之前pps做的promotion送了美心的焗豬扒飯套餐券, 所以就黎試試
講真真係好少去美心, 因為d野唔係好啱食, 多數都去大家樂
美心的焗豬扒飯都係第一次食

一試之下, 又唔錯喎, 蛋漿不太厚, 豬扒入味, 個汁好夠味, 用黎撈飯幾好食
豬扒已切了片而非原塊上, 有6大片, 份量都ok既

餐券本來寫跟汽水, 不過原來可以跟湯, 要了羅宋湯
以快餐店水準, 呢個湯好夠杰, 多料又濃味, 算好唔錯了

以原價33蚊講, 飯既水準同大家樂差不多, 羅宋湯就較優勝, 貴一蚊都值既

今次黎order下午茶外賣, 到6點都仲有, 可以當dinner食
要了小排骨米線+凍珍珠奶茶, 只係21蚊

講返食物, 小排骨有2大舊, 排骨幾入味, 味道ok, 米線唔會太林
奶茶要了小甜, 幾好飲, 珍珠亦有咬口

用下午茶價錢黎食晚餐, 好抵呢~

帶死黨黎pink salmon食晚餐一聚

先上既三文魚白汁醬伴法包, 不用多說, 正!

要了忌廉湯, 好似每次既忌廉湯都有d唔同, 是日就係雜菇忌廉湯
雜菇香味四溢, 湯好濃, 非常有水準

主菜一是豬柳配香草田螺汁, 豬柳相當彈牙, 配個汁好香濃, 有驚喜

主菜二係三文魚海鮮焗天使麵, 一開張錫紙熱氣四溢, 再食亦無令人失望, 天使麵唔會太林, 材料焗得好入味, 特別係三文魚, 蝦仁同帶子, 好好味

甜品要了番薯雪糕, 另外加20蚊換了朱古力香蕉金寶
番薯雪糕好正, 入口好濃番薯味, 真係會令人以為自己食緊番薯
朱古力香蕉金寶, 咬落好有口感, 朱古力香得黎唔會太甜, 一流!

味道無可挑釁, 服務都算ok, 環境亦唔錯, 再加上有靚女相陪, 呢餐食得真係好開心!

拿著特價燒雞贈券黎幫襯下, 試試同總店水準有何分別

燒雞的皮尚算脆, 咸味亦足, 但雞胸肉部分就較鞋口

另叫了燒豆腐, d雜菌煎過再炒幾香口
而炒通菜就加了xo醬及辣椒, 都幾惹味

味道不錯, 有coupon價錢好抵, 服務及環境亦ok啦, 唔算太差

是日響超羣買了麵包做下午茶

叮噹奶黃燒餅: 剛出爐, 表面好脆, 一咬之下裡面係麻薯, 再包住好香既奶黃, 同流沙奶黃包有異曲同工之妙, 6蚊一大個, 抵食!

蒜蓉腸仔包: 蒜蓉十分香, 配腸仔都幾好味

小紅莓: 麵包內有一粒粒紅莓, 份量不算多

9點黎到時代廣場, 竟然仲係人山人海, 食通天間間都要等好耐
毅然走上CPK, 2人位要等超過20分鐘
好肚餓唔想等, 見bar枱大把位, 我就主動要求坐果度

Sicilian pizza: 拿破崙pizza又薄又脆, 辣肉腸又好味, 真係正; 芝士好多, 多到我要撥走.

Chicken Tequila Fettuccine: 中文好似係墨西哥雞肉菠菜麵; 個味好特別, 好似青咖哩, 不過唔辣的, 香味極濃, 我個人黎講就好鍾意

加外叫了凍檸茶, 無限添加, 都ok

地方都不錯, 坐bar枱也別有一番風味呀
店內廁所幾乾淨

一家3口到加拿大晚餐
蒜蓉包仍舊香脆可口, 湯尚可

要了一個常餐, 馬來咖哩雞, 另要了一個鐵板T骨
咖哩做得竟然幾出色, 香滑而味濃. 雞雖然係雞胸肉, 不過幾嫩滑, 有驚喜
鐵板T骨7成熟, 今次做得啱啱好, 唔錯

甜品是涼粉, 真怪, 我唔食涼粉既無試到
飲品加5蚊飲返桑果汁, 嘩, 果肉多到, 每一啖都有, 非常好味!

