alison1803 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-12-25
聖誕節放假, 唔知點解好似忙過返工。今日主力係要食飽然後就去買然後為自己家添小物件。假期如果唔出去玩就係攪下自己間屋。 朋友俾左張9折卡我, 所以我就上去試下。唔記得左係公眾假期, 冇訂位就上左去, 好彩仲有BAR檯可以坐, 遲黎個D已經要等位。睇住個餐牌有選擇困難症, 因為你可以選擇由壽司廣做既壽司SET, 亦都可以叫由天夫威既炸物, 你話幾難揀呢~今日叫左個串燒SET, 首先係前菜同沙律, 沙律夠脆, 好快就有串燒食, 呢間有個小叉俾你, 咁就可以從簽上取出食物, 不知幾方便。 我有一串: 1)露筍+肉, 呢串既肉係冇加汁醬, 好清。 2)雞肉- 有汁醬, D肉好JUICY 3)免治肉串, 有汁醬, 以為好散, 但係其實唔係, 整個肉團都好味。 4)冬菇 - 有汁而且唔係肉, 個咀又REFRESH返 5)露筍 6)雞肉連雞皮- 係鹽燒, 肉唔鞋口, 個塊雞皮係好脆, 正~ 7)最後一串係鹽燒雞亦, 果然係要留到最後先食 係個SET仲見到有2舊飯團架, 但係最後係得到極到唔覺得似係司傅做既"壽司", 佢個樣被佢嚇左一跳。其實如果佢淨係俾碗飯我, 我都覺得OK 架! 師傅可以考慮下~ 推介美食: 串燒套餐
評分: 味道 5 環境 4 服務 4 衛生 4 抵食 5
2013-12-25 (屬於相關食評)
Within 一個星期就再黎ENCORE, 原因1) 同事仔勁鐘意韓風, 所以一定要佢黎, 2)新張期有8折, 所以我地上次食完就立刻訂檯, 就係為左以上既原因~ 呢晚我地除左叫返上次既雜錦豬拼盤同埋個魚卵石頭鍋飯之外, 最緊要係今次好想試豬皮!嘩, 原來真係好好味架! 好味到其實3大塊都係唔夠!!! 燒得唔係好勁個陣就好煙軔, 如果燒得透既話就會好香脆。朋友都笑我可以係到做Part-time, 因為我可以燒到幾脆! 呵呵, 我驚我係到唔係燒, 係不停咁食! 另外, 最覺得驚喜係每一次去食既前菜都未必相同, 所以每次去都可以試新。佢地既生菜/紫蘇葉同埋前菜都可以任加, 呢下就比起其他店就贏晒, 淨係呢個原因都要去食多幾次, 同埋要推介比朋友。 推介美食: 雜錦豬肉,豬皮,前菜- 蓮耦 辣蘿蔔
評分: 味道 5 環境 5 服務 5 衛生 5 抵食 5
2013-12-23
呢一篇係之前既, 由於當時太忙, 忙到而家先有時間寫。10月中, 出左新糧, 香港同事都有得加, 仲加得唔錯,再且呢牌大家都好忙, 忙到無啖好食, 所以大家一齊黎食餐好少少既黎慶祝。 揀呢到係因為好近公司, 上環實在有唔少好野食既地方, 呢間肯定係其中一間。我地都係叫SET LUNCH, 不過大家揀既主菜都係唔同既肉~頭盤係青木瓜沙律, 根住有個南瓜湯, 主菜係牛扒同埋pork loin, 甜品係布丁。 係西餐廳食青木瓜沙律真係少見, 不過真係令大家開胃, 咁就有胃口食主菜啦~個兩件扒(牛同豬), 都勁好味, 所以我地個個都食晒件扒, 個碟乾淨到可以照鏡! 甜品我就無試, 因為我唔多食甜, 不過同事就話麻麻, 最後唔可以完滿結局添~ 不過整體真係好好, 我地都決定會再黎食~ 推介美食: 頭盤 - 青木瓜沙律,牛扒,豬扒
評分: 味道 4 環境 5 服務 5 衛生 5 抵食 5
2013-12-23
之前知道了今年既加薪幅度, 開心之下同朋友一齊係未加薪之前都要黎一次慶祝先! (爆開心!!!) 一早見到有龍蝦Benedict, 嘩, 不得了~ 我地食既係Weekend Brunch, 頭盤係任食的,包括沙律, CHEESE, Cold cut, 湯, 麵包, 煙三文魚, 貴精不貴多, 我最鐘意既係Grilled vegetable, 沙律油醋汁既紅菜頭, 三文魚, 真係食兩轉已經回本~ 中間我地揀左一個牛骨髓, 同蟹(餅)/沙律既物體, 個牛骨髓用黎搽麵包, 真係"Oh My God", 係好無益既食物, 不過真係值得一試, 好味到呢, 我覺得同食魚子醬差無幾! 個碟蟹, 成碟都係蟹肉, 非常清甜, 絕對佳作! 主菜未黎我地已經食到好飽, 但係見到個Lobster Benedict真係好難抗拒~大大件龍蝦係面, 隻蛋又做得咁靚, 真係誘人~好似不停叫你食左佢咁...... 我地真係係好飽既情況下食晒佢, 都覺得自己好勁, 咁都食得落!牛扒係唯一食唔晒既, 但係不得不講, 一上檯就聞到炭燒既香味, 其實佢都好吸引我架, 如果打包係可以KEEP到新鮮既, 我都會咁做! 總知, 我一定會再黎既! 推介美食: bone marrow,蟹餅,主菜- 龍蝦BENEDICT,主菜- 牛扒
評分: 味道 5 環境 5 服務 5 衛生 5 抵食 5
2013-12-21
開始放聖誕假, 所以就有大把時間出去搵食。呢間係新開, 亦都係我既名單上, 見呢日有時間, 佢個Lunch 都幾長時間 - 由12點到3點, 我就黎個Late Lunch 啦~ 因為好耐冇食過鐵板燒, 而且呢到價錢仲好鬼抵, 於是我叫左個"商務自選二點鐵板燒" - 揀左一個鵝肝同銀鱈魚.....都有諗過食安格斯架, 不過驚太飽, 所以先揀魚。朋友黎到竟然冇揀鐵板燒, 只係揀左個刺身+西京燒銀鱈魚。 先上沙律, 個刺身上個陣有少少失望, 三文魚<--- 實在唔想再係刺身到見到。不過個"黑松露茶碗蒸" 就冇令人失望! 好香既松露, 一小撮就已經香晒~食完呢個就真係值回票價~之後上既就當然係主菜啦, 鵝肝同銀鱈魚夠大件, 好令人有滿足感, 而且又煎得個面夠香脆, 食鐵板燒都係想咁。 食食下見到大廚要整鮑魚, 拎出黎個陣仲係郁緊架, 好新鮮呀! 題外話/補充資料: 新張期間有八折~推介美食: 黑松露茶碗蒸,鵝肝 銀鱈魚
評分: 味道 4 環境 5 服務 5 衛生 5 抵食 5
|