公司年年新年都搞party 叫到會，大xx，美x 食到識背！今年個HR竟然有新搞作，泰菜cross over 上海菜，嘩，開心到呢⋯⋯果朝早餐都冇食，叫左海南雞，柚子沙律，雞絲粉皮，糖醋排骨，素鵝，春卷同回鍋肉。海南雞好好食，素鵝同春卷外賣呢兩樣真係好考功夫，估吾到仲脆脆地，聽佢話佢用樹記腐皮！其他食物嘅都吾錯，好多同事仲諗住打包番屋企，點知全部掃清！值得讚係食物黎到係熱熱地，證明係當日即整！希望HR 出年Encore 啦！

經常聽人講手工菜，今晚終於嚐到，滋味無窮！屋企人喜愛杯中物，餐廳又免收開瓶費，於是訂枱時預先訂下能配紅酒的菜式，首選炸元蹄，八寶鴨。紅燒元蹄經常吃得到，炸元蹄真的要一試！還有乞衣雞，看見造型已經覺得會氹小朋友，於是訂了一隻。用餐當日還點了三道前菜，黃金蝦，兩道蔬菜，蟹粉小籠包及拔絲蘋果香蕉！ 三道主打手工菜果然不負眾望，炸元蹄肉質鬆軟綿密，肥肉部份香甜可口，不油不膩，皮脆就不用說，連不吃肥肉的女朋友都忍不住大口吃！八寶鴨工序繁複，最美味的就是內部所藏，一切開，香氣四溢，一口飯，美味絶頂！至於乞衣雞，單單讓小朋友拿著小搥子敲打，已經為餐桌加分了！難得是荷葉裹著，讓荷香滲透雞隻，滋味！ 一行十人，每位四百，用餐後忍不住向各群組推介！

一上樓，好多吉枱，但就被安排坐大柱後，要求坐其他位置，就話已有客人訂，仲話人地一個月前就左，但我地坐食左兩個鐘，果幾張枱依然係吉，問經理，點解有咁嘅安排，態度仲衰！終於明白點解成晚吉晒！食物性價比低，叫左個Flower salas ，都係生菜沙律，仲有個Prawn mouse 卷，好咸！ 冇下次啦！

德福其實都算多野食，第一次食Mr. Steak, 睇佢門面，食物應該吾會好差，午餐叫左一個豬扒餐，一個肉眼餐，以為佢打正期號叫Mr.Steak ，難食極有限，點知真的難食，豬扒又乾又冇味！牛扒⋯⋯睇個樣就知，吾洗多講，好彩個自助沙律多選擇，唯有食沙律填飽肚，甜品都有啲求其，真係寧願你比杯啫喱我就算！仲有個香草蕃咖餐包，放喺枱比客任攞，但就比冷氣抽到乾晒，你不如比番個牛油餐包，叮一叮，吾會阻你好多時間啫，豬扒收138，個牛扒餐收$168，真係冇下次！

其實去小甜谷，真係有啲人去我又去嘅無奈，成班朋友去完民聲食咸蛋肉餅，好自然就會行過去小甜谷，揀左個36蚊嘅紅豆燉奶，個人黎講，真係貴，慘左仲要麻麻，紅豆煲到冇咩味，啲奶又吾熱，食到一半變晒奶水！點解咁都可以收咁貴？名人效應？？？

Wabi sabi

星期五晚，例牌約左啲girl fd出黎飯局，但次次諗去邊食都R頭，平嘅又要你6點到，8點走，稍為好食啲、坐好啲都一定full，今次有fd建議去天后銅鑼灣道，話條街都有一排餐廳，應該都揀到，由於大家都想食日本野，但發覺原來得一兩間，而且都幾貴，正想轉地頭，比我地見到蓮花宮對面有間日本餐廳叫wabi sabi，望落環境都吾錯，又有位，都吾洗諗啦！間鋪原來新開，食物種類都幾多，一坐落送上一碟前菜，吾錯，幾好味，心諗食物應該吾差，最後點左汁煮油甘魚頭、汁煮蘿蔔、龍蝦沙律，焼物就點左牛舌、南瓜、冬菇、雞腎、三文魚皮、魷魚，另外三文魚、呑那魚、劍魚腩壽司，仲有黑豚內蕃茄卷、芝士年糕、甜品係柚子雪芭。飽到呢！食物水準算中上，總括四個女人評語：汁煮蘿蔔超好味，我地仲番叫多碟，必食！龍蝦沙律整法好新鮮特別，燒三文魚皮，出面好少食過，都好正，不過細塊左小小，燒魷魚、黑豚肉蕃茄卷都好得，壽司ok,喜出望外嘅係芝士年糕同柚子雪葩，我地本來想encore，但真係好飽。埋單時更喜出望外，每人吾洗$300。臨走時經理sell我地個set lunch,$78竟然有黑豚肉，8件壽司set可以叫toro! 星期六日都有，仲話免收加一，班fd已經決定搵日去食晏！