雖然大半年沒有光顧，聖誕前夕，千江雪被我們選中了。  店內環境不變，服務員態度亦有禮，還像以前一樣喜歡推介、介紹食物，仍像以前一樣提醒我們食物放在枱上太久，就失去了食物的真正味道。還像以前一樣，食放題也要講質素，食放題選擇和進食也要分先後次序。

食物質素進步了不少，食放題必食的刺身⋯刺身新鮮不用講，三文魚、吞拿魚、劍魚腩等用厚切的方式更能滿足口感，不得不提是大大粒的帶子刺身，好味！赤背、螺肉一樣爽口。


壽司多了選擇款式，壽司上的刺身和飯團比例適中，仍能保持我愛的一口壽司，Yummy!!


我們愛吃的燒雞肉串，每粒大小適中，配上特別的醬汁，特別好吃。至於燒菠蘿，非常好吃，又甜又多汁。


鹽燒秋刀魚，魚皮燒得脆脆，加上青檸，完全去除了魚鯹味。


蒜香牛柳粒，炒了的蒜蓉更香口，牛柳粒大小適中，入口很諗，是意料之外的好味。

炸物金黃色，賣相又勝出；脆醬不厚，入口香脆，必定一試的就是海老天婦蘿和南瓜天婦羅，正!!  芝士年糕還是充滿濃濃的芝士，好味！


味噌湯，竟能喝回我在日本時喝過的真正味道，味不太濃，加上湯料。⋯憶起了美好回憶。


天氣寒冷，沒有選擇冷麵，返而order了牛肉烏冬，用此店的招牌青銅鼎並配上微火，吃完刺身、壽司後吃，整個人也溫暖起來。


總括這次放題，真是大滿足，食材質素更上一層食物選擇更多，服務質素不變。真的大躍進！

突然又想吃日式放題，睇完openrice，咁多好評，又話有信心，就去試試，有無攪錯，誤導食眾。 

任食2小時，時間好重要，order了食物，好多食物等了接近一小時都未到，以為漏單於是補點，真係估佢唔到突然一次過嚟哂2 round食物，最慘一直以為漏單，所以2 round點嘅嘢相同，張枱又細，攪到滿枱都係相同食物，都未食到5份1，就話夠鐘last order，咁即係點? 食唔哂又話要賠錢，即係迫住唔可以叫第3 round....究竟係咪店舖察略㗎？ 眼見待應得2個，忙到失暈，你忙唔緊要，我追單、order你都應下我吖！坐係到無人理，等到待應得閒應嘞，就態度嚴重惡劣。

嬲完一輪，到講這𥚃的食物，甜蝦剌身咪又係自已剝殼，真係唔覺得別甜，10隻有9隻蝦頭都有一大堆綠色物體，夠竟食唔食得㗎?!  刺身咪又係間間放題店都有的劍魚、赤貝、帶子、三文魚剌身囉，不覺特別新鮮同特別。壽司咪又係一樣囉，啲飯咪又係咁鬼大舊，最大問題係散嘅，點夾呀?  芝士焗蠔，蠔焗完超縮水，芝士? 點解無芝士味? 係蠔出水、還是芝士溝水呢?...溏心蛋? 面的顏色唔均衡，裡面過熟，呢啲唔係叫溏心囉！串燒真係令人更失望，燒到乾身又硬，小啲牙力真係𡁻唔爛囉！最慘係凍嘛！

午飯時間過後，客人人數不多，所以Order了食物，都好快到。

和牛壽司，雖然三款是不同名字的和牛，但入口味道、口感卻一樣，沒大分別，半生熟的和牛，雖然無入口即溶的感覺，但係都好好食。反而係鵝肝壽司較失望，沒有肥美油油的，很乾身，完全唔好食。 珍寶帶子壽司，又厚又肥美，值得一試。 蟹子沙律大大碗，可惜蟹子不多。

刺身類，三文魚和油甘魚肥美、北寄貝和螺肉都爽口、帶子略細粒...總括内說，刺身類合格，新鮮之餘無急凍的雪藏味。

燒三文魚頭，魚頭燒得香口之餘，皮又脆，魚頭內的啫喱狀仍很juice。炸蠔好味，外脆内juice，愈食愈想食。

火鍋用了靚靚的鼎，很吸引，估不到小火也另湯底煲滾。火鍋配料選擇也很多，牛肉、豚肉尚算新鮮，沒雪藏味。 丸類彈牙、爽口；餃子款式多，皮薄涵適中，煮後入口也有小許肉汁流出，值得一試。至於菜的種類繁多，一人份量已很多了。

少有日式放題會連火鍋，這店應是唯一的一間吧！