無論係電視, 朋友上載既照片, 呢期最多人POST出黎就係一隻似菇既包, 一隻包出名到咁, 有朋友約食飯, 大家都在中環, 諗都唔駛諗就要黎呢到食個包先啦~ 整個氣氛, 環境都好新鮮, 唔係一般既中菜館子, 望落似意大利餐廳多過中菜, 俾人感覺好舒服,幾有特色。打開餐牌, 大大碟既主食唔多, 好多都係細細碟, 好啱幾個朋友, 可以叫多幾款黎試下, 價錢亦唔貴, 幾親民下~ 見到D圖已經令人食指大動, 樣樣都想叫黎試下。

前菜, 我地叫左3款, 有酒呈醉雞, 雞絲粉皮, 川汁皮蛋一上檯, 已經聞到陣陣酒香, 食落酒味又唔算好濃, 雞肉嫩滑, 幾好~雞絲粉皮就比較一般, 麻醬好濃幾搶味, 青瓜既清香味就冇左, 有d可惜~ 川汁皮蛋個賣相好靚又攪野, 皮蛋化身成為魚? 定青蛙? 我唔知, 不過個川汁有少少辣又有少少麻, 幾可以叫醒味蕃, 叫人又愛又恨~  終於見到呢個包啦!!!! 像真度真係非常高!!!! 個包真係好好食呀, 一咬開就有好香既松露既香氣, 個包又軟熟, 又有大量既菇, 講真一個人食三個都仲得! 呢個包真係可以ENCORE!! 我估冇人可以抗拒到!另外, 我地仲叫左2年"猛虎咬豬" 其實我唔明點解叫呢個名! 入面有咩呢? 我覺得有D似台灣既＂刈包＂，佢入面有一件好似五花腩既豬肉，個底有少少粉狀物體，唔肯定係黃豆粉定係咩野，上面就應該係一Ｄ酸菜，食落去都幾清爽，唔會覺得膩，不過就幾飽肚～食左咁多前菜同小食，我地最後只係叫左一個糖醋豚肉同一碗雲吞擔擔麵，糖醋豚肉望落好似好普通，佢側邊拌住既係新鮮菠蘿，而舊豚肉外邊有粉漿，不過好薄；好薄次餘總好脆口，呢樣好難架，一啖肉一啖菠蘿，一熱一凍；又係唔會膩，個汁又唔係用醋做出黎既＂假酸＂，菠蘿既天然酸味令人食完範圍勁舒服～我食到呢到已經飽晒，所以個擔擔麵我食得好少，個雲吞做得好食，刀功好，砌得個餡料好細緻，個湯汁就唔算正宗加上我飽左，唔太吸引～

兩大英國廚神來港開業, 兩間都火紅得很! 兩間都試過了, 我比較喜歡地獄廚神這一家!

一早就在網上訂座, 其實唔係好難, 大概他們沒有太早放寬網上訂座, 如果見網上滿座, 其實只要EMAIL 給他們也可以安排到, 而且回覆電郵亦很高效率的! 環境非常CASUAL, 唯一美中不足的是背景音樂有時都幾嘈, 不過都OK既~星期日一早黎到, 因為一早已科讀各位的食評, 所以好快就決定好食咩~麵包(SOURDOUGH) 好快就黎到, 仲係有少少暖, 再加上我叫左GINGER ALE, 行上去行到出汗, 飲呢個唔太甜, 爽啦~  我地叫左頭盤有Sea bass carpaccio with Avocado, horseaadish ginger, Tamarind spiced chicken wings~ 呢2個應該係每台必叫, WAITER都同我地講, 呢2個簡直係"最受歡迎"既STARTER!  一濃一淡, 我好喜歡個魚, 超新鮮, 唔腥! 個柚子味好REFRESHING, 有甜又有少少酸, 開胃, 再加上香草, 爽身~雞亦味濃, 很有亞洲風味~
 因為我地今次只係2個人, 所以我地只係叫左一個MAINS 加一個SIDE DISH - Dingley Dell pork chops 10oz+薯條!  PORK CHOP 唔係100%全熟, 就係咁先夠JUICY, 肉汁KEEP 到而令肉身很軟滑, 醃肉入味又唔會過咸, 尤其是有一枝骨個舊, 真係會爭住黎食! 同一盤內仲有生既西洋菜, 焗蕃茄,洋蔥同蒜頭, 呢幾樣都可以減輕食肉既膩......不過, 個醬汁就係牛油做的, 真係好邪惡! 我地食肉個陣點, 食薯條個陣都點, 簡直點到一滴不剩為止~ 很多時候我都唔鐘意食甜品, 不過英國餐廳有我最喜愛的ETON MESS, 朋友就要左Pineapple Carpaccio, passion fruit, coconut sorbet。ETON MESS係最簡單的, BERRIES, 馬令再加上CREAM 而做成, 雖說簡單, 但馬令應該是自家製仲減左甜味, 食落唔太甜, 同酸酸地既BERRIES 很配~Pineapple Carpaccio, passion fruit, coconut sorbet, 很可以同頭盤既雞亦互相呼應! 很亞洲, 食落又係好舒服~