行完商場, 周圍行搵地方食dinner, 最後黎左呢度
情調不錯, 地方簡潔舒適

自選套餐, $188可選前菜/湯/主菜/甜品其中3樣, $208則可選其中4樣
我地2個人就叫了2個$188自選套餐

餐包先上, 是普通的法包配牛油, 幾脆, 但味道無甚特別
前菜是煙三文魚魚籽撻, 以三文魚籽醬鋪在三文魚肉上, 配搭唔錯, 個人幾喜歡
湯我要了法式洋蔥湯, 洋蔥頗多也甜, 但湯的質感就不夠濃郁
也試了一口海龍皇湯, 配料有蝦, 青口和蜆, 味道有點似龍蝦湯, 卻缺少了那種獨特的鮮味

主菜是燒羊扒配迷迭香汁, 羊扒很不錯, 羊味不過膻, 也有咬口. 伴碟配菜如南瓜蓉, 矮瓜等也幾好味

試左男友的肉眼扒, 7成熟, 上枱時熟了少少, 不過塊扒本身質素應不俗, 過了少少火都唔鞋

甜品係Tiramisu, 蛋糕佔了9成都係cream, 只有底下薄薄的一片係蛋糕, 感覺失了平衡

飲品選了Cappuccino, 咖啡味ok, 算合格

整體黎講食物中規中矩啦, 好壞參半. 服務及地方就不錯.

想不到假日的金滿庭真係咁多人等...
是日同爸媽逛銅鑼灣, 想起未帶佢地食過, 就黎睇睇睇環境
6點9, 嘩, 已經開始有長長既人龍, 不理會了, 先拿飛
要等20幾張, 就先周圍行下
行完大半個鐘返黎, 時間剛剛好, 還有卡位坐, 之前都未試過呢

茶今次要了碧螺春, 茶味也不錯
前菜又係油爆蝦, 爸爸好似唔太欣賞

先黎燻蛋, 專為鍾意食溫泉蛋的爸爸叫既, 溏心蛋黃真好吃

再到酸辣湯拉麵, 上次食過麻麻, 比多次機會, 今次又幾得喎, 酸辣湯既味道有進步, 拉麵份量好似比翡翠的少, 但都好味

京醬牛肉絲配叉子燒餅: 叉子燒餅只有2塊, 其實裝唔哂d餡料, 不過唔想叫太多野食. 京醬汁少少酸酸地, 有d似中式牛柳味, 牛肉絲入口算林身, 整體味道我覺得一般啦, 唔值得再叫, 但媽咪就話幾好

小籠包: 沒有可批評的地方

服務員動作快, 態度也不錯
地方裝修過後也令人覺得更乾淨

獲贈富臨的18蚊燒雞贈券, 所以一行6人黎左食晚飯

先黎既係燒雞, 18蚊一大隻, 但完全無偷工減料, 不點伴碟的南乳汁已經好夠味道, 皮極脆, 肉質嫩滑
但美中不足的是調味有點不均, 摺位如雞翼部分食得出咸左d, 希望可以改善下佢

再上係野菌燒豆腐, 伴碟的菜心很新鮮, 紅燒豆腐味道不錯, 但野菌就少一點

然後到金銀蝦炒通菜, 金銀蝦即蝦仁加蝦乾, 有呢兩樣吊味已經very good了

也叫了湯水, 呢期係"清宮燉鯊魚", 入口極為清甜, 足有8碗份量, 湯渣包括鯊魚肉, 雞腳, 痠肉等已經可以當一大碟餸, 多人食飯叫既話真係好抵, 少人食就要自己預算下食量

最後叫了乳鴒, 很可惜燒得唔夠脆, 味道也咸左d, 算是較失色之作

也許人不多, 服務員呢一晚好辛勤咁換碟