Tonyhaha2008 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-02-07
住在九龍灣附近,閒來就經過哩個門口,但總提唔起興致買個批食下,今日又再經過,忽然覺得有少少餓,適逢其會,就行近啲睇下啦。 我喺南非住咗10幾年,批已經成為生活中嘅一部分了,周圍都有批賣,連鎖超級市場呀,連鎖批專門店呀,部分咖啡店西餐廳呀,factory shop呀都有得賣,即食嘅,冷藏嘅都有,屋企同辦公室嘅雪櫃都可能擺咗啲喺度,餓嘅時候就可以放入微波爐叮下就食得,守門口嘛 味道由chicken & mushroom,steak & kidney,feta & cheese,pepper steak,beef curry,lamb curry,roast chicken,連將塊漢堡肉放入批裡面加番茄醬芝士嘅cheese burger pie都有,真係食到厭,所以經過咁多次哩個門口都冇行過去睇下。。。 行過去一睇,真係大開眼界,咩螺絲粉肉汁批,粟米薯蓉批,海鮮批,南瓜批真係咩都攞黎整批,雞批,蘋果批算係最平凡架喇,最後我揀咗一個幾親切嘅名【鴕鳥肉批】。 來自南非,鴕鳥肉當然係閒來就接觸嘅食物,隨便一間超級市場都買得到,咁當然就係一分錢一分貨喇,woolworths賣嘅質量算唔錯架喇,已經用醬汁醃好,攞返屋企放入焗爐焗半個幾鐘就食得。不過食過最好食嘅一次係喺一間食野生肉好出名嘅餐廳,記得當年香港大婆台嘅一個旅遊節目去南非都採訪過嗰間餐廳,成隻鴕鳥腿攞去燒,燒到啱啱好嘅程度,入面嘅肉嫩嫩的切出黎仲係帶血的,好食到不得了,新鮮燒出黎嘅鴕鳥肉嗰種特別香味真係人間極品呀 講返個批,個造型幾特別吖,烤到金黃色嘅表面個頂帶少少啡色,上面仲撒咗啲黑芝麻,帶花邊,哩個雀巢幾得意吖~ 開始試味喇,啊,個花邊好硬啊。。。應該係為咗唔想運輸途中只係發生小小碰撞就爛而特別造得硬淨啲吧,又唔係硬得太過份,算啦~ 係黑椒味的,醬汁分量算啱啱好,鹹中帶甜嘅味道帶黑椒味,中規中矩嘅味道最起碼冇太鹹辣味亦唔太辣,肉談唔上嫩但一啲都唔韌,配料有洋蔥仲有啲切成小片嘅不知名嘅菇呢,都算好豐富喇,整體味道都唔錯,12蚊一個批有哩個程度算值得喇,再加一盒維他奶就夠飽了,算係一餐喇~但老實講句我真係食唔出有鴕鳥味,口感係有啲似的,不過冇所謂啦,便餐一頓而已,唔駛太認真,味道ok就已經可以收貨了 推介美食: 鴕鳥肉批
評分: 味道 4 環境 3 服務 3 衛生 3 抵食 4
2015-02-06
每次食完飯後我嘅老毛病就犯了。。。。就係我會完全想唔到可以去邊,完全唔知道有咩想做,當飽到一個程度,我仲會除咗(好飽呀,好飽呀)之外幾乎唔想講其他咩野,當然,今日仲未飽到嗰個程度 我企起深水埗地鐵站已經差唔多成半個鐘頭了,都未知想去邊,禮拜日中午wo,唔係咁早返屋企呱。。。。 突然靈機一動,啊,就好似俾雷打中差唔多,去食甜品咪得囉,我居然喺哩度蕩咗咁耐 就去九龍城啦! 