由underground搬左上地面既Underground Rise第一次嚟食lunch 慢煮雞胸海凱撒沙律 ： 雞胸好嫩好香胡椒味， 好食 牛肝菌黑松露意粉， 意粉質地好有咬口， 牛肝菌好多香， 加埋黑松露又唔會話好漏， 岩岩好 招牌黑啤肉醬熱狗配薯角 ： 個包好香脆，好有美式熱狗果重包味， 同普通出面食既係有啲唔同， 同埋咬落係有陣啤酒香， 好好食 唔記得左名既Pizza, : 薄底香脆， 啖啖芝士香， 都唔錯 Dirty : 暫時係我飲過好最飲既Dirty之一 Mocha : 同事話咖啡同朱古力味剛剛好 basque burnt cheesecake : 朋友個個都讚好食 tiramisu : 都好唔錯， 最重要有dressing, 好食之餘又賞心悅目 整體係好滿意， 所有熱食飲品即叫即整， 熱辣辣， 最重要無晒煙味🤣🤣 一定會再嚟

未有Everglow之前， 上水係一間有質素既Cafe都無。。。。環境舒適， 可惜位置唔多， 之後幾次想去食都因為太多人而改道 嚟呢到食野大約係兩個月前， 難得約朋友嚟上水聚下， 就諗起唯一呢間Cafe, 朋友都讚口不絕 Avocado Smoked Salmon sourdough 香脆Fresh, 呢個係perfect match...好好食 Beef sourdough - 好香， 份量好夠。。。 Black Latte - 即係黑芝麻Latte, 出面少有既味道至愛 Flat White - 朋友點既， 佢係FW fans, 係香港飲過幾十間Cafe都未飲到佢係澳洲時飲過既口味， 呢到佢搵到喇。。。

公司附近有間日式外賣， 主打靚魚生拖羅， 睇到相片質素好吸引， 於是order外送到公司慢慢歎， 店員好好， 好nice, 有問必答 最後豪一豪叫左拖羅丼 拖羅丼是3大拖，3片中拖$298， +$18跟湯同前菜， 另想食埋海膽就加左一份$30蚊 送到嚟真心嘩左一聲， 份拖羅好靚， 油脂好豐潤，入口溶化，個陣油脂香味係個口到浪左大半日， 好鬼回味， 海膽味唔算好濃郁，但厚身， 口感一流，加餐湯同前菜一啲都唔馬虎， 湯有加蜆一齊煲， 沙律菜夠新鮮，絕對值得再encore

爐端燒越開越多間，今晚就試下御家，店子細細坐得都幾舒服夠casual 先點雞泡魚干，熱辣辣咬落軟綿綿，對版 燒粟米，無味既 燒雞翼外面脆，但略嫌肉質太乾 酥炸魔鬼魚，香脆可口，唔錯喎 燒牛舌，厚度適中，好香口，又juicy 翻點了多一客 燒年糕，熱辣辣，外脆內軟綿綿，啖啖芝士香 燒秋刀魚，正常 燒雞皮，好鬼😈😈，香脆又唔太膩 燒鰻魚 豆腐沙律清下啲油膩，好fresh 燒牛肉飯(安格斯同韓牛)，略嫌有啲un...牛味唔夠特出 燒雞胃，正常野 燒物尚有進步空間，可以加入多點特式燒物

最近大埔最有人氣就係木船， 好多網友都推介， 仲話一定要book位， walkin有排等呀～ 於是同朋友嚟潮聖下 book左台都大概等左15分鐘先有位入 裝修以木為主， 望落簡潔舒服， 但台與台之間空間比較窄， 會有小小迫， 但可以接受 食物類別都幾多， 店員都幾nice, order左 先嚟特飲兩大杯 朱古力似乎有啲膩 芒果沙冰好fresh好creamy, 配埋糯米糍， 爆谷同鮮芒果， 望到都流晒口水 串燒牛有啲un又無咩味， 串燒豬就好香好軟林林 冬陰功湯， 呢個好推介， 因為好好飲， 酸酸辣辣仲勁有香矛味， 又足料(兩隻大蝦， 紫洋蔥， 蘑菇。。。等) 不得了原隻菠蘿炒飯， 勁多肉鬆， 仲有燒菠蘿， 粒粒飯都炒得夠乾身 海鮮沙律， 份量夠， 但海鮮就無咩味， 都係靠啲汁同配菜搭夠 總括食得過， 價錢又公道。。。仲有好多其他野想試

