當日剛剛行完山,食完餃子之後,

再繼續食好西~男友帶我來陳通記

我黎左咁多之長洲都唔知原來對出粥鋪,再行入黎呢個大排檔有咁多野食
可能之前黎o既時候多數都係夏天,
所以無諗住選擇去大排檔~ 男友點左個沙嗲牛肉米通, 好可惜當日無牛肉...只好點沙嗲肥牛米通 滿滿一大碗,同伙記吹下水,都幾nice!個真係從來都無食過沙嗲湯底係咁濃~平時去普通茶記都係淋少少沙嗲汁就算 呢度真係好有熱誠呀~連個湯底都好多花生碎,

就算我唔食得辣,但個湯底完全唔辣呀,

食完又唔會好口乾,真係好有心機~~肥牛同米通的份量都好多,
米通索晒個湯底,再放入口咀嚼,真係超入味呀!!

好耐無食過呢種米通,之前在台灣餐廳食過通心米粉.

但細細條o既米通就真係無食過~~ 奶茶好滑,茶味好香濃~~

咸牛肉治 我都好耐無食過,滿滿的餡料,真係好滿足~~~食完又唔會口乾,
唔重味精~~

好在我地3點45左右黎到,我地食到差唔多4:15問我地仲有無野加,
當我地食到4:30有其他食客想入來食,已經話關門了...
我地真係好好彩呀~

當日係星期日, 由碼頭落船就走過來沙灘,一定會經過故鄉茶寮
真係從來都未試過行呢段路如此少人..
旁邊的小食店有好多間都無開門...
情人鎖果個Area完全一個人都無......
香港真係變得好蕭條.... 我從來都未試過黎呢道買紅豆餅係完全唔駛排隊...
而且一個人都無...
幸好呢間小店有開門做生意,
行山前要食d野補足體力先, 買左1個紅豆餅 ($8) 貪新鮮試1個芝士紅豆餅 ($14) 都係中意原味多d,反而我覺得就咁芝士餅,唔加紅豆,
個味道會比較夾,
而家半咸半甜,感覺有少少怪,始終唔算好夾
但芝士幾好味,有少少可以拉絲 紅豆餅仍是餡料有好多紅豆,而且粒粒分明,甜甜蜜蜜的感覺~~

好中意呢度o既紅豆餅是暖暖的,有薄薄的牛油紙包裹住來吃,
我地買完就坐在鋪前的椅子慢慢品嚐

我就從來都未食過呢度o既手卷,感覺用腸仔整o既話,真係好港式~好神奇的日式與港式mix!
下次都係食返原味比較好~

當日入住酒店,package包左dinner set同翌日breakfast set
每人都係$350左右,其實幾抵
呢間酒店都係朋友介紹
第一次入住,overall都唔錯
當日都見到幾多人入住,
不過位置就唔算好近mtr 站,但行過去中山紀念公園,海旁都方便呀!

我地check in果陣,職員比menu我地睇下dinner set 的選擇,
我地果陣填埋餐單,交比reception旁邊的西餐廳
寫左當日6:30會取餐~

我地6:15早左少少到,就等多一陣,未夠6:30已可以取餐
可能係環保?無比手提紙袋或膠袋,
比左1倨托盤我地...拎上房食..
但問題係入lift又要刷卡,而且要開房門...
幸好當時唔係1人去取餐,否則都有d麻煩... 只要加多個手提袋比客人,就真係比較方便...唔送上房都無咩問題...


個dinner set配沙律或湯,我地揀左每款各1
仲有主菜,仲有熱飲 我地order左一份西冷牛扒,不過有少少un,整體都唔差
魚扒的口感好唔錯,又好大件,
估唔到除左個扒類,仲有薯茸,唔係意粉或者係飯
仲有好多件炒翠玉瓜,都幾有誠意.,滿滿的一盒

南瓜湯味道都唔錯,唔會太杰身或者水流流的口感
沙律有胡麻醬,都唔錯,份量都唔少

在窗邊睇住個夜景來食,都唔錯 p.s. 左邊粟米湯是我們自行在酒店附近買的~

當日去掃下街,好多野都想食
雖然果陣撞正tea time,其實有炸雞髀加薯條set可以點,不過我地放棄左,只係order左1隻炸雞髀 下次都想試下個粥~
當日都有唔少人等外賣~
我地都要等左10分鐘多d

見店員都好忙,呢個時期生意都可以咁好,
真係相當之難得呀~

我去左咁多次長洲,真係未試過見到人流如此的少...

雞脾可以揀唔辣,有好多種唔同的辣度,
真係岩晒中意食辣的人,
肉汁滿滿,而且唔係一般有炸皮的炸雞脾~~
口感嫩滑,相當唔錯呀!

當日早上男友已於app訂購, $58禮盒裝 (2件)
不過佢要黃昏時間先去到呢間分店取貨

幸好鋪頭無將呢幾件cake賣比其他walk in 客~

可惜當時拎只有紙袋,無玫瑰花禮盒....只有MC CAFE普通紙盒..

