****26-7-2008***
夜晚同屋企人黎左藍田食飯~
食泰國野..估唔到泰國人已經進佔藍田呢d小社區!
佢地之前食過~我就第一次黎~
價錢都唔叫好貴~
我地一行7人~
叫左一個2人餐 ($140)
大致上有~ 冬蔭功湯 , 炒飯, 炒通菜, 2杯飲品
另加左
炒金邊粉 ($3x) = 好乾身,不過冇乜味!
泰式炒雜菜($44) = 都幾大碟,幾香,不過唯獨d栗米芯酸既...變壞左!
串燒雞(半打)($42) = 幾林~不過細妹話似炸多過燒喎.
炸蝦餅 ($?) = 幾大舊~不過略嫌唔夠實,唔夠彈牙!
魚餅($?) = 同平時食開, 扁身既好唔同! 冇咁好食~林bad bad咁!!
青咖哩雞 ($3x) = protion比較細~,汁香,但比一般青咖哩為辣~撈飯都ok既..
薄餅 ($?) = 冇咩特別~
total 7人: = $383!
都ok抵食!
但我就都係覺得九龍城果d好食d!

放工過左中環.
本身唸住同honey搵勝芳園同九記~
可惜~
搵到時已經7時05分~勝芳園已經洗緊地...
唯有過對面完成餘下既使命~
7點多少少...舖內滿晒咁滯~
好彩近門口處有張枱仲有2個位..
就拿拿林坐低~
本來想要牛腩河~點知話賣晒~
最後叫左一人一碗"牛腩伊"!($27)
我地坐低叫完野...
門口就開始有一條廿幾人既人龍啦~~
真係好彩行得快姐..
如果唔係就要等...!!!
等左3分鐘度就有得食.
果然~碗野真係幾細碗吓~
湯- - 真係幾清!!味精不多...吃時冇口乾既感覺~不過食飽就後..就有d覺啦~
伊麵 - - 唔會煮到林bad bad~煙煙un un~唔錯!
牛腩 - - 好林! honey話佢係用新鮮牛腩,唔係雪藏喎~
雖然係有少少名大於實!
不過佢又真係幾好食既!!!
但對於我地唔係住果頭...特登去食...就未必有下次了!

p.s. 7點15pm至8:30pm係清潔時間 (*查實係老闆同員工食飯!!!)
呢段時間唔做生意的~
大家記緊留意啦~
如果唔係去到要等成個鐘就唔好啦~ : p

***5-7-2008***
同男友去完石澳游水..
渣車番過九龍~
本來唸住番屋企叫PIZZA~
點知經過巧明街..見到呢度有得打邊爐.
仲要好似好平..
所以就停低車..決定一試.
老闆仲叫我地張架車泊入停車場.唔收錢~GD~
呢度日頭係食堂黎既.
我自己0係九龍灣番工..所以真係未黎過..
9時多..都有十枱度.
叫左蕃茄薯仔湯底.
大路既丸都有.不過當然冇我最愛既"芝士丸"啦...咁貴..任食一定冇的.
肥牛, 魚皮餃 , 冬姑,菜,鵝腸,炸魚皮,牛柏葉 etc...
都幾多款式~ 仲有d 小食拎. 不過我地冇食.
可樂 , 橙汁 , 酸梅湯 任飲~
我地2個人..埋單$128~
真係抵! 旺角一定冇咁平~ 仲要勁嘈勁多人..
呢度唔多人...又有plasma電視睇~真係幾好!
依家買"食送"貴呀..
打邊爐...都係出街打抵d!!!
一定會再黎!!!!!

p.s.
唔知係咪老闆在場..
d俄應個個都好勤力.
不時問你d野要唔要...?!洗唔洗加湯咁!!
服務真係一流!

