香港仔魚市場二合海鮮餐廳 (香港仔)

朋友話雖然大家都係南區長大, 但係大家都未試過去魚市場食飯, 所以就搵左一日大家去試下, 睇下係唔係真係好新鮮同抵食。

一去到, 都搵左一陣因為唔肯定係唔係, D人話係得一間, 之後我地就入左去。魚湯係濃味既, 都知係冇味精, 好飲~佢話因為係海中蝦, 所以要咁貴, 不過本人覺得唔足砰即~而且灼蝦唔需要任何料頭同柴火, $180好似有D過份....我地見到上檯個陣話係得咁多, 個女侍應都唔敢太理直氣壯到個蟶子上檯, 係見得下人, 不過唔係真係佢講既"巨型" 囉, 我地一人夾起一條就食完呢碟啦~之後佢地有叫我地ORDER炸獅頭魚架, 不過我冇要到~呢碟鮑魚係我覺得最對辦既一碟, 係我唯一覺得食得開心既一碟.......係呢個時候我同朋友已經商量緊係唔係應該出返去銅鑼灣食晏就算呢??????因為真係覺得唔抵~最後朋友就話好似D炒麵幾靚, 所以就叫多一碟, 叫做墳飽個肚......講真, 專程黎食, 都唔太介意個價錢, 不過真係幾貨不對辦....希望真係改善下, 唔好食一次就無下次啦~

Amante (上環)

因為之前同埋其他同事黎過, 覺得唔錯, 早前老闆返黎話想一齊食晏, 我地就推介黎呢到, 唔好下下食埋同一間啦, 佢會悶麻~

因為係食個晏, 所以都係叫簡單既SET, 我同老闆都係食魚, 另一位就叫左RISOTTO, 我就係怕食得太飽下晝會訓著先叫個魚黎食~

沙律大家都一樣, 吞拿魚沙律, 正常地好味, 上次個青木瓜真係驚喜! 不過呢個都好食而且份量足夠~湯大家亦都一樣係南瓜湯, 夠多南瓜茸, 好味! 我叫既主菜黎先, 係Grilled Snapper, 皮脆肉嫩, 好快就食晒, 如果再多一件都可以食埋落肚!同事個RISOTTO, 佢話好杰身, 所以佢覺得夠飽......不過當然, 到行出餐廳門口個陣就佢話係好好飽啦! 哈哈~甜品係芝士蛋糕, 今次呢個甜品比上次既好食! 好想問下餐廳經理呢個係唔係外面交入黎既呢? 好似每次食佢地既甜品都覺得係唔同公司做咁~ 個人感覺黎即, 都冇好同壞既, 下次有機會八卦外先~ 最後當然有杯茶作結尾啦~

Edo & Bibo Oyster & Steak House (銅鑼灣)

聖誕假期, 日日都攞正牌出街玩, 搵好野食, 今日黎到呢到, 終於都有機會試下佢果半自助午餐。如果淨係飲湯同食BUFFET頭盤, 只係$98, 真係好抵食。個頭盤貴精不貴多, 真係越食越開心架。

先飲左個蕃茄湯, 好濃, 又唔覺加左其他既菜同肉去吊味, 所以好清新。之後我食左2個ROUND頭盤，包括有:一大堆既蕃茄沙律, 唔酸, D茄其實好甜! 根住有一堆黃色既, 我估係熱情果沙律, 不過呢個我麻麻即; 仲有一個係茄子+LENTILS 既沙律, 呢個NOT BAD! 仲有一個係最喜愛既紅菜頭+肉! 由於肉已經俾紅菜頭汁染紅左, 所以睇唔到, 估唔到架~

第2輪就揀左我最鐘意既黑橄欖, 芝士, 仲有最最最正既黑松露蛋沙律!!! 個人D客人好斯文, 攪到我都有D唔好意思黎多個ROUND........主菜係扒就更加唔可以亂黎啦, 我仲要食埋件扒架麻! 炭燒扒係真係正, 幾時都咁好食! 成個午餐都好滿足, 如果其他人都一樣咁享受, 同埋瘋狂D就好囉~

Prime Steak House | Wine Bar (尖沙咀)

繼幾個月前食個Weekend Brunch 之後, 我地今次返兜食返個Semi buffet Lunch, 呢個可能更加適合女仔, 我地食得更加愜意。

呢日落大雨, 所以唔可以坐係出面, 不過我更加喜愛樓上, 一上到去就見到裝飾好既聖誕樹, 就算出面落幾大雨, 上到黎樓上都有好溫暖既感覺。

慢慢研究下個餐牌, 商量下食咩, 大家都諗住個主菜SHARE一齊食, 所以最後決定一個要魚, 一個要Open-up Burger，跟住就好安心咁出去攞野食。

我就最鐘意食紅菜頭, 朋友鐘意食烤南瓜同薯仔沙律, 另外唔少得進攻個盤Grilled vegetable, 個盤真係精粹! 次次都好想成盤拎左佢返埋位~ 呵呵, 唔知有冇人試過呢?!  不過食左就食唔到其他野食啦~

煙三文魚, cold cut既火腿我當然唔會放棄啦! 其實檯面既食物, 十樣有八樣都好好食, 貴精不貴多, 所以真係要早D去, 然後慢慢逐樣品嘗。

食完兩輪, 主菜就到啦, 朋友既crusted fish 同我既漢堡都到左啦。crusted fish 外脆內軟, 好軟滑又唔膩, 再加上我地係一齊食, 所以我地先可以食埋個漢堡。漢堡件扒有炭燒香, 個漢堡仲有新鮮炸起既薯條, 真係好鬼邪惡!!但係又忍唔到口喎, 最後當然係食晒啦~

食左咁多野, 我已經食唔到甜品, 朋友就仲可以食件蛋糕, 佢話睇中左件蛋糕唔食唔得, 我就唯有多食幾件生果幫助消化啦~

鳥信 (銅鑼灣)

聖誕節放假, 唔知點解好似忙過返工。今日主力係要食飽然後就去買然後為自己家添小物件。假期如果唔出去玩就係攪下自己間屋。
朋友俾左張9折卡我, 所以我就上去試下。唔記得左係公眾假期, 冇訂位就上左去, 好彩仲有BAR檯可以坐, 遲黎個D已經要等位。睇住個餐牌有選擇困難症, 因為你可以選擇由壽司廣做既壽司SET, 亦都可以叫由天夫威既炸物, 你話幾難揀呢~今日叫左個串燒SET, 首先係前菜同沙律, 沙律夠脆, 好快就有串燒食, 呢間有個小叉俾你, 咁就可以從簽上取出食物, 不知幾方便。
我有一串:
1)露筍+肉, 呢串既肉係冇加汁醬, 好清。
2)雞肉- 有汁醬, D肉好JUICY
3)免治肉串, 有汁醬, 以為好散, 但係其實唔係, 整個肉團都好味。
4)冬菇 - 有汁而且唔係肉, 個咀又REFRESH返
5)露筍
6)雞肉連雞皮- 係鹽燒, 肉唔鞋口, 個塊雞皮係好脆, 正~
7)最後一串係鹽燒雞亦, 果然係要留到最後先食
係個SET仲見到有2舊飯團架, 但係最後係得到極到唔覺得似係司傅做既"壽司", 佢個樣被佢嚇左一跳。其實如果佢淨係俾碗飯我, 我都覺得OK 架! 師傅可以考慮下~