睇到之前好多好評, 見到D相都好OK, 就訂個位去試下啦~見佢價錢唔貴~
我上網睇左佢既MENU 係咁既~去到原來加左價, 已經去到448 + 10%
兜左圈...其實真係唔係太多野食...我個圈仲要見唔到生蠔...
原來REFILL緊...
講下食物... 生蠔... 都幾瘦下...味道普通之前食評話既蟹腳...一隻都冇...
得一盤有D蝦同青口既野...
不過味道都係麻麻...
日式食物有魚生同壽司, 壽司有D都還可以, 但之前食評講到好好食個舊辣辣地個魚蓉, 就肯定唔係講咁好食, 太咸刺身方面, 冇之前人地影相咁多款, 我今日只見到吞拿魚, 三文魚, 北寄貝, 蝦同埋希靈魚。
吞拿魚食落係有渣...完全唔掂, 我唔食希靈魚, 所以唔知咩味, 其他幾款就正常...佢仲有一碟碟日式小食個D, 亦都冇人地所POST既魚生...
只係有豆腐, 菠菜牛油果, 小丸子, 烏冬呢D野...
人地話食食下, D 侍應會拎D熱食黎SERVE你~
我食左PIZZA, 一般,
有見到天婦羅同雞串,
講起就嬲,
其實今日真係唔多人食, 得個8枱人, 加埋大約24人左右,
其實天婦羅呢類食物都受歡迎,
佢拎出黎SERVE個陣, 可以拎得4-6 隻,
明明佢順時針行緊黎,
結果俾其他枱截左兩次糊都食唔到,
要另外再問侍應仲有冇,
雞串直頭冇食過...
雖然好期待個天婦羅...佢真係冇乜油...但其實都唔係真係好出色跟住到主菜,
我叫左SEA BASS
反而呢味我覺得OK~
特別係個蜆好鮮味另一份主菜我老公揀左鴨胸, 佢話可以...
我個人黎講就覺得蘇左D..食飽到甜品...
失望到極點...
睇左之前既POST都係好靚...
我地今日食個個... 真係唔得...樣唔得, 味都唔得...呢個價錢呢D食物...真係唔會有下次...
俾多二百幾...HUGO 的BRUNCH 出色好多...

灣仔附近返學，之前已經諗住黎試，
下雨的星期六一個人去吃吧...
星期六有LUNCH SET，價錢不平，平均都7-80蚊
見呢D出名係豬扒...
叫左個滑蛋豬扒飯...個賣相唔錯...
食落...LAI 晒野...
下面D飯...汁太多...味道亦頗甜...
蛋就更加唔好講了...完全冇蛋香
輪到出名既豬扒了...
好脆...
但亦都好油...
豬扒冇味...肉質亦都唔好...
最後仲要食淨兩件...

其實本身都中意幫襯小店...
咁樣一個豬扒飯都要7-80蚊...
先兩日係TONKICHI度食個SET LUNCH 豐富得多...
都係100蚊多D...
小店都係要好好努力...

昨天1:30去等位, 5分鐘已經有位...
我同老公一人叫一個,
我叫左赤丸, 老公叫左雞湯拉麵另外叫左個餃子

我叫左硬麵, 老公叫左普通
硬麵唔算好硬, 老公話佢普通個個麵度都係硬, 唔知有咩分別,
湯底方面, 我個個真係好鬼油...亦唔覺特別好飲...可能我真係唔識欣賞

餃子細粒食落口都唔覺得特別...

呢度D份量係勁少, 食完每人成100蚊都唔緊要, 之後仲要去老麥填飽個肚...
好老實講, 唔覺得特別到咁...
亦唔會再有下一次...

同一日先係肥高中伏...
食唔飽要轉埸,
友人話不如打冷
真係求其底下搵...又中招...

豬紅...
叫做有D味...
不過好懷疑佢係咪豬紅...
食落好硬...
友人話雞紅先會咁硬...
之前食過陵發...呢度真係差九皮...

呢碟野收90蚊...
又貴又唔好食...
一上個陣...友人仲話有陣佳寶既丸味...
好得人驚...
鵝肉又鞋...又冇滷水味...

呢個蠔餅都唔見得好食...
油麻地個邊都比佢做得好....

呢間野...都唔會再有下次...

同班朋友約左係佐敦...
見到呢度好似都唔錯...
點知...中晒伏...食左半個鐘頭...轉左去第二度再食...
咁既情況, 我都係第一次...好普通既一味鴨舌,
第一碟上,
估唔到...已經係最好食個一碟...蒜泥膀瓜...不過不失...薑汁芥蘭...
一送上黎個陣...以為叫左灼菜...
碟菜又冇咩薑味...
炒菜黎講真係唔係幾掂...沙拉蝦係呢度既皇牌...
最唔掂係呢味囉...
首先...唔知點解個汁多成咁樣...而且係好稀...
跟住係隻蝦...完全係冇味...食完都唔知自己係食緊蝦...呢碟個樣好靚...
SORRY, 都係假象...
塊肉...完全係冇味......
唔明點解可以整到佢冇味...
個D蒜個樣好似好靚...
對唔住...完全唔合格...
D蒜係淋晒...食完係痴牙...
呢碟野仲要收得好舊...但份量係極少...
5個人, 得個7-8小塊...
個碟望落好多...係呀...成隻碟都係蒜蓉丫嘛...搵舊肉睇下都冇...