侍應非常細心, 襯得閒時都有問我地意見, 同我地交流下~ 而我覺得比令外一間好既係, 佢地會係食頭盤, 主菜同甜品前換過晒D 碟同刀叉!  我下星期會再去多次架, 要試下DINNER MENU! 

對於我黎講海鮮無論點烹煮, 都係美味。朋友都笑我係一隻貓, 總知邊到有海鮮, 我都會搵到黎食。之前一日仲係台灣既上引水產到食緊海鮮, 第二日就黎呢到再食, 我估海鮮見到我都應該盡快掉頭走, 哈哈! 

呢晚, 有小感冒, 不過我決定唔理, 二話不說先黎一個 Fish & Chips，炸法唔係英式既脆漿炸，用既係麵包糠，所以唔會有厚漿，上檯一陣都唔會覺得油膩。加上有３款醬，包括茄醬，熱辣辣既魚同薯條，味道同感覺都好，簡直就係comfort food~果然係美國菜，呢個Grilled chicken salad既份量就已經說明一切。其實我覺得好美味尤其是食完個　＂炸物＂，真係需要一個沙律黎清清味雷。。。。。不過我地既重頭戲係呢個。。。。海鮮藍！因為天氣開始轉涼，因為有小感冒，因為所有少少既原因，我地決定唔食seafood platter on ice，我估未食完就已經會好凍～就係因為怕凍，我地叫呢個Seafood in a bag,再加上cajun garlic butter, 微辣，唔食辣既人都一定可以接受到。。。個人少少提議，用手食！係。。。。係用手食，咁先夠好味，儀態，噢。。。放埋一邊先啦，enjoy 左先啦～

我地叫左係５款海鮮，有king prawn, 扇貝，翡翠螺，長腳蟹，蜆。。。。仲有薯仔同粟米！ＯＨ，呢Ｄ加埋個汁先正呀！

搵食, 幾時都要搵先有好野食。係上環, 其實真係好多好野食, 不過變動都唔少, 今日呢到搬走, 過幾個月又有一間搬入。都唔錯架, 起碼成日都有新鮮感~正當我期待緊另一間賣CHURROS進駐上環既同時, 今日上網掃一掃, 就發現左呢間專食麵既就同埋同事黎試下。

地點其實前身係點心店, 點心店擴充左係對面, 門面只係得個 "&" 字又冇門牌號碼, 唔係一早GOOGLE左, 真係唔覺得佢係一間麵店囉~呢個係佢派既餐牌, 應該全日都係個。都幾精美, 同事話叫外賣, 對於麵黎講都係一個CHALLENGE~ 如果拎到返公司, 個湯浸"淋"左個麵, 真係會大打折扣, 除非你叫個冷麵啦~ 即管就試下!

望下個MENU, 全英文, 都唔係識晒D字, 好彩負責人都有出黎, 我地都把握機會問下(如果唔係都未必識叫), 而佢又好耐心咁答我地~ 最後同事叫左個TAIPEI 而我因為我見個餐牌入面好多都係日文字, 所以我就叫左個TOKYO.呢個(上圖) 就係TAIPEI (Fresh Shanghaiese Noodles with 5-spice Pork in Taiwanese Sauce), 同事既COMMENT係一D都唔辣, 如果有少少辣就會爽身D, 咁就會更加好味~我呢個係TOKYO (Fresh Ramen Noodles with Harrisa Beef Ribs in Chicken Broth), 真係喎, 入面有大量既冬菇, 木耳, 都係我既至愛~ 仲有一隻溫泉蛋。麵質比較厚身, 有種感覺可能係自家製既, 雖然睇落好似好細碗, 我地仲要係自取拎返公司, 但係D麵都冇"淋"到, 好吸味, 好食~  入面有兩件牛肉, 應該係慢煮, 好軟而且唔黏牙~

偶爾轉下口味, 呢間都唔錯, 可以再吃~

時常都會在赤柱出沒既我,一見到有新食肆就一定會出現, 今次終於見到有間規模大D既日本料理店出現, 我當然即刻飛奔黎試下啦~係美利樓下, 轉左出去後面, 出面又唔見有大既招牌同BANNER, 明顯比較輸蝕, 如果唔係一早上網搵左, 真係唔發覺有間舖係呢樹....所以當我行到入去, 午餐時間都只係得一檯客, 都有少少驚, 唔知得唔得架~

午餐餐牌全部都係SET, 種類唔算多, 唔知係唔係因為新開張既關係呢, 希望佢運作上軌道之後, 內容可以豐富一D.......