****6-7-2008****
家住西貢.
細個又0係西貢番學.
其實成日都黎食.
但一直都冇寫食評.
呢晚同屋企黎左食飯.
叫左幾個客飯套餐.
椒鹽骨 - - 好香好脆好夠味!
魚香茄子煲 - - 雖然油左d~ 不過辣辣地~撈飯一流!
豆腐班腩煲 - - 幾好!
6只雞腳 - - 好"林"! 個沙薑蓉好正~拍得住HONEY整果個!
鹽焗雞飯 - - 份量足 ,飯又夠多.. 好似$30 ~抵食!
每個客飯餐仲有例湯送添~GD!
TOTAL 5個人~埋單$170
幾抵呢~~~

****16-7-2008****

剪頭髮前..
見有d肚餓
就同細妹搵野食.
7時多...呢度竟然坐滿晒~
眼見人人都一碗麵..
真係咁好食?!?!
我同細妹都唔食豬潤.
所以叫 牛通 ($20) + 咖央西多 ($11)~
碗粉一上枱~只覺得好油..
湯底 - - 應該係用牛骨豬骨煲既...個味有d似韓色既牛肉湯!
通粉 - - -一般通粉而已~
牛肉 - - 出名係豬潤牛麵..咁唸住d牛唔會差啦..
但出乎意料~唔得囉...d牛肉勁"un". 仲衰過自己煮~
咖央西多反而幾好~
熱辣辣~即叫即炸~不過因為炸~都幾油!!
咖央都幾甜!!!
咖央西多可以encore...牛通?!?!咪攪!!!!

****16-7-2008****
今晚同honey 食宵夜..
唸起好多人話呢度d麵正~
所以黎左試.
去左呢間 (應該係新開既分店)~
10時多.店內都坐滿8成人..
叫左碗雲吞麵($17) 試吓.
湯 - - 都係一般蝦殼煲既...不過好似有d"簡"水味..
麵 - - 如果係出色既..係咪應該彈牙呢?但我地又唔多覺喎..
雲吞 - - size 正常啦..但蝦唔夠大粒..
總括普通啦~
未見驚喜!!
反而辣椒油幾好~夠香又夠辣!!

琴日同男友去進行一年一度既下水禮.
見未夠鐘. 見有間大快活..入去食d野.
之前食過個"阿活咖哩豬扒飯"~
但原來已經沒有了!
得番d >> "點都唔落系列!!!"
代言人換左....連d菜色都換埋!!
雖然有咖哩牛腩同雞選擇~
但最後都冇揀..
揀左我鍾意食既.." 肉醬意粉"! ($27 ) + $4 飲可樂 ~ share~
$31蚊黎講...其實都唔叫平...
但係碟意粉既份量真係幾小!!
連d意粉都好似特別幼咁既....
不過幸好....味道都叫ok~~
反而杯可樂d味怪怪地...
冇左"阿活咖哩豬扒飯"~
又少一個去大快活食野既理由lu....

***4-6-2008***
平時唔會食剩野既我...
今次都要破例了!
放學後與男友去左APM.
見都唔知食咩好~男友又唔肚餓~
所以去左food court搵野食.
起初唸住食摩斯漢堡!
但見呢間"九里香"新開張~
又有我鍾意既鹽酥雞扒~
所以就試左!
叫左個鹽酥雞扒拼肉燥飯($41)~可樂走冰!
果時十點幾~應該都就close~
客唔多...但都等左成十分鐘先有得食~
一上枱~個飯真係幾靚~
但原來真係個樣呃得下人!!!
雞扒係即炸~熱辣辣!
我怕熱氣~所以先食肉燥~
一入口....好甜...甜到完全冇咸味!
失望呢.....雖然白飯用上日本既珍珠米!
但都補唔番!!
再試雞扒~
個樣好似好脆,,但實質係唔脆的!
話明鹽酥~但表面冇咸味..連d肉都冇味的!
真懷疑佢有冇醃過d雞扒!
原來男友話....見到個counter staff 臨出個飯前..
只在雞扒上灑些少鹽..
唔怪得之冇味啦.....
冇味又唔脆既鹽酥雞真係好難食!!!
可樂走冰~所以俾少左好多可樂我...
要冰既一定添到滿!
走冰~得番7分滿~
真係肉酸!!!其他地方好少係咁的..
卒之....個飯都係食唔晒!!!
浪費食物...唉.....
男友都叫我食摩斯嫁啦...
正所謂....
"不聽男友言,吃虧在眼前!!"
真係冇錯~
又唔平又唔好食!!
冇下次了!!!