呢度又貴又唔抵仲要唔好食, 5個女仔...食完呢度...完全唔覺得自己食左野...要轉埸...
好耐都冇食過咁差既野...
點知佐敦區令到我地連中伏兩次......

經常性係呢頭出沒,
已經好久冇黎過呢度食,
當日一家五口黎晚飯...

續樣講講吧~先黎一個冬蔭功,
上黎既時候完全冇野滾住,
我印象中以前唔係咁,
味道幾好,
夠酸又夠辣
不過覺得佢今次油左少少...生蝦都ok...
48蚊有10隻,
不過嫌佢俾得唔夠汁,
一分錢一分貨...
蝦唔算大隻...不過都過得去...味道都幾好...
食左兩樣辣野可以有第二d味中和下...今日既蟹包索價200元...
蟹好細隻加上冇乜肉,
如果係第二類型既配料可能感覺會抵d...
我覺得個包冇以前咁好食了...
特別係個咖哩汁...
以前個味好好多....攪到都冇要食晒佢既意慾...

呢輪都去意八食早餐,
冇加一係吸引既地方,
另外食物亦都比一般快餐店有誠意,
而且價錢同快餐店差唔多,
分分鐘仲平過佢..先睇睇塊包,又厚又大塊...
而且面上面都搽滿左牛油...仲有陣陣蒜香...
焗得好, 因為外脆內軟,
快餐連鎖店論份量同質素,
的確完全比唔上今日叫左炸魚,
上黎既時候有多少後悔,
佢既炸魚油左d...
味道係幾好...
要彈既係...伴碟既翠玉瓜,
佢唔係熱唔係暖...係凍既....
呢下真係接受唔到...

其實黎意八既目的...
係想飲杯咖啡...
不過冇影相...
佢杯咖啡用早餐既質素黎睇...
都算係咁架喇~~

一早已經聽聞呢度D野唔好食,
不過同事死都要去試下,
咁冇計啦...

當日唔係好肚餓,
所以叫左碗牛腩米,望落已經十分唔對路,
個湯點解...會起泡架呢...
D米粉....一食...覺得佢根本係福字米粉囉...
又淋又一PAT PAT
個牛腩...唔淋仲要有陣蘇味...
十個差我俾夠廿個,
極度冇誠意

同事唔比我好,
叫左個乾炒牛河我同事係大男人一個,
呢碟野少到呢...對比下附近食店同樣食品,
人地大碟咁多既...
用湯河去炒河粉....
個味又咸到乜咁...
同事都叫晒救命...

簡單D黎講,
呢間野唔值得幫襯...
好差的一個LUNCH

上班前獨個兒來吃飯...

打開餐牌, 食物選擇好少....拎住個餐牌諗左好耐都唔知食乜好...
其實呢個都同價錢有關係....樣樣野都起碼成4-50蚊以上...
以屯門區LUNCH黎講, 似乎好似都貴左D...
同場發現有幾個內地人坐低望完個餐牌走左...
因為佢地話"少選擇"

左諗右諗...叫左個燒味雙併...
索價51元, 的確係...很貴...
諗住叫D貴D既野可能抵返D...
見佢有乳豬同燒鵝揀...
二話不說點呢兩樣,
點知一講話乳豬...原來係冇既...
轉叫燒肉..老實講, 唔太特別...
亦唔明點解會收到咁貴...
燒鵝都偏肥, 皮又唔脆...冇計...元朗有間天鴻...食完真係將佢再比下去...
燒肉, 皮亦唔夠脆, 肉質唔算好乾就真既...
不過呢個質素, 屯門區酒樓都可能真係比佢做得好...
成碟野最欣賞係左上角個幾條豆,
小小辣味, 好香好惹味...不過只係得幾條..叫左基本上係太興必叫既奶茶...
茶味同奶味都好濃,
理論上應該覺得好好飲...
可能我口味怪異...
我覺得奶味太搶, 奶味真係好香好濃,
不過我個人認為配左落個茶度...
個茶味當堂減低左唔少...
佢唔算係差...只係真係唔係我杯茶O者...

食完聯記, 行過雞旦仔店,
朋友話呢間都好出名
話好脆叫我試下...

我話雞旦仔我食開北角架啵~
佢話...咁你一定覺得呢度麻麻地...

一吃...
夠脆...
不過好甜......
亦吃唔到旦香....
冇想像中既好....
行過唔夠飽又想食下甜野可以買黎試下既...