我本身麻麻地鍾意食蠔，就算係只會食少少，不過肥姐蠔餅與其他潮州店蠔餅感覺超唔同，所以一直係肥姐蠔餅店忠實粉絲
第一:肥姐可按要求將蠔餅煎得脆口（落Order時只需說蠔餅脆邊便可）；
第二:靈魂在於秘製辣汁，辣汁味道酸辣香口（味道似係平時食泰國菜既酸辣汁），配合蠔餅及芫茜一齊食簡直一絕；
第三:肥姐人情味重，以前兩個月至少幫襯一次，自從5年前長期返通宵後，需待蝦子餅間中才可買俾我食（因本身住天水圍），但今晚肥姐仲認得我，知我現懷有身孕後仲叮囑我唔好食芫茜因生，超窩心及感動♡

與好友相聚，加上其中一位姐姐生日，由於此食肆只接受Walk-in, 所以特意提早到食肆門口排隊

等位期間，侍應間中攞小食及飲品招呼等位客人享用，包括蔥花薄餅及椒鹽豬扒，未入去食已感受到食肆對客人既誠意及窩心服務，值得一讚

上湯小籠包: 雖然外皮厚薄屬普通水平，但小籠包一放入口，咬落去時肉汁充溢了整個口腔，當堂感到非常滿足，值得推介

椰子竹笙燉雲吞雞湯: 味道清甜，不過雲吞味道偏淡，由於燉湯以紫砂燉盅上枱，所以有保溫作用，非常窩心

鍋塔豆腐: 炸完豆腐咬落仍非常香滑，外皮醬汁偏甜，不過都好好食

雞絲粉皮: 香濃麻醬味，內餡仲有青瓜絲，咬落清爽美味，正

蔥花薄餅: 皮薄多蔥美味可口，並附上味道似咖哩既醬汁，感覺唔錯

蜜汁火腿: 配薄饅頭+香脆腐皮夾埋一齊食，咬落好有口感及美味

麻醬腐皮卷+自製千層水晶肉: 味道一般

香蕉高力豆沙及香芋鍋餅: 味道普通，略嫌鍋餅個皮厚左D

唯一美中不足係試食時發覺椒鹽豬扒太好食，所以諗住入食肆時叫黎食，誰不知餐牌並無以上菜式，侍應話只限試食，希望食肆考慮將椒鹽豬扒放入餐牌內

原本打算搭巴士前試下麥記新出Bagel早餐，誰不知途中見此餐廳有飯糰早餐，好奇心驅使下入左餐廳試試

我一個人叫了吉列沖繩豬柳三文治飯糰早餐（包飲品），飯糰主要用紫菜包餡，餡料分別有一層飯、吉列豬柳、厚厚既炒蛋及配有千島及沙律醬既生菜，所以非常足料，侍應捧餐時並附上一對膠手套，方便客人進食，非常貼心，飯糰配上各餡料及醬汁味道非常夾及美味，又夠飽肚，有機會大家都可以試試

由於現今身體欠佳，不方便到遠處聚餐，所以好友特意安排於天水圍區聚餐，所以我就揀天盛商場外灘軒食上海菜

雖然店舖不算太大，座位位置稍為逼迫，不過檯櫈款式非常舒適，值得一讚，我們一行3人點了以下菜式:

招牌灌湯小籠包: 皮薄餡足，咬落湯汁已經流晒出黎，建議夾時小心及放上湯匙到食，配姜醋一絕，值得推介

上海炒年糕: 味道唔錯，可以一試

松子榨菜肉末（配叉子燒餅）: 叉子燒餅好香脆及芝麻味，雖然餡料唔覺有松子響裡面，不過配燒餅好好食

菜肉雲吞: 雲吞皮薄，餡料好好味，值得推介

菠蘿咕嚕雞: 雞粒個味好怪，唔知係D肉梅定係雪味，又難食又失望

高力香蕉豆沙: 個皮好香蛋白味，味道唔錯

豆沙窩餅: 個皮同個豆沙餡唔係太夾

雖然整體黎講小菜味道都幾好，不過被兩樣菜式拉低左分數，希望下次有機會試埋其他著名菜式

話說上星期與好友食完太和殿火鍋後，其男友結帳時喜獲$50午市及$100晚市現金券，所以朋友今日下午自行先試太和殿點心（朋友話點心材料新鮮，待本人試完後再寫食評），夜晚與我們結伴試下小菜質素

