千里禪新懷石料理 (銅鑼灣)

出名既餐廳就多人，少人去既餐廳食材流量唔高，即係唔新鮮。要搵一間少人去，食物了得，服務又好既，真係好難~黎到呢間，完全可以滿足到我。

之前去左間又話"米豬蓮"但係就真係麻麻，因為食得唔開心，唯有搵返一間黎補數令自己開心返。呢到午餐大部份都係set，不過豐儉由人，由一百幾十既天婦羅餐，到我食呢個12貫壽司(HK$238)都有好多選擇。

12貫壽司係可以自己揀既，都有5-6款係時令魚 (日本紅衫魚，金目鯛，秋刀魚, etc)其他既就係又平又貴。開心既係見到d魚名你係有選擇，唔會係三文魚囉!

我呢12件都係我自己好想食既，唔細講總知件件都新鮮好味，擺入口絕對唔會後悔。食具都好靚，最後埋尾既係寒天同埋手打綠茶。雖然好多人都話個綠茶失色左，不過我覺得總好過叫杯咖啡，反而總唔似食日本料理。

我好想同埋我估好快會食多次，因為我想試下個鵝肝牛肉飯~

waiter 好服務好好, 連行路, 落order同埋上菜都係輕手輕腳, 盡量唔騷擾客人~

炭 (銅鑼灣)

好多次都想食呢一間， 不過訂位一d都唔容易。都要預早2星期去訂先可以食到咋。一book到當然即刻通知朋友啦，大家即刻出黎食。

黎得要預左好大煙，呢間舖仔細細都幾大煙下，最清新既竟然係個洗手間! 又大又乾淨!先叫左個蟹子沙律，估唔到咁大碟，仲要有咁多飛魚子，兩個女仔都好難將佢"幹掉"~串燒我地就叫左 雞膶，牛舌，菇，之後仲叫左個炸立魚，埋尾梗係要食返個名物 - 鵝肝蛋飯!

師傅既手勢好，件雞膶燒到熟又唔乾，件牛舌就又厚又juicy! 唔係因為個飯我真係想叫encore! 個炸立魚係推介既，炸得好乾身但係魚既肉汁又鎖住左。至於個鵝肝蛋飯當然好味啦，如果件鵝肝再燒燶少少!

不過食完呢餐真係超晒標，之後幾日要食返大量既生果先得啦~

一定要訂檯~

利寶閣 (銅鑼灣)

呢間係我短期內最快返兜既食肆, 因為上次同一班朋友食完 (個餐冇影相), 真係好回味, 尤其是訂左一隻乳豬 - 皮脆肉嫩, 個4隻豬腳仔先係珍品~ 個晚食得太開心, 所以朋友邀約食飯, 我即刻提議黎呢到食啦, 又可以試下其他菜式!
2個人可以叫既唔多, 不過我地2個都冇理, 想食咩就食咩, 唔理食唔食得晒~ 一碟叉燒, 一個蟹砵, 一個菜加一個糯米飯, 呵呵, 點可能食得晒呀~叉燒好食, 落左過多既蜜糖, 甜到不得了, 不過上檯都仲少少暖, 咁就真係幾吸引! 菜係上湯什箘鮮腐竹浸菜, 一個鍋又咁多樣野食, 我最鐘意係鮮腐竹同豆腐, 好滑。
個蟹砵係精粹, 個砵頭唔係大個, 不過蟹既精華入晒落去, 蛋汁都唔多, 佢基本上係 "屈" 左隻蟹係入面, 之後已經冇多餘既位置, 咁蒸出黎, 又食到蟹肉, 又唔過火, 又有蛋香, 呢個真係好~ 秋冬天當然想食糯米飯, 真係用左幾多時間黎炒, 都幾粒粒分明, 臘腸多, 料足, 好味! 當然我地2個人係唔會食得晒啦, 佢今日就成為左我既午餐啦~
我仲未試佢個煲仔飯餐, 睇黎可以再去多一次, 呵呵~

Edo & Bibo Oyster & Steak House (銅鑼灣)

朋友介紹呢間餐廳話有蠔食，其實都好耐無食過蠔，費事過海所以就黎左銅鑼灣。呢到氣氛唔錯，尤其是三五知己，地方唔算大，服務都算窩心架。
呢晚去到其實係病病地，應該係中暑，所以個胃又悶，又發燒，又頂住食唔到野。工作上又忙（係搬辦公室之前一星期），最緊張既時刻，其實食咩都冇胃口。不過咁，飯始終要食，我地叫左每人３隻蠔，佢地都有幾多選擇，是晚我記得都有成１０款，我當然主攻澳洲既Smoky Bay, Coffin Bay同Tasmania。
隻隻都好新鮮而且又夠海水味，食落不知幾醒神，胃口都返左黎，完全唔需要加任何汁醬，幾滴檸檬汁即可。
主食我地叫左一個大蝦既意粉，微辣，刺激到食慾但又唔會過份地辣，隻蝦好大隻而且燒得好香，蝦味好濃。另外一個係Risotto，好似係蟹肉，我覺得好味架，而且我都食左唔少，如果唔好食，以我個頂住，點會食得落。
其實有時間，我都想試下佢個Semi-buffet lunch，只係$88起，但係佢既品質都唔差真係值得一試～

聚手工火鍋 (尖沙咀)

而家其實天氣涼唔涼, 只要係一大班人食飯, 飯局第一選擇, 尤其是有男有女就一定係揀打邊爐。你可以講, 真係幾冇品味, 一日到黑都烚下烚下, 不過氣氛真係好, 一班人圍埋吹水, 感覺真係正! 好彩而家既火鍋店真係越黎越好, 好似呢間, 真係一d都唔平, 我都食得幾肉赤下, 不過佢呢間又唔逼, 又多選擇, 耐唔耐一次就算啦~
因為朋友們一黎到就話肚餓, 先叫左d小食, 食左頭輪先諗打邊爐野食, 我地叫左炸豆腐粒, 炸蝦餅仲有木耳(辣)。呢3樣都好食, 雖然朋友個個都話個木耳好辣, 因為左好多青辣椒仔, 不過我就覺得好醒神, 仲食左隻辣椒落肚。
飽左都有3成, 跟住就要叫d好食野啦, 叫左3色丸, 黑毛豬, 雜菜藍, 駝鳥肉, 仲有牛三拚 (牛脷, 牛頸脊同埋牛肉粒), 叫左咁多樣野, 我都覺得唔錯~
係呢間餐廳最令我印象深既唔係食物, 反而係勁播英文歌!