離開南丫島前，特意去金卷食品買椒鹽白飯魚及肉鬆蛋卷

先講肉鬆蛋卷，個皮好有蛋味及香脆，雖然打開蓋時個樣好似麻麻地（可能運送過程中撞碎），但一咬開就好鬆化，好好食

椒鹽白飯魚份量好足，食落好正，個味好香夠脆，食完一啖，忍唔住再食另一啖，正！！

其實店內仲有其他食品，由於行程關係，唔方便買太多，不過下次一定會試埋其他食品

今日係結婚十週年紀念日，故特意與蝦子餅請假入南丫島行下，順便搵美食，第一站我地決定先去Shelly Cake Express食件cake先

豆腐芝士蛋糕：好有豆味，好香同埋好軟滑，不愧為皇牌
朱古力梳乎尼：個味雖然好香，不過可能焗既時間耐左，所以食落口感似蛋糕
玫瑰咖啡：好香玫瑰花味，值得一讚

雖然店舖細小，但店主誠意十足，所有事情都親力親為，服務亦親切有禮，店外亦有擺賣曲奇，蝴蝶餅等小食，下次有機會一定會再試

透過Openrice，好多人都話呢間土耳其卡巴餐廳好好食，所以決定與蝦子餅試下

入到餐廳，可能時間尚早加上閒日，所以無客響店內用餐，環境清靜好舒服

烤肉大會pizza：薄餅餅底香脆，芝士香濃，就算餡料係全肉，食落感覺唔肥膩，好正呀~~~~~
烤雞串燒卡巴：有兩種醬汁，一種酸乳酪，另一種應該似係鮮蕃茄加辣椒醬，連埋d雞及雜菜入落卡巴內一齊食，真係超好食呀~~~~~
土耳其檸檬特飲：味道酸酸地，不過因為今餐肉類比較多關係，所以味道好夾

整體黎講，味道真的喜出望外，最衰得兩個人食，如果多d人食就可以每樣試d,希望下次試下佢d burger.

今早一收到永升姑媽既消息，開心到叫醒蝦子餅起身借機去飲茶慶祝一番，所以決定去開既海港酒家女飲茶，亦都好好彩，今日係星期六即有位，雖然要搭檯，但人流都唔算好多，而我地兩個點左八款點心：

XO醬炒蘿蔔糕 ：味道普通
黑椒安格斯牛肉粒：黑椒落重手左，不過牛味香濃 ，正~~~~
煙三文魚薯茸酥 ： 好好食，個味好夾
金紗米網腸 ：差左好多，個內饀完全唔香脆，仲要凍冰冰
鳳爪排骨飯 ： 味道普通
鮮蝦菠菜餃 ： 味道普通
蟹肉灌湯餃 ： 好咸，强差人意
沙律蝦角 ： 味道 麻麻 地

今次重臨呢間酒樓飲茶，水準真係差左好多，雖然人手明顯加多左好多，唔會好似以前咁叫天不應，希望好好改善啦

一到門口，已經聽到有韓國人響門口講電話，更加加強了信心，因為連韓國人都幫襯，味道照理應該都比較正统，個一刻真係滿心期待

入到店內，地方好大夠舒服，好可惜由於時間夾唔到關係，未能訂到窗口位望夜景（因需20：20交枱，我地唔想食得太急）

坐低一人齊，侍應已經上八小碟，最終我地三個美女就order一set二人套餐（內有牛肋骨，五花腩，半份生菜及紫蘇葉，牛肉炒粉絲，八爪魚石頭窩飯），另加，豬頸肉，泡菜餅及泡菜豆腐湯

牛肋骨：好香濃牛味，好正~~~
五花腩：味道ok
豬頸肉：好香
以上肉類，無論用生菜或紫蘇葉加韓式辣醬包住黎食，抑或就咁點醬汁及喜馬拉亞山鹽黎食，個味真係一絕，可能d材料靚關係

泡菜餅：個味好香濃，一定要試
泡菜豆腐湯：個味好正宗，夠香辣，加飯食好正
八爪魚石頭窩飯：味道幾好，不過嫌無咩飯焦
牛肉炒粉絲：幾好食

由頭到尾，呢間餐廳侍應服務都好周到及有禮，期間仲見到其他韓國客人用餐，眼見每位食客都面帶滿足笑容，結帳前仲有一杯冰涼柚子蜜，飲完後當堂舒服晒，一定要Encore

人真係有第四個胃，就算之前響名家食到好飽，都無阻我地食甜品既決心

到左門口，真係好多人等位食甜品，不過好彩只需等十分鐘左右就有位喇，Lucky!!