鹹菜胡椒豬肚湯:味道都ok及足料，不過由於用細煲仔菜裝料及湯，所以每人只可品嘗一小碗，略嫌唔夠喉

脆炸墨魚卷: 美味香口彈牙，墨魚餡是手打，配泰式雞醬一流

銀芽肉絲兩面黃炒麵: 麵餅都算煎得香脆，味道都ok

芥末香蔥牛仔粒: 牛肉粒嫩滑，芥末汁惹味，兩者味道非常夾

沙鍋梅菜扣肉: 驚喜之作，扣肉油而不膩，梅菜配白飯一流

石鍋咸魚雞粒豆腐: 味道ok

雖然小菜款式唔算多，不過味道確實唔錯，重點材料新鮮，原本埋單$700左右，減左$100優惠卷後只需$600，每人平均$150可以食上述美食，埋單時再送$150 coupon, 聽朋友講下午飲茶埋單時已送$150 coupon, 真係抵到爛，大家趁機會快D試下啦

好友帶我地去佢家附近太和殿打邊爐，酒家裝修優雅，內有3間VIP房，聽職員講平日包房最低消費$2000，假期則最低消費$3500，不過酒牌正在申請中

先講講冬瓜盅，冬瓜盅非常足料，只需$168內有雞件、紅棗杞子、花膠等，湯底非常鮮甜，打邊爐前每日先飲兩碗湯滋潤下，食到咁上下仲有專人用餐刀將冬瓜開，非常貼心，值得一讚

象拔蚌: 我地叫左一條象拔蚌，竟可當刺身食，又可以打邊爐，仲有金箔放面，感覺當堂upgrade晒，味道新鮮鮮甜，不過都要成千三蚊，難得一次無所謂啦

雪花牛頸脊: 牛味香濃，非常嫩滑可口，愛牛人士必叫

白鱔片: 師傅刀工好勁，每塊切得好薄，所以煮完食落口感有爽脆感覺，值得一讚

手打蟹籽墨魚滑: 必食之選，味道香濃有口感

即炸響鈴: 上碟時感到香脆唔油膩，唔錯

自製魚皮: 味道都ok

整體黎講呢間酒家無論環境、服務及食物質素都有中上水平，如果我地無叫象拔蚌，其實平均每人大約$200左右，價錢都算ok, 結帳時仲送Coupon, 大家趁機會要試下

P.S. 藉此多謝好友男友請我地食呢餐，我地超唔好意思，亦感到非常感動，由於其男友用信用卡付款，故離席時侍應代為開門時仲貼心講: 黃生慢行，多謝幫襯!

由於此酒樓響屋企附近，所以一直以黎都好想試下D點心，今日終於等到喇＼(^o^)／

先講蝦腸:雖然蝦都幾大隻，但雪味好重，腸粉內仲無故加生菜，味道感到不倫不類

煎薄罉:個皮少少甜，又厚，與平時食開既味道差好遠，一句講晒:難食
鮮蝦菜苗蝦及燒賣:蝦既雪味好重
沙律春卷、棉花雞及山竹牛肉:味道一般

整體黎講，雖然員工服務幾好，但食物質素令本人大失所望，應該未必再幫襯(︶︹︺)

