~~~~26-1-2008~~~~
悠閒下午茶~依舊勁多人..!!
呢日下午~同左honey , 我媽咪同細妹去左富臨飲茶~
雖然係下午茶~都係勁旺~又要搭枱~
不過唔緊要啦~
4個人: 叫左好多野食..
煎薄”餐”, 灌湯包, 炸蝦角, 牛肉球, 羅蔔c蘇卷, 黑椒牛仔粒…etc.
樣樣都好好味~ 亦都整得好靚~
大集團果然大集團~
真係有品質保證d~就算唔好食~都好睇呀嗎!
哈哈~
有機會既話..試下佢d晚飯先~
4個人~total : $ 158~

~~~28-1-2008~~~
其實呢間<<柏檔>> 0係九龍城開左分店...
但我見呢度都只係得黃大仙分店??
唔緊要啦~...照寫!
其實九龍城分店距離依家大約開左1個月啦..
而我就係同honey 於28-1-2008去試既..
大約應該開左幾日度...因為果時佢地門口仲有開張既花牌...
同埋仲緊新張期有特價..~
所以走左去試..
果日等0係九龍城等honey放工~

見到呢間野話就殷新開張~所以今晚就同honey黎試吓~

原來佢0係上年”食神爭霸戰”拎過獎喎~

好似好犀利咁..~

由於新開張關係~有特價餐$28 一個~

1 , 去骨海南雞飯2, 去骨元蹄飯, 3咖哩牛腩飯同4 , 咖哩豬扒飯

既然人地係以個雞飯拎獎~就試吓個雞!

同honey一心叫左一個雞飯餐~

飯未到,先附上3小碟醬汁!

等左2分鐘..飯就上枱了~

賣相不錯~~有點像何文田既”勝x小廚”~

不過似乎味道略遜一點…

雞做得唔錯, 唔”un”~都幾滑,但雞本身,雞味唔夠~很淡口!

油飯亦很香~但雞油似乎唔夠..~所以造成有d飯粒,仲係白色(未有油沾上)!

如果用番一d靚d既雞, 雞味重d~應該會好食好多~

以特價$28 一個飯~還不錯~但若以正價(好似$43 )..就不太值了~

如果頂得住d waiter 既惡劣態度~去”勝x 小廚”好過~

見呢度咁多笑臉~
所以琴晚決定唔去"七喜"~同honey黎呢間九龍居試吓~
果時十點幾...
客人不多.. 侍應亦不多...好似得2個阿姐..
門口坐左3, 4枱6,7人~
見d野食都ok~
就入去啦~..
入到去...擺明茶記格局~
店內都係得幾枱~有一半以上枱都未有人坐..
坐了較門口位既位置~
睇餐牌~見d野食既價錢同七喜差唔多~
但想落order....都好似冇人理咁...?!?!
叫左個wonton 麵($14) , 同"七喜"好似冇"避風塘少蜆"($38).
落左order , 都唔洗2分鐘~wonton麵已送上~
一看...賣相真係唔係好得
面頭全部都係麵~連"青"都冇?
原來dwonton 0係底~亦有少少蔥!
先咬一口麵..麵質不太"林"..但又不太爽!尚算合格..
飲一啖湯...真的很重味精~只有味精的咸味~一d鮮甜都冇..
同七喜比...真是差天共地...不合格...
到麵既主角: wonton! 都叫大粒既....不過味道都係普通質素..
反而小妹蠻欣賞佢地既"辣椒油"~香得黎...又夠辣!!
再等了差不多5分鐘有多..
避風塘少蜆終於黎..
賣相都係好一般...
只係見到一碟灼熟左既蜆, 有d炸蒜,同一d辣椒~穫氣全冇!
好似廚房只係將以上3樣野撈埋一齊就上碟咁..
蜆肉冇沙..有d都幾肥...量亦尚算多~
但係真係超咸!!!!同埋超辣!!!!!
完全食不出香味!!!!!!!
本來唸住唔叫野飲.....最後都頂唔順...
叫左支可樂($5)~
自此一役~決定冇下次..
下次都係去番"七喜"~
價錢差唔多...
但起碼每次都唔會令我地失望!

