因為相約咗幾個朋友收工飲下酒傾下計，諗住係飲嘢前打定個底就去食個拉麵，酒吧附近有呢間拉麵店就去試下。

踏入店舖一眼睇曬坐位唔多，食過其他拉麵店這情況也不意外 ，在幾乎無人招待情況之下，又見有幾個位都未執檯，似乎侍應都忙到無時間執檯，無人招呼終於要自己搵個位坐。

坐咗喺吧檯前，可以望到廚師同煮食情況，睇下餐牌原來得兩款選擇，好快就要求落單，同樣叫咗五分鐘都冇人理，於是直接向廚房落單，而我檯上仍然係有上手食完嘅碗筷未執 ，算數，人手嚴重不足。

再等大約十五分鐘，叫嘅麵嚟喇，放低碗麵，呢個時候先幫我執走上手食完嘅嘢 ，

習慣食拉麵會先飲一啖湯，湯奶白色味道無想像中濃郁，也沒什驚喜，有櫻花蝦乾在上面，但食不出任何蝦味，整體只屬一般水平，麵質也很一般般水準，豚肉都係純粹可入口水準，但份量少得出奇，馬上食完俾埋錢就走，以呢個服務衛生味道水平，不會再有下次光臨。

早前與幾位好友相約食生日飯, 終於喺今個禮拜五晚抽到空, 天氣轉冷當然想食個暖烘烘嘅火鍋啦! 朋友推介去呢間火鍋店, 話呢間食品夠新鮮質素又夠好, 打邊爐喎, 除咗個爐要安全, 緊係要料靚又新鮮啦!
當晚約好七點半在尖沙咀MTR就出發去啦! 上到間舖一睇裝修環境好乾淨舒適, 而且唔會似一般火鍋店坐得逼又嘈.
坐低不久就送來一些混醬料, 款式都是金蒜, 生蒜, 蔥花, 辣椒等.大家再睇下張落單紙, 好快就叫咗個藥膳花雕醉雞鍋, 個鍋好快就連同醉雞料上, 一睇不得了, 個湯好足藥材料! 碟醉雞目測有成半隻雞而個底仲墊有花菇, 魚肚, 珊瑚蚌, 貴妃蚌, 鵪鶉蛋等等, 實在滿足不欺場! 食咗幾件雞, 魚肚, 珊瑚蚌, 貴妃蚌, 原來仲有幾件魚翅裙邊, 真係好正!  在等火鍋料前叫咗個小食, 酸辣涼拌八爪魚, 酸酸帶點微辣很開胃, 味道有點似泰式酸辣鳳爪, 八爪魚鬚也很爽脆, 唔覺唔覺就食完大半碟.點咗菊花茶同柚子蜂蜜, 很冰凍, 入口清涼很解渴!前菜未吃完就很快就有火鍋料上, 先來了龍吐珠, 外表看來似是蝦膠外面有蟹子, 原來內裡有整粒鵪鶉蛋, 食下來混合蝦膠鵪鶉蛋味道複雜但又不失美味, 讚!上菜速度蠻快, 回味龍吐珠美味之時, 主角已經登場 – 招牌極品雪花牛頸脊, 呢個牛頸脊肉堅靚, 同頂級和牛一樣雪花脂肪分佈平均, 馬上夾起一片放入熱湯內3, 4秒左右一轉色就夾起, 入口充滿牛肉濃香味, 對於我呢啲牛魔王來講實在滿意, 吃完一片又一片停不下來.靚牛都未食完另一重頭戲來了, 時令海觧拼盤,內有新觧海蝦, 串了竹籤仍見蝦腳還在動, 新鮮蝦肉結實又彈牙! 鮮鮑魚切開小件, 味道也是鮮味; 扇貝跟生蠔也是水準之作, 仲有東星斑球也是正, 我是海鮮怪, 無海鮮不歡, 呢個海鮮拼盤可以完全滿足到我!招牌黑豚肉, 呢個又係好好食, 入口嫩滑肉味一流, 值得推介.接住來健康之選拼盤, 有生菜, 白菜仔, 鮮淮山, 木耳, 薯粉, 粟米等等, 食咗咁多肉都要食返啲菜來平衡一下, 幫助消化!
到我哋差唔多食完, 侍應還送上桂花糕, 唔算太甜入口清涼, 對於我不太好甜食嘅都受落, 完滿這餐生日飯聚!這間火鍋店水準之高, 環境舒適, 食品新鮮又美味, 期待再次光臨!

相約一班朋友食自助晚餐

先說環境, 位處酒店大堂很寬敞舒適, 餐桌坐位空間也不會很逼, 燈光柔和又不會過份陰暗,有歌手鋼琴師奏一些經典又耳熟能詳的英文歌, 整個氣氛是好到無話可說的.

先喝杯紅酒, 入口酒醇, 即使不是上等紅酒, 但也不差前菜吃一些沙律菜, 煙三文魚, 蟹腳, 凍蝦蟹等等, 每樣都很新鮮美味特別是蟹, 羔好多, 吃完已經飽一半

再吃些刺身, 三文魚吞拿魚八爪魚等等, 都很新鮮

之後吃些熟食, 有鵝肝多士, 魚子醬多士, 燒牛排, 烤腸, 燒味... 等等, 種類太多, 沒有每種都試每位有一隻蒸大連鮑魚, 需要有牌仔去領取, 鮑魚不算太細小, 鮮甜味美, 美中不足是配給制
不過如果唔係配給制既話, 一定個個食鮑魚搶曬!

出乎意料好係一盅盅既老火湯, 飲得出無味精, 係蟲草花燉鴨湯, 唔會油味濃郁, 一個字: 正!
有朋友飲成兩盅, 個個都話好飲!

最後再食些飯後果, 西瓜, 蜜瓜, 菠蘿, 好飽, 糖水都無食

到終點忍不住再吃兩球朱古力雪糕, 滿足的一餐

第一次約一個月前同朋友嚟食過豉油豬扒飯! 味道是值得回味的!

第二次再來光顧, 星期六下午2:45左右,
一眼掃過全部檯都是人, 搵張未坐滿嘅搭檯, 坐低order!
叫伙記卻冇即時理我, 亦唔覺得意外, 似乎伙記忙到甩轆, 咪即管等下,
過幾分鐘伙記行過黎問要乜, 要"豉油豬排雞球炒公仔麵 + 凍檸茶", 伙記話冇麵喎,
仲一手指去廚房位, 點知廚房位啱啱見到兩個未煮嘅麵餅放住喺度, 佢只好照落單

3分鐘左右凍檸茶到, 正常水平 (後來聽朋友說奶茶是比較好)
大約等15分鐘, 先嚟咗碟豬扒雞球, 一件大塊豬扒加五大舊雞球, 份量係無話可說的,
巨厚豬扒同上次嚟食嘅一樣, 沾有黑色嘅甜豉油, 剛煎熟又不會韌, 肥瘦適中肥肉位香, 近骨位嘅肉更是一絕,
雞球是煎到面有點偏乾帶點焦, 咬開內裡仍然嫩滑有肉汁, 但相比豬扒下有點遜色,
約再過5分鐘炒公仔麵也到了, 份量也是不少, 麵有芽菜洋蔥椰菜一起炒過, 豉油色均勻, 只是有點少偏油.
配以豬扒雞球的甜豉油一起吃, 甚是滿足!

總體來說食物味道非常優良份量大, 環境服務衛生基本上沒有, 喜歡美食的值得推介!
希望下次有機會試試甜豉油雞翼, 粟米汁豬扒/雞球等等...