6-6-2008
今晚公司0係度食飯.
安排左坐房~
環境同招呼都幾好~
不過上菜就唔係好跟菜單啦..
有少少亂左次序!
講番食物先..
我地係食全包宴既...好似$5200一圍~
D名唔係好記得...
大約有
<鍾家4小碟>( 燒鵝,X燒,拍青瓜,海哲) : 其實都似燒味拚盤,只不過分開4個碟上姐...
X燒係半肥瘦,個汁同一般酒樓既有D唔同,好似冇咁甜., 燒鵝上枱時,D皮仲係脆的..正! 拍青瓜很爽身,海哲就冇咩特別
<鮑汁日本本菇玉掌> : 玉掌整得幾"林"，本菇反而唔林，變相有ｄ咬口，幾好～
<蛋白龍蝦球>：上枱時，真係氣勢十足，成隻龍蝦擺上枱,個侍應好似話呢味菜叫＊踏雪尋梅＊～個名真係靚．．呢味菜比較清同啖口，正好突顯龍蝦味～
<龍蝦泡飯>：　坦白講．．．對於我呢Ｄ怕”醒”既黎講．．．真係好”醒”吓．．要落大量”言西”同蔥先得．．．泡飯係米＋飯焦兩種，Ｄ飯焦太硬，食到我”痴”晒牙！！
＜竹笙翅＞：一般酒樓水準．．
<蜂巢海鮮卷>：個型狀好似雪榚筒咁．．幾得意．．亦夠脆身．不過Ｄ料全部都係一粒粒，同行同事都話食唔到有海鮮囉．反而Ｄ西芹洋蔥就好明顯！
<石榴雞＞：　外表樣貌同一般炸子胏冇分別．只不過有個石榴汁點吓咁．．
個汁酸酸地．．都幾得意．．
＜遼參帶子＞：用脆玉瓜去炒，遼參同帶子都好彈牙，不過唔太特別囉．
＜雜菌菜苗＞：全晚最大碟，不過本人覺得最差，菜苗其實係Ａ菜，只係炒埋一碟，再用Ｄ湯浸住．．仲衰過大排檔煮果Ｄ．．
＜甜品：楊姿甘露＞：都係一般糖水舖質素～
＜壽飽＞：蓮容做料～唔太甜．都ＯＫ．
．．
有於公司食飯．．唔洗錢～～
總結黎講．．都ＯＫ～
服務都唔錯～雖然位置遠Ｄ．．不過都幾啱公司請客，食飯嫁．．～
Ｐ．Ｓ　呢度係ｏｐｅｎ　ｋｉｔｃｈｅｎ．．
成個廚房一目了然～哈哈～

3-6-2008
番學之前落暴雨...
同honey 2個慘變落湯雞.
放學後...去九龍城食好野..
當氹番自己嗎!
又去左昌發.
今次叫左一個<<海南雞飯>> $28 & 一個 <<鮮蝦炒金邊粉>> $32
等左一陣d野就黎啦~
<<海南雞假>> .可能話晒係泰式啦..
飯唔係好油! 雞好林...一d都唔un..
最出色既應該係佢個醬!用黎點雞真係一流!
酸酸地.又唔太辣!!!正~~好開胃!!
<<鮮蝦炒金邊粉>> . 一上枱..已經覺得個賣相好靚!
仲有青檸俾你! 酸酸咸咸咁...又係開胃之作!
粉尚算炒得唔錯~不過都有d "chi" 埋左一舊!
蝦...一定係急凍貨嫁啦~不過都好彈牙~!
仲有埋水俾你飲!
又有泰國電視劇睇!
攪到好似去左泰國咁...哈哈~~~