是晚提早同爸爸食生日飯.
食泰菜, 當然首選九龍城!
但由於同父母前來, 環境不能太差.
所以決定黎籽苗葉試試.

預早已經訂好位, 一行6人, 被安排坐一張圓枱~
餐廳星期一至五有8折, 星期六日有85折 (套餐都有得折, 但蟹類就冇折扣)

叫了
小食拼盤 ($145)
有春卷, 香葉包雞, 蝦餅, 魚餅, 每款3件 (全部一開二) , 適合多人分享~
熱辣辣, 好香口.  

蝦醬通菜鮮尤 ($62)
一上枱已經好香陣陣蝦醬味. 但又唔會太咸

青芒果沙律($50)
D青芒果切成一條條, 好爽口, 酸酸辣辣,正.

酸辣去骨鳳爪 ($50)
又一酸辣菜式, 凍凍地, 好食, 但如果可以林D會更好.

炸軟報蟹 ($108)
炸蒜味好香, 即叫即炸, 熱辣辣, 一碟有8至9件

咖哩炒蟹 ($218 冇得折)
呢樣餸最快上枱, 應該係煮定...
但幸好都夠熱, 係肉蟹一大隻, 6人分享, 剛好每人一件.
個汁好好食, 唔太辣, 好香, 另外仲點了蒜容包($24 = 6件)同簿餅($24=6塊) 點汁食.

甜酸炒金邊粉 ($52)
有好多雞肉同蛋絲. 算係好足料.

飲品買一送一 (約$34)

最後, 當然係食生日蛋糕.
訂位時, 已經問左, 切蛋糕不收切餅費 !
侍應亦主動幫我地清枱, 同埋俾碟同义我地.
仲一人附上一杯熱茶.

服務好好.
最後, 大家都好滿意呢一餐. 有下次~

埋單: $8XX = 6人

又到生日月, 好姊妹同我食生日飯, 就決定左黎呢度.
每次行過, 都被裝修所吸引, 好有日本居酒屋feel~

好姊妹預先訂位, 訂了6時半, 但需於8時15分交枱!

3人行, 被安排坐一張4人正方枱, 都算坐得舒服.

點了多款食物一同分享:

一杯沙律 ($60)menu內冇寫明有咩配料, 即管試試.
一枱眼前一大碟生菜, 有炸櫻花蝦, 及炸麵.
醬汁係日式醬汁, 生菜都新鮮, 唔錯.

蟹肉牛油果卷($86)青bb既顏色, 好吸引~ 但食落略嫌冇乜牛油果同蟹肉味~
似食緊普通既太卷~

雞肉京蔥串 ($20) d蔥好香口, 不過雞肉冇乜味
燒牛舌($28) 牛舌好林, 啱我, 但似乎冇左牛舌的內臟味....
燒翠肉瓜($20)  & 燒冬姑($18) 正常水準, 唔太乾, ok好食.
 
凍喬麥麵 ($50)
呢個麵出奇地好食, 平時多數係食puffet時, 一杯杯上, 今次係一大碟, 爽口, 唔似puffet 果d, 又林又粉

鐵板尤魚炒麵 ($58)穫氣唔夠, 冇果種熱辣辣既感覺. 未知係咪等左好耐先上枱.

大阪燒餅 二品($75)揀左兩款配料, 豚肉同蝦仁.
蝦仁夠大粒, 絕對唔係蝦米~
但略嫌個餅太濕, 太流質, 如果再煎乾身d會更好.

每人仲叫了一杯燒酌 ($42) , 不過不失.

總結, 環境好有日本feel, 但如此價錢, 食物質素可以更好, 更有驚喜.

最後, 都要多謝我兩位好姊妹每年都同我慶祝生日, 一路有你們真好~

是日晚餐去左大食代解決.
買左韓國野既<泡菜豬肉湯配白飯> $48

俾完錢, 要等十分鐘先有得拎.
望落個樣都OK好食. 個湯熱辣辣, 好吸引.