有時因工作關係~點幾鐘先得閒食野..
之前有一次, 同HONEY黎左觀塘搵食~
黎左呢間大家食..
之前0係其他分店食過呢度D手攪麵..
但係宵夜其實有其他選擇.
呢間分店好得意..
每日下午4:30PM後至零晨,,
係有炒粉麵飯供應嫁..!
我地食過呢度既星州炒米($28) , 豉椒牛河($28) !
好夠穫氣!!!!!
熱辣辣!!!! 又多料喎...
好似好過食佢D湯粉麵!!
講真味精梗有嫁啦..
但都可以接受~
以$28一碟少粉麵..
佢仲每碟送一杯豆漿添~
真係幾抵!!

同一班舊同事食飯..
見未夠鐘..一齊去左food court傾吓計先~
正值食飯時間, 霸住張枱唔食野..好似唔知點咁..
怕俾人眼超超~
所以, 4個人~買左2客餃子(12隻) 試吓~
買完都等左10分鐘度先有得食~
果樣係唔錯~點埋跟上既汁(應該純粹係豉油)~!都幾好味~
但同行友人就話咸左d~
講真果句~以$20~6隻~唔係好抵~
因為食食吓..覺得個味好似“公仔點心”既”日式餃子”咁..
算吧啦~~試過就算!!
應該都唔會再有下次…

２５/1/2008 (fri)
同一班舊同事黎聚會~一行5人!
叫左一個4人餐($ 438 )
包括: 拼盤(牛油雞亦, 青木瓜沙律, 豬頸肉米紙卷) , 玉子豆腐肉碎湯,
咖哩大蝦, 蒜容炒什菜, 黑椒牛仔粒, 泰式燒雞, 欖菜炒飯
另外再加左[泰式炒金邊粉, 串燒雞肉半打& 炸蝦餅]
D”食送”上得好快~好彩waitress諙幫我地hold住d野~
樣樣野都唔錯, 幾好味~
青木瓜沙律叫左小辣,不過都仲係好辣!
豆腐湯很清甜~
咖啡大蝦隻蝦真係好大隻~不過蝦肉唔夠彈牙.有待改進!
我覺得全餐飯最差既應該係個”炒飯”!!
d飯一舊舊, 又冇味, 賣相又唔得(黑色!!!) 所以大家食左少少就冇食lu~
(另因為已經好飽~哈哈~)
總結: 很好味同愉快既一餐! 可以encore~~~~~
Total 5人: $ 659
在此祝一個朋友新婚快樂~年生貴子!! XD
多謝晒你呢餐飯!!

19-1-2008
同honey & 佢媽咪去新都城買野~
見肚餓就食埋dinner先走~
行左幾間都唔啱心水..
結果行左過黎一期呢邊..
一黎到..
點解唔同晒樣既..
以前我&honey成日同屋企人黎食lunch~
相信依家應該係轉左老闆~所以裝左修~
連名都改埋~
叫左4樣野~
羌沖魚雲煲($48): 佢好似係叫客飯..不過好得意..叫小菜係係飯跟~要另加$6先有白飯同另湯!我地冇加到..
個味都ok~份量都足~不過略嫌唔夠沖香~
豆腐火腩飯($30): 個飯都叫ok大碟~一貫茶餐廳味道~不過不失!
雲南米線<肥牛+雲ton(小辣)> ($25): 碗野一上枱都幾吸引~因為ok大碗~小辣已經幾辣下..不過佢既辣好明顯只係落左辣椒油落去..只得辣而不香.
幸好肥牛灼得唔太老..但有一舊竟然係根~食唔到!雲ton都ok大粒~不過唔夠彈牙!
炸兩($16): 見好耐冇食所以叫..腸粉普普通通~不太淋但未叫好好~反而包住既油炸鬼就好脆~應該係包之前番炸過~都叫ok既.
3個人食左$119~
唔叫平~唔叫貴~
味道就不過不失啦!
下次都係試下其他餐廳~