我地三人每人各點一份甜品大家share食，分別：
面面俱圓：椰汁底，內有湯圓，紫心蕃薯圓，小圓子等材料，味道普通

芒果春卷伴芒果沙巴翁：芒果好香，春卷唔油膩，個汁好好食，值得一讚

心太軟伴雪糕：無咩流心效果，可能焗過龍，味道普通

整體黎講，除左個芒果春卷伴芒果沙巴翁好好食之外，其他味道都係比較普通，希望下次有機會試埋其他甜品啦

好耐無食泰菜，加上天氣咁凍，又唔想打邊爐，所以同朋友食番d辣野暖下個身都唔錯

一入到去，雖然店舖面積比較細，座位之間比較狹窄，不過環境都ok，我地亦點左以下菜式：

冬陰公湯：好香，夠晒味,不過如果有個爐暖住個湯會更好
生蝦刺身：個汁好正，夠香辣
泰式炒金邊粉：d料都好足,好好食
泰式無骨鳳爪：ok
泰式肉碎生菜包: ok
金柚海蝦沙律：個味好夾，內有花生碎及魚仔乾，好好食
馬拉盞豬勁肉炒雜菜：可能重手左，所以味道好咸
芒果糯米飯：可能冬天關係，芒果好酸，不過糯米飯都ok

整體黎講，其實味道都算唔錯，不過某些菜式稍為失手，不過影響唔大，因為以元朗區泰菜質素及價錢黎講算ok,有機會大家都可以試試

透過團購每位$138價錢，好奇心驅使下到好樂滿試下

入到店內，雖然環境比較逼，但係勝在每張櫈內可放袋，非常貼心，加上店舖內客人不太多，故侍應服務態度有禮，值得一讚^^~~~

今次的團購是以套餐形式，每位包括：
主食(1款)+燒肉(5款)+飲品(1杯)+甜品(1款) ，填好後只需交給店員便可
主食方面：
壺漬牛肉：肉質好香，值得一讚
牛肉刺身：無咩味道
北海島厚切煙肉：味道香濃，值得一試

燒肉方面：整體味道偏咸，由於種類繁多，完全食唔出邊種是鹽味及醬油味，牛小腸比較韌，好難咬開

甜品：綠茶雪糕好香濃，一定要試
雲尼拿雪糕味道ok

整體黎講，每位連加一都$160左右，以銅鑼灣地段黎講，價錢都算ok, 不過味道一般，無咩特別

今日同蝦子餅好友聚舊，好友提議到呢間餐廳試下因為佢試過好好食，所以就黎喇！！

入到餐廳，完全想像唔到響舊屋邨背後，商場靚左好多，仲有一間裝修格調帶有歐陸風情既餐廳，環境好舒服 。最終Menu有四人套餐：有4個餐湯+小食併盤+2個主菜+一個pizza+4個甜品+4杯飲品。價錢只需398免加一，真係好抵

小食併盤：味道一般
德國式燒啤酒豬手：味道ok,不過咸左d
黑松露卡邦尼蛋汁煙肉意粉：好好食
至尊薄餅：味道ok
香蕉法式班戟：好好食，有焦糖味
巧克力美式班戟：好好食，朱古力醬好香

整體黎講，雖然主菜味道只係ok不太突出，不過甜品真係好好食，以呢個價錢黎講算係唔錯，唔怪得咁多人讚啦

難得夾到與蝦子餅一齊放假，況且知道天耀商場於十二月中開左間聯邦皇宮酒樓，所以決定試下佢地d點心

到左聯邦門口，見到裡面裝修富麗堂皇，地方都好寬敞，可能由於星期六既關係，門外帶位就安排我地兩個與其他茶客搭檯。

坐低後，我們剔選了共八項點心，分別：

鳳爪排骨飯：排骨幾好食，不過飯太稔
臘味糯米飯：雖然用料足，味道一般
非一般春卷：內餡是蝦，好好食
黑椒金錢肚：好夠味，難得配菜用蓮藕
米網腸粉：內餡用炸蝦好香脆，配腸粉一流
淮山雞扎：好耐無食過用淮山包雞扎，味道好正好香
灌湯餃：個湯底d味淡左d,始終個人
燒賣：好好食^^

整體黎講，食物方面味道都算幾好，服務方面都算ok，價錢方面就比較貴，兩位埋單共$190左右，下次都係揀番平日再試過