但食食吓, 發覺湯入面, 豆腐+泡菜 同豬肉既比例係4:1

食晒成個湯, 豬肉得3小舊 ( 5蚊硬幣大小小)

我知百物謄貴, 但未免太`姑寒`了....

睇黎都唔會再幫襯了.

是日慶祝好姊妹生日, 揀左黎呢度食生日飯.
預先訂了枱, 6:30pm 到達. 已經有3枱客人.
之前睇食評已經知道, 大酒桶要6人先可以坐, 所以冇特別要求.
但到達後, 竟然被安排坐木桶位置~ 真係超開心, 
不過交換條件係8:30pm交枱, 或者轉番去其他枱.
趁仲係happy hour 時間有特價, 先黎每人一杯0.5l 啤酒.($55一杯)
個牌子好似同平時飲開果d唔同. 不過anyway, 都ok.
另外, 叫了3樣野share:
Fass Platter (approx. $190) 
呢個拼盤乜都有D, 唔同既腸, 肉丸, 仲有芝士.
呢個拼盤絕對係送酒良物.
豬手 ($198) 
食德國菜點少得豬手.
份量都唔少, 3個人, 每人都有3-4件.
味道唔太鹹, 剛剛好. 不過個皮有D脆有D唔脆.
相反,伴碟既薯蓉好滑, 酸椰菜亦唔太酸~ 好食.
紅酒牛尾($190) 
最後係紅酒牛尾.
每件都細細件, 啱晒女仕食.
份量都OK多. 個汁配薯蓉一流~!
坐坐吓, 發覺已經過左8:30PM, 可能人客唔多, 都冇要求我地交枱.
最後, 仲坐到十點last order~
呢度環境靜靜地, 約會傾計真係好啱~

星期六, 下午1時多黎到程班長, 發覺竟然要等位.
幸好等了大約5分鐘, 就被安排入座.
由於都係工廈內食肆. 地方淺窄, 所以都唔係坐得太舒服.

呢度係半自助型式, 先到收銀處點菜, 再拿號碼牌回到為座位.
美食就會有服務員送上.

發覺當中有2,3位侍應講普通話的~真係好似過左台灣咁.

等了大約6,7分鐘,
美食就黎了.
先黎係
肉燥飯 ($25)每次都台灣夜市都必食的.
份量唔太多, 對於女仕就剛剛好了.
個汁好燶, 送飯一流.
不過食到碗抵, 發覺好多油.
台式鹵水拼 ($20)當中有海帶,豆干,黑輪
有少少辣, 味道尚可, 但始終唔及潮洲鹵水燶味~

紅燒牛肉麵 ($45)一睇就知正, 麵條係闊麵, 平時香港D麵店好少見.
湯夠燶. 牛肉都好入味, 不過如果可以再"林"D 就更好.

牛肉捲餅 ($28)聽聞星期一至五要下午茶時段先供應. 可能今日星期六, 1時多都已經有得食.
捲餅係即叫即做, 都等左十多分鐘先上枱.
熱辣辣, D蔥味好香, 不過因為個醬汁既關係, 食落好似食緊片皮鴨咁.

另外仲叫左冬瓜茶飲.
真係好有台灣味道~
會encore!!!!

早前申請了免費的VIP卡, 每逢紀念日都會胉送免費肉眼扒一客.
但呢個世界, 當然冇免費什餐~
要食滿$300 先用得, 個免費扒亦要收加一服務費

安排坐了4人卡座, 但冷氣嚴重不足, 就算我倆已經飲埋啤酒, 依然熱到出汗.

** 開業XX周年優惠, 啤酒買一送一 **

結果又再換位. 幸好, 侍應都很有禮拜, 沒有顯出不耐煩樣子.

2人吃了:
免費肉眼扒(送沙律) , 和牛扒, 炸尤魚, 爆谷蝦.      

炸物熱辣辣, 好香口, 送酒一流~
但扒方面, 質素好似差左...
冇以前一入口, 會覺得好好食既感覺.

