泰國菜熱門菜式都係嗰啲，但總有啲餐廳係整得特別好食，要bookmark定再encore，新嚐泰就係其中一間。 唔駛$500就可以品嘗到美味豐富既泰國菜！因為🈚加一服務費，實在難能可貴！ 餐廳寬敞舒適，聽住泰文歌仿佛自己來到泰國🇹🇭添！泰國佳餚易選擇，點左小食拼盤、泰式通菜、芒果糯米糍和招牌黃咖哩軟殼蟹。 小食拼盤 結合了多種不同小吃的盤子，包括傳統泰國春卷、炸蝦餅和辣肉球，各樣小吃都美味可口。 泰式通菜 翠綠微香辣，食起來真的清爽不油膩。 芒果糯米糍 擺盤幾靚，無唸到甘有心思，白色椰汁漿上灑了黃色脆脆豆，食起來提升了層次感！芒果肉飽滿甜甜的。 招牌黃咖哩軟殼蟹 咖哩是泰國菜特色之一，咖哩汁入味，蟹肉本身外層酥脆，肉質鮮嫩美味，配送薄餅，甚是滋味～ 總結來說，餐廳位置甚方便，樓上餐廳，環境舒適，每道菜都是美味的，值得舌尖再遊！

次次嚟到新城市7樓都係轉左去飲茶，但原來右邊行到接近盡頭有間方叔叔，無錯，又係我地心目中no.1嘅邊爐店方叔叔😂😂😂 第一次幫襯沙田店，比起其他店更加闊落，枱邊嗰個置物架擺到好多食材同埋蔥蒜等配料，令到枱面空間冇咁逼👏🏻👏🏻 一坐低店員即時送上招牌雪耳糖水暖暖胃，微甜又夠膠質好好食～ 平時叫開養生菇菌鍋今晚就試下佢新推出嘅花膠雞，湯底色澤金黃好吸引，而且冇乜油，係幾健康嘅選擇～ 鍾意方叔叔嘅最大原因就係有得揀半份，第二就係因為佢啲菜真係又新鮮又多選擇，推介萵筍片同埋皇帝菜，用唔辣嘅雞湯去烚一流！ 肉類方面無論係牛肉、羊肉、酥肉定燕餃都保持到同其他分店一樣嘅水準，行開新城市又多個選擇～

大坑名店Second Draft搬咗去銅鑼灣名店坊🤣🤣更加就腳隨時都可以去歎杯少爺啤～呢晚飲咗茶餐廳同少爺墨啤，兩款都係酒精濃度較低，非常易入口，本身唔太鍾意有氣飲料但呢兩款啤酒都可接受～ 啤酒正都要有高質嘢食送酒，Second Draft呢方面真係花足心思整特色送酒菜，雞油毛豆有油香但食落又唔會好膩，炸雞好脆，啫啫雞翼夠酸幾過癮～最欣賞布袋麻婆，將家常菜嘅麻婆肉碎配Burrata Cheese，仲要凍食幾創新～

今晚去新城市食飯，揀咗四樓角落位嘅Butlery，好適合打卡嘅餐廳～ 以打卡餐廳嚟講水準唔錯，而且價錢都唔貴，叫咗一個頭盤、兩個主菜加一個甜品，再加多杯milkshake share，飽到傻😂😂😂 頭盤我地揀咗白酒忌廉青口，忌廉汁非常香濃，用嚟點嗰兩塊包好正，麵包本身都非常鬆軟又有牛油香～ 主菜叫咗flank steak同buttermilk chicken waffle，兩個比較會鍾意後者多啲，窩夫同薯條一樣咁出色，但炸雞juicy d 個汁亦都match d～ 甜品叫咗creme brulee pancake，作為The Pantry姊妹店兩家舖頭嘅pancake水準都好一致，合乎期望，焦糖脆面亦都唔會過燶～ 相比甜品，杯milkshake就更有驚喜，啲crumble好脆，同幼滑milkshake形成強烈對比，入面仲撈咗蘋果粒，飲完好滿足～

朋友係pirata group restaurants嘅忠實fans，太古坊有一系列嘅餐廳都係under pirata，今次我地就約咗食outdoor bar Tempo Tempo。 欣賞pirata group嘅其中一個原因係佢地嘅員工真係好well trained，介紹餐牌介紹得好清楚，明顯有assign到staff專職serve一個區域/邊幾枱客，今晚serve我地嘅waiter係一個好funny嘅人，唔會chur住你講好多嘢但每次同佢交流都好愉快🤣 食物方面以bar food嚟講唔錯嘅，ifc chicken有啲似麥樂雞但佢個mayo好好食加咗唔少分，mushroom arancini係炸risotto波波，個飯嘅醬汁幾creamy，點埋個salsa冇咁滯。 嚟得酒吧自然要飲下酒傾下計，叫咗兩杯cocktail賣相都幾打卡able。我杯mojito有支點着咗嘅cinnamon扮cigar，一路飲一路聞到肉桂香👍🏻👍🏻 成晚最出色係個pistachio creme brulee，佢用個長碟裝住係超大碟！面層嘅焦糖超薄但夠脆，唔會痴牙；個燉蛋好幼滑，開心果味超突出，嚟到真心呢個必食！

