西貢向來都多野食，但最多就係西餐同海鮮，冬天想食雞煲?! 得！搭車出外面啦！好難得見到有間主打食雞煲，羊腩煲同煲仔飯！



其實我就已經試左幾次！但今日先發現無人提過呢間野！so, 講幾句啦！

今晚同男朋友兩個人食，叫左個四川麻辣雞煲半隻，盛惠$130另加生菜$30
其實佢就有好多野加既，例如：枝竹、肥牛、丸




生菜咪就係一般生菜囉


四川麻辣雞煲半隻 小辣

睇圖就應該見到有d辣椒仔係到既！但食落又唔係辣wor，不過就真係麻囉！如果第一次食，但又一般食得辣，其實可以叫完小辣再叫佢加辣既！慢慢加，安全d
D雞剛開始食個陣其實好嫩，但當然煲得耐就會老好多啦
130 半隻其實有d貴既，不過西貢價差不多

雖然無相，但都想講下其他野！
煲仔飯 - 一般般，有飯焦既！但真係太細，我同屋企人(共4人)食要一大一細先夠。通常order左個大既，黎個陣都會聽到人話：下！呢個係大嫁喇？
蠔餅 - 粉太厚，但蠔夠

同其他西貢既餐廳一樣，呢到都可以帶海鮮黎加工既！
順帶一提，行前幾步會發現有一間寫住專食煲仔飯既，但其實兩間係一樣，係呢間都可以食到煲仔飯

]

正如其他食評所講 - 平民價 山東菜，其實你識啲咩？我就真係識條鐵喇！抱住食餃子既心態入去，完全對山東野0概念，結論：好食！我會再食！ 一如既往：二人行 Order：羊肉餃、山東燒雞麵、韮菜豬肉餡餅
煎羊肉餃 呢個羊肉餃細細粒，張大d個口既話一啖都食得哂！我第一口咬落去，d汁出哂黎，反應都黎唔切，搞到我差d整污漕件衫餃子本身皮唔厚，餡足！開頭擔心煎會唔會太油？食落又唔多覺wor 講到咁好點解都仲係得三個？原因係食完好口渴！感覺 --- 味精不少



山東燒雞麵 勁力推介！見到menu寫住推介，所以就打算trytry！睇到其實燒雞唔算少，d雞算滑，搭配佢準備既醬汁(酸酸甜甜)，d燒雞真係無得彈！d麵睇落好似一般米線，但佢比米線滑，而且綿，唔可以話佢爽口，但有少少彈性咁 美中不足係：麵太少！如果多d就v.good
韮菜豬肉餡餅 餡餅大件就大件，但就真係餅囉 皮厚飽肚，但餡少，而且欠缺肉汁 真係平民飽肚既食物，無咩特別 本人唔識欣賞 題外話： 話明平民野，service 就真係唔好太高要求 話說我由塔臺想轉返去吉左既卡位，被拒絕 落單有個哥哥仔好似咩都唔識咁，每叫一樣野，佢都要問問先，令個時間拖長左dd咁囉

經過西貢海鮮街見到好多不同牌寫好多套餐價，二人餐只需$398，內容有龍蝦，鮑魚，海上鮮，元貝，蟹等選擇，可以揀4樣，送油菜，就計劃去試 本身我係海鮮愛好者，間唔中都會係附近食。今次見平就想同男朋友trytry，其實已經預左質素打6折，所以要求都低d 2人餐揀左： 芝士焗龍蝦伊麵底 豉椒炒蜆 薑葱焗蟹 蒜蓉粉絲蒸元貝

芝士焗龍蝦伊麵底 一開頭都話預左打6折，但呢個龍蝦一d都唔馬虎！ 上台第一個感覺：咁大份？！ 肉質有鮮甜味，而且芝士味算濃郁 成份肉多売少，真係意料之外
豉椒炒蜆 豉椒味真係一般，甚至覺得有d太鹹 蜆肉都足夠既，但因為鹹味有d重，掩蓋左蜆本身既鮮味
薑蔥焗蟹 唔知係咪真係焗同炒既分別，雖然唔太油，但好似少咁d薑蔥香味 雖然整體感覺係ok，但比起大排檔食既炒蟹始終都差左少少 蟹肉係足夠，兩個人食一隻蟹夠哂
蒜蓉粉絲蒸元貝 元貝真係好難整得難食 呢兩隻野個売就大喇，但個元貝真係細左少少，不過以呢個價，都算啦 豉油係成個精華所在，但係佢整得有d稀，連個色都覺得唔夠色水！ 雖然元貝鮮味係到，但如果話平日豉油汁應該可以配飯既話，呢個汁完全唔合格！ 整體黎講係合格既，因為398兩個人真係平！我係會再想返黎食呢個餐既，但唔建議揀元貝啦，除非你真係好想食，我會建議揀龍蝦！！！