真的好耐無寫過食評，因為真係無遇到一間令我有衝動提筆寫食評既食肆，直至到今日到了《鮨文》……
一直以黎都對呢間食肆充滿好奇，明明價錢響元朗區黎講絕非抵食黎形容，點解會長期好評如潮?竟然好友亦都想試呢間食肆，所以我們預早訂位試下呢間食肆既午餐。
當日中午12點，我們幸運地被侍應安排坐壽司檯前面，並選「廚師發辦壽司（10貫+卷物一條）$250」套餐，包前菜、茶碗蒸蛋、湯及甜品。
先講前菜及茶碗蒸蛋，當日前菜是薯仔沙律配日本生菜，薯仔沙律可能落了輕微辣粉，所以有少少辣味，用日本生菜包住黎食味道唔錯，茶碗蒸蛋亦都好嫩滑香口，正
由於每件壽司需由師傅手握而成，所以切記必須耐心等候，因為等美食是一種享受，如果閣下趕時間就請到大型連鎖壽司店食（因等候過程中有位目不識丁既刁民聲言食法國菜都無咁耐……，又話要食非魚類壽司等）
坐壽司檯的好處，就可以邊食邊欣賞壽司師傅既刀工及用心製作既過程，舉動令人嘆為觀止，好似表演緊魔術咁，每整完一件壽司，師傅會介紹壽司原材料及調味料，並教你特別的食法，材料均是特別食材及新鮮，所以非常鮮味，途中我地見到有其他客人蔥拖羅蓉定食，師傅即時將拖羅砌成蓉，我諗砌左起碼15分鐘，而拖羅蓉多到好似放左成個肉餅落個碗到，每位客人望到都流晒口水，所以下次一定要試
至於湯方面，原本以為是普通麵豉湯，原來是用多條魚骨煮成魚湯，絕無腥味，只有魚香味，值得一讚
甜品方面，侍應更安排了一件來自日本超甜哈密瓜，好好味，所以下次有機會都要試下晚市套餐

今日特意揀薄荷葉幫家人慶祝生日，因透過Openrice見到不少好評，所以決定響呢度食飯。 餐廳設計感覺似泰國芭堤雅既酒吧feel, 出面擺放住暖爐及一直不停播放音樂，所以就算等位期間都不覺得寒冷。 由點菜直至等上菜，等左起碼半個鐘都算，諗住可能慢功出細貨，誰不知第一道冬陰功湯已令人失望，首先上菜時湯只是微暖，真係唔似剛剛煮起，辣味又唔夠，只有青檸酸味，估計落冬陰功醬及辣椒唔夠，味道只屬一般。

併盤方面，味道都算唔錯，不過以4-6人餐黎講，份量真係小得可憐

招牌檸檬魚方面 真係唔覺得特別，好似食評人話齋，將條魚蒸熟後淋上泰式辣汁而已，不過個汁夠香辣，味道都唔錯

萬萬估計唔到碟柚子沙律既然尾二道菜才上，真係匪夷所思，照正常唔需要煮既野應該會快d,味道只是一般
燒豬手方面，既然至少1/3隻豬手燒燶左，仲要隻豬手完全淡然無味，真係差
其實今餐真係一d都唔飽，但我地真係唔敢再散叫其他食物，因為真係等得太耐，況且食物質素方面屬於中下水平，下次唔會再幫襯

平時好少入元朗飲茶，咁啱同蝦子餅響大橋街市買餸，所以就試下響江南美廚酒家飲茶。 酒樓設計分3層，每層茶芥價錢都唔同，一樓每位$6，其餘層數$8，所以我地決定上2樓飲茶。雖然地方比一般酒樓細，但環境寧靜及好舒服，侍應亦可以集中服務，我地2位點了以下點心:

香茜叉燒腸+蟹子燒賣:每份只需$26.8。 香茜叉燒腸: 好難得腸粉皮可以咁超薄及嫩滑，從外面已睇到叉燒內涵，必食推介
蟹籽燒賣: 料足餡靚大大粒，正 雞扎: 每間酒樓雞扎個餡都不同，呢度就用 腐皮包住豬皮，豬肚，火腿粒及冬菇，咬 落湯汁鮮甜，好鐘意呢個配搭。 咖哩蒸魷魚: 味道香濃，咬落爽口，唔錯
鳳爪排骨飯: 雖然價錢只需8.8，但無因此 而偷工減料，質量都好好，絕對抵食
腊味糯米飯: 雖然細細盅，又有臘肉臘腸， 秋冬必選
薑蔥豆卜牛柏葉: 個汁超香濃惹味，牛柏葉 亦好爽口，豆卜吸收晒香濃湯汁，必食之選
越南蝦春卷: 用越南米網紙包製而成，內餡 主要是芹菜及蝦，用料都好足及香脆可口
其實呢間酒樓有豬潤燒賣，不過我地對豬潤麻麻無試到，整體黎講呢間酒樓質素已經有中上程度，價錢都算適中，所以有機會既大家不妨試一試