作為片皮鴨fans一定要bookmark中華小館！餐廳推出$498嘅放題套餐，加入唔少懷舊菜式但用上新派煮法，好似油香四溢嘅臘腸卷，亦有加入萵荀絲嘅碗仔翅，新鮮感十足；蒜蓉炒菜、燒味飯、魚皮同埋鮮淮山都係任點菜式。 放題套餐嘅主角當然係鎮店片皮鴨，鴨皮即叫即烤好脆身，油脂唔多食完唔覺滯，仲要配埋海量青瓜絲蔥絲，最欣賞嘅就係佢每次只上四件片皮鴨配餅皮，保證喺佢凍之前已經食晒落肚👍🏻👍🏻👍🏻 除咗片皮鴨套餐另一吸引之處係包咗一人一份嘅鮑魚花菇扣鴨掌，用料上乘，醬汁香濃又唔過鹹，好食～～ 喺酒吧林立嘅駱克道中華小館嘅中國風裝潢格外搶眼，雖然走懷舊古風路線但其實所有嘢都keep得新淨企理，好啱打卡。

之前食開幾間千層蛋糕店都越整越甜，又係時候試新店喇～今晚嚟開石門食點心，search到有間甜品外賣店有賣件裝千層蛋糕，就買兩件返去做飯後甜點😙😙 味道都有幾多唔同選擇，大路嘅冷門嘅都有，望落椰子味蛋糕夾咗好多椰肉，似係真材實料，就揀咗佢，再加件我最鍾意嘅芋泥。 欣賞店舖採用呢隻有得擺叉嘅蛋糕盒，唔駛分開擺叉就最衛生，個蛋糕盒都好硬淨，唔驚壓親件蛋糕。 食落餅皮好薄，cream唔甜，芋泥夠幼滑，椰子味啲椰肉好爽口，幾清新，兩款都唔錯，下次睇下遇唔遇到開心果味～

打卡位已經成為每間cafe必備嘅元素，paintable有充滿童趣嘅壁畫，見到心情都好啲～ 行一大段斜路上嚟，一坐低先用qr code嗌杯dirty，欣賞呢度嘅鮮奶夠冰凍，擺一陣就可以將啲espresso變凍，解一解渴。 主食方面同朋友叫咗兩個意粉share，枱枱都有嗌黑松露帶子意粉我地都跟隊叫，醬汁好多好濃，帶子煎到金黃色，熟度啱啱好～ 另一個蒜油鯷魚鮮蝦意粉油香較重，意粉al dente，同樣水準唔錯。 食完坐一陣再叫個甜品，係近期大熱嘅croffle，呢度嘅croffle係我食過數一數二大size嘅，焦糖香蕉個脆面好正，croffle口感亦對辦～

嚟得韓國街都諗住食韓國嘢，點知未諗定食邊間嘅時候見到花月宮嘅宣傳易拉架，見個商場又好新淨企理，就上去試試。 叫咗個沙爹湯底，味道好香但唔會好杰好膩，用嚟打邊爐唔錯。 大部分餐廳都用咗手機落單，呢度都唔例外，一落完單食物勁快到。 蔬菜叫咗萵筍同埋皇帝菜，鍾意呢度嘅皇帝菜味道唔太重比較易入口，厚片萵筍好淋身。 牛肉有兩款選擇，我地揀咗牛小排，油脂分佈都平均，掛喺個木架度賣相討好。 響鈴係即炸嘅，食得出每層腐皮都炸得好脆，輕輕烚幾下又有沙爹香又保留到酥脆口感。 最出色係個烏冬，非常煙韌，店家仲備有一個烚麵嘅小筲箕，烚完烏冬輕鬆撈得返上嚟👍🏻 打邊爐唔少得嗌啲凍飲解辣，嗌咗一樽青梅竹馬，味道似蘋果汁，有啲爆珠喺底幾得意，$68一樽都夠兩人飲足成餐飯。

早幾日喺港鐵月台見到廣告，先知道渝味曉宇改咗名做方叔叔，店名大眾化咗，好在食物質素依然keep到，我最鍾意嘅燕餃同小酥肉仲係好好食～ 最鍾意呢道有得揀半份，就算兩個人嚟食都可以嗌多幾款，鴛鴦麻辣鍋一邊係可選辣度嘅重慶麻辣湯底，另一邊自選湯底選擇都多，想清清地可以學我揀菇菌鍋，想養顏飲濃郁湯頭嘅不妨試下佢地新推出嘅花膠雞～ 餐廳茶水包咗蕎麥茶，麥香突出，想再解辣啲就可以叫杯特飲，洛神花香橙特飲唔太甜亦有消滯效果。 改名後最大轉變係佢嘅紅糖糍粑變咗爆漿版，紅糖漿包咗喺糍粑入面，但都唔會過甜，仲冇咁易變乾變硬添～ 另外值得一讚係改名後好似連服務質素都一併提升，店員好殷勤幫每枱介紹、執枱同調較火力，整體感覺舒適～