團購買了coupon, 外賣自取都限定一人一張, 仲以為好抵啦. 點知食物麻麻

1. 紅豆沙 : 最正常

2. 西瓜西米露 : 西瓜好甜, 西米又硬質感同平時西米唔同

3. 芒果西米露 : 芒果同檸檬無咩分別, 西米同上

4. 楊技金露 : 芒果酸, 西抽得幾粒, 西同上, 成碗野杰撻撻

5. 芒果布甸 : 過了期食物

平時經過見佢火鍋全包宴好平, 果晚我地8:30後, 都係75元(全包) ~ 人唔多囉, 火鍋一邊場, 晚飯同夜茶又另一邊囉, 唔係好多人都係坐咗一半到, 湯底最多可以選2款(任選鴛鴦), 沙爹好濃都ok, 紅蘿白粟米無咩味 ~ 火鍋料就唔係話太多, 不過芝士腸同丸類就係佳寶口味囉, 唔係幾得 ~ 肥牛一望刑黑色, 問店長係唔係咁色架 ? 佢話即刻刨等一陣就會變色, 不過原來食落有幾肉味 蝦就有一半都仙遊咗, 所以唔係幾得 ~ 鵝腸好多沙 膳片都ok 總括來講唔要求高都幾抵下 極得要讚係佢任飲汽水, 細支樽裝 (可樂/芬達/雪碧/忌廉), 又凍又夠氣

見到網民評得幾好, 走來一試. 當晚還怕無位中午時間打去book咗先, 7:30去到無客....成晚都係我地一枱客仔 一心諗好叫果幾款網民推介食物, 點知搵咗好幾次都唔見有 望到bar櫃上貼住告示"全新meun" 價錢貴咗...食物名又唔同哂.....不過都幾抵, 埋單85折後都係 $206元

就算一間餐廳幾好食都係假, 服務超劣真係下次唔會再去,
真係要睇佢地面色食飯, 唔該而家係我比錢食飯.
明明入去大把枱係都要一張圓枱坐7-8個成人, 個個迫住咁食,
招呼客人入去就好有禮貌, 但係又無人拾枱, 3吹4請先有人拾走d野.
拾完又唔枺台, 又再請幾次先人肯枺 等咗20分鐘終於食物到.
就20分鐘內幾個服務員不停問你旁邊一個人位有無人坐......
眼見幾枱客人食緊都要搬來搬去......服務員放下食物又大動作 (發脾氣)
又可以將d汁飛到客人身上, 如發生在我身上務必會追究

前幾個月行徑呢間酒樓門口, 見佢廣告版火鍋好吸引吓, 全包價又平我肯定係2位數字價錢. 呢日約咗朋友去識下, 來到加咗價 $108元 入到去只有數枱客, 火鍋客最多有6枱, 晚飯得3-4台, 所以望落去好廣闊, 唔錯 ~ 先點了湯底, 後再選了火鍋料, 啤酒汽水任飲 因為無咩人火鍋料好快都上, 望一望好唔掂 蝦白色死咗九年, 我地唔要叫佢收走話唔新鮮, 佢話係咁新鮮放入雪櫃拎出來, 牛肉好似放咗好耐, 肉邊風汗哂硬哂 ~ 雲吞類餡唔掂好實, 皮又厚 ~ 成晚食得最多就係粉絲同烏冬, 丸都無咩點叫因為睇到D賣相.... 真係一次夠皮 !!!

果頭附近來來去去都係果幾間餐廳, 見到佢無咩人我又有bb車,
咪入去搵食啦, 都未行入門口. 點知聲大夾惡女人係到話呢到要出入貨,
bb車放係門口啦無人偷妳架 ok無問題我都打算放係門口,
叫咗2個餃子 (素菜餃子$19/ 芹香豬肉餃子$19), 又無咩人等咗好鬼耐.
2大碟每碟10隻餃子, 望落去好厚皮吓, 食落真係好厚皮.
但係成隻食肉汁好多幾好味, 再來一隻咬開一半原來原來頂多油爆出來囉 ~
芹香真係好味, 不過都係皮厚 ~ 無湯浸住餃子食到尾又凍又硬.
成間鋪鋪面得一個女人, 仲要係到睇住馬經, 態度都唔好架啦,
服務又差, 人客走咗都唔收拾張枱, 要有客入到來先去收拾,
人客叫食物問多句都煩咁款, 環境清潔真係一般, 去一次都夠哂 ~

舊友聚會當然要搵間似樣少少餐廳, 元朗除咗得幾間大集團都無咩邊間可以坐的舒服 不過最近開咗間法國餐廳, 感覺都幾好 ~ 7點去到已經坐咗3部1, 不過最衰唔係梳化位, 唔係更加好, 坐落後翻了無數次menu 都唔知食咩好, set dinner都幾貴下架 $128 - $238 不等, 但見到門口個牌有個晚餐 $78元, 但係入到去又無比呢個menu我地睇, 最後我地散叫咗幾個菜. order完之後送上一籃蒜蓉包, 我個人覺得幾好味 等咗5分鐘後

