意八餐廳 (黃大仙)

呢輪都去意八食早餐,
冇加一係吸引既地方,
另外食物亦都比一般快餐店有誠意,
而且價錢同快餐店差唔多,
分分鐘仲平過佢..先睇睇塊包,又厚又大塊...
而且面上面都搽滿左牛油...仲有陣陣蒜香...
焗得好, 因為外脆內軟,
快餐連鎖店論份量同質素,
的確完全比唔上今日叫左炸魚,
上黎既時候有多少後悔,
佢既炸魚油左d...
味道係幾好...
要彈既係...伴碟既翠玉瓜,
佢唔係熱唔係暖...係凍既....
呢下真係接受唔到...

其實黎意八既目的...
係想飲杯咖啡...
不過冇影相...
佢杯咖啡用早餐既質素黎睇...
都算係咁架喇~~

Patisserie Tony Wong (九龍城)

第一次光顧tony wong ...
初初有幾分猶豫...因為...以38蚊一件蛋糕黎講...其實都真係有d貴..仲要size咁細..
不過本住人一世物一世...就買兩件返屋企試下...

先唔講味道,
先講服務...
我見到我前面個位女士買既時候有冰包...
不過我搭巴士既時候開黎睇..我發覺係冇...
唔知係咪要request先有...
點解特別一提...
因為如果有留心左邊個件拿破侖的話..
會發現佢倒塌過...冇錯..因為中間d custard係溶左所以倒塌...
呢度就真係唔係幾細心...
以前光顧過一d蛋糕店係必問你要唔要冰包...
所以住得遠既朋友要注意..

再黎講味道...
揀左cherry napoleon...
味道唔太甜...雖然有一大pat custard...
值得一讚...
最讚係個餅底...
好鬆脆...
脆得黎唔會一叉佢就四分五裂...

後者揀左個hazelnut & chocolate
一望落去面頭一大片朱古力...老公問我點食...
我明白佢問我既意思, 因為一般呢類型款式既蛋糕...
一叉落去塊朱古力係唔會開...繼而下面既野已經扁到一pat...
呢度一叉落去個下有驚喜...
冇以上講既情況...
味道方面兩隻味道都好濃...不過兩種味道好分明...
可能蛋糕太細件既關係...兩個人每人只係食到兩啖...
真係好難會感覺好膩...

整體真係唔錯...至少...下次再經過既時候...我仍然會願意付上38蚊去品嚐

泰好味 (屯門)

經常性係呢頭出沒,
已經好久冇黎過呢度食,
當日一家五口黎晚飯...

續樣講講吧~先黎一個冬蔭功,
上黎既時候完全冇野滾住,
我印象中以前唔係咁,
味道幾好,
夠酸又夠辣
不過覺得佢今次油左少少...生蝦都ok...
48蚊有10隻,
不過嫌佢俾得唔夠汁,
一分錢一分貨...
蝦唔算大隻...不過都過得去...味道都幾好...
食左兩樣辣野可以有第二d味中和下...今日既蟹包索價200元...
蟹好細隻加上冇乜肉,
如果係第二類型既配料可能感覺會抵d...
我覺得個包冇以前咁好食了...
特別係個咖哩汁...
以前個味好好多....攪到都冇要食晒佢既意慾...

太興 (屯門)

上班前獨個兒來吃飯...

打開餐牌, 食物選擇好少....拎住個餐牌諗左好耐都唔知食乜好...
其實呢個都同價錢有關係....樣樣野都起碼成4-50蚊以上...
以屯門區LUNCH黎講, 似乎好似都貴左D...
同場發現有幾個內地人坐低望完個餐牌走左...
因為佢地話"少選擇"

左諗右諗...叫左個燒味雙併...
索價51元, 的確係...很貴...
諗住叫D貴D既野可能抵返D...
見佢有乳豬同燒鵝揀...
二話不說點呢兩樣,
點知一講話乳豬...原來係冇既...
轉叫燒肉..老實講, 唔太特別...
亦唔明點解會收到咁貴...
燒鵝都偏肥, 皮又唔脆...冇計...元朗有間天鴻...食完真係將佢再比下去...
燒肉, 皮亦唔夠脆, 肉質唔算好乾就真既...
不過呢個質素, 屯門區酒樓都可能真係比佢做得好...
成碟野最欣賞係左上角個幾條豆,
小小辣味, 好香好惹味...不過只係得幾條..叫左基本上係太興必叫既奶茶...
茶味同奶味都好濃,
理論上應該覺得好好飲...
可能我口味怪異...
我覺得奶味太搶, 奶味真係好香好濃,
不過我個人認為配左落個茶度...
個茶味當堂減低左唔少...
佢唔算係差...只係真係唔係我杯茶O者...

媽咪雞蛋仔 (紅磡)

食完聯記, 行過雞旦仔店,
朋友話呢間都好出名
話好脆叫我試下...

我話雞旦仔我食開北角架啵~
佢話...咁你一定覺得呢度麻麻地...

一吃...
夠脆...
不過好甜......
亦吃唔到旦香....
冇想像中既好....
行過唔夠飽又想食下甜野可以買黎試下既...