當晚放工同朋友食左正餐,

行一陣葵廣,

經過呢間玉子燒店,

忍唔住叫左一客來食,
係芝士蟹子味,

超多芝士同蛋汁爆出來,

表面有好多木魚同紫菜碎,

超YUMMY呀~每次來都一定會叫,

有廿款左右o既款式.

仲有好多即叫即做o既sushi! 撐小店

  搬入去將軍澳無耐,睇OPENRICE見到呢間餐廳comment好好, 
食個early dinner, 我同家人都係食左番茄湯底麵,
湯底很不錯,好濃番茄味,個批盤也相當有睇頭 呢杯豆乳唔會好甜,幾特別   

是次去輕鬆行魔鬼山, 行山前在油塘大本型Food court搵野食,

已經睇中左想試呢間餐廳

中午12:30左右已經好多人排隊

我地堂食,但係拎出去Food court桌子食,唔坐0係餐廳裡面食

好大份, 而且午餐肉好厚身,非常juicy

湯底非常濃郁的番茄味, 好杰身,

炒蛋好滑呀, 燕麥多士咬口很好

是日Blue Monday,諗住在公司吃飯， 同事叫到一齊出去食，試下新開嘅Kyo Watami, 下次要dl app先攞飛，唔駛等咁耐。 12:50去到，等左15分鐘頭左右可以入座。 兩個人可坐4人桌，發現全店無二人桌。。感覺擺放2人桌，等二人桌就唔駛等咁耐。 set lunch有廿款左右，全有圖，實際上菜的食物賣相，同menu上完全一樣。無走樣。 點完菜食物好快到。我點嘅呢款set lunch賣相已經好吸引，味道都相當有水準。 早兩個月去完日本食懷石料理，簡直個感覺返晒黎。超大份，超級滿足 個麵豉湯唔會好咸，味道剛好。蒸蛋個底部有雞肉，雞汁好入味。 附上紅豆monchi, 有紅豆茸，超甜美 飲品選了薑茶，幾有薑味，成身暖晒。飲品的選擇都有十款左右。 一定有下次

因朋友工作時間長..無得咁早出到黎食,
呢個時段8:30食到11:30...3粒鐘幾正~岩晒我地5人行~

即使卜左位,在餐廳外打蛇餅排隊,都要等廿分鐘左右先入得去~
可惜有個男丁唔食生野,因呢間店o既menu多數都係sushi凍食為主,熱食o既小食認真唔多,
但質素真係很不錯呀!!
唔太多漏單,不過卡位都係有d迫~
個場望落都大~刺身幾足料又新鮮~ 讚不絕口,但食得多sushi好快飽任取~當然早d扲就最多款可以揀啦~~~
肚子大滿足,吹水無間斷,可以慢慢食,慢慢傾
唔駛食到咁趕~

一直以來,對意粉屋o既食物好有信心保證~當日去嘆個tea~好在有卡位坐~記得呢間意粉屋已經開業左起碼廿年~ 希望經典品牌可以繼續經營落去~

;即使新嘗試o既菜式.都唔會令人失望,而且味道相當棒棒棒~~~ 今次肥仔tea,我揀左煙3文魚芝士意大利飯~
個賣相真係好掂~又夠晒大份,好creamy!!又唔會好膩~岩岩好

再配上酥皮菜湯,真係唔肥就難啦~~~~菜湯有貝殼粉,腰豆粒,材料相當豐富!!!

環境很棒~很有情調~ 媽咪點O既菠菜忌廉龍利柳闊條麵~好大份~同lunch 一樣,無減料~ so yummy!!

當日約朋友1:30,行下行下..都係等到2:00入去食個tea仲抵,平$10左右架~

我叫左個海南雞飯~雖然size比lunch set應該係細d,但都好滿足飯粒分明,幾有雞油味~雞件都幾滑,相當不錯~ 朋友點的濕炒河顏色幾靚,酸酸甜甜,幾吸引~~

環境又幾好,相當不錯~~

次次黎親深水埗,我總會對呢間糖水店念念不忘,

次次叫親每樣甜品,都覺得好好味架~~ 個menu又design得好靚,圖片又夠晒寫實,
次次都有選擇困難症
今次試左椰汁渣渣,真係有好多唔同o既豆,仲有好多西米tim,口感滑溜溜,食到唔停口呀~!
當日4:30左右去到,都超旺場呀,
如果平日非繁忙時間去到呢道食道正呀,有9折優惠tim,當地居民有口福

為了慶祝我生日,又唔想大駛,所以食呢間LUNCH BUFFET...但真的唔會布下次..質素好一般..坐位有D迫..坐4人方桌~而且D熱盤完全不吸引...
BUFFET BAR放到有d迫..食物唔夠熱 質素真的麻麻 有bbq區~試燒雞翼,腸仔

甜品叫做過得去~不過即製甜品,要排隊久等先取到..都幾多人等...香港人就係乜都中意排隊等,以為一定有好野.......
罪惡感重..食1杯就夠~
唔知係咪廚房成日轉人,d食物質素好唔穩定,
早排試過1次lunch buffet都唔錯 

當日食個early lunch,見到唔太多人,入去食個lunch set~menu設計相當吸引,多數都有圖片tim ar 食左個清愛地o既雲吞麵,餡料十足,個皮幾薄~
個湯底又好清~麵又好幼細,上菜速度好快~

跟餐小係食揀左小籠包~ 質素真的很不錯,一上菜要即刻食喇,幾入味,而且手工很不錯,
小店來說已經很棒,
皮薄餡靚,好鮮o既豬肉味滲進口中~很棒~令人回味無窮