銅鑼灣收工，辛苦左一日當然想好好坐下，但又想食越南菜。唔好以為實無可能，呢間樓上鋪又大，又有好多卡位，坐落都幾舒服。 貫切咩都想試既作風，兩個人叫左4樣野 牛油雞翼、豬扒撈檬、咖哩牛腩煲、馬拉盞炒通菜 牛油雞翼 真係必必必必點！睇落平平無奇，但一咬d牛油香味出哂黎。大家見到係炸野可能會擔心好油膩，但加左青檸汁之後真係唔覺得油膩 食雞翼大家可能無咩點要求肉質，但呢個雞翼d肉好嫩好juice，第一口真係好味到呆左 除左青檸外，仲附上淮盐。我就覺得唔加好d，因為覺得有種甜既味道，但加左就感覺味道豐富。我建議一隻加一隻唔加啦
豬扒撈檬 撈檬就真係平平無奇，唯一覺得個豬扒既香料好香，唔會太咸
馬拉盞通菜 呢個真係唔合格，馬拉盞味唔夠，真係得個樣，而且有d油。以越南菜黎講，呢d只係基本菜，但真係不合格
咖哩牛腩煲 好小係越南鋪見到有咖哩食。一上枱打開蓋d煙出哂黎，d咖哩香味都嗅到哂 咖哩味係有，但有別於印度的香料極重、泰國的酸辣、星馬的椰香。呢種真係表達唔到，好似係全部既中間 牛腩食落算林，而且無渣 薯仔唔算好好好林，但係d咖哩入哂味

放假入西貢碼頭行下，食個tea 我其實成日係碼頭食野行下，成日經過C.C. Cafe都唔知點解無行入去食，今日終於入去 作為一間cafe，其實d位就真係一般，有少少逼既感覺，始終都係鋪面細 如果真係要坐得耐，會寧願行前幾步去一間叫panda既餐廳 但都係講返C.C. Cafe d野食先！ 叫左個all day breakfast (full) hkd$682 講價錢真係平平平 雖然同人地專食all day breakfast個d無得比，但其實味道不錯！d腸咬落去juice煙肉唔會太乾，成個野份量適中！名乎其實：比上不足，比下有餘
All Day Breakfast (Full) 配上一杯coffee, 爽阿！

半個月前平安夜食完，一直唔記得寫返個食評
一直想嘗試不同地方既菜式，平安夜呢d西方節日，又想食西餐，但又唔想只係食扒食意粉咁普通
最後揀左間東歐菜食！！！

入到餐廳真係好俄羅斯feel...好似係d好凍既地方搵到間木屋咁
同埋有好多外國人都係到食，有d聽口音都似係俄羅斯人

所以，坐底好有期望！！！兩個人order左唔算多野食正宗烏克蘭羅宋湯
一般平日西餐廳既都係罐頭feel，最多多d蔬菜係到。但呢個羅宋湯除左有蔬菜外，仲會有一d肉粒，一飲就嗅到好香肉味牛羊肉湯
整餐飯而言，我最唔推介最覺得奇怪既就係呢個湯！一飲的確好重肉味，仲有d牛油味，但係就有d腥既感覺！可能係唔習慣，但有d似飲緊血水既感覺三文魚子醬
呢個真係令我拍哂手掌，想一食再食！
有d人食壽司食到既三文魚子都會有少少腥既感覺
但我單試個陣，都會覺得有d腥同太咸
但當我用薄餅加其他配料包埋一齊食個陣，真係太好味，完全無左陣腥味，反而有d鮮味出左黎
個薄餅平衡左魚子既咸味，所有野都剛剛好！
而且價錢係眾多魚子醬中最平，如果學生去試真係必點！！招牌芝士焗牛脷盅
見到openrice有推介自然order左黎試，現場都見好幾枱都有order呢個牛脷盅
一食真係香芝士味，而且牛脷好林又嫩口
不過就感覺無咩牛味，令我覺得口感似牛脷，但味道就唔似牛，可能係芝士味太重既原因俄國香草燒春雞 (半份)
christmas自然想食火雞，結果order左燒春雞代替一下！燒春雞一般只要唔好燒到乾哂，d肉唔老就已經算合格。而呢個除左合格之外，佢食個陣仲有d肉汁係到，所以已經變得討好！！佢個醬係似燒汁，但比一般而言有d特別肉香味，所以整體比較討好基輔炸雲尼拿雪糕
炸雪糕呢樣野最重要係個皮唔好太厚，有d差既甜品鋪為左懶大個，扮抵食就整到個皮多粉又厚皮！！但呢個既比例算合格！但比例岩之餘，佢都做到大大個！而推介既原因係，佢上枱個陣真係熱嫁！外熱內冷，先係炸雪糕既重點！

