃這味的，吃到有絲絲的蘿蔔，配上臘味粒，好吃。 鳳爪，這不是我飛佛，是太太的飛佛，我也即管試一舊，味道正常。 柚子糕，吃到最後當然叫甜點，作為這餐完美的總結，竟然這個有驚喜，柚子糕入口清新又冰凉，馬上消除了一些飽滯感。 最後總結，有這質素，是對得住這價位的，食品大部份有水平，期待下次再來吧！有下次之選。

幫朋友慶祝生日，預先幾日book定位，使用openrice網上訂位服務，簡單又易用
想食皇帝全蟹宴，呢間真係好選擇，舖頭位置較偏僻，還好住開元朗不算難找，佢地有在訂位後打電話給我再確認，當日準時七點去到舖頭，告訴我已經訂位及皇帝蟹餐，就已經安排好一切。
坐下就送上兩份日式沙律作前菜，作為整餐開胃菜頭陣。

沙律差不多吃完，第一度燒蟹蓋很快就送上，上菜速度很有效率卻又不趕急，蟹蓋很大，蟹羔混合醬汁煮成，味道濃而不膩，我們密密口很快就清光整個蟹蓋，味道真係好正！
吃完蟹蓋馬上就上第二度燒蟹腳，其實蟹腳已經預先煮熟，只要再將蟹腳燒香就可以食用，蟹腳很粗，肉很豐富，蟹腳很有鮮味，吃到停不了口，燒完一件又吃一件，殻有預先𠝹開方便食用，沾上付上的蟹汁來吃，實在滿足。
再來是第三度蟹腳火鍋，有新鮮蔬菜、豆腐、大蔥，冬菇、金菇、獅子狗卷、烏冬⋯等等，所有火鍋料都很乾淨又新鮮，自己將所有配料放入煮，味道很天然能食出所有鮮味，蟹腳吸收了所有配菜味道又是另一種風味，其實吃完這火鍋已經飽到8-9成。
火鍋吃完就到最後一度皇帝蟹粥，粥底很綿，有蟹香鮮味，雖然吃完火鍋已經很飽，但這個蟹粥的美味卻又不能放過，自己幾乎吃了大半鍋粥，整餐真的飽到捧著肚子回家！

整體而言，皇帝蟹真的全吃不欺場，蟹肉鮮美，有慶祝活動是首吃之選！

朋友介紹長沙灣新開咗間沾麵嘅舖，相約朋友試下呢間，夜晚八點半左右去到時大約5-6人排緊隊，朋友又未到，於是玩住手機慢慢等，排咗一陣店員出來問每位食客幾多位，及派張單加支筆先寫單，
等埋朋友差唔多九點先入去，幾乎做咗當日最後嘅食客喇，其實張單選擇不多，三款麵我同朋友都選咗最基本嘅蝦汁醬油沾麵。

內部環境其實一眼睇晒，坐位大約十二個左右，三位師父就為食客煮麵等事宜，外面就一位店員負責客人其他需要，
我地落完單就再等，師父都會用個磅去磅下啲未煮嘅麵，等咗大約十分鐘，
就送上熱騰騰嘅沾麵，有碗麵、湯、同紫菜及脆嘅粒粒，
湯裡有叉燒同半熟蛋，

先將一注麵夾入濃湯裡浸一下，濃湯裡有櫻花蝦，蝦肉，筍條等等，沾上濃濃的湯就品嚐一下麵，鹹味剛剛好，再食半熟蛋味道也不俗，美中不足是湯汁偏油，咬一口叉燒
肥瘦適中，而且軟靭也剛好，肉味濃，個人覺得整個麵最好味就係依個叉燒，枱上有拌麵食嘅三種調味，分別有七味粉、芥辣檸檬汁、櫻花蝦醋，分別都試來拌麵一起食下，個人覺得七味粉普通，芥辣檸檬汁有驚喜，櫻花蝦醋也不錯的
可能覺得湯味已經夠濃，最後都係沾完濃湯就食，食完晒麵可以要求加湯落濃湯中開稀飲埋啲湯，喝了幾口感覺還是有點油膩，最後選擇放棄。
總括嚟講，湯味濃，麵也好食，叉燒一流，坐位比較狹窄，基本麵餐份量較少，要食得飽建議加麵底及其他配菜。

其實幫襯過這店舖很多次，由舊舖食到現在新舖位，該是時候幫這店寫個食評吧！
平時想來吃燒味，午飯時間都會滿坐，由於工作繁忙晏咗食飯有時候也有好處就是可以食得舒適，去到舖頭都唔洗等位，直接搵個位就坐下來，本來想叫個叉鵝髀飯，但鵝賣晒，只好換成叉鴨髀飯多色！
舖面面積不大，落咗單食乜就可看到斬燒味嘅師父即刻手起刀落，一分鐘唔洗就送上叉鴨髀飯，無論食燒鵝或鴨，酸梅醬是不可少的，於是要侍應拿個酸梅醬，食一口燒鴨髀，此間無論燒鵝燒鴨都是高水準的，鴨皮充滿油甘香，薄薄一層皮下脂肪，而肉有汁又入味，叉燒肥瘦適中，很有蜜汁味，少少燶邊，上佳叉燒就是這樣，白飯粒粒分明不會糊，可能我喜歡硬飯吧，很合我個人口味！
除咗燒鵝、鴨、叉燒，之前有吃過切雞、油雞、燒肉等等，所有燒味都是佳作，一直也保持到水準，以後還是會繼續光臨的心水食肆！