元朗yoho夠大又多食肆又好行， 已經成為新地標 今日一家大細嚟行下食個lunch, 邊行邊睇， 去到Mango Tree, 見唔洗等位就攞飛仔入座， 環境好大好舒服， 每台之間都有充分空間唔會塞到滿晒密麻麻驚一伸手都會整到隔離台， 實在小有， 另有bb椅， 帶住小朋友都方便 打開餐牌， 點左 牛肉牛丸河 ： 湯底好濃味， 有牛丸牛肉塊同牛肉薄片， 幼身河粉。。。正常味道， 可能個湯太濃， 反而覺得食唔到牛味 冬蔭功雞翼， 以為會好辣， 又唔係喎， 外面薄皮脆卜卜， 雞肉寄會乾柴柴， 唔錯 豬肉撈面， 阿女話好好味 豬肉串上既醬汁好味， 肉質好林 燒牛肉沙律， 比想像辣， 好醒胃， 燒牛肉有啲老同un 整體都太差， 最緊要坐得舒服， 服務就一般啦， 唔係殷勤果隻， 但接受既

入到大圍想食泰菜， 朋友推介， 因為walkin無book位， 見到門口都坐晒人以為無位， 點知裡面咁岩有last一台， 即刻安排入坐 餐廳環境較迫， 櫈背對櫈背， 坐得唔太舒服 好在食物質素搭夠 泰式生蝦， 肉質比較冧， 唔係我杯茶 酸辣鳳爪 份量夠， 鳳爪爽口， 個汁酸辣到崗好 柚子沙律 一般 馬拉盞炒???原本係芥蘭， 店員入錯單， 我地照要， 其實呢種菜好好食， 馬拉盞炒落咸咸香香咁 雞肉生菜包走辣 份菜新鮮又夠大份， 雞肉炒都好香 海南雞飯： 雞件有啲鞋口， 個油飯亦唔夠油香， 麻麻地 青檸梳打 整體份量又抵食， 味道就有待改進

嚟食過幾次， 次次都係單拖， 因為快有位唔洗等 之前食過海瞻丼， 真係回味到不得了， 跟著就想食鰻魚丼， 嚟過兩次都賣晒， 今次係等開門， 唔會無掛。。。 一坐底二話不說， 鰻魚丼唔該 先嚟一杯暖茶， 冷盤小吃同面豉湯 個湯比出面一般用粉開既唔同， 材料亦較多， 飲落去夠味真材實料 重點嚟喇， 不得了， 爆滿既鰻魚， 熱辣辣又香又厚又juicy, 真係好好味。。。即叫即燒 其實好想帶屋企人嚟試， 但鋪頭長期要等位， 唔知會唔會開分店分散一下人流呢

睇yoho mall睇完戲6點令， 緊係搵食先啦， 其實都食過幾間餐廳， 純未試過， 又貪佢有bb櫈， 所以揀， 先取飛， 都要等廿幾張（其間都有去另外餐廳攞位， 都係要等）， 所以最後都決定純壽司， 足足等左1.5hrs, 但用餐只1hr都唔洗。。。 食物賣相質素大致上同板長差唔多 沙律反而出色， 夠fresh 呢個配搭好特別， 但唔係話好味 正常， 紫菜都脆口 壽司正常無特別 總括不過不失，要等1.5hrs去食一餐咁普通既日本餐， 下次都係咪攪

同家人， 朋友都嚟食過，雖然店子細細， 但店員招呼周到 居油屋以串燒主打， 款式未算好多， 希望以後可以增加多啲唔同類型串燒 基本上所有串燒都有水準， 唔會燒到乾晒柴， 仲可以保留到原材料既味道， cfu燒功很讚 燒秋葵， 即刻好健康 燒銀雪魚， 好香好juicy 燒茄子田螺， 個名有啲怪， 但食落好味喎， 茄子係好難燒， 呢個岩岩好， 入口唔會有未熟既感覺， 咬落去又香又多汁 燒粟米， 正常 燒雞翼 另外烏冬都正， 同出面普通用粗圓身既唔同， 呢種係幼扁身， 食落口感又滑又煙un 蟹籽沙律， 似乎日本野必食