我叫左一個吞拿魚SET, 因為午餐餐牌既主要魚生都係吞拿魚, 我當時估1) 老闆對吞拿魚好有研究; 2) 同吞拿魚批發商好熟......前菜係WASABI 魷魚, 但係唔知點解個味道同其他食肆既有D唔同, 同埋咸左少少,  所以我食左兩啖就冇食啦~  (跟住我就有D擔心之後黎既..........)之後成個SET就送上黎, 可以見到仲有個沙律, 個湯係一個好足料既味噌湯, 有蘿蔔之外仲有少少肉, 所以比一般既仲甜D右邊既吞拿魚同魚腩, 左邊係鐵火光。右邊個4件完全無筋, 不過唔知咩原因, 我覺得魚生, 唔係應該係雪櫃拎出黎切架咩?! 點解我呢堆吞拿魚都係暖既?! 

整體壽司感覺鬆散, 師傅手勢麻麻, 我用筷子一夾就已經散開。好有進步空間, 希望老闆/管理層多多改善~

由公司搬入上環, 周遭朋友已經話我知呢到逢星期四午餐係有人蔘雞套餐, HK$92一個, 非常抵食。但係就係因為呢個人蔘雞就令到餐廳勁多人, 所以一係就早一星期黎訂位, 如果想WALK-IN黎食, 都真係好難~

我地呢日係WALK-IN, 不過當然唔係1點個轉啦, 為左要食到我地12點就黎食啦, 12:05到, 都要等左15-20分鐘先可以入座, 咁你就知幾多人真係會為左佢而黎食呢!

咁早黎又有位當然即刻ORDER啦, 前菜好快就即刻上黎啦, 紅紅綠綠咁, 又吸引, 又開胃~係等既時間周圍望下, 其實差唔多檯檯都係叫人蔘雞, 不過我側邊個檯全檯都係韓國女士既就唔係啦, 好多都係食粉絲, 仲有海鮮煎餅, 等等, 可以參考, 下次黎個陣就試~

十幾廿分鐘之後就有得食啦, 勁熱, 一鍋入面有一隻雞, 一枝人蔘, 大量既糯米, 紅棗, 個份量真係夠晒, 男仔黎食絕對飽肚~我地2個女仔一人一鍋, 講真, 真係有D似同佢博鬥咁, 個湯好濃味, 我最鐘意就係枝蔘同糯米,  好有蔘味而雞肉就好嫩, 食完成個人都暖晒!

因為公司係附近, 因為同事從外地返黎, 所以我地又一齊出黎食晏。呢日因為係農曆新年之後, 大家都唔想再食中餐, 所以一致鎖定食西餐, 老闆話呢間聽朋友講左幾次, 應該都唔錯, 所以我地就黎左呢到啦~

3個人黎食都要擾攘左5分鐘, 佢係出面開一將檯俾我地, 我地分別叫左"Burger with fries", "Meatball Spaghetti", 周埋"Masala Chicken"

先黎左個湯, 應該係Green Bean Soup, 夠熱, 好味~ 之後好快個意粉就上左檯, , 大家睇相都見到賣相不錯, 我都以為應該好味。因為呢個係同事叫既, 所以我都冇理。其後, 漢堡包同MASALA CHICKEN都分別上檯, 大家都餓, 當然即刻齊齊開動。

當大家都好沉醉於自己個餐既時候, 同事已經停手, 我地都好詫異, 同事就"撩"俾我地睇, 所有肉丸原來都未煮熟, 咁我地就話不如同餐廳講啦, 同事就話已經冇胃口唔想食, 所以就冇同餐廳講。

至於我地既漢堡包同雞, 當然係好味啦.... 冇胃口既同事就KEEP住食薯條, 因為新鮮炸出黎, 梗係香口啦~至於我既MASALA CHICKEN, 好既係落足夠既香料, 所以又香又辣, 缺點當然就係份量太少啦, 如果可以再多D, 咁就好啦! 