又到醫肚時間，心裡一閃吉列豬扒。
想食吉列豬扒又想便宜實惠，個人首選吉豚屋，貪他品質好價錢又合理。
去到元朗此分店，雖然已經過咗正常午飯時間（大約下午3-4點），但門口等候人數也不算少，還是馬上拎籌等等吧！
等候約十分鐘左右就有位安排，打開餐牌其實心裡已經有預定想食吉列蝦同豬扒，都唔洗諗咁多，馬上找侍應落單。
等咗約十分鐘，吉列炸蝦豬扒定食來了！
吉列豬扒入口鬆脆，豬扒唔會靭，麵包糠亦唔會油膩，配上豬扒醬汁少少酸甜味道，好吃到不能停下來，吉列蝦都很大隻，同樣麵包糠炸得鬆脆酥香，配以沙律醬及檸檬汁同吃簡直完美，當然墊底的椰菜絲配上一點麻醬吃也有去油膩感之效，白飯是珍珠米也是絕配啦！還有喝一口足料嘅味噌湯，內有豬肉片、紅蘿蔔等等。
滿足又簡單的一餐，還會再來幫襯的！

工作關係，要到科學園附近，上午做完嘢已經１２點左右，於是同同事到科學園順便食完個午餐先返公司繼續工作

可能係１２點左右已經到尚算早，只有幾檯有客人，位置基本上任我們挑選，坐近門口位置可以看到吐露港對出風景，這種才算是心曠神怡

打開餐牌，價錢是偏貴的，但這樣的地理環境卻是合理

同事選擇了炒飯，而我選海南雞飯

落單不久就有餐湯法包送上，湯是南瓜湯喝下去味道不錯，充滿南瓜香味

湯喝一大半海南雞飯就送上，當然快快喝完湯馬上品嚐海南雞，先吃一口雞油飯，入口不算油，有黃薑味，再吃一件雞，雞很滑很嫩，非常對味，配上薑蓉和酸辣汁，很快就ＫＯ了整碟飯，餐飲選了熱檸茶作為一餐的總結

一班好朋友聚聚, 朋友提議試呢間日本串燒店, 當天中午book位, 5位食晚上7:30, 廢話不多講, 馬上寫食評:鵝肝多士, 鵝肝很香很脆配上多士吸收肝油精華, 全晚最好味的一道, 只是怕膽固醇的我淺淺嚐炸雞, 炸得香酥內軟, 還配上有芥辣味道的甜酸醬, 份外惹味

牛肉餅, 配上日式炸豬扒醬, 牛肉香口, 份量也是滿足雞腎, 感覺一般普通豚肉棒, 肉質很嫩滑, 也是推介燒蠔, 有少少腥, 失分之作心燒一口蝦, 蝦肉彈又鮮, 味道不俗黑松露炒飯, 米粒分明, 松露味道不算突出, 但味道尚可燒白鱔, 外香脆內juicy, 值得推介給唔介意食慣細刺魚的朋友炒雜菌, 水準正常, 味道也是不錯的墨魚餅, 夠厚, 外面炸得很香酥, 內裡墨魚很彈牙, 強烈推薦炸脆皮芝士蛋糕, 炸的甜品, 入口很特別, 有芝士濃香炸一口心太軟, 這個比芝士蛋糕更好味, 入口先是脆, 再來的濃濃的朱古力醬溶入口中

總結食物多是水準之作, 環境良好, 燈光昏暗浪漫, 侍應服務細心

禮拜日瞓得晏，早午餐都無食，於是下午茶食飽少少補數，起初諗唔到食乜，行過焰拉麵附近，心諗距離上之幫襯都起碼大半年前，即管試下大半年後有無乜變化先。

原來依家叫個麵加$20可以轉套餐，套餐包括沙律，玉子，extra麵底，飲品，仲有泡芙。


落單等咗一陣，先送上一支冰凍玻璃樽細可樂，日式沙律就好快送上，味道是少少酸，作為開胃菜沒什麼可以挑剔，新鮮正正常常。


而同時間也送上味付玉子，習慣留待拉麵送上時再一齊吃，蛋看似外面有醃味道，但其實入口又感覺唔到有乜味，咬一啖蛋黃鮮紅流心，生熟程度對板，整體而言合格，只是比預期淡味。


食完沙律多等大約五分鐘，拉麵就好快送上，湯係夠熱嘅，兩大片紫菜，有啲筍條，粟米粒，蔥粒，蔥白絲，叉燒份量足，落單時要求濃湯中油硬麵，湯質感好杰好濃，但入口又無預期重口味，整體唔算油膩，麵嘅硬度合乎要求，叉燒其實似扣肉多啲，好「林」好軟，肥肉部份入口即化，瘦肉部份味道略嫌不足，但整體上份量夠厚，甚是滿足，吃上幾口，extra麵底都送上，份量真係唔少，基本上應該係完整一個麵底送上，麵睇到係剛煮熱，我用極快速度先食完原本個麵再加入個extra麵底，混和餘下嘅湯，剛好食完曬麵又飲完個湯，準備想埋單走人，原來套餐仲有個泡芙送上，泡芙很普通，沒有特別好食，但套餐以加$20就包咁多嘢食，真係幾超值！

埋單$68+$20=$88，冇加一。