先去嗰間買件西餅食下啦! 點去? 。。。。。。。 好容易姐,坐地鐵去樂富落車,行出去聯合道南行,賈炳達道轉左,去到目標嗰條街右轉入去,行個街口咪喺左手邊囉,真係話咁快就到呀,慢慢行10幾分鐘都到啦~一抬頭就見到間鋪嘅招牌喇。 俾完錢我就行咗去九龍城寨公園,嗰邊風景好環境優美,去嗰邊慢慢享受件西餅都算係一個唔錯嘅選擇,就係搵唔到一張檯唔夠好囉,最後終於搵到張櫈坐底喇,禮拜日好多人呀 從頂開始啦,我左手托住件餅,右手就唔客氣喇 O(∩_∩)O~,輕輕地。。。一野就將個頂拆咗落黎喇 仲黏住少少custard,慢慢咁移到咀邊,咬落去。。。嗯。。。custard幼幼滑滑的,甜味中等,淡淡地甜,酥餅幾酥的,簡單嘅餅香,少少custard,兩者加埋一齊,感覺唔錯啊~~~ 望住剩返嘅部分,哩下靠技術喇,要用啲陰力,我要一拉之下,將下層嘅custard都帶起部分,哩片酥餅夾喺中間,就係為咗我地食嘅時候要食到上下都帶custard嘅感覺嘅姐~ 。。。。黎。。。嘿嘿,得喇~ 咬咬。。。嗯。。。哩層嘅酥餅嘅纖維比最上層嘅緊緻一啲,餅味感覺上亦濃少少,配合上多啲啲嘅custard。。。OK啊~ 試試最後一層先,一口咬落去,嗯,最硬嘅一層 當然餅味亦係最濃啦,纖維密成咁,當然要同芒果帶custard一齊食啦,Ok啦~ 芒果夠甜,但唔係話好甜,同淡淡地甜嘅custard好配合。 俾我感覺最大嘅係芒果,完全唔會過甜,同成件餅好夾,如果用咗另一隻甜啲嘅芒果嘅話,我就唔會俾個笑臉佢喇~ 哩件西餅三層各有不同口感,食落亦有不同感覺,custard幼滑,餅香,芒果微甜,俾我一種總廚想做出一種盡善盡美,完美無瑕,無可挑剔嘅感覺,佢非常成功咁作出咗心目中想要嘅感覺,謝謝喇 推介美食: mango napoleon
評分: 味道 4 環境 4 服務 4 衛生 5 抵食 2
2015-02-05
今日禮拜日深水埗食完午飯就想過黎九龍城食甜品喇,去完附近一間出曬名嘅西式餅店食咗一件45蚊嘅西餅之後仲未滿足,就走過黎哩間潮式糖水鋪試試味喇~ 一間咁出名嘅糖水鋪我都只係第一次黎真有啲懷疑自己係唔係香港人,不過唔緊要,今日就黎彌補一下哩個缺失啦~ 時間尚早,入面人唔多,簡單明亮格局,感覺幾舒服,我就自動自覺咁坐低睇餐牌了,好多選擇咁啵,睇下先~ 咦。。。。。。咦!價格好似唔係好街坊wo,最平嗰碗都要25,一般嘅都30左右,45都有,再貴啲都仲有,係真唔係呀,有壓力添 不過突然想食啲熱野沖喜下,想價錢,不如揀碗好野開心下好過啦。見到有【冰花綠豆清心丸】wo,未食過清心丸啵,有冇呀?事頭,冇清心丸呀。。。 失落咗一下,再揀,見到檯面嘅廣告,湯圓好似唔錯,我亦好中意就湯圓啦,跟咩好呢。。。。。。事頭!黎碗【馬蹄沙湯圓】吖,熱嘅!今次有喇~ 嘿嘿 喺屋企唔知點解就係唔想煮湯圓食,馬蹄沙就更加冇可能啦,下話~ 出黎食野食屋企煮唔到或者唔想煮嘅唔駛我講都知道係常識啦,普通野老婆會煮俾我食加嘛,駛鬼喺外面食呀!自己老婆永遠係最靚嘅!