總結: 下年再有免費扒時, 都冇乜興趣再食, 始終扒既質素已經冇左驚喜.....

轉眼間, 成為人妻已經一年.
慶祝紙婚紀念日, 決定到馬交行吓食吓

下午時份, 去到新馬路, 先到餐廳訂坐.
幸好, 即日訂坐都訂到位

晚上7時, 準時入坐, 我地坐於地下, 當時餐廳只有一枱客

但過了半小時, 竟然全場滿坐

2個人, 唔太肚餓, 佐樣樣都想試,
叫了
SANGRIA (SMALL)每人分到大約2杯.
生果味唔夠重, 如果果味再濃D會更好.

八爪魚沙律 八爪魚煙煙UN UN, 再加埋D菜絲, 好爽口.

燒葡國腸葡國腸其實有D似腊腸, 咸咸香香, 送酒一樓~

非洲雞一上枱見到的, 係類似佈醬的物體~哈哈~
起初以為係雞扒, 但原本係半隻雞, 有埋骨的~
個汁酸酸辣辣, 好野味~ 而雞肉亦都幾滑~

焗鴨飯大鄉里既我, 起初以為得面頭果幾件鴨肉, 但原來飯入面, 有好多鴨肉的.
每啖飯都有鴨肉既香味~正~
由於已經好飽, 結果食左好耐先食得晒~

埋單HK$617
環境靜靜地, 食得好舒服.
如果香港都有如此好食同環境好的葡國餐廳就好了~

又到大閘蟹季節.
眼見不同團購網都有好多大閘蟹團購.
終於決定訂幾隻同朋友一齊試吓.

今次一共訂左4隻, 每隻$56 (4兩至4兩半)
去拎蟹既時候,隻隻都眼仔碌碌.

隨蟹附送蟹醋一枝, 仲有紫蘇葉同薑茶~

拎住D蟹, 行左2,3個鐘先番屋企.
再望望, 依然眼仔碌碌.

再睇番說明, 原來蒸大閘蟹真係好簡單~ 

講番隻蟹, 隻隻都有膏~ 雖然唔叫好多, 但都算OK了. 

畢竟年紀唔小, 不能承受太多膽固醇

食完已經心郁郁想再訂~

   
辛苦工作了一星期, 終於又到weekend.
是日陽光普照~ 相約了老友到赤柱游水~

老友未到~先同老公仔到赤柱大街食個lunch~
去番之前去過的ocean bay.

由於outdoor 太曬, 都係坐indoor 比較好~

每人叫了一個set lunch, 包一杯啤酒~ $128
感覺上幾抵~

但可惜份量比之前少了, 是否因為成本上升關係?
幸好味道還OK.

薯條熱辣辣好脆~! 魚亦都係新鮮即炸~亦唔會油淋淋~!
而肉眼扒都好好食, 我地要5成熟~ 都做得到..!!牛味亦唔錯~

不過...食完成碟野, 飲埋杯啤酒, 有d唔夠飽的感覺~

不過overall 都幾好食~!!有下次~~

    
是日happy friday, 相約舊同事食個晚飯吹吹水~
到達鑽石山大約7時正~

本來舊同事想食don don 屋, 但可惜7時已經要拎飛等位.

行去別府望望, 竟然唔洗等..直入..!

是日有特價燒三文魚頭~ 好似$18定$28 真係好抵~!

另外仲叫左牛肉粒, 豚肉紙火鍋,燒牛舌&吞拿魚卷.

牛肉粒雖然唔係咩和牛, 但都好林, 醬汁亦幾好味.
豚肉紙火鍋好特別, 仲要價錢唔貴~! 值得一試.
但個爐用酒精點火, 就略嫌有D刺鼻.....
燒牛舌又係抵食之作! 爽口彈牙!
個吞拿魚卷真係超大舊飯~ 勁飽肚~!

吹吓水咁就坐左3個鐘~
侍應冇吹我地埋單, 亦都有加茶, 服務唔錯~