希望只係大廚一時大意所以先冇整熟個肉丸, 亦都希望下次黎食唔會再出問題~ 

呢日本來想去另一個地方食飯, 不過因為全條街既煤氣壞左, 所以就係銅鑼灣行左一個圈, 終於搵到一間唔需要等位 (都驚係唔好食), 但係原來又係一個正既地方!

叫左一個SET, 係有炸物同魚生飯, 咁就可以一次過試下魚生新唔新鮮, 天婦羅師傅手勢好唔好, 可唔可以列入為我的食堂~

前菜 - 係茶碗蒸+沙律 - 沙律比想像中份量好大, 所有蔬菜都好爽脆~ 茶碗蒸就算上檯之後十分鐘之後都非常之熱, 有菇, 有白果, 有我想食既料.....成個SET都等左廿分鐘, 不過等係有價值。一上到黎, 魚既顏色非常鮮艷, 三文魚籽夠大粒, 見到都覺得興奮, 胃口大開!  蝦夠大隻, 吞拿魚一D都無筋, 帶子鮮甜度高....

再講天婦羅, 雖然只係少少幾件, 不過絕對唔會胡混過去, 炸粉只係薄薄既一層, 炸得又唔油膩, 再加埋碗極整既魚生飯, 食完真係為自己加油~

日本菜我估係大家香港人既頭幾位菜式, 因為菜式既分門真係專門, 大家都為左煮好一類菜式而努力! 呢一家既串燒就係非常出名~

我呢次冇揀到串燒, 因為當日胃口麻麻, 所以保守地揀左我平日食開既......後悔架, 所以我一定會再黎一次食佢既串燒!因為單拖去食, 所以被安排到坐吧檯, 不過一D都唔悶架, 因為好近爐端燒, 睇住師傅係到不停手咁燒, 開始後悔唔揀串燒SET......一般前菜係香港大部份都係生菜沙律, 冇驚喜, 呢個蕃茄真係清甜, 連本身胃口唔多好既我都開胃返, 後面果個係煮左好耐既肉, 所以好入味同好"淋", 一D力都唔駛用就可以咬開~係到等食物黎既時候, 當然周圍八卦下啦, 真係各式各類既酒都有, 如果放工想搵個地方飲下野又食下串燒, 呢到真係一個好地方~呢個角度係唔係好清楚呢! 咁樣睇住黎整, 1)師傅真係好有信心唔怕你睇, 簡直就係做SHOW一樣! 好正, 唔怕油煙(不過其實D煙係唔會吹到出黎), 又想近睇既, 吧檯真係好正~呢個係其他客人叫既串燒SET, 係我下次去食又想叫既SET! 呢個係我既目標!至於我叫左既蕎麥麵天婦羅SET, 首先份量真係夠多, 一定飽肚, 天婦羅炸得非常好! 脆口之餘又唔會油, 墊住張紙係冇油既, 加上冷麵夠凍, 所以非常爽口~ 雖然話就話後悔無叫串燒, 不過食左呢個都令到我好滿足, 總括一句 "冇黎錯呀"!我好肯定, 有時間(由12月到而家5月都未抽到時間), 不過呢到係排係我要食既餐廳頭3位!

事緣外籍老闆生日, 佢屋企人係到訂左張十幾人既檯擺壽宴, 事後就同我地講, 係街市有好美味既西餐, 仲同我地講大廚前身係邊間餐廳, 佢講到如此興高彩列咁, 仲話第2日同我地食添.....

到左第2日, 我問佢係唔係一齊食, 佢已經唔記得約左我地, 佢唔好意思就放我地一早出去食晏作補償! 

我地都要搵左一陣先到達目的地, 真係估佢唔到, 真係食西餐, 仲要係午餐一D都唔貴, 亦唔會馬虎!

午餐A-E, 有RISOTTO, 有意粉, 沙律, PIZZA, 都好多選擇, 總會有一款啱你~ 我揀左意粉同事揀左賓尼迪~

食物準備中個陣我地當然要周圍八下啦~ 同事既Egg Benedicts 黎先, 個荷蘭汁卦得好靚, 同事話個汁比FRYING PAN更精彩, 見佢食得咁快手, 平日食唔晒2隻既佢, 今日一次過可以KO 佢就知道味道一定好啦~我既CABONARA 意粉, 好食唔膩, 個汁剛剛好, 而且意粉彈牙, 係真既AL DENTE, 而且份量好夠, 呢個價錢, 真係抵~