自己老婆煮嘅飯餸永遠係最好味嘅!唔駛講都知道係常識啦! 想完啲真理之後,我點嘅熱甜品就上檯喇~事頭幫我落單嘅時候老實講句,我真係對今餐完全冇期望的,眼睇餐牌,好似好精彩咁款,但每次見到咁多款咁複雜嘅,多數都只會帶黎失望,就好似冇幾耐之前喺灣仔【莎巴馬來西亞餐廳】飲過一杯叫【珍多椰汁冰】嘅飲品,淡而無味,只有微微椰汁香,食完濃野飲佢感覺上係好飲過水的。。。 但講返擺喺我面前嘅哩碗 馬蹄沙糖水,真係。。。食返啖先。 。 。 。 。先唔講味道。。。因為糖水入口俾我最強烈嘅衝擊唔係黎自味道(當然先感覺到嘅係溫度,但冇咩好講,因為好夠熱),而係。。。真係好真材實料呀!!! 成啖糖水都包含住大分量煲到爛曬嘅馬蹄花,啱啱好嘅比例同口感!熱辣辣!甜味啱啱好,來自冰糖嘅清清甜甜的~~~ 真係冇得頂呀!!!每一啖都傳黎和諧溫暖嘅感覺,有種想合埋雙眼,好好感受嘅美妙心情~ 直情有想直接走過去俾雙倍貼士嘅興奮感覺! 實在太好了~~~ 一碗馬蹄沙煲到哩個程度都已經冇咩進步空間了。。。。。。。。。(回味中) 回過神來,先發現嗰4粒大小若隱若現嘅湯圓,一直留喺哩邊等住我。。。宜家我先留意到哩碗糖水嘅造型真唯美~ 一片片的青絲漂浮在水面上,四塊白色的大石頭就隱隱約約散落在湖底那邊,石面上的點點灰色理所當然地成就了那份缺陷美,感覺有夠詩意的~~~ 就等我試下那池中石頭嘅味道吧。。。嗯,係一口一粒嘅size,皮唔會太薄,算係適中啦,芝麻味亦濃,亦夠香,唔會太甜,整體算唔錯架喇,但我個人比較中意西貢食街【甜源居】嘅【麻蓉湯圓】多啲 食到底先發現原來仲有好幾粒蓮子喺個底度wo,真係令我有啲驚喜,老闆都幾闊綽啵 蓮子已經認真去芯,所以食唔出苦味,當然有好好煮過嘅蓮子我唔可以仲要求佢仲有新鮮嘅甜味啦,煮得夠爛就得架喇~ 本來覺得30蚊一碗好貴,宜家就真係真心咁覺得物有所值,非常滿意嘅一碗甜品,係難得的感動~感恩了 推介美食: 馬蹄沙湯圓
評分: 味道 5 環境 3 服務 4 衛生 4 抵食 4
2015-02-01
放假就算冇人陪都要出去俾人見下係常識吧,本住哩個常識,所以就算外面已經好幾日冇太陽,但我都決定出去曬下 今日目標係深水埗嘅哩間越南小食店,聽啲朋友話哩間鋪可以一試所以就黎嘗嘗啦~ 望住餐牌,唔記得嗰刻想緊啲乜,本來想叫碗【生牛肉河】的,人地招牌都寫明sell牛肉喇,但我都會無啦啦咁叫咗碗【風沙雞翼配越式扎肉撈檬】的,可能想試下佢地嘅雞翼,又唔想喺一間食飽呱。。。。。。 加3蚊就跟餐有杯【滴漏咖啡】喇,咁當然唔可以錯過啦~~~ 真係話咁快就到,嘩,顏色好靚咁wo,除咗扎肉同雞翼之外仲有生菜,青瓜,蔥,花生碎,芽菜等等~ 但好睇唔夠嘅,味道係非常地重要的啊,眼睇覺得表面乾乾地,試咗啲啲懞粉,淡淡地,就試下將碗野撈下喇,撈呀撈,但依然覺得乾乾的,再試下味,依然係淡的,咁當然又係加調味料嘅時間喇~ 見到檯面有個裝住【魚露醃白蘿蔔絲】嘅玻璃樽,就知道哩樣就係碗粉所欠缺嘅一環了,打開聞聞,聞到有朕淡淡嘅酸味同香味,應該冇錯喇,加啲啲試下吧~ 加加,撈撈,食食,嗯。。。