幸好透明盒包裝妥當,而且甜品造型100分,無任何殘破
在將軍澳坐在海邊一齊食

翌日食第2件,可以有充足陽光,影返個立體感比大家睇 蛋糕外層有幼滑的玫瑰慕絲,唔會好甜! 
有花香味,再配上鬆軟海綿蛋糕,粉紅玫瑰造型打卡真係唔錯,

唔會一味得個甜字,淡淡的甜,又睇得,味道比想像中好~

其實我平時唔係好食M記....所以完全唔知有呢款甜品推出

所以當日佢送比我,我都滿心驚喜

我從未試過假日去長洲玩樂是如此的寧靜...
當日11:00上快船,船上多數都係銀髮一族,
周圍都好少人,好多鋪頭都無開門...
落船後先去行山,之後2:00多就去搵食

我有差唔多1年無去過長洲,
都唔知呢1年多開左呢間鋪頭
都接近市中心同碼頭,都有十幾人圍住餐廳門口等外賣同等位堂食 我地最後都要等左差唔多廿幾分鐘先有位...
懷舊小店總是特別吸引一眾年輕人去幫襯, 牆上的食物圖片都好吸睛, 睇見都流晒口水
我地試左其他食家也一致推介的 黑白土匪煎餃 及 蜆肉芫荽蒸餃 套餐 係一款飯 / 主菜跟一杯飲品~
跟餐送四季春茶 淡淡的青香,常溫, 茶杯都好懷舊,有特色,不斷影相打卡 久等的蜆肉芫荽蒸餃來到了~有2大籠,
一睇就知道蒸餃皮好薄,餡好多,真係CP值好高呀~
好新鮮的蜆肉同豬肉,呢款真係清清地又好特別~
個皮有d煙韌~相當唔錯呀!! 旁邊的調味料器皿也是很有特色~ 好可愛

食到中途黑白土匪煎餃就到了~ 金黃色的脆皮,好惹味,肉汁好多,真係食完一口就會接住想食第二口~

滿滿的黑芝麻和白芝麻~餡料唔會好咸,咸度岩岩好

不過要小心熱燙~

加左$12配左杯特飲,比想像中好細杯...其實只係四季春茶加左少少荔枝粒同埋爆爆珠...
真係唔太特別...所以試一次就夠

當日行到去將軍澳中心,見到呢間餐廳門口好多人等外賣 而我之前想試下,但又未有機會試,

所以就叫左1份外賣

外賣自取有7折(無記錯好似係)

點左1客泰式炒金邊粉 原價好似$80左右,折後大約$54

等左15分鐘左右可以拎,

職員相當有禮貌

過左20分鐘,拎到返屋企仲係好熱,果然好夠鑊氣

有2好大隻蝦,左邊辣椒粉真係好辣,下次有機會再食,要走辣椒粉先得~

好足料,好多芽菜,豆干,蔥,雞肉,

個醬汁好香甜,好開胃

1人食晒真係好飽~

當日行完山,食到飽飽之際,
男友話要買手信比我屋企人,
去左呢間餅店,見到新鮮出爐的一口蛋撻同埋一口椰撻
在市區真係好難見到呢d mini tart~
果陣岩岩新鮮出爐,真係好香好吸引呀, $15/6個~~ 蛋撻全部都係曲奇皮,蛋香好濃,唔會好甜,好滿意
細細個,食幾個都唔會覺得heavy (肥胖是這樣煉成的) 椰撻真係好耐無食過, 比較甜,滿滿的椰絲,個撻皮都好脆,
之前我黎過咁多次長洲都無幫襯過,
男友做足功課去搵好野食,
在呢幾條街,真係食左好多正野,係我之前都未食過,haha 下次再黎,一定會再買黎食呀~


另外我再買左好耐無食的嚒囉酥 市區真係好少餅店有得賣呀~希望嚤囉酥不會被消失於時代巨輪
差唔多一個掌心咁大,脆皮,
幾有口感,鬆軟香甜的童年味道
用酥香的皮包著冬瓜蓉,味道同老婆餅好接近,冬瓜蓉加上少許芝麻,內裡煙煙韌韌,甜甜地~

當日差唔多5:00,揀好食d咩就去收銀處買, 女職員好好人,同我地講要唔要order tea set, 5:00pm截單,$78一份~
原來呢度平日無set lunch,所以tea set 真係好抵食
幫我地省返多~
之前在outback食過set lunch burger,味道好唔錯
tea set除左主食,仲可以配小食,男友唔想咁熱氣,所以揀左飯, 真係未試過食burger可以配飯,
呢個飯係平時outback食扒,配o既飯,有少少黃色,可能加左黃薑粉?
其實唔算特別好食,不過都幾飽肚的 另1款小食揀左烤蔬菜 一碗都有好多款,有紅椒,黃椒,茄子,薯仔
都幾香口,唔會好淡

經典美國牛肉芝士漢堡 juicy牛肉,脆卜卜的煙肉脆片,沙律醬唔會好濃,好大個,口感好唔錯

燒肉醬味豬肋骨 份量都唔少呀,味道果然同平時在outback食o既一樣,jusicy,而且好多肉汁,
賣相同味道都好唔錯 飲品汽水任fill,不過飲一大杯己經好飽,而且差唔多到6:00,無特別出去自助飲品機refill了 hot earl grey: 估唔到呢度o既飲品選擇除左汽水,仲有茶類可以揀, 好大杯,好唔錯呀,飲完暖笠笠~ 呢間分店位置都好容易搵,而且鋪面都大,坐得舒服,而且有自助bar拎餐具,濕紙巾,斟汽水,都幾乾淨
樓上就係英皇戲院..未有疫情果陣,相信呢度一定好旺場...

當日星期6入去食lunch,,
疫情嚴峻期間好少人,
兩人可以坐卡位,環境本身都闊落,
火鍋套餐全部暫停,多數d食客都係叫外賣,
已經好少人堂食
menu好多款式o既套餐,
我揀左$48蟲草花雞肉飯 好大份,飯球又好大,飯粒唔會好硬
餐具同口罩紙袋可自行去收銀處旁邊拎
又有熱水供應,
呢個價錢真係好抵, 疫情嚴峻之前,呢度由早餐去到lunch都有大批街坊等位..
真係希望疫情可以快d完...

套餐加$2配熱芋香珍珠,香濃奶香,珍珠口感都唔錯
經濟實惠,service都正正常常,上菜速度快