23/12/2007
今日既lunch~同honey 都想食pizza~
不過又唔想去食pizza hut ,
所以去左買pizza box 自取~
依家有優惠~
外賣自取一個大pizza +小食一客=全單半價
所以叫左一個超級多寶大批($132) + 一個小食”炸薯波”($24)= 半價後>$78
個pizza 一睇個樣已經覺得好吸引~好多料~
個薯波就似乎差左d~點埋茄汁都冇乜味~
開頭食個pizza 好好味~
不過食食下就開始有d滯~
同埋食食吓覺得唔好食~
好似有d似食香口膠咁既感覺~
講到抵>都好似pizza hut好食d~
不過佢又真係平過pizza hut 好多~

2008年1月12日
今日同honey陪嫲嫲0係西貢覆完診~
就去左呢度飲茶~
唔知點解~次次0係西貢飲茶都係去呢度~?!?
可能價錢相而掛~
今日例牌都係食燒賣,腸粉,牛柏葉, 煎魚餅咁..~
後來唸唸下…我好似好耐冇食茶樓既”盅頭飯”~
所以叫左2盅.
一盅“鳳爪排骨’”..同埋我既至愛“窩蛋牛肉”!
呢度真係俾隻生雞蛋我自己打落d飯度嫁!
正! (雖然好似唔係好衛生!哈)
因為太正..所以唔記得左影相~
剩係影左鳳爪排骨飯!
都ok好食既~~
不過唔知係咪個盅太大..
食食吓開始覺得個底d飯好硬!!
老人家真係會食唔到!
最後由我同honey呢D後生仔女攪掂埋~
OVERALL , 都OK既~
又有無敵海景附送!想點?
香港人就係最恨有海景VIEW咋嗎!

08年1月5日
以前honey 0係旺角番工~
成日都黎食lunch~貪佢抵食~
後黎帶左我去試~
下午2:30 至6:00 叫午餐(平均$25-35蚊度)
一律可以減$5 蚊~仲有野飲添~好抵~
呢日honey叫左個“燒汁磨姑牛柳飯”+ “菠羅珍珠特飲”(減$5後= $30 )
我就叫左個“焗芝士tuna魚豬扒意粉”+ “青萍果珍珠奶茶”(減$5後= $23)
因為果時已經5點幾…
唔太多人…得幾枱~
所以等左唔洗10分鐘d野就黎啦~
Honey個牛柳好淋~一d 都唔”un”!
我個意粉都焗得好香好靚~不過唔知點解食極都好似唔係好覺有tuna魚咁..
2杯野飲都好好飲~唔太甜~
以咁既價錢有得飲又有得食都唔錯~
又坐得舒服~好過去茶餐廳0既~!
2007年12月24日平安夜~ ok~
呢晚同honey & 另外2個friend 去左呢度唱k~
咁多年一直都去開neway~
然而, 亦發覺食物既質素不斷咁提升!
宵夜時段~叫左個小食套餐~
好似$100 可揀5樣!
揀左“咸魚雞粒少飯”, “椒鹽炸豆腐”, “焗肉醬闊條麵”, “芝士焗田螺”,& “炸魚薯條”! 另外叫左1碟“三文魚壽司“, &一碟“TUNA魚壽司”
樣樣野都幾好食~
最驚喜既應該係壽司~
冇唸過唱K既壽司都可以咁OK~
好似6蚊一碟~真係抵~
下次試埋其他日式小食先~
因為果晚平安夜~所以比平時貴~
剩人頭費都要$178~
最後埋單$230一位~ (朋友識人~D野食簽左單~)
都叫OK既~