好食咗。。。再加,再黎。。。又好食多少少。。。咁我係咪應該成樽魚露倒落去呢 咁當然係誇張少少嘅講法,但無可否認嘅係如果加唔夠嘅話就同淡而無味冇咩分別囉。。。不過,如果加得夠嘅話,碗粉嘅味道係可以好好的,酸酸甜甜的,開胃非常,食得人好精神舒服 檬粉煮得啱啱夠熟,軟硬度啱啱好令人冇投訴,同生菜芽菜等等嘅配菜配合得唔錯啊,再加上軟軟的扎肉,整體感覺非常良好,但點解唔上檯之前就為客人加返足夠嘅魚露呢?哩個就係點解我冇喺幅檬粉相上加個贊嘅原因了 我係特登將啲雞翼同碗粉分開講的,因為嗰幾隻雞翼真係幾好味的,醃嘅時間啱啱好,好夠味但一啲都冇過鹹,可以好清楚咁睇到表面啲蒜,炸得夠香又唔會太油太熱氣,抵贊! 啱啱開始食嘅時候杯【滴漏咖啡】就已經上檯了,滴到我啱啱食完碗粉嘅時候就啱啱滴完,真係啱喇,就好似食甜品咁,早知道就叫多杯野飲等我可以邊食邊飲啦 好喇,我開始對付我杯【甜品】喇~ 先攞走上面嘅滴滴裝備,然後打開檯面上煉奶嘅蓋,然後就。。。狂加!!!哈哈,講笑,我就加咗3細羹,加幾多依自己口味決定啦,唔好問我 飲啖先~ 嗯。。。。好好味,好香好濃嘅咖啡味。。。真係好正。。。慢慢享受。。。滴咗咁耐溫度啱啱好唔會太熱,令我可以好舒服咁享受哩杯咖啡。。。真係好舒服,係我飲過最好嘅其中一杯咖啡之一,只係加3蚊嘅跟餐咖啡,水準係不可思議地好~~~ 哩餐午飯都算食得滿意,埋單先35蚊,都幾抵架喇~ 最後總結一句,如果碗檬粉調好味先上檯嘅話我就一定會俾個笑臉架喇,宜家嘛,ok啦 推介美食: 越式滴滴咖啡,風沙雞翼
評分: 味道 3 環境 2 服務 3 衛生 3 抵食 4
2015-01-26
今天下班特別早,天還沒黑就下班了,這種事情是很少在我身上出現的 既然命運讓我早下班,還要在荃灣,如果我不去幹一些讓自己開心的事就對不起上天作出這種安排的好意了~ 容易滿足的我,覺得吃就是人生最高享受了,就去家好店吃頓早來的晚飯吧 問明了路,就往沙咀道出發,往左一轉,往右一拐,前走! 。。。 到了。。。沒迷路,人品不錯~ 嘿嘿~~~ 【正宗山西刀削麵皇】的招牌順利的出現在眼前 時間尚早,空位還有不少,就讓我隨便坐了,那我就不客氣了~ 坐好,把隨身東西放好,餐牌轉眼就送到面前了。 讓我看看啊~ 把刀削麵3個字冠在食店的名字上,看來他們對這道菜很有信心嘛,但不好意思了,雖然我是非常地喜歡吃麵,但對刀削麵的印象還是很一般的,不是說不喜歡,沒什麼興趣就是了,記得之前上openrice,【醉雞】這道菜可是有食友們推介的,就以這道菜作為今天晚飯的主題吧 看看啊,一道醉雞。。。如果再加一道主食就好像太多了點。。。有沒有跟醉雞配套的飯餐呢~~~ 嗯,就要一客【花雕醉雞菜飯】, 跟餐加8元要杯【凍檸樂】吧 醉雞要醃得好吃可是不可以馬虎的,用的酒當然是要先調味了,調料配方每家店的都不一樣,鹽,糖,醋,醬油,蔥,薑,蒜,味精什麼我們想到的跟想不到的都可能被加進去調味,這就是料酒了。