煙三文魚海撤沙律 - 汁好味, 菜好甜, 第一次食都覺好好味

鮮蜆肉意大利粉 - 個汁好鮮甜, 蜆肉都有10多大粒, 不過意粉有點硬

意大利雲吞 - 酸酸地, 雲吞餡食唔出係咩

咖哩大蝦海鮮pizza - 餅底轉了咖哩醬有點咸, 食唔出咖哩味, 蝦過咗火, 皮邊係脆脆地幾好味

3個人都食唔哂, 仲要打包幾件pizza

咁食法好似平過叫set : 不過因為係高級餐廳, 講野唔可以咁大聲 3個女人就唔好去, 唔係比人眼望望

朋友仔媽咪話呢間火鍋都唔錯, 尋晚原本食齋點知無諗過係初十五, 又多人又無9折又要加一, 最後去咗元朗人家打邊爐, 諗住打邊爐都有梳化位都幾舒服吓, 點知原來成條走廊梳化位好熱唔夠冷氣 ~ 真係入座到走都標哂汗 拿住張任點任食餐單, 真係唔知食咩好, 因為樣樣野都好普通, 都係肉/魚/丸/菜, 連蝦/鱔片都要另外比錢. 唔係化 ~ 出面有個小食亭, 望一望都頂唔順, 有薯條/炸蝦片/炸曼頭/炒飯/雪糕 ~ 真係見到都 飲品有百事/豆漿/夏枯草/酸梅湯 ~
$58元任點任食, 最後當然唔係呢個價啦 ~ 加湯底/醬料/加一, 最後每人都要95元一個啦 ~ 下次都唔會再去 ~ 無嘢食 ! 希望改善一下衛生, d菜好似無洗咁, 好dirty仲有好多爛 食食下仲有條白色膠橡根, 唉 .~~~

交通廣場地下舊鋪上海料理, 而家轉咗大力齋廚, 門口有張紙寫住8-9月份有9折 見佢有梳化位入去試吓啦, 都幾多人食喎, 不過冷氣好似唔係幾夠咁, 眼見佢開著幾把風扇. 茶位 : $5個架, 飲滾水同茶都要收架 ~ 週六日就要加一服務.

個餐牌實在太多嘢食, 3個大人睇咗好耐點咗幾個小菜.

① 齋鹵味 $18　(OK, 出面街買一樣)

② 金牌砂薑鹽焗雞 $66 (本身我唔係食齋, 仲以為真係平時食果D雞, 見到碟嘢我都即時問呢碟係咩, 先知係鹽焗雞, 真係大香理) 佢有沙薑汁連雞一齊食, 又真係幾似, 賣相唔掂味道OK, 仲大量菜心塾底.

③ 上湯浸時菜(選 : 菜芯) $37 (夠哂份量呀, 成晚食菜, 上湯浸到D菜好甜, 幾好味) 知道鹽焗雞有菜塾底就唔叫啦 *選 : 西蘭花加$5

④ 糖醋魚 $55 將件無骨魚炸咗上面甜酸汁, 都OK酸酸甜甜咁 (見到個樣先知自己叫錯咗, 我想食係有條炸魚有D酸汁係上面, 果隻原來叫伍柳黃花魚, 下次一定要試吓)

⑤ 粟米魚肚羹 $33 (碗) 原來都幾大碗3個人都可以有2碗仔飲, 味道OK

⑥ 紅豆糖水 (送) 不過唔知係唔係尾聲, 只有水無咩豆. 麻麻地

原本想叫羅白糕, 好彩賣哂. 因為實在太胞啦. 下次要試下先 ~
9折唔洗加一埋單好似係 : $205

係屯門碼頭想搵間餐廳食吓飯, 來來去去都係得幾間, 原來隔來屋苑兆禧商場前一手係OK位置, 而家開咗間餐廳, 見佢有梳化位入去試吓啦. 價錢都合理. 不過唔知佢係食咩菜, 又有中菜又有台灣菜, 又有上海野食 ~

5個人(3大2細) order 咗 ~
1. 獅子頭客飯 $3x (唔抵食, 得4粒肉仔用西蘭花圍邊)
2. 鴻樓雞煲 $4x (是日推介 ~ 味濃野味~ 但無咩雞有好多蒜頭)
3. 鹵水拼盤 (有旦, 有豬肉粒, 有雞賢, 雞翼) 個汁好濃幾好味
4. 香蕉蘇 (內有紅豆餡) 無咩蕉味
5. 原味薄餅 (麻麻)
6. 炸雲吞 (8粒 ~ 餡有少少肉) 個汁好似沙律
7. 小龍包 (4粒 ~ 皮好硬 ~ 麻麻)
8. 燙菜 (菜心 ~ 上面有d肉碎)
9. 雞扒烏冬 (超耐 ~ 吹咗幾次先來到 ~ 都食完一半餸)
全部 : $ 268