久聞polyu朋友推介好時沙嗲，所以帶男朋友一試！
可惜，諗住食tea但無tea set，全日都係同一個menu

兩個人叫左海南雞飯，串燒，喇沙海南雞飯
通常海南雞飯既油飯好易油膩，但呢個油飯唔油膩，d飯一粒一粒咁，食落去好香
D雞就一般平平無奇，但略為少雞肉喇沙
第一次食喇沙！呢個有得揀要米粉，米線等不同面類
睇顏色，以為好辣，但一嗅一食好香椰味，一d都唔覺得辣。串燒
真心推介呢個串燒！睇落去其實有d mini，但係好好好好食
唔識形容具體個醬，但好香，有d花生醬味，沙嗲香味，但唔辣
D雞 牛唔似外面d鋪頭咁燒到有d乾，佢比較嫩

好飽好味！
假如有tea set 就好好！

講食其實真係不錯，order jor 沙朗肉燥飯 多汁個糖心蛋very good 好香！用盒有蓋，一打開個陣一陣陣香味出哂黎！
仲試左個士多啤梨味既甜品 (抱歉忘了名字) 入面既麵包有蜜糖烤過既感覺，比較香！可是，朋友話同旺角分店既有分別，旺角分店入面有更多已切好既一粒粒麵包糠！
可是！！食肆還要講求service!!! Order的食物等了接近一小時！眼看遲來的食客都已經進食，遲來先上岸的感覺很難受！ 職員話追單都唔係追既！竟然話鋪頭system壞左，搞到d單亂！ Anyway, 茶木 尖沙咀分店 即使味道不錯都：no next time!!!

星期一晚元朗搵食，係openrice搵左呢間越南菜食。鋪頭同一般地區食肆無咩大分別，細細間但又唔洗點等

兩個人order左一個晚餐，包一個火車頭湯朦 一個小食(春卷蔗蝦扎肉拼盤)
再另加半份蝦餅！
火車頭湯朦大大碗！我地兩個女仔share剛剛好！！材料足，但食落個湯底同平日係外面一般食既好唔同，佢比較甜d。本人比較少食越南菜，所以唔知係咪正宗既越南菜係咁，但自己就覺得怪怪地 火車頭湯朦

個拼盤就熱辣辣，脆朴朴！本人特別鍾情蔗蝦，食親越南菜都會order！結果，呢間蔗蝦果然無令我失望！唔單止脆，仲食到有蝦粒係到，最緊要食個蔗個陣係甜！！外間好多鋪頭都忽略個蔗既味，但呢間very good!!春卷蔗蝦扎肉拼盤

而個蝦餅就一般喇！太薄，做到好似 "吉烈豬扒" 咁既厚度，d醬又差咁d蝦餅半份

如果我係住附近都會再去食，
但如果係專登入元朗揾野食既，就可以有更多好選擇！
不過，價錢係平民化既！！

兩個人：套餐113+飲品14+小食29=hkd156

鍾意食拉麵既我，專登係尖東提早睇完燈飾就去試下呢間主打沾麵既鋪頭！7點去食，等左5分鐘左右就得！！
環境就同一般既日本拉麵屋差不多，唔算太逼！
叫左個濃香櫻蝦沾麵，因為第一次食所以麵就order左標準。同行既就order左特濃豬骨沾麵濃香櫻蝦沾麵 特濃豬骨沾麵

兩個湯都好濃，尤其個櫻蝦！如果唔食得太濃可以叫侍應加魚湯！我本來覺得ok既，但見寫住有魚湯就試下加，結果無咁濃，有一陣鮮味，都幾特別！

女仔食野始終比較慢，食食下d湯開始凍凍地，侍應好主動咁幫我用枱上既電0池爐仔加熱，女仔慢慢食都唔洗怕！

食完見佢有個寫住類似店中“靈魂“既芝士飯推介，加20蚊就有。見佢係芝士，仲要係推介，結果就叫左一個trytry…

侍應幫我用自己食剩既湯加上飯and 芝士加熱，挾個陣係有好多芝士既絲係到，以為會好重芝士味，點知一食，流左！！可能因為湯味太濃，蓋過左芝士味

PS. 而家做緊promotion，like鋪頭fb fan page有汽水/餃子3件/雞軟骨1串送
我就試左個餃子，nothing special la

兩個人總共食左：78+88+20=$186