醃的時間每家也不一樣,這樣才能弄出自己的風格來,一道菜改變一家店的命運可不是開玩笑的啊。雖然刀削麵才是這家店的靈魂,但既然有不少食友推介這道菜,我可是滿心期待的啊 醉雞是事先準備的,果然是最先上桌的菜~ 看起來不錯嘛,用的是雞上腿跟雞翅呢,肉厚厚的,骨頭顏色是帶紅的,看就知道嫩嫩的,一看就有食慾~ 聞聞看。。。沒什麼調料味,讓我喝一點那些酒吧。。。。。。居然完全沒有調料味,就只有酒的味道,不擔心雞會苦會沒味道嗎? 看來我的擔心是多餘的,我吃一口就知道了。。。這根本就是一碟【白切雞】,在拿過來之前倒一點酒上去,就是我眼前的東西了 雞跟我想的一樣,肉是嫩的,但完全沒有白切雞之外的味道,碰到酒的部位就有酒味,沒碰到的就淡而無味,什麼跟什麼嘛!!!不知所謂的一道菜!!! 把它當做冷的白切雞吃也嫌它沒有味道!!!我要不要跟他們要點薑蔥熟油呢? 在嘗這道雞的時候突然感到點怪怪的感覺。。。感覺有個人坐在我的旁邊。。。他大大方方的把大腿張開對著我,就在我旁邊大概一米左右的地方。。。我抬頭一看。。。是一位金髮青年。。。是這裡的其中一個侍應生。。。我無語了。。。 幸好他坐一會就坐到其他地方去了,要不然。。。。。。我不知道 菜飯上桌了,雞是淡而無味的,飯不用說也知道,總不能吃一頓沒味道的飯吧 先吃一口吧,一口也沒嘗過就加調味料是對廚師的不尊重。。。好了,可以加了。。。加點醋吧,我經驗多了,怎樣難吃的炒飯(或者有料飯),就加點醋,就會變得好吃多了。。。 呵呵,我一邊吃,又看見侍應們在通道那邊抱著玩了,一個從後抱著另一個,還玩到地上去,真是歡樂的一家店呢~ 敬業樂業的,真令人佩服啊~ 吃著吃著,好像怪怪的。。。啊,我的【凍檸樂】呢?讓我提醒下他們吧~ 我繼續吃,沒多久我叫的飲料就到了。。。怎麼好像有點不對(⊙_⊙?)。。。這不是凍檸樂,是一罐可樂,旁邊放一杯檸檬加冰吧。。。。。。意思就是要我自己把這罐可樂打開,然後按自己的喜好加進去,然後插插插插插插插,想我插到什麼時候才有一杯凍檸樂喝呀!!! 我真的。。。。。。很佩服這家店的隨性(我非常明白如果我在一家西餐廳點一杯可樂,他們這樣子奉客,是非常貼心的做法。。。) 啊,對了,在我享受著這頓精彩晚飯的時候,有3位好像剛放學的女學生走了進來,就坐在我旁邊的桌,小女生嘛,有時候吃不了很多東西的,點太多東西會浪費嘛,點一些菜share著吃很正常的,但又讓我發現到,原來這裡是設有最低收費的,25元一位,算是可以接受吧。 吃完了,整體味道其實一點都不難吃的,就是沒什麼好吃而已嘛,吃一頓飯可以看到這麼多事情,為我帶來這麼多的娛樂,才53元而已嘛,值得值得,還真是難忘,大開眼界呢~~~ 早知道我就叫碗【刀削麵】嘗嘗,那我就不用多來一次了。。。 (說真的,我把這家店批評成這個樣子,如果他們看了我這篇食評,又記得我長什麼樣子,會不會把我列入黑名單,或者對我 ''另眼相看'' 呢 啊,有壓力了,哈哈哈哈)
評分: 味道 1 環境 3 服務 